If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
والرئيس الأمريكى باراك أوباما
دار الحوار ا لتالى
مبارك: فخامة الرئيس ... كم متوسط راتب الموظف الأمريكى في الشهر؟
أوباما: حوالى 5.000 دولار
مبارك: وكم يصرف شهريا؟
أوباما: حوالى 2.800 دولار
مبارك: يعنى يبقى معاه 2.200 دولار، ويا ترى بيعمل بالمبلغ الباقي ده ايه؟
.أوباما: فى الحقيقة لأننا دولة ديمقراطية، احنا ما بنسألوش
أوباما: وانتم يا فخامة الرئيس... كام متوسط راتب الموظف عندكم؟
مبارك: حوالى 200 دولار.
أوباما: أووو!!! ... وبيصرف كام؟
مبارك: حوالى 1.000 دولار.
أوباما: ومنين بيجيب الفرق الكبير ده؟؟؟!!!!
مبارك: فى الحقيقة لأننا دولة ديمقراطية زيكم بالضبط، احنا كمان ما بنسألوش
ملعوبه بالذات التانيه
[B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]
أعتقد وبعد سؤال كتير من الناس المخلصين اللي انا اخدت رأيهم في الجواز قالولي الارقاتم دي :
من 800 الى 1000 بالنسبة لواحد لسه متجوز ممتاز .
و 1500 جنيه كويسين اوي لو انت ما بتدفعش ايجار وعندك عيل او اتنين لسه ما دخلوش مدارس .
وما تسألش دخلك هيوصل للالف وخمسمية ازاي؟
{ نحن نرزقهم واياكم } هو العيل بييجي برزقه .
ولما نوصل لمرحلة المدارس دي انتا ومزاجك وعلى حسب المدرسة اللي انتا عايز توديه فيها .
أخيرا ، قال رسول الله صلى الله عليه وسلم : (ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف).
أحسن حاجة...متحسبهاش أكتر من اللازم...
طالما بتاخد مرتب و مش لاقى فرصة تحسن بيها مرتبك يبقى الخيار الوحيد انك تدبر نفسك بالمرتب ده بأي طريقة. ليه أحسبها كتير و أنا مش بأيدي أزود المرتب لو لقيت مصاريفى مش مكفية؟
أنا كذا مرة حاولت أعمل لنفسي مصروف ثابت و كل مرة بظروفها مرة ألاقى نفسى محتاج و مرة ألاقى فايض لأن كل شهر بظروفه و صعب نحسبها بطريقة (الأستهلاك الشهري المتوسط) لأن انت ممكن تلاقى بس شهر واحد أو اتنين فى السنة اللى بيحصل فيهم استهلاك متوسط بدون ظروف خاصة.
الحساب الكتير هيوترنا بزيادة....لو واحد دخله 2000 و لقاه مش مكفى لما يحسب بالطريقة الحسابية فرقت ايه معاه؟ أحباط زيادة و خلاص.
[CENTER]Bad dreams in the night.
They told me I was going to lose the fight.
Leave behind my wuthering, wuthering Wuthering Heights [/CENTER]
شوف رمضان والمجزرة اللى حتحصل فيه فى الاكل عاملة ازاى
زمان كان الموضوع بالنسبة لنا اكل وشرب وخروجة ولبس فى العيد وخلاص
دلوقتى اى طفل طول النهار بيتفرج على التلفزيون وشايف موبيلات ولعب وبلاى ستيشن ونادى وايس كريم مش عارف ايه
ودى اس ال
غير المدارس واللى لازم تبقى لغات علشان تقدر تنافس والمدرسة بعيدة فمحتاجة باص والباص ب كذا وصاحبى فى المدرسة بيجيب مش عارف بوكس للاكل عليه سبايدر مان لا شنطتى قديمة ليه .. المصيف لازم يبقى فى الساحل لان اسكندرية باظت خلاص والعربية متنفعش 128 لازم تبقى حاجة حديثة وفيها وسائل امان.............................................. ......................................
انا صدعت ومقولتش كل حاجة
[CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
[B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
[CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
[CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]
[CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]
الزواج من اسباب الغنى وسد الفقر"وأنكحوا الأيامى منكم والصالحين من
عبادكم وامائكم ان يكونوا فقراء يغنهم الله من فضله والله واسع عليم"
النور32
قال بن مسعود التمسوا الغنى فى النكاح "ان يكونوا فقراء يغنهم الله من فضله"
قال بن عاشور رحمه الله:اغناؤه تيسير الغنى اليه ان كان حرا و توسعه المال على مولاه ان كان عبدا
وقال ابن كثير: زوج الرسول علىه الصلاة والسلامالرجل الذى لم يجد الا ازاره ولم يقدر على خاتم من حديد وجعل صداقها ان يعلمها ما يحفظه من القران
وقال السعدى رحمه الله:فلا يمنعكم ما تتوهمون من انه اذا تزوج افتقربسبب كثرة العائلة ونحوه وفيه حث على التزوج ووعد للمتزوج بالغنى بعد الفقر
وعن ابى هريرة ان الرسول صلى الله عليه الصلاه والسلام قال:ثلاثة حق على الله عونهم:المجاهدفى سبيل الله والمكاتب الذى يريد الأداء والناكح الذى يريدالعفاف
+1 بس النهاردة في ظل الغلاء اللي احنا عايشين فيه 5000 اصبحت الحد الادني لحياة كريمة و حط خط تحت كريمة دي
بصراحة دي مش اسمهما عيشه دا اسمه انتقام تعذيب و ذل و حرمان و ربنا ما يرضاش بكدا لما يبقي كيلوا اللحمة العادي ب 50 جنيه بس من غير خضار و باقي طلبات البيت يا جماعة خلينا منطقيين مين يقدر يعيش هو و اسرته ب 500 جنيه و عنده عربية كمان و مدارس و اكل و شرب و لبس و مرض و دواء و و و و الخ
انا معاك في التقسيمة دي طبقا للظروف الراهنة في البلد العجيب اللي احنا فه
طبعا كلام جميل و لا غبار عليه بس دي حضرتك انت عشان تصل رحمك و تزور قرايبك علي الأقل عاوزلك 3-4 كيلو فاكه تدخل بيهم في ايديك عالناس و لما تحسب النهاردة تمنهم هتلاقيه دخل في40-50 جنيه !!!! الصدقة محتاجة انه يكون عندي اقل احتياجاتي اليومية عشان اقدر اتصدق صح و لا انا غلطان القناعة موجودة و الحمدلله احنا مش عايزين اكتر من حياة كريمة و بس مش محتاج شالية في بورتو سخنة و لا رحلة لأوروبا عشان اشتري الكسوة بتاعة العيال و لا خروجة في فندق خمس نجوم كل يومين تلاته و لا كلام اللي بنشوفة في التلفيزيون دا الحياة الكرييييييييييمة فقط لاغير حتي مش لازم كريمة ممكن نادية او باتعة او حتي ست ابوها يا جدعااااااااان
حرام و الله اللي بيحصل فينا دا
عشا ن تصل رحمك التليفون ماشى حاله برضه واهو فودافون بيعمل عروض رسايل ببلاش وفى عروض فى كل الشبكات وبعدين لو جبت لهم فاكهة ماهم المرة الجاية هيجيبولكم برضه تبقى مصلحة متبادلة
وحكاية الصدقة دى بالعكس ده السلف كان لما واحد يبقى معهوش فلوس يطلع صدقة لأن دى طريقة مضمونة ان ربنا يبعت لك فلوس وبصراحة انا جربتها شخصيا ونجحت معايا
ولو قلنا لازم يكون عندى اقل احتياجاتى اليومية قبل ما أطلع صدقة يبقى كل واحد هيحسبها من وجهة نظره وكده ممكن معظم الناس متطلعش وبعدين اتقوا النار ولو بشق تمرة مش لازم فلوس فظيعة يعنى ولو مبلغ رمزى رب درهم سبق الف درهم وطالما احنا حسين ان معندناش اقل احتياجتنا واحنا فى منتدى سيارات يعنى معظمنا عنده عربية حتى لو مهكعة يبقى لازم نحس باللى معندوش حاجة خالص ونساعده ولو بالشىء اللى شايفينه بسيط يمكن عند ربنا عظيم والله يضاعف لمن يشاء وقال ابن القيم 4 تجلب الرزق قيام الليل و كثرة الأستغفار بلأسحار وتعاهد الصدقة و الذكر اول النهار واخره
وصدقة السر تطفىء غضب الرب وتقى مصارع السؤ
ومانقص مال من صدقة انفق ولا تخش من ذى العرش اقلالا
و داووا مرضاكم بالصدقة
وصدقنى لو كتبنا كل حاجة بنصرفها بالتفصيل لازم هنلاقى حاجات بتروح فى مالوش لزمة
صح ولا؟
من حوالى 10 ايام كان فى برنامج على ال اف ام ( اذاعة الرديو )
و كان البرنامج عن الموضوع ده
فى رسالة وصلت من زوجة بتشتكى من المصاريف و المرتبات مش مكفيها هى و زوجها و ولدين
و بتقول انها هى و زوجها دخلهما فى الشهر حوالى 18000 جنية
ده بجد
فكل اسرة بتعيش على قد مستوى دخلها
و الى سيبها على ربنا مبيخفش و سيبها على ربنا
و ربنا يحسن احولنا جميعا و احوال بلدنا و يقل الفساد و السرقة
و انا اعتقد ان اقل بيت يمكن يعيش على مستوى
فقير 800 جنية
اقل من متوسط حوالى 1500 جنية
متوسط حوالى 3000 جنية
فوق المتوسط 5000 جنية
فوق المتوسط مميز 10000 جنية
رفاهية من 30 الى 60000 جنية شهريا
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك
<!-- google_ad_section_end -->
Comment