القرية الذكية في المكان الغبي

[kh_talaat]

طيب لوو حبينا نبص للموضوع من الجانب الاخر

وده سؤال كل واحد يساله لنفسه

لو القرية الذكية اتعملت فى الصعيد او فى الصحراء او فى السد العالى؟

ياترى حتروح تشتغل فيها؟

الحقيقة دة سؤال مهم جدا وأنا احيي حضرتك على طرحه

وانا الحقيقة تناقشت مع ناس كتير في مكان القرية الذكية خصوصا اللي شغالين فيها لكن كله كان بيتخض من كلامي ويقولي الصعيد !!! سيناء !!!! حرام عليك

يعني من الآخر كله بيبص تحت رجليه وأولهم الحكومة

لكن انا رأيي ان مع البطالة الكبيرة اللي في البلد الناس عندها استعداد للعمل في اي مكان خصوصا لو المرتب مجزي ودة فعلا اللي متحقق في القرية الذكية فمعظم الشركات في القرية هي شركات عالمية زي ميكروسوفت وأورانج وآي بي إم

ولك ان تعلم ان القرية الذاكية حاليا بيهاجر اليها ويعمل فيها حاليا شباب من اسكندرية والفيوم وبني سويف ومحافظات اخرى كتير وبيأجروا شقق في الشيخ زايد و6 اكتوبر وبيسافروا كل خميس بلادهم

يعني القاهرة العاصمة المزدحمة تماما بأهلها بيهاجر إليها كل يوم من جميع المحافظات آلاف وآلاف من طالبي العمل

[ahmed4000]

الحقيقة دة سؤال مهم جدا وأنا احيي حضرتك على طرحه

وانا الحقيقة تناقشت مع ناس كتير في مكان القرية الذكية خصوصا اللي شغالين فيها لكن كله كان بيتخض من كلامي ويقولي الصعيد !!! سيناء !!!! حرام عليك

يعني من الآخر كله بيبص تحت رجليه وأولهم الحكومة

لكن انا رأيي ان مع البطالة الكبيرة اللي في البلد الناس عندها استعداد للعمل في اي مكان خصوصا لو المرتب مجزي ودة فعلا اللي متحقق في القرية الذكية فمعظم الشركات في القرية هي شركات عالمية زي ميكروسوفت وأورانج وآي بي إم

ولك ان تعلم ان القرية الذاكية حاليا بيهاجر اليها ويعمل فيها حاليا شباب من اسكندرية والفيوم وبني سويف ومحافظات اخرى كتير وبيأجروا شقق في الشيخ زايد و6 اكتوبر وبيسافروا كل خميس بلادهم

يعني القاهرة العاصمة المزدحمة تماما بأهلها بيهاجر إليها كل يوم من جميع المحافظات آلاف وآلاف من طالبي العمل

على فكرة فرص كتيرة بتبقى موجودة فى محافظات تانية...لكن اللى ساكن فى القاهرة مستحيل يطلع براها حتى لو كان العائد مجزى خاصة لو متوفرة له فرص هنا حتى لو بمرتب اقل (ونرجو من الاخوة اللى بيشتغلوا هناك يردوا علينا فعليا لو كانت المرتب اكبر بس القرية كانت فى الصعيد كانوا حيروحوا ...عايز اجابات واقعية مش حماسية)

لكن العكس طبيعى ...وعلشان كده رغم ان المكان غبى فعلا لكن لو كانت اتعملت فى حتة تانية لا كانت الشركات حتبنى اماكن ليها هناك لانهم عارفين ان "غالبية" الموظفين مكانوش حريضوا يروحوا

وللاسف حتى فى المكان اللى هى فيها العيب الاكبر فى ان المصرى معندوش ثقافة الايجار والتنقل من مكان لاخر فتلاقيه بيغير الشقة مرة فى حياته علشان يكبرها فقط..لكن غير كده تلاقى كل واحد واخد شقة فى مصر الجديدة وفى مدينة نصر (انظر جميع الاخوة اللى بيشتغلوا فى القرية الذكية هنا فى المنتدى ساكنين فين) وطبعا عمره ميفكر ينقل هنا (انا على فكرة شغلى حينقل هناك ويستحيل اغير مكان بيتى مع انى ساكن فى مدينة نصر)

[TaoTao]

المشكلة الأصلية هي فساد الذمم وانعدام التخطيط ..
القرية الذكية تم إنشائها على طرف المنطقة الصناعية بأبي رواش كتجمع للصناعات التكنولوجية .. ومكان استراتيجي كويس يجذب الشركات العالمية .. كلام عظيم.
جه المحور والمكان بقى "فرخة بكشك" واتعمل "أكبر مول تجاري بمصر والشرق الأوسط" كما تم الترويج له في حينها في مواجهة القرية الذكية، نسأل هنا بقى .. مين اللي إدى التراخيص لإنشاء هذا المول؟ وهل تم حساب أعداد المتوافدين وتأثير هذا النشاط الجديد -والدخيل على المنطقة- على المرور في طريق حيوي؟
طيب المول نجح وكسر الدنيا ورايحين كارفور راجعين من كارفور ورايحين داندي راجعين من داندي.. فتحول جانبي الطريق من المحور وحتى البوابات مشاريع مستنسخة ومكبرة من "داندي مول" ونسأل تاني مين اللي وافق على التراخيص؟ وهل تم حساب تأثير هذه المولات على الطريق؟
الذي منح تراخيص لثلاثة بنزينات في أقل من 500 متر ألم يفكر في تأثيرها على حركة المرور؟
طب صاحب فكرة القرية الذكية لماذا لم يفكر في مواصلات جماعية لنقل العاملين بالقرية؟ (كان فيه أوتوبيسات شاتلز من المهندسين وتم إلغاءها) مافكرش إن فيه ما لا يقل عن ستة آلاف سيارة ستمر ذهاباً وإياباً لدخول القرية فقط؟

أنا شايف إن مكانها كان مناسب إنما تنقصها خدمات النقل الجماعي بالإضافة للمشاريع الجديدة التي ستحيل الطريق الصحراوي لجحيم حقيقي

[ahmed4000]

المشكلة الأصلية هي فساد الذمم وانعدام التخطيط ..
القرية الذكية تم إنشائها على طرف المنطقة الصناعية بأبي رواش كتجمع للصناعات التكنولوجية .. ومكان استراتيجي كويس يجذب الشركات العالمية .. كلام عظيم.
جه المحور والمكان بقى "فرخة بكشك" واتعمل "أكبر مول تجاري بمصر والشرق الأوسط" كما تم الترويج له في حينها في مواجهة القرية الذكية، نسأل هنا بقى .. مين اللي إدى التراخيص لإنشاء هذا المول؟ وهل تم حساب أعداد المتوافدين وتأثير هذا النشاط الجديد -والدخيل على المنطقة- على المرور في طريق حيوي؟
طيب المول نجح وكسر الدنيا ورايحين كارفور راجعين من كارفور ورايحين داندي راجعين من داندي.. فتحول جانبي الطريق من المحور وحتى البوابات مشاريع مستنسخة ومكبرة من "داندي مول" ونسأل تاني مين اللي وافق على التراخيص؟ وهل تم حساب تأثير هذه المولات على الطريق؟
الذي منح تراخيص لثلاثة بنزينات في أقل من 500 متر ألم يفكر في تأثيرها على حركة المرور؟
طب صاحب فكرة القرية الذكية لماذا لم يفكر في مواصلات جماعية لنقل العاملين بالقرية؟ (كان فيه أوتوبيسات شاتلز من المهندسين وتم إلغاءها) مافكرش إن فيه ما لا يقل عن ستة آلاف سيارة ستمر ذهاباً وإياباً لدخول القرية فقط؟

أنا شايف إن مكانها كان مناسب إنما تنقصها خدمات النقل الجماعي بالإضافة للمشاريع الجديدة التي ستحيل الطريق الصحراوي لجحيم حقيقي

يعنى حتى لو جالى واحد يطلب ترخيص انه يعمل مول فى الصحراء ؟ ارفض؟ طيب اوديهم فين بس؟ الناس بتوصل لغاية الطريق الصحراوى علشان تقعد فى مول ...]بقى العيب فى المول ولا فى الناس؟

والاتوبيسات لسه شغالة من كل حتة فى القاهرة مش من المهندسين بس...بس انا بقول لحضرتك بحكم كون كل شغلى حيتنقل هناك السنة الجاية...أنى وكل زملائى ناوىين نروح بالعربية مش بالباص رغم انى ساكن فى مدينة نصر...وده جزء من الثقافة المصرية (العربية الملاكى) (الشقة التمليك)

[Ahmed.Ali]

الشاتل باص شغال بس مش كل الشركات لان دي خدمه بتقدمها القريه الذكيه و بتحاسب عليها الشركات
انا شايف ان داني مول مش عامل ازمه كبيره لان الجراج بتاعه كبييييير و ببلاش فقليل الي بيرمي عربيته بره ثم مع توسيع الطريق الدنيا هتبقي افضل ثم توسيع الدائري اعتقد هيظبط الدنيا كتيييير

[beautiful0mind]

بص يامان هو احنا دايما فاشلين فى التخطيط العمرانى داخل مصر
من حوالى كدا 60 سنة بس خارج مصر ماشاء الله ومدن كتيير فى الخليج تشهد بكدا
يبقى العيب فين ؟؟ العيب فى العسكريين اللى بيطلعوا معاش وبيمسكوا وظائف مدنية
مع كامل احترامى لكل العسكريين بس انا شايف ان أغلبهم مش بينفع فى الوظائف الادارية
هما داخل الجيش أكيد حاجة كويسة اوى وكمان لو دخلوا معركة هيعرفوا يخططوا لها كويس
لانهم خبرة مثلا 30 سنة او اكتر بس يجى بقى يمسك وظائف ادارية زى رئيس مجلس مدينة
او محافظ او وزير تلاقى الدنيا خربت :b4_556:
هو المفروض لما اخطط لمدينة اعمل حساب حاجتين
التوسع المستقبلى للمدينة و كمان وسيلة مواصلات سريعة زى قطار او مترو يربطها ببقية المدن التانية
علشان اقدر اخلى المدينة دى فى المستقبل وسيلة جذب سريع للسكان

خد عندك مثلا 6 اكتوبر شوف قعدت قد ايه على ما اتعمرت ( فاكرها لما روحت هناك اول مرة سنة 87 )
تقريبا فاضية ودلوقتى بيقولوا عايزين يعملوا مترو من محطة الجيزة يربط 6 أكتوبر طيب ما كان من الاول

فعلا محتاجين التغيير فى النظام علشان نعرف نتقدم ونبقى زى الدول المتقدمة
وانا متأكد من كدا فى ظرف 10 سنين شرط ان النظام يتغير

كنت بتكلم مع والدى فنفس الموضوع ده بظبط ....وفعلا ده أهم اسباب الفشل التخطيطى فمصر

[hany_mohamed]

القرية الذكية في المكان الغبي

كلنا او معظمنا عاصر بداية ظهور ما يسمى بالقرية الذكية smart village والتي انشئت عام 2001 و هي عبارة عن تجمع لشركات الاتصالات وتكنولوجيا المعلومات والمؤسسات الحكومية المرتبطة بتلك الصناعة.

- وتحتوي حاليا القرية على أكثر من 100 مقر شركة و 12 ألف عامل ومن المخطط ان يصل 80 ألف عامل بعام 2014

- وتتفاخر الحكومة المصرية دوما بهذه القريه ويوجد بها مكتب للدكتور احمد نظيف رئيس الوزراء


لكن ترى ... هل انشئت هذه القرية في المكان الصحيح ؟؟

- هل ساعدت هذة القرية على التخفيف من عبء الأزدحام المروي والتكدس السكاني في العاصمة المصرية ؟؟

- هل ساعدت هذه القرية الشباب المصري على بناء مجتمعات جديدة خارج قاهرة المعز والتي اصبحت عبارة عن اتوبيس نقل عام كبير يعج بركابه


وللأجابه على هذه الأسئله يكفيك زيارة واحدة للقرية الذكية ومحاوله العودة لمنزلك بعد انتهاء العمل الرسمي في معظم شركات القريه يعني من الساعه الرابعه الى السادسه مساء

- والطبيعي انك اول طريق سوف تفكر أن تستخدمه هو محور 26 يوليو فستجد به كل ما لذ وطاب من الزحام والتكدس الرهيب الي يصل احيانا الى الشلل التام الى ان ينقلك المحور الى المهندسين وهذه مشكله اخرى !!!

تعالوا نتخيل موقع بديل للقرية الذكية بعيدا عن مصالحنا الشخصية كمقيمين داخل القاهرة

- انا عن نفسي اتخيل لو كان مكان القرية الذكية في قلب الصعيد وليكن مثلا محافظة اسيوط (على اساس انها عاصمة الصعيد )

- او في سيناء ( الأمتداد الأستراتيجي لمصر)

- او على بحيرة السد العالي في اسوان

فكلها مناطق تندر لسكانها وبها مساحات شاسعه بعيدا عن القاهرة وضجيجها ومدنها الجديدة التي تصب في النهاية داخل القاهرة وتشل حركتها


مع العلم ان مصر بلد مساحتها مليون كم مربع المساحة المأهوله بالسكان لا تتعدى 4 % من مساحتها

ومع ذلك نعاني من أعلى كثافة سكانية في العالم !!!!


تري ... هل انشئت القرية في مكانها الصحيح ؟؟؟ دعوة للحوار الجاد :s_thum1[1]:

مش فيه طريق جنب القرية يودي على ابو رواش
ومنه للقصور اللى على ترعة المنصورية
معلش يا خالد باشا تنازل وخدلك قصر من دول
و اهو تبعد عن زحمة المحور ووسط البلد

يا أما تبقى القرية الذكية اونلاين على السكند لايف و كله يعمل شغله من بيتة

[kh_talaat]

معلش يا خالد باشا تنازل وخدلك قصر من دول
و اهو تبعد عن زحمة المحور ووسط البلد

يا أما تبقى القرية الذكية اونلاين على السكند لايف و كله يعمل شغله من بيتة

اولا انا اصلا لو أقدر آخدلي قصر من دول يبقى ايه اللي هيحوجني اشتغل في القرية الذكية اصلا

وبالنسبة لفكرة للسكاند لايف فهي فكره حلوة بحييك عليها ودي التحية

ماهو اللي ايدة في الميه مش زي اللي ايدة في الناررررررررر

[hany_mohamed]

اولا انا اصلا لو أقدر آخدلي قصر من دول يبقى ايه اللي هيحوجني اشتغل في القرية الذكية اصلا

وبالنسبة لفكرة للسكاند لايف فهي فكره حلوة بحييك عليها ودي التحية

ماهو اللي ايدة في الميه مش زي اللي ايدة في الناررررررررر

واضح انك مقطعها سكند لايف

كمان بتخبطنى مش كفاية الكرامب " خلى بالك مش صورة المعمورة ليك و انت حاضن التورتة بس هى اللى مصورهالك "" راجع كدة تقرير مقابلة المعمورة وممكن توصل انا مصورك فين تانى

[ahmed4000]

اولا انا اصلا لو أقدر آخدلي قصر من دول يبقى ايه اللي هيحوجني اشتغل في القرية الذكية اصلا :10d5c8w1107:

وبالنسبة لفكرة للسكاند لايف فهي فكره حلوة بحييك عليها ودي التحية

ماهو اللي ايدة في الميه مش زي اللي ايدة في الناررررررررر

بس على فكرة فى شركات "محترمة" هناك بتخلي الموظفين ليهم حق يشتغلوا يوم من البيت بحيث انهم يوفورا عليهم المشوار على الاقل يوم

لو الترند ده استمر فى الشركات التانية المفروض ده يخفف شوية من الزحمة فى البلد ...[س طبعا الثقافة المصرية برده مبتفهمش موظف قاعد فى بيته ويشتغل

[hany_mohamed]

ماهو اللي ايدة في الميه مش زي اللي ايدة في الناررررررررر

فعلا عندك حق وعارف شعورك كويس و شوف انا عامل موضوع عاوز اعمل رياضة على كورنيش اليكس الصبح بدرى
و حلعب ماتش الان وبعدين بالليل رايح مارينا
وشوف انت بتتكلم فى ايه ... معلش يا خالد باشا اقبل اعتذارى
وقبل ما انسى رد التحية واجب

[زينة الله]

وللاسف حتى فى المكان اللى هى فيها العيب الاكبر فى ان المصرى معندوش ثقافة الايجار والتنقل من مكان لاخر فتلاقيه بيغير الشقة مرة فى حياته علشان يكبرها فقط..لكن غير كده تلاقى كل واحد واخد شقة فى مصر الجديدة وفى مدينة نصر (انظر جميع الاخوة اللى بيشتغلوا فى القرية الذكية هنا فى المنتدى ساكنين فين) وطبعا عمره ميفكر ينقل هنا (انا على فكرة شغلى حينقل هناك ويستحيل اغير مكان بيتى مع انى ساكن فى مدينة نصر)

ليه بقى كده يا أستاذ أحمد و انت رجل اقتصاد ، يعنى انا أعرف ناس عندهم شقة حلوة فى مكان راقى لكن بعيد عن مدارس الاولاد وعن شغلهم و عن المرافق و الاسواق يعنى لو حتى عايزين عيش بخمسة جنية ياخدوا تاكسى بسته جنية ، دا غير مصاريف اتوبيس المدرسة للاولاد و مصاريف التنقلات عموما لزوم شراء الطلبات وقضاء حاجاتهم .
ولذلك اجروا شقتهم الفاخرة بمبلغ محترم واستأجروا شقة أخرى بجوار مدارس الاولاد و شغلهم و وفروا فرق من الايجار وكمان وفروا مصاريف الاتوبيس بتاع المدرسة لانهم استغنوا عنه و كمان الشقة الجديدة جنبها خدمات متعددة وبيشتروا كل طلباتهم من جنب البيت من غير مشورة .
شوف بقى قيمة التوفير ومكسب فرق الايجار تقريبا 800 جنية فى الشهر دا غير الراحة من المواصلات و المشورة و تضيع الوقت ، يعنى توفير للمال والوقت والمجهود
و فى نفس الوقت محتفظين بشقتهم الحلوة يعنى يوم ما يحبوا يرجعوا فيها مش حيجددوا عقد الايجار للناس اللى فيها و يرجعوا تانى من غير مشكلة .

مع تحياتى وتمنياتى بالتوفيق .....

[إبراهيم.صادق]

المشكلة الحقيقة مش في غلطة اختيار مكان القرية الذكية

المشكلة اننا لا نتعلم من أخطائنا بل نكررها بنفس الغباء .. خد عندك مثلاً:

المنطقة التكنولوجية بالمعادي ؟؟
المتحف المصري الكبير بالرماية ؟؟
و أخيراً مدينة المعارض بصلاح سالم ؟؟

افتكر لو كانت اتعملت في الصعيد كانوا الناس برضه هايروحوا يشتغلوا هناك ... فيه ناس كتير بتسافر برة عشان تشتغل مافتكرش انه هايرفض يسافر الصعيد خصوصاً لو فيه فرصة مناسبة

[kh_talaat]

المتحف المصري الكبير بالرماية ؟؟

اهو المتحف دة هيبقى الكارثه بعينها !!!

كل يوم وانا معدي على الأرض المخصصة لإنشاء المتحف (وهي من اضيق مناطق الطريق الصحراوي وعند منزل الدائري) اتخيل كم الأوتوبيسات السياحية اللي هتيجي المتحف وتعدي على المنطقة دي اللي هي اصلا مش ناقصه زحمه

بصراحه اللي اختار المنطقة دي لعمل المتحف لا يفقه في التخطيط شيئ !!!

[أبومعاذ]

انا شايف ان نقل القرية الذكية فكرة شبه مستحيلة ومحدش هيسمعلها والأفضل إننا نفكر في طرق جديدة تصل بين القاهرة و القرية الذكية