نداء الى كل من يعمل بالبورصة .... مش عايز تفكر شوية ؟

[ahmed4000]

يبقى أي كلام عن فساد أو انحرافات مش مهم قد ما كانت اسباب الخساره فردية أو شخصية ..
صحيح القرارات الحكومية ليها تأثير كبير و الانهيارات العالمية و الميكر و التكتيم على الأخبار و حاجات كتير تاني بس الأساس أنا مش حد تاني

100%%%%%%
انت كده ماشى على الطريق الصح
وكل متستثمر وقت اكتر فى التعلم وتسيطر على عواطفك كل محتلاقى عائد كويس فى المستقبل باذن الله

[amir]

وانا اسعد
بس على فكرة انا فى اى مناقشة فى النواحى الاقتصادية الناس بتبقى متاكدة تماما انى حزب وطنى او شغال فى الحكومىة مش عارف ازاى رغم ان المخابرات بذلت مجهود كبير علشان تقدر تزرعنى فى وسط المجتمع المصرى

انا مش مختلف ان شهادات الايداع او المؤشر بياثر على الاسهم الكبيرة


السؤال

لو اثرت سلبا على الاسهم الكبيرة


حضرتك بتبيع الاسهم الصغيرة الللى ملهاش علاقة بالاسهم الكبيرة ليه؟


متقوليش الاسعار بتنزل؟ لان الاسعار عمرها محتتزحزح قرش واحد الا لو الناس باعت؟

فلو الناس باعت يبقى الاسعار حتنزل ويبقوا ميلموش حد الا نفسهم

ماجد ولا غير ماحد حيعملهم ايه؟ حيقولهم متبعوش؟

طيب مكل العالم فيه شهادات ايداع؟ وفى كل الاسواق لندن ممكن تكون بتفتح قبليهم

وكل العالم فيه اريبتراج

اشمعنى احنا اللى الاية مقلوبة عندنا


طيب انت رئيس البورصة؟ تقدر تلغى شهادات الايداع؟ متقدرش لمليون سبب

- اولا تبقى ضيعت السوق وخسفت بسمعته الارض كانك بتأمم الاسهم
- القانون هو اللى سامح بشهادات الايداع يعنى مش حاجة محرمة وبالتالى متقدرش تلغيها
-طيب نغير القانون...حقولك لازم الوزير هو اللى يغيره لان دى مش سلطة البورصة

على فكرة دايما بقول فى حالة الجدال على المؤشر وشهادات الايداع خلينا نعمل تجربة علمية
وانت دكتور وفاهم

لو فى فى ظاهرة عايز تشوف هى مؤثرة ولا لا...ببساطة شيل العامل اللى انت شايفه مؤثر...لو فضلت الظاهرة زى مهى يبقى العامل "مش مؤثر"

طيب ايه علاقة ده بالمؤشر وشهادات الايداع

بسيطة...انتوا بتقول ان الشهادات والمؤشر هما سبب نزول السوق

يبقى لو شلناهم وفضل السوق نازل يبقى ملهمش اى تأثير

ولاننا مش حنقدر نشلهم علشان نجرب يبقى الاسهل نجيب بورصات تانية معندهمش مؤشر ولا شهادات

ويكون قريب مننا


واقوى سوقين هما السعودية والامارات

الاتنين لا عندهم مؤشر "غلط" ولا عندهم شهادات ايداع...وبالتالى المفروض يبقوا احسن مننا

لو بصيت عليهم حتلاقينا زيهم او احسن منهم وبالارقام


والدليل على كده اراهن ان رئيس البورصة الجديد ولا حيغير حاجة من الوضع الحالى


والله هدفى كله ان الناس تركز فى المضمون وتحاول تبذل مجهود فى انها تتعلم صح ولو لقت ساعتها الموضوع برده مش نافع يبقى تسيب البورصة المصرية وتدخل اى سوق تانى شايفينه كويس من ناحيتهم...وده سهل ومن بيتك وعلى الانترنت لان مفيش حد راميك على المر :)

كلام كبير هرد عليه بعد بكره ان شاء الله لما ابقي ارجع

[MaZaGAngeE]

لما بدخل سهم و يقع سعره بحوله اوتوماتيك من سهم للمضاربة او الاستثمار القصير الى استثمار طويل الاجل و بنزل متوسطات الاسعار للسهم على مدى زمني طويل و ده رغم انه بيحبس الفلوس و بيأخر مكاسب كان ممكن اخدها لو بعت بخسارة و دخلت في سهم تاني . لكني مؤمن بالدوره الزمنية للأسعار و بعدم البيع بخساره لأ انا اقلل متوسط السهم و أزود كميته عندي بس لازم ادرس سلوك السهم خلال عمره في السوق و خسائري في السوق غير محققة يعني خسران من قيمة السهم مش خسران فلوس و ربنا يسهل و اقدر اقلل المتوسطات لحد ما تتحول لأرباح على مدى متوسط لطويل

[ahmed4000]

لما بدخل سهم و يقع سعره بحوله اوتوماتيك من سهم للمضاربة او الاستثمار القصير الى استثمار طويل الاجل و بنزل متوسطات الاسعار للسهم على مدى زمني طويل و ده رغم انه بيحبس الفلوس و بيأخر مكاسب كان ممكن اخدها لو بعت بخسارة و دخلت في سهم تاني . لكني مؤمن بالدوره الزمنية للأسعار و بعدم البيع بخساره لأ انا اقلل متوسط السهم و أزود كميته عندي بس لازم ادرس سلوك السهم خلال عمره في السوق و خسائري في السوق غير محققة يعني خسران من قيمة السهم مش خسران فلوس و ربنا يسهل و اقدر اقلل المتوسطات لحد ما تتحول لأرباح على مدى متوسط لطويل

من أهم قواعد التداول الا تحتفظ بمراكز خسرانة مهما كان السبب
يعنى اسهم خسرانة ابعها طالما انها داخلة فى اتجاه هبوطى وفلوسى تبقى فى جيبى لغاية لما الاقى سهم تانى او نفس السهم بيطلع وابقى اشترى (خلى بالك ان السهم لو نزل 50% محتاج يطلع 100% علشان يرجع نفس مستواه اذن النزول سهل لكن الطلوع بياخد وقت اطول)

لكن لا احبس الفلوس ولا افضل مستنى طلوع وطبيعى ولا عمرى حشترى حاجة تانية (ازاى حاجة خسرانة واشتريها)

يعنى بالارقام السعر 100 جنيه نزل 80 جنيه وعندى مؤشرات ان الهبوط خيستمر يبقى ابيع واخد 80 جنيه فى ايدى

نزل السهم شوية او شويتين وبقى ب40 جنيه وطلع اشارات صعود ابدا اشترى فبدل مشترى سهم واحد حقدر اشترى سهمين وبالتالى لو طلع ل80 جنيه تانى حبقى كسبان من رأسمالى الاساسى 60%

لكن لو فضلت محتفظ بالسهم وطلع تانى ل80 جنيه حتبقى لسه خسران 20% من رأسمالك الاساسى (ال100 جنيه)

ولو اشتريت اكتر حتبقى بتخسر اكتر يعنى اشتريت ب100 وبعدين اشتريت ب80 وبعدين اشتريت ب60 وبعدين اشتريت ب40 يبقى المتوسط كام 70 جنيه وبالتالى لما السهم يطلع تانى ل80 جنيه حتبقى كسبان فقط 15%

اذن المتوسط مش حيحققلك حاجة بالعكس فى اسهم ممكن تقعد سنتين تلاتة ماشية بالعرض ومتطلعش تانى طيب ليه احبس الفلوس طيب ماكيد حتظهر مليون فرصة تانية فى اسهم تانية...وحتى لو مظهرتش تبقى فلوسي فى جيبى


للاسف المتوسطات فكرة بيحاولوا يضحكوا بيها على المستثمرين فى مصر علشان يخلوهم يفضلوا يشتروا ويشتروا والسوق نازل وبالتالى العمولات تبقى شغالة

[hesham_tawfiq]

وفيه قاعد اتقالتلى برضه ان اللى يخش البورصه لازم يكون محدد السعر اللى هو عاوز يبيع عنده مسبقا لو السوق طالع يعنى ميطمعش ويستنى سعر اعلى

[زينة الله]

و الله هدفى كله ان الناس تركز فى المضمون وتحاول تبذل مجهود فى انها تتعلم صح ولو لقت ساعتها الموضوع برده مش نافع يبقى تسيب البورصة المصرية وتدخل اى سوق تانى شايفينه كويس من ناحيتهم...وده سهل ومن بيتك وعلى الانترنت لان مفيش حد راميك على المر :)

من فضلك يا أستاذ أحمد ممكن تفهمنى طبيعة شهادات الايداع و المؤشر و الميكرز وطريقة عملهم
ولما فيه برصات أخرى لا تعتمد عليهم امال بيعتمدوا على ايه ؟ بيع وشراء الاسهم مثلا
ولك جزيل الشكر

[ahmed4000]

من فضلك يا أستاذ أحمد ممكن تفهمنى طبيعة شهادات الايداع و المؤشر و الميكرز وطريقة عملهم
ولما فيه برصات أخرى لا تعتمد عليهم امال بيعتمدوا على ايه ؟ بيع وشراء الاسهم مثلا
ولك جزيل الشكر

ده كل موضوع لوحده مواال كبير

شهادات الايداع: معناها اسهم لشركات مصرية "موبينيل" مثلا لكن بتباع وتشترى فى بورصة لندن وفى الوقت ده تسمى شهادة ايداع دولية وليس سهم، لكنها فى النهاية تعتبر سهم بالظبط

المؤشر: دى حاجة بتستخدم علشان تقيس أداء السوق ككل فى المتوسط، يعنى بنسمع السوق طالع او نازل فطبيعى مش كل الاسهم طالعة او نازلة لكن المؤشر بيجمع حركة السوق ككل ويقول السوق طالع 1% او نازل 1% وهكذا

الميكرز: دول ناس معاهم مبالغ كبير جدا وبيقدروا يتحكموا فى السهم طلوع ونزول، يعنى يقعدوا يشتروا فى السهم علشان يرفعوه وبعدين لما سعره يرتفه يرجعوا يبيعوا كل اللى اشتروه، او العكس يقعدوا يبيعوا فى لااسهم علشان سعرها ينزل وبعدين يرجعوا يشتروها.

ودول موجودين فى اى بورصة فى العالم باستثناء شهادات الايداع مش كل الدول عاملة شهادات ايداع (تقريبا مصر هى الدولة العربية الوحيدة اللى عندها شهادات ايداع بره) لكن المؤشر طبيعى اى سوق يعمل مؤشر لقياس ادائه وممكن اكتر من مؤشر كمان لنفس السوق او مؤشر واحد لاكتر من سوق (مثلا مؤشر لقياس اداء الاسواق العربية ككل)

الميكرز برده موجودين فى اى حتة فى العالم بس البورصة لازم تراقب عليهم وتمنع تلاعبهم فى السوق

ده شرح بسيط فى الموضوع لكن ممكن نتوسع اكتر فى كل نقطة لو الناس عايزة تعرف

[amir]

لأن المؤشر بيعبر عن اتجاه السوق بوجه عام[/color]
و لما المؤشر بيطلع بيكون ليه تأثير ايجابي علي الاسهم
و العكس بالعكس
و لو انا و انت و مبعناش لما المؤشر بينزل يبقي هنحمي راس المال ازاي؟
المؤشر بيجبرك علي احترامه لأنه بيعتبر مايسترو السوق و من هنا بتكمن اهميته القصوي
متقوليش الاسعار بتنزل؟ لان الاسعار عمرها محتتزحزح قرش واحد الا لو الناس باعت؟
فلو الناس باعت يبقى الاسعار حتنزل ويبقوا ميلموش حد الا نفسهم

طيب في قاعده اساسيه في السوق انك متحاولش تعاكس اتجاه السوق لأنك مش بتمشي السوق علي هواك
ماجد ولا غير ماحد حيعملهم ايه؟ حيقولهم متبعوش؟

ماهو ماجد بيك عارف المهزله بتاعت المؤشر
ازاي تخلي مؤشر بورصتك الرئيسي لعبه هشه في يد الاجانب و حط تحت الكلمه دي الف مليون خط

طيب مكل العالم فيه شهادات ايداع؟ وفى كل الاسواق لندن ممكن تكون بتفتح قبليهم

انت دلوقتي بتخالف توقيعك
لما يبقي في شهادات ايداع علي اسهم مؤشرك الرئيسي في بورصه اجنبيه
و توقيت العمل مختلف
و لهم مميزات في التعامل عن المتعاملين في بلدك
و مش من حقك انك تبيع و تشتري في الاسهم المدرجه عندهم لكن هما عندهم الامكانيه دي
يبقي الكلام ده اسمه ايه؟!!
وكل العالم فيه اريبتراج
اشمعنى احنا اللى الاية مقلوبة عندنا

كل العالم زي مين يا ابو حميد
الاربيتراج ده عامل سلبي في اي سوق
يبقي لما يتواجد في السوق بمباركه رئيس البورصه
يبقي اسمه ايه ده
طيب انت رئيس البورصة؟ تقدر تلغى شهادات الايداع؟ متقدرش لمليون سبب

- اولا تبقى ضيعت السوق وخسفت بسمعته الارض كانك بتأمم الاسهم
- القانون هو اللى سامح بشهادات الايداع يعنى مش حاجة محرمة وبالتالى متقدرش تلغيها
-طيب نغير القانون...حقولك لازم الوزير هو اللى يغيره لان دى مش سلطة البورصة

متزعلش نفسك
لو انا رئيس البورصه و مش عايز الغي شهادات الايداع يبقي اساوي بين قوانين التعامل ما بين هنا و هناك و انظم اليات التداول بما لا يسمح بالتلاعبات
مش افتح بيتي و خزايني لكل من هب و دب و الوم اهل البيت علي الشكوي

على فكرة دايما بقول فى حالة الجدال على المؤشر وشهادات الايداع خلينا نعمل تجربة علمية
وانت دكتور وفاهم
لو فى فى ظاهرة عايز تشوف هى مؤثرة ولا لا...ببساطة شيل العامل اللى انت شايفه مؤثر...لو فضلت الظاهرة زى مهى يبقى العامل "مش مؤثر"
طيب ايه علاقة ده بالمؤشر وشهادات الايداع
بسيطة...انتوا بتقول ان الشهادات والمؤشر هما سبب نزول السوق
يبقى لو شلناهم وفضل السوق نازل يبقى ملهمش اى تأثير
ولاننا مش حنقدر نشلهم علشان نجرب يبقى الاسهل نجيب بورصات تانية معندهمش مؤشر ولا شهادات
ويكون قريب مننا
اولا علشان اعرف تأثير عامل من العوامل علي شيء ما يبقي لازم اثبت باقي المتغيرات الاول و بعد كده اغير العامل تحت الاختبار
و ده مش بالبساطه ولا السهوله انه يتعمل في البورصه
بس لما انت بورصه ناشئه و لسه بتحاول توصل
بدل ما تظبط قوانينك و اليات تعاملك و تحسن من سوقك تروح تجري علي الاجانب و تفتح بيتك ليهم بلا ظابط او رابط؟
مش اولي الاول كده ولا نعمل زي بورصه النيل اللي تم تشغيلها و حاليا بتعاني من نفس مشاكل البورصه الرئيسيه
بصراحه مش فاهم الناس دي بتفكر ازاي!!!
واقوى سوقين هما السعودية والامارات
الاتنين لا عندهم مؤشر "غلط" ولا عندهم شهادات ايداع...وبالتالى المفروض يبقوا احسن مننا
لو بصيت عليهم حتلاقينا زيهم او احسن منهم وبالارقام
مين قال كده بس
السوق السعودي كان عباره عن مطحنه من المضاربات الرهيبه و حاليا رجع زي اي سوق تاني لاسعاره الحقيقيه و بالنسبه لسوق دبي معرفش حاجه عنه
بس ايه اللي مخليهم المفروض يبقو احسن مننا
هل اقتصادنا بضخامته و تعدد انشطته اقتصاد هش؟!!
مظنش اطلاقا

والدليل على كده اراهن ان رئيس البورصة الجديد ولا حيغير حاجة من الوضع الحالى
غلط يا ابو حميد غلط
انت عايز تراهن ان لو البورصه نزلت برئيسها الجديد يبقي ماجد براءه
طيب
اللي خربه ماجد كتير قوي قوي و محتاج كتييير علشان يتحسن و يكفي مدعاه للتفائل ان اول تصريح ليه بيطمن فيه الناس و المتعاملين
شوف ماجد بيك قبل ما يتشال بكام يوم صرح بأيه
الباشا مكنش عايزك لا انت و لا انا ولا باقي الافراد في السوق
شايف جنون العظمه و العنطزيه و التكبر وصلو بيه لأيه
محدش عرف بسلامته اني انا و انت و باقي الافراد اساس مرتبه و اكل عيشه!!!
يبقي اولي بيه انه يشوف مصالحنا و يراعي ربنا فينا
و مكنش ده اللي بيحصل
ده كان بيتشدق في الصحف ان السوق فيه جيمات و تلاعبات و هو بنفسه ساهم بصور متعدده في كده و كان البطل الوحيد لجيم الحديد و الصلب المصريه و ده غير باقي التصرفات و التصريحات المريبه
يبقي الهدف ان ماجد بيك اتشال الحمد لله و الراجل الجديد ابدي احترامه للناس و عدم الاقدام علي افعال تهز ثقه الناس و تبث الرعب و الهلع في السوق و ان شاء الله يسمع مقترحات و شكاوي الناس و يعمل اللي فيه الصالح للسوق
يبقي نديله فرصه لأثبات النويايا الطيبه
بدل ما كان ماجد بيك بمساوئه كلها كان مفروض علينا فرض و كنا بنشد في شعرنا منه

والله هدفى كله ان الناس تركز فى المضمون وتحاول تبذل مجهود فى انها تتعلم صح ولو لقت ساعتها الموضوع برده مش نافع يبقى تسيب البورصة المصرية وتدخل اى سوق تانى شايفينه كويس من ناحيتهم...وده سهل ومن بيتك وعلى الانترنت لان مفيش حد راميك على المر :)
اديك بتقول اهوه
سوقنا مكنش مضمون نهائي بقاله كتير بسبب شخص واحد تحدي الجميع بعناد طفولي و ذكاء لا يحسد عليه في اتخاذ القرارات و التصريحات
و ليه اسيب سوق بلدي و اتجه لاسواق تانيه و شركات معرفش نشاطها ايه و هل حلال او حرام و غيره و غيره
سوقنا بأذن الله يتحسن و يعم الخير علينا كلنا

ادي الرد و ربنا يكرمنا جميعا

[MaZaGAngeE]

من أهم قواعد التداول الا تحتفظ بمراكز خسرانة مهما كان السبب
يعنى اسهم خسرانة ابعها طالما انها داخلة فى اتجاه هبوطى وفلوسى تبقى فى جيبى لغاية لما الاقى سهم تانى او نفس السهم بيطلع وابقى اشترى (خلى بالك ان السهم لو نزل 50% محتاج يطلع 100% علشان يرجع نفس مستواه اذن النزول سهل لكن الطلوع بياخد وقت اطول)

لكن لا احبس الفلوس ولا افضل مستنى طلوع وطبيعى ولا عمرى حشترى حاجة تانية (ازاى حاجة خسرانة واشتريها)

يعنى بالارقام السعر 100 جنيه نزل 80 جنيه وعندى مؤشرات ان الهبوط خيستمر يبقى ابيع واخد 80 جنيه فى ايدى

نزل السهم شوية او شويتين وبقى ب40 جنيه وطلع اشارات صعود ابدا اشترى فبدل مشترى سهم واحد حقدر اشترى سهمين وبالتالى لو طلع ل80 جنيه تانى حبقى كسبان من رأسمالى الاساسى 60%

لكن لو فضلت محتفظ بالسهم وطلع تانى ل80 جنيه حتبقى لسه خسران 20% من رأسمالك الاساسى (ال100 جنيه)

ولو اشتريت اكتر حتبقى بتخسر اكتر يعنى اشتريت ب100 وبعدين اشتريت ب80 وبعدين اشتريت ب60 وبعدين اشتريت ب40 يبقى المتوسط كام 70 جنيه وبالتالى لما السهم يطلع تانى ل80 جنيه حتبقى كسبان فقط 15%

اذن المتوسط مش حيحققلك حاجة بالعكس فى اسهم ممكن تقعد سنتين تلاتة ماشية بالعرض ومتطلعش تانى طيب ليه احبس الفلوس طيب ماكيد حتظهر مليون فرصة تانية فى اسهم تانية...وحتى لو مظهرتش تبقى فلوسي فى جيبى


للاسف المتوسطات فكرة بيحاولوا يضحكوا بيها على المستثمرين فى مصر علشان يخلوهم يفضلوا يشتروا ويشتروا والسوق نازل وبالتالى العمولات تبقى شغالة

ممكن يكون رأيك صحيح بس انا صعبان عليا ابيع اسهم خسرانة بسبب السوق العالمي مش بسبب السهم نفسه
عموما انا بجرب الطريقة دي يمكن توصلني لحاجة

[زينة الله]

شكرا جزيلا للتوضيح بس كان ليه شويت استفسارات

ده كل موضوع لوحده مواال كبير

شهادات الايداع: معناها اسهم لشركات مصرية "موبينيل" مثلا لكن بتباع وتشترى فى بورصة لندن وفى الوقت ده تسمى شهادة ايداع دولية وليس سهم، لكنها فى النهاية تعتبر سهم بالظبط

معنى كدا انها اسم خاضعة لقاونين بورصة لندن أم المقصود شراء الاجانب لهذه الاسهم طيب ماهو ممكن الاجانب يشتروها من البورصة المصرية؟؟؟

المؤشر: دى حاجة بتستخدم علشان تقيس أداء السوق ككل فى المتوسط، يعنى بنسمع السوق طالع او نازل فطبيعى مش كل الاسهم طالعة او نازلة لكن المؤشر بيجمع حركة السوق ككل ويقول السوق طالع 1% او نازل 1% وهكذا
معنى كده أن كل البورصات ليها مؤشر ؟؟؟

الميكرز: دول ناس معاهم مبالغ كبير جدا وبيقدروا يتحكموا فى السهم طلوع ونزول، يعنى يقعدوا يشتروا فى السهم علشان يرفعوه وبعدين لما سعره يرتفه يرجعوا يبيعوا كل اللى اشتروه، او العكس يقعدوا يبيعوا فى لااسهم علشان سعرها ينزل وبعدين يرجعوا يشتروها.

ودول موجودين فى اى بورصة فى العالم باستثناء شهادات الايداع مش كل الدول عاملة شهادات ايداع (تقريبا مصر هى الدولة العربية الوحيدة اللى عندها شهادات ايداع بره) لكن المؤشر طبيعى اى سوق يعمل مؤشر لقياس ادائه وممكن اكتر من مؤشر كمان لنفس السوق او مؤشر واحد لاكتر من سوق (مثلا مؤشر لقياس اداء الاسواق العربية ككل)

الميكرز برده موجودين فى اى حتة فى العالم بس البورصة لازم تراقب عليهم وتمنع تلاعبهم فى السوق

ده شرح بسيط فى الموضوع لكن ممكن نتوسع اكتر فى كل نقطة لو الناس عايزة تعرف

[ahmed4000]

ادي الرد و ربنا يكرمنا جميعا

ربنا يسهل وادى الراجل الجديد جه وحنشوف هل ده حيفرق حاجة ولا لا
لاحظ ان السوق مطلعش الا الاسهم بتاعة 70 واللى هى كودها الرئيسي "ميكى ماوس"

ونشوف على مدار كام الشهر اللى جايين حيحصل ايه

[ahmed4000]

معنى كدا انها اسم خاضعة لقاونين بورصة لندن أم المقصود شراء الاجانب لهذه الاسهم طيب ماهو ممكن الاجانب يشتروها من البورصة المصرية؟؟؟

عملية الشراء والبيع بتم وفقاً لقواعد بورصة لندن واى حد ممكن يشترى شهادات الايداع سواء اجانب او مصريين بس طبيعى ان الاجنبى هو اللى بيشتريها اكتر

وهو ممكن يشترى اسهم عادية من مصر بس زى مانا اجى اقولك تعالى استثمرى فى بورصة جنوب افريقيا حتروحى؟ لا مش حتروحى لانك متعرفيش العملة ولا القوانين لكن لو السهم ده جه لغاية عندك حتبقى مقبلة اكتر على شرائه

وبالتالى نفس الفكرة ممكن الاجنبى يشترى اسهم من مصر لكن لو بقت شهادة ايداع فى لندن حيبقى افضله (لعوامل كتيرة زى سعر الصرف ووجود ادوات هناك غير هنا ولاختلاف ساعات وايام التدوال نسبيا)

معنى كده أن كل البورصات ليها مؤشر ؟؟؟؟؟

اكيد
والا حنعرف السوق طالع او نازل ازاى
ده على الاقل بيبقى فى مؤشر واحد
لكن ممكن دول تبقى ليها اكتر من مؤشر كمان (مصر مثلا عندها 4 رسميين غير اللى شركات السمسرة عمالهم)