رئيسى فى العمل خنييييييييييييييييييييييييييييق

[mado83]

ياجماعه ياريت حد يفيدنى انا بشتغل محاسب فى شركه ورئيسى فى الحسابات راجل كبير وخبره ومحترم بس فى مشاكل كتيره
انه رغااااااااااااااى الى ابعد الحدود
بيعمل شغل العيال الصغيره بيزعل وياخد جنب
ماعندوش حد صح غيره
خنيق جدا بشهاده كل الزملاء فى العمل كلهم بلا استثناء
عنده القدره على استفزاز الاخرين بشكل غير معقول
لو عملت حاجه يمين يقولى طب ماعملتهاش ليه شمال على فكره الشمال هو اللى صح ويفضل يحكى فى مواعظ وقصصه وهو صغير
ربنا يحفظنا معقد نفسيا والله ماكلامى لوحدى كل زملائنا فى العمل بيقولو كده
وانا قاعد معاه فى مكتب واحد وبجد تعبت ومش قادر اتحمل بس اكل العيش بقه نعمل ايه
ياريت حد يقولى اعمل ايه غير انى استحمل لانى استحملت سنه ونص
وعلى فكره انا اول واحد يعمر معاه كل المده دى

[elassar2010]

استحمل لحد ماتلاقى شغل تانى وتسيبة
لانك لو سبت الشغل دة هتروح فين؟؟؟؟؟؟؟؟؟؟؟؟؟؟لايمكن يعنى هتعد فى البيت
وسيبك من الى هيقولك الشغل مالى البلد ومرطط ولو سيبتة هتلاقى 19 شركة تانية تاخدك

[mrwho1982]

دخل الكلام من اليمين وطلع من الشمال وسيبك منه

[Hossam_Hassan]

دور على شغل تانى و اشترى صحتك، الصنف ده لا يتغير و البعد عنه غنيمة.

[Imhotep]

من خبرة 12 سنة شغل و 3 مديرين خنيقين بطرق مختلفة و متنوعة..... اصبر على جار السو يا يرحل يا ......

[shiko85]

اصبر عليه و اعمل زى المتجوزين ساعه الماتش, لما الواحد يبقى قاعد يتفرج على الماتش و مراته قاعده تحكيله و هو مش مركز و مش سامع حاجه و فالأخر يقولها " اكيد , طيب و عملتوا ايه , الحمد لله , عظيم جدا , .........." وهكذا
ممكن كمان تسأله الحاجه دى تتعمل ازاى من الأول بأعتبار انك عايز تستفاد من خبرته و تريح نفسك

[A7MED_PHARMA]

إتصاحب عليه ...وكل دماغه
طالما إنك حاسس إنه عنده حس طفولي ...والحاجات دي

صدقني
النوع ده من الشخصيات عاوز إلي يصادقه
وكده هتستريح كتيرررررررررررر

[mohamed9999]

يا عم نفضله سيبه يتكلم و خليك فى شغلك ........أخوك محمد محاسب برضو

[mado83]

والله ياجماعه عملت كل حاجه تتخيلوها
طب انا هصدعكو شويه وهقولكو على اخر موقف حصل
والدتى تعبت اول امبارح واخدتها المستشفى واتاخرنا هناك لحد3 بالليل فبعتله رساله انى مش هروح تانى يوم عشان يبقى عامل حسابه وكمان من باب الزوق
جيت النهارده لقيت كل زمايلى بيقولولى ده كان بيشتكى منك عشان بعتله رساله الساعه 3 بالليل والبيت كله عنده صحى وانى انا اللى بقيت قليل الزوق فلما قولتلهم انى كنت مع والدتى فى المستشفى قالولى حتى لو مش كده برضو هو مكبرها اوى
المهم جه النهارده حتى ماقاليش سلامو عليكو
بس انا مكبر برضو
وهتابعكو حصريا اول باول الجديد لانى مش لاقى حد بعد ربنا اشكيله همى غيركو انتو

[ahmedsameir]

ياجماعه ياريت حد يفيدنى انا بشتغل محاسب فى شركه ورئيسى فى الحسابات راجل كبير وخبره ومحترم بس فى مشاكل كتيره
انه رغااااااااااااااى الى ابعد الحدود
بيعمل شغل العيال الصغيره بيزعل وياخد جنب
ماعندوش حد صح غيره
خنيق جدا بشهاده كل الزملاء فى العمل كلهم بلا استثناء
عنده القدره على استفزاز الاخرين بشكل غير معقول
لو عملت حاجه يمين يقولى طب ماعملتهاش ليه شمال على فكره الشمال هو اللى صح ويفضل يحكى فى مواعظ وقصصه وهو صغير
ربنا يحفظنا معقد نفسيا والله ماكلامى لوحدى كل زملائنا فى العمل بيقولو كده
وانا قاعد معاه فى مكتب واحد وبجد تعبت ومش قادر اتحمل بس اكل العيش بقه نعمل ايه
ياريت حد يقولى اعمل ايه غير انى استحمل لانى استحملت سنه ونص
وعلى فكره انا اول واحد يعمر معاه كل المده دى

اولا الناس لما بتكبر فى السن مخها بيصغر و بيشوف كل حد جنبه صغير
ثانيا نصيحه اخويه قالهلى زوج اختى من زمان
لازم تبقى دبلوماسى و بالك طويل و اوعى حد يخليك تسيب شغلك حتى لو كان صاحب الشركة نفسها
و كل اللى انت بتحكى فيه ده عادى جدا
انا عندى مدير بقى عايزنى اوفره فلوس شهرية منين مش مهم و اوفره نسوان
بالله عليك تعمل ايه لو كنت مكانى ؟
انا حليت المشكلة الاولى بالطناش
و التانية بتعمد الصلاة امامه حتى ينسى الموضوع ده
و اتضح لى فى الاخر ان اللى قبلى فى نفس المكان كان بيعمل كده

بس الحمد لله بعد صراع 3 سنين ربنا سترها معايا و بعد عنى
بقى كل اللى بينى و بينه شغل بس

[Bishoy.Girgis]

إتصاحب عليه ...وكل دماغه
طالما إنك حاسس إنه عنده حس طفولي ...والحاجات دي

صدقني
النوع ده من الشخصيات عاوز إلي يصادقه
وكده هتستريح كتيرررررررررررر

+1000000000000000000000000000000000

[tabeb]

اتأقلم معاه
اكيد هتلاقي مواضيع مشتركة معاه اتكلم فيها وابعد عن نقط الاختلاف

[ahmed2y]

بياخد شغلك بينسبة لنفسة على طول الخط بل استحياء او كداب برضو بلا استحياء او بيوقع الناس كلها فى بعضها عشان يبقى هو دايما الملاك الوحيد فى المكان طول النهار على الفيس بوك وانت طالع عينك فى الشغل اجارة فى الاسبوع 3 ايام وانت مش عارف تاخد يوم واحد ولما تاخدة تقوم الدنيا وازاى وحال الشغل يقف متستبعدش انة بيستفاد من تحت التربيزة على حسابك وحساب زماليك وانتو مش عارف تعملو معاة حاجة معاة

لو الاجابة على نص الحجات دى لا يبقى احمد ربنا انك مع واحد زى دة مشكلتة انة فى مرحلة طفولة متاخرة وراجل او
حتى راجل رزل وخنيييييييييييييييييييييييييييق

[mado83]

بياخد شغلك بينسبة لنفسة على طول الخط بل استحياء او كداب برضو بلا استحياء او بيوقع الناس كلها فى بعضها عشان يبقى هو دايما الملاك الوحيد فى المكان طول النهار على الفيس بوك وانت طالع عينك فى الشغل اجارة فى الاسبوع 3 ايام وانت مش عارف تاخد يوم واحد ولما تاخدة تقوم الدنيا وازاى وحال الشغل يقف متستبعدش انة بيستفاد من تحت التربيزة على حسابك وحساب زماليك وانتو مش عارف تعملو معاة حاجة معاة

لو الاجابة على نص الحجات دى لا يبقى احمد ربنا انك مع واحد زى دة مشكلتة انة فى مرحلة طفولة متاخرة وراجل او
حتى راجل رزل وخنيييييييييييييييييييييييييييق

كداب
بيوقع الناس فى بعضها عشان يبقى ملاك
بس مش بيدخل على الفيش بوك
اما موضوع الاجازات فهو كل يوم بيتأخر ساعتين بالظبط ده بخلاف النص يوم اللى كل يومين
واكتر من كل الحاجت دى بس الواحد بيقول الحمد لله

[mado83]

احكيلكو على موقف عمله من اسبوع
اشترى ماكينه حلاقه بالكهرباء وحلق لنفسه انجليزى زى احمد زكى فى فيلم كابوريا
وطبعا مشلفط نفسه وباينه جدا انه هو اللى حالق لنفسه من المطبات زى وائل نور لما فريد شوقى حلقله فى البخيل وانا ولما الحلاقه طلعت كده مع انه مقتنع تمام الاقتناع انه فنان بوهيمى فى الحلاقه وان مافيش حلاق كان هيعمله نفس القصه دى
فلما لقانا كلنا بنقوله ايه اللى انته عامله ده قالنا انه راح لحلاق اول مره يحلق عنده بس طبعا هو كان ناسى انه قالنا انه اشترى ماكينه من فتره