محفظتي ضاعت بكل اللي فيها ايه العمل

[CryptonX]

كريم لو المكان زحمة او حاسس انك نسيتهم في مكان عام .

اهم حاجة تتصل بالبنوك تقفل الكروت او تلغيها على حسب نظام البنك علشان دول يودوا في داهية.


واعمل محضر في القسم بضياع كل حاجة علشان لو لا قدر الله حصل حاجة تبقى انت في السليم .


و بعدين دور عليها براحتك , لقيتها .. الحمد الله حتعمل الكروت بتاعة البنك بس ..

ملقتهاش , عوضك على ربنا بس اهم حاجة تبقى في السليم .

[GMakram]

انا مش عايز اكون بقول كلام يهون عليك او بقول اى كلام عابر وخلاص بس خلى املك فى ربنا كبير يا كريم و اعمل "ندر" بينك وبين ربنا,انا والدتى كانت مره فى المطريه وكانت معاها فى الشنطه محفظه برضو حطه فيها كل حاجه من مستندات تأمين لرقم معاش والدى لدفاتر التوفير بتاعتها فى البنوك وبطاقتها الشخصيه وكل اوراقها الشخصيه وكمان كان معاها مبلغ محترم كانت لسه واخده المهيه واتسرقت المحفظه دى بكل اللى فيها وامى فضلت اسبوع منهاره حامله هم استخراج المستندات تانى من اول وجديد وبعد اسبوع اتصل بخالى واحد قال انه لقى الكارت بتاعه فى وسط الاوراق فى المحفظه وفيها كل الاوراق وطبعا احنا مكناش مصدقين,انا رحت جبت الحاجه وبجد مكنتش مصدق لما لاقيت كل حاجه زى ماهى معادا الفلوس طبعا,هدئ اعصابك يا كريم وروح اعمل محضر وبعد كدا سيبها على ربنا وخليك من جواك واثق ان اللى فيه الخير لك اكيد ربنا هيعمله

تحياتى

[alaa74]

قدر الله وماشاء الله فعل

واستعوض الله وان شاء الله سوف ترد لك على الأقل الرخص وكروت الفيزا .

وحاول تركز وتفتكر اخر مرة طلعت فيها المحفظه كانت فين وبإذن الله هتلاقيها ومتنساش توقف كل الكروت منعا لأى إستخدام .

واعمل مذكرة فقد لكل المتعلقات الشخصيه مثل الرخص والبطاقه علشان اولا تأمن نفسك فى حاله استخدامهم من شخص تانى وكمان علشان تقدر تطلع بدل فاقد .

وربنا معاك ويعوض عليك ان شاء الله

[أحمد كمال]

لاء ممكن يستخدمها في الشراء من على الأنترنت

او من المحلات ..... هو بس مش هيقدر يسحب كاش

[ZALABANY]

اللهم يا جامع الناس إلى يوم القيامة إردد عليه ضالته

[peposupervisor]

انشاء الله هتلقيها
وهترجعلك
ربنا موجود

[د.محمود صلاح]

يارب ياكريم تلقاها سليمة وكاملة . آمين آمين

[Mostafa.Mahran]

ان شاء الله يلاقيها واحد ابن حلال ويرجعلك كل حاجتك

[M.Osman]

لا حول ولا قوة إلا بالله

ان شاء الله خير

[A.Saad]

الحمد لله
كريم كلمنى وقاللى انه لقى المحفظة فى العربية - الحمد لله

بس هوة طبعا خضنا
وقلت له لازم بقى تعمل الواجب مع الناس اللى تعبت معاك وقلقت
اختاروا بقى
شماسة
مج
ترقية لقب
استيكر

كريم اسم على مسمى ومش هيتأخر

[kh_talaat]

الحمد لله
كريم كلمنى وقاللى انه لقى المحفظة فى العربية - الحمد لله

بس هوة طبعا خضنا
وقلت له لازم بقى تعمل الواجب مع الناس اللى تعبت معاك وقلقت
اختاروا بقى
شماسة
مج
ترقية لقب
استيكر

كريم اسم على مسمى ومش هيتأخر :oc_sun1[1]:

حمد لله على سلامة المحفظة


أنا عايز مج

[M.Osman]

الحمد لله
كريم كلمنى وقاللى انه لقى المحفظة فى العربية - الحمد لله

بس هوة طبعا خضنا
وقلت له لازم بقى تعمل الواجب مع الناس اللى تعبت معاك وقلقت
اختاروا بقى
شماسة
مج
ترقية لقب
استيكر

كريم اسم على مسمى ومش هيتأخر

طب الحمد لله

بما ان الخبر الحلو دا بعد المشاركة بتاعتي .. فأنا هطلب ترقية لقب :)))

[Karim_Monir]

السلام عليكم شكرا جزيلا لوقفتكم جنبي
انا الموضوع كان حصل بالليل وعشان لما بنزل في اماكن مش هاحتاجها فيه بسيبها في العربية وفي اليوم ده بالذات انا فاكر اني سبتها في البيت عشان نازل ببنطلون تريننج وخفت تقع
اتاريني كنت واخدها في ايدي وسبتها في العربية ووقعت تحت كرسي المدام
ولما رجعت البيت ولغاية الفجر عمالين ندور عليها وقلبنا العربية وماشوفتهاش
ولما يئست طلعت اسالكم المشورة واصلي الفجر وانام
المهم نازل من شوية عشان اعمل المحضر وكدة المدام سبقتني على العربية وبصت تاني في نور النهار
طلعت مستخبية في حتة غريبة بين الكراسي

الحمد لله وانا كنت بعت ايميلات لزميالي في الشغل ينزلو فروع البنوك يوقفو الفيزا (لان في فروع لبنكين جوة الشركة) والبنوك التانية كنت بدور على تليفوناتها

وفعلا انا مابطلتش اقول اللهم رد علي ضالتي
ورغم علمي بكراهية الندر لان فيه اشتراط على الله
الا اني انتويت مبلغ كبير ان لقيتها ان شاء الله
وواضح ان كان في اولى مني بالمبلغ
الحمد لله رب العالمين
وشكرا جزيلا لكل اتصالاتكم ورسايلكم الرائعة
ونعم الاخوة والله

[Karim_Monir]

الحمد لله
كريم كلمنى وقاللى انه لقى المحفظة فى العربية - الحمد لله

بس هوة طبعا خضنا
وقلت له لازم بقى تعمل الواجب مع الناس اللى تعبت معاك وقلقت
اختاروا بقى
شماسة
مج
ترقية لقب
استيكر

كريم اسم على مسمى ومش هيتأخر :oc_sun1[1]:

شكرا جزيلا يا احمد على اتصالاتك ورسايلك
بس في حاجة احسن واوفر
وقف اسبوع لكل واحد شارك :-) واهو يركز في شغلة شوية ويسيبه من المنتدى :-)
شراني صح ؟؟؟

لا ابدا اللي عايز مج نجيبله مج
واللي عايز شماسة نجيبله شماسة
واللي عايز بطيخ كمان نجيبله
ومن غير بذر :-)

[Ahmed A Rahman]

الف مبروك يا كريم باشا
وفعلا المحافظ غاوية تقع تحت الكراسي بس في المصيف بتبقى حرقة دم

سلامة اعصابك يا باشا