رئيسى فى العمل خنييييييييييييييييييييييييييييق

[n_i_t_e]

ياجماعه ياريت حد يفيدنى انا بشتغل محاسب فى شركه ورئيسى فى الحسابات راجل كبير وخبره ومحترم بس فى مشاكل كتيره
انه رغااااااااااااااى الى ابعد الحدود
بيعمل شغل العيال الصغيره بيزعل وياخد جنب
ماعندوش حد صح غيره
خنيق جدا بشهاده كل الزملاء فى العمل كلهم بلا استثناء
عنده القدره على استفزاز الاخرين بشكل غير معقول
لو عملت حاجه يمين يقولى طب ماعملتهاش ليه شمال على فكره الشمال هو اللى صح ويفضل يحكى فى مواعظ وقصصه وهو صغير
ربنا يحفظنا معقد نفسيا والله ماكلامى لوحدى كل زملائنا فى العمل بيقولو كده
وانا قاعد معاه فى مكتب واحد وبجد تعبت ومش قادر اتحمل بس اكل العيش بقه نعمل ايه
ياريت حد يقولى اعمل ايه غير انى استحمل لانى استحملت سنه ونص
وعلى فكره انا اول واحد يعمر معاه كل المده دى

الموضوع مش مستاهل....
أنت أكيد كده كده بتدور على شغل....
لو فى حاجة أحسن هتروح سواء رئيسك كويس أو وحش
و لو مفيش يبقى مفيش حلاوة من غير نار....كبر دماغك خالص و متفكرش فى الموضوع ده.. الشغل بنروحه عشان نخلص التاسك اللى عندنا و ناخد مرتب أخر الشهر و مفيش حاجة تانية مستاهلة نفكر فيها.

[esam_comm]

ياعم ده انت بتحكي علي ملاك ده احنا ربنا رزقتا بمدير بقي كان دبلوم صنايع ويقي مهندس وشوفوا كميه العقد اللي بيطلعها علي عيوننا يكفي انك ممكت تسمع جمله اللي مش عاجبه يقدم استقالته مرتين تلاته في اليوم والله انا ممكن لو قعدت اكتب علي غلاسته ماهايكفيني اسبوع كتابه

[omar-saad]

إتصاحب عليه ...وكل دماغه
طالما إنك حاسس إنه عنده حس طفولي ...والحاجات دي

صدقني
النوع ده من الشخصيات عاوز إلي يصادقه
وكده هتستريح كتيرررررررررررر

111111111111111111111+

[Nile Heart]

ياجماعه انتوا مش واخدين بالكم من حاجه مهمه قوى
المدير عشان يوصل يبقى مدير....لازم يبقى رخم!!
ولازم يكون عنده القدره انه يمص دم الصغيرين لمصلحة صاحب الشغل..وياخد البونس المتينه
وكل سنه ولا اتنين ..لما الصغيرين مرتبهم يكبر..يكونوا قرفوا منه فايمشوا وييجوا بدالهم صغيرين حلوين مرتباتهم صغننه
وتتكرر المأساه...وصاحب الشغل ارباحه تكتر وهو نصيبه يكتر.. ولو موظف تبت وفضل قاعد..يشتغلوا ف الأزرق

احنا الشركه عندنا عمرها 14 سنه..وفيها 20 مهندس.. فيهم 3 بس مدة خدمتهم اكتر من 4 سنين.. والباقى كله من الوارد الجديد.. وبيمشوا واحد واحد.

[hany_mohamed]

مش هتستريح غير فى عملك الخاص بك سواء راحة نفسية او مادية
حاول تراجع كتابات وشرائط الدكتور طارق السويدان فى هذا الموضوع

[hesham_tawfiq]

المهم بتتعللم منه وتاخد خبره ولا لا

[m_car]

انت كده من الصابرين

ربنا يصبرك عليه بس فى طريقة حلوة اوى كبره وحسسه انه هو مفيش زيه وانك مش قادر تستغنى عنه يعنى لبسه الطقية

[mado83]

المشكله انه مش مدير هو بس يرأسنى انا بس واداره الشركه موافقه عليه بس المشكله انى انا اللى اعصابى تعبت منه والله العظيم

[ahmed4000]

عمرك محتنبسط مع مدير
فاستحمل ودور على شغل تانى
بس حتروح الشغل التانى والتالت والعاشر حتلاقى مدير خنييييييييييييق
لدرجة انى بقيت مقتنع انى علشان ابقى مدير لازم اتعلم ابقى خنيق

[shaddadfalcon1]

سايس امورك واربط الحمار مطرح مايحب صاحبه

حسسه انه راجل مهم - في ناس كده تحب اللي يمدح فيها

[أبو صلاح]

أولا قبل أي شيء
مفيش مدير مريح

لكن الصح اللي يعرف يريح نفسه مع مديره
يعني يشوف ايه اللي بيريحه ويعمله
على فرة هترتاح جدا

احكيلك على مديري المباشر في عملي القديم كان بيعمل ايه
بص ياسيدي
ييجي الصبح اول لما يقعد يجيب اي جريدة صفراء (صفراء مش وعارضة اظن كلامي مفهوم)
ويكون مخلص قرائتها بعد ساعة من بدء العمل وياخدنا بقى كلنا في كلام حول اللي قراه ويناقشنا والاجمل انه يبقى مؤيد لما قرأه
يبقى يومه اسود اللي يعترض على كلام
طبعا هيبقى يومه اسود في العمل خد بقى مشواير رخمة ومعاملة ارخم وتعجيز

اول لما اتعاملت مع الراجل ده وكت عامل نفسي عنتر شايل سيفه ومكانش عاجبني حد
والله طلع عين اهلي
وبسببه قعدة اسبوع في البيت
ولولا ستر ربنا ان مدير المالي للمجموعة معرفة الوالد ما كنت رجعت تاني
ومرات كان يخليني والله اشيل بتاع 6 فايلات كبيرة وزن الواحد لا يقل عن 2 كيلوا وحجمهم كبير جدا واركب بيهم اوتوبيسات من شبرا الخيمة لحد مدينة نصر وللازهر
واركبش مايكروباصات علشان اوفر

تخيل




قلت أبدا معاه شغل تاني
اللي هو اريحه واعمله كل اللي بيحبه
بيحب الحلويات قوي اقوم جاي مجمع من الزملاء في المكتب وانزل اشتري (في وقت العمل وهو موافق جدااااااااااا)
وممكن اروح مشوار شخصي او اقابل بت حلوة
ممكن اجي متأخر ساعة وساعتين ويكتبلي اني في مامورية
انام وانا قاعد في المكتب عادي جداااااااااااااا
فرشنا غرفة كانت أرشيف وعملنا حاجة حلوة كده زي سرير اطلع انام براحتي

آخد المأموريات الحلوة السهلة اللي اتظبط بيها قدام المدير المالي

الاهم أخد منه المعلومة في العمل لاني كنت لسه محاسب مبتدا

لدرجة والله انه اتصدم صمة قوية لما عرف اني ماشي وحاول معايا بشتى الطرق

الراجل ده ما ضرنيتش
الراجل ده علمني ازاي اتعامل مع الناس في عملي
الرجل ده ياما عمل في وبهدلني

ربنا يمسيه بالخير

[Ahmed Nouh]

وقال انا اللى كنت فاكر مديرى خنيق :))

ده طلع راجل برنس

ده انا هبوس ايده مرتين فى اليوم , الامثله المذكوره فى الموضوع ده تعتبر دراسه واقعيه لعدد المرضى النفسيين المطلقين فى شوارع مصر

[mado83]

موقف اليوم من رئيسى الخنيييييييييييق
اشتكانى للمدير وقاله انى استأذنت من يومين انى امشى بدرى وانى وقفت خارج الشركه اتكلم مع زمايلى
مع ان الموقف ده حصل من شهرين وبعدين انا استأذنت المدير والمدير وافق يبقى انا اعمل اللى انا عايزه امشى او لا انا حر
بس وماكانش فى شغل
بس ادى كدب كمان

[mahgary]

انا كنت زيك كده مع المدير بتاعى من زمان بس وقع فى يدى كتب اسمه ( مقدمه فى علم التفاوض الاجتماعى و السياسى )
تسداء قرات الكتب وعملت المكتوب باحرف وساعدنى انى هادى الاعصاب بصراحه ارتحت اخر راحه ونفعنى حتى فى معاملة كافة الناس

[أبو صلاح]

انا كنت زيك كده مع المدير بتاعى من زمان بس وقع فى يدى كتب اسمه ( مقدمه فى علم التفاوض الاجتماعى و السياسى )
تسداء قرات الكتب وعملت المكتوب باحرف وساعدنى انى هادى الاعصاب بصراحه ارتحت اخر راحه ونفعنى حتى فى معاملة كافة الناس

ده من تأليف
د. حسن محمد وجيه
صح ؟