ياريت حد من المحاسبين يفهمنى

[o.boshra]

ياباشا الف شكر على اهتمامك بس انا بكلمك بمثالآ واضح و بالارقام ياريت تقولى فين الغلط فيه انا قولت :
انا هحط 100 الف جنيه فى البنك بفائدة 9 % لمدة 5 سنين
هاخد قرض 90 الف بفائدة 7.5 % على 5 سنين بردو
هدفع ال 90 الف دول = 90 * 5 سنين * 7.5 % = 123.750
يعنى كل شهرهدفع 2062 جنيه
بعد 44 شهر هاكون سددت ال 90 الف جنيه كلهم (حوالى 4سنين الا ربع) وهكون لسه مسددتش حاجة من فوائد القرض اللى هى 33 الف جنيه تقريبا
و فى نفس الوقت الوديعة هتكون عملت ارباح 33 الف جنيه ( دا بفرض كمان انى بسحب الفلوس مش بسبها)
ممكن ساعتها اسدد المتبقى عليا كاش و اكون مخسرتش حاجه خالص او اسدد ال 33 الف دول بالتقسيط اللى هما ال 2062 على ال 14 شهر اللى باقيين لا و كمان هاخد فوايد الوديعة
فين باءه الفخ؟؟؟

من غير ما تتعب نفسك البنك اللى بيديك فايده الوديعه لو مشى معاك بنفس مبدا القرض المفروض حاجتين:
1 انت بتسدد الفوائد + جزء من القرض ولكن الوديعه سداد للفوائد مع الاحتفاظ بقيمه القرض لديه ولو عايز تعرف اللعبه جرب تفك الوديعه قبل ميعادها و شوف هيخصم كام من اصل الوديعه

2 لو هو طبق مبدا الفائده المتناقصه بيبدا مثلا من 14% على اصل المبلغ فى اول سنه ثم يقل تدريجيا لانك بتسدد جزء شهريا من اصل القرض فى حين ان مبلغ الوديعه يحتفظ به طوال الفتره .

3- وده الاهم احسب انت هتحصل كام من الفوائد فقط وهتدفع كام يعنى انت فى خلال ال 3 شهور تقريبا لو المبلغ 100000 الوديعه و 90000 القرض

الفوائد 2250 جنيها خلال 3 شهور و الاقساط اللى هتسددها 6187.5 فى فرق كبير هنا بين الاثنين احسبها لغايه الاخر يبقى هو اخد منك 3937.5 فرق بين الاثنين فى خلال ال 3 شهور يبقى انت فلوسك موجوده هناك البنك مشغلها بمعرفته و متقدرش تاخدها و عليك التزام شهرى بفرق كبير .
اتمنى ان الصوره تكون قربت شويه.


احسن حاجه لو نويت ادفع اللى معاك مقدم ولو عرفت تاخد قرض شخصى يكفى انه ستكون انت المالك بعيدا عن هذا الفخ