حد عندة معلومات عن الازهر بارك

[ZALABANY]

السلام عليكم
أنا يا جماعة من عاشقي الأزهر بارك
ورحت المطعمين اللي هناك
في مطع البحيره وده minimum charge فيه 35 جنيه وممكن تتغدي بيهم كمان بيتزا او اي وجبه خفيفه
المطعم التاني مطعم منظر القلعه وده فيه مطعم وفيه كوفي شوب المطعم فى الغالب ايام الأسبوع المنيمم 35 او 40 بس يو الخميس والجمعه فى الغالب اوبن بوفيه وده انا رحته مره وكان ب 99 جنيه
في فى الدور التاني في استوديو مصر برده كافيه جامد جدا وده المنيمم اتشارج 35 برده
مع تمنياتي بقضاء وقت ممتع
على فكره الأزهر بالرك كلها متغطيه بويرلس انترنت كونيكشن لو حد حابب يجيب اللاب توب بتاعه
وطبعا الدخول ب 5 جنيه للفرد

[memo_hefnawy]

إنسى يا كريم الكلام إللى بتقوله ده نكلمهم و نتفق و الكلام ده مع ناس ذى الربوة - الرجل عليهم خفيفة و عايزين زباين

لكن الأزهر بارك إنت ماتعرفش فى أيام الجمعه و الخميس و السبت و الأجازات بتكون عامله إذاى - ضرب نار و زحمه فحت و المنيمم ذى ما إنت شايف بيكون أغلى و عادى جدا الناس بتيجى كثير برده :)

[Powert]

فى الأزهر بارك بيمنعوا دخول أى اكل او شرب من بره

أنا رايي احنا نجيب الاكل وشرب معنا ونهربهم في العربية اكيد هو مش هيفتش العربية

ولو فاتشها نبقى عامللين حسابنا نحط الاكل تحت الكراسي او جوة الكابوت

:D:D:D

[eng_mkhalaf]

أو فى الكاوتش أو داخل الأكصدمات أو فى التنك وبكدة هنبقى فى الأوكى

[sherif_84]

أنا رأيى نقضيها قعدة على الحصيرة تحت الشجر وخلاص
أنا عندى حصيرة كبيرة بس لو حد تانى هيجيب حصيرة معاه يبقى أفضل
أنا من عشاق الأزهر بارك ورحتها كتير جدا لكن ماحصليش الشرف قبل كده ودخلت مطعم من المطاعم اللى هناك لأن أنا عارف اللى هيحصل
هقولهم اطلبوا الشــرطة ( :

[Ahmed Samy]

رأيى نقضيها قعدة على الحصيرة تحت الشجر وخلاص
أنا عندى حصيرة كبيرة بس لو حد تانى هيجيب حصيرة معاه يبقى أفضل

و يبقى تجمع أبو حصيرة :)

[MMamdouh]

أنا رايي احنا نجيب الاكل وشرب معنا ونهربهم في العربية اكيد هو مش هيفتش العربية

ولو فاتشها نبقى عامللين حسابنا نحط الاكل تحت الكراسي او جوة الكابوت

:D:D:D

الباركنج خارج سور الحديقه نفسها :D

MMamdouh

[Hossam_Hassan]

أخيرا وصلتلهم على التليفون، الحل الأمثل فى نظرى هو القعدة اللى فى كافييه Alain Le Notre اللى فى الدور التانى فى استوديو مصر، الحد الأدنى هناك 30 جنيه و بيقدم مشروبات و سندوتشات و بما اننا مش هنعرف ندخل حاجة تتاكل او تتشرب يبقى ده امثل مكان، لأن بصراحة علشان نقعد 3 - 4 ساعات متزنبين من غير اكل و شرب فى الشتا ده يبقى صعب خصوصا اننا بنحتفل بسفر اخونا اسلام و لو الأحتفال كان حاف، الراجل مش هيرجع مصر تانى.

http://www.alazharpark.com/alain.html

ايه رأيكم؟

[Powert]

الباركنج خارج سور الحديقه نفسها :D

MMamdouh

ايدة الخطة فاشلت يارجالة يلا نلف ونرجع تاني

..... لأ.. استنى ... في فكرة احسن ... ناس تدخل وباقى يحدف الاكل من برة

او حد ينط السور ويدخلنا الاكل :D:D:D

[Karim_Monir]

أخيرا وصلتلهم على التليفون، الحل الأمثل فى نظرى هو القعدة اللى فى كافييه Alain Le Notre اللى فى الدور التانى فى استوديو مصر، الحد الأدنى هناك 30 جنيه و بيقدم مشروبات و سندوتشات و بما اننا مش هنعرف ندخل حاجة تتاكل او تتشرب يبقى ده امثل مكان، لأن بصراحة علشان نقعد 3 - 4 ساعات متزنبين من غير اكل و شرب فى الشتا ده يبقى صعب خصوصا اننا بنحتفل بسفر اخونا اسلام و لو الأحتفال كان حاف، الراجل مش هيرجع مصر تانى.

http://www.alazharpark.com/alain.html

ايه رأيكم؟

رائع يا سيادة اللواء
كدة كلام في المظبووط قوي
تلاتيناية مش جامدة قوي يا جماعة كانكم رحتم سينما
واللي مش هايقدر يدفع اخوكم بورت متكفل بس انت تقشروا وهو جاهز ياكل :D:D
طب حلو ممكن يا حسام باشا نكلمهم يعملولنا ترابيزة واحد كبيرة
خاصة ان فعلا الجراج برة القعدة جوة
سيادة اللواء ممكن سؤال
يا تري المكان متغطس ولا مكشوف ونقضيها بلاطي

[Hossam_Hassan]

معلش يا كيمو أصلهم بيرضوا عليا مرة كل 20 محاولة، أول ما اظبط التفاصيل هبلغ تمام يا باشا

[casperinoo]

ياجماعه الدخول بالاكل عادي
...انا مره دخلت وكان معايا يجي 30 سندوتش :)
...والناس كلها بتاخد اكلها معاها... وده انا متأكد منه

[Nader]

هو لو في تفتيش للشنط يبقى ممكن محدش يعرف يهرب اكل او شرب:) انما لو مفيش
يبقى اللي عاوز يجيب حاجة يجيبها.

وبعدين بيبقى في هناك رحلات مدرسية ... هيمنعوا الاطفال ازاي انهم يدخلوا باكل؟!!

[سمير يونس]

من الممنوعات أي أكل ينتج عنه أي قمامة أوأي فاكهة يكون لها قشر مثل الموز أو البرتقال وكذلك التسالي مثل اللب و المكسرات

غير كدة أي أكل مسموح به و حبذا لو كان سندوتشات

و على فكرة .. فيه تفتيش للشنط

أتمنى لكم لقاءاً سعيداً

تحياتي

[OlaOsman]

ممكن كمان تقعدوا في البرجولة و تجيبوا المشروبات و الساندويتشات من تريانون، هو مش بعيد عنها خالص و متهيألي تاخد 15 نفر ، مش ضيقة يعني.