هتعمل إيه ...؟؟؟ مفروووس

[wesam_salom]

فوق الطبيعي

يعني مرة بقولها من باب الود في الحديث ""ياأم حنين""
هيا عندها بنوتة إسمها حنين

بعد كام يوم لقيت واحد معرفة بيكلمني ...بيقولي الدكتورة زعلانة
قولتله خير
قالي:إزاي تقولها ياأم حنين ..قدام البنات كده ..من غير دكتورة

انا اعرف عيله كامله مبينادوش بعض بالاسامى المجرده حتى وهما بياكلوا مع بعض

تلاقي الاب بينادى لابنه يا دكتور فلان واخوه الاستاذ فلان والمهندس علان

ولو قلت لواحد فيهم محمد اخوك من غير دكتور محمد ممكن ميعرفوش

[phantom0xx0]

أنا رأي
1-أنسي الفلوس دي خالص، و تأكد إن فلوسك جيلك جيلك ، و طالما هي قبلت على نفسها مال حرام ،ده انسانة لا تؤتمن............. مفيش داعي انك أصلاً تتفاهم معها طالما مفيش أي اثباتات
2-خلص اجراءت الصيدلية بسرعة من غير كلام معها ، اذا كان هذا ممكن
3- على ما أعتقد،، فيه درج خزنة ميفتحش غير بالمفتاح أو كود .. حاجة ذي كدة (point of sale) .. هاته و رايح بالك

[Car's Sniper]

ده ابتزاز واضح...واكيد يوم ماتقولها عايز انقل الصيدلية باسمى مش هاترضى غير كدة انت محتاجلها ومش هاينفع تزعلها
والله مانا عارف ايه الحل بس حاول على قد ماتقدر تفتح صيدلية باسمك احسن وياريت يكون اقرب مكان للصيدلية دى عشان هاتكون مربى زبون وربنا يوفقك ان شاء الله

[ahmed4000]

هو الصيدلية لسه باسمها؟

وهل حتبقى محتاجها وانت بتقل المللكية
ولا ممكن تنقل من غير مهى تعرف؟

لو كده يبقى كبر دماغك لغاية لما تنقل حاجتك باسمك وبعدين ابقى عرفها شغلها

[nabaster]

طالما شخصيتها كده

فكك منها وسايسها لغاية لما تنقل الصيدليه باسمك

المبلغ برضه بسيط قصاد وجع الدماغ والمشاكل الي ممكن تحصل

A.Yakout

[yse]

لك الله يادكتور احمد

بس بيتهيألي من كلامك انها مفيش منها فايدة .

لو حضرتك داخل على نقل الصيدلة فيبقى لازم تسايسها علشان الامور تمشي ومفيش ورق يوقف

وبالنسبة للبنات اللي عندك في الصيدلة اعتقد انك ظالمهم نوعا ما

أولا هما معاك ليهم ثلاث سنين ماطلعش منهم مشكلة مادية قبل كده او مشكلة كبيرة على كلام حضرتك

وزي ما بتقول هما بيحبوا الصيدلة حب أسطوري فحرام عليك انك تتسبب لهم في أي ضرر مادي أو معنوي

ده المفروض حضرتك تقولهم المفروض اللي كان يعملوا بالراحة علشان تتلافى الاخطاء ديه تاني بعد كده

وراي قد يحترم الصواب والخطأ وتقبل مروري

[haneen83]

بس يا دوك طالما الهانم دي عملت التمثيلية في حضور جمهور من طرفك و هما البنات اللي عندك و خرجت عادي بدون اي تعقيب او تعليق او محاولة اتصال منهم بيك يبقي كده قضيتك عفوا خسرانه لانها ادت دورها و خرجت مع تصفيق الجمهور بدون اي محاولة لردعها يبقي اكيد مليون في المية هتنكر و هتقسم انها حطت الفوس يبقي هتوش نفسك علي الفاضي الخطا كله يتحمله البنات اللي شغالة عندك مع كامل احترمي دي بلاهةمنهم

فعلا عندك حق ده نفس الكلام اللى كنت هاقوله .. طالما انها خرجت من باب الصيدليه و ماحدش كلمها ما ينفعش تكملها انت و تشكك فيها لان اللوم كله هيبقى عليك و هتعمل لك سمعه زى الزفت بين الدكاتره

انا لو كنت مكان البنات دول و متأكده انها ما حطش الفلوس .. كنت قولتيلها طب ثوانى يا دكتوره نتأكد من المبلغ الموجود علشان عاملين لك خصم و نسينا نقولك و افتح الدرج عادى جدا و اعد الفلوس كلها و بعدين اقولها ده كده ما اتحطش مبلغ لان الدرج ما زادش خالص الموجود فيه هو حساب الايراد و كده انا مش هاقدر اشطب اسمك و يا ريت حضرتك تتفاهمى مع الدكتور لما يجى و بس

كده تبقى البنت اثبتت للدكتوره انها كشفتها و فى نفس الوقت رمت الكوره فى ملعبك انت تقدر بقى تشكك فى الدكتوره زى ما انت عايز

لكن فى الوضع ده انت ما ينفعش تتخذ اى اجراء صريح يبين انك شكيت فيها ..
طب الحل ايه ؟؟؟ لو تقدر تغلى عليها سعر الادويه بطريقه غير ملحوظه بحيث تسترد حقك على اجزاء اعمل كده لو مش هينفع يبقى أخر تعامل مادى بينك و بينها اخصم المبلغ بس ده فى حاله ان البنات ما شطبوش على حسابها اللى بتقول دفعته و ساعتها يوم ما تتكلم انكر ان البنات بلغوك بانها جت من اساسه و ساعتها تبقى مش مشكلتك اصلا و على فكره فى الحالتين مش هتبقى حرام لان انا سمعت فتوى من فم الشيخ سالم ابو الفتوح على قناه ازهرى بتفول ان لو حد سرقك و قدرت تسترد منه حقك على غفله استرده بس تكون متأكد انه سرقك مليووووون فى الميه مش بس مجرد شك

و ربنا يكون فى عونك يا دكتور ان شاء الله

[hemalotfy]

استعوض ربنا في فلوسك واعتبرهم زكاة مالك عليها (:

[alaa74]

ازيك يا دكتور اخباركك ايه ؟

اولا لو انت هتحتاج لها فى عمليه تغيير الصيدليه من اسمها لأسمك

يبقى لازم تتصرف بهدوء وبحكمه علشان تخلص مصلحتك من غير مشاكل .

ثانيا بخصوص الفلوس أنا عندى إقتراح بس طبعا مش عارف مدى إمكانيه تنفيذة لأنى معرفش الصيدليه من جوة عامله ازاى ؟

انت تروح لها وتتكلم معاة من غير مقدمات وتطلب منها الفلوس وتقولها انها فتحت الدرج وقفلته من غير ما تحط فيه أى فلوس.
وأنك عرفت دة من البنات اللى عندك فى الصيدليه وكمان شوفته فى كاميرا المراقبه اللى انت مثبتها فى مكان مخفى عن اى عيون وانك الوحيد اللى تعرف ان فى الصيدليه كاميرا مراقبه .

وحتى البنات ميعرفوش المعلومه دى.

وعليه هى مش هتقدر تنكر لأن انت كدة فاجئتها بموضوع الكاميرا وان الواقعه مسجله يعنى موقفها ضعيف معاك .

ومؤكد مش هتقدر تنكر وهتكون مضطرة انها تديك الفلوس .


بس الاقتراح دة متوقف على حاجتين اولا انك تكون فعلا واثق ومتأكد من أمانه البنات، والحاجه التانيه متوقف على شكل الصيدليه من جوة عامل ازاى وهل فى مكان يسمح بتخيل أو تصور فكرة تثبيت كاميرا فيه .

وبالتوفيق ان شاء الله فى انهاء أى علاقه مع هذة الدكتورة طالما انها غير أمينه وغير مريحه فى التعامل .

[zkralla]

الفلوس ديه انسى رجوعها باى سبل وديه من كلام واقتناع وغيره لأنها لو رجعتهالك هتبقى بتقولك أنت والى فى الصيدليه كلها أنها حراميه وده طبعا مستحيل
لازم هيحصل كلاش بينكم وكلاش مش صغير تقوم هيا تخاف من التسيح والفضيحه فترجع الفلوس بس بعد كده هيكون صعب استمرار علاقه العمل واعتقد هتكون خسران لو لسه محتاج لها
معتقدش موضوع الجرد ده هيفيد الا فى أنه يقلقها لأنه هيخلى التهمه موزعه بينها وبين باقى الى فى الصيدليه واكيد هي اعلى وحده فيهم فى البوزشن فعشان كده هتقولك يمكن حد من التنينن
موضوع الكامير كمان مش عارف ممكن يخش عليها ولا ايه لكن هيفيد أنه هيخوفها اكتر لأنها مش متأكده من أنها مش موجوده
مش باقى الا الخوف من الفضيحه والوضع الاجتماعى
فى كل الاحوال العلاقه بعد الكلام ده هتتقطع
قيس الفلوس ديه كام والخساره الى ممكن تخسرها من قطع العلاقه كام وشوف انهى الاكبر

[akramlail]

الفلوس تنساها دلوقتى خالص لحد متنقل الصيدلية باسمك تخصمهم من اخر ايجار متبقى وتعرفها ان دول اللى سرقتهم منك
تانى حاجة البنات تفضل مفهمهم ان مخصوم منهم لحد مييجى وقت القبض تديهم فلوسهم كاملة وكفاية انهم عاشوا احساس العقاب

[Akram]

اخصم من البنات مبلغ و لو بسيط لأن الحاجات دي مفيهاش هزار و هما كده مش شايفين شغلهم تمام ,

انقل الصيدلية الأول بإسمك و اعتقد هتحتاج الدكتورة دي في إجراءات النقل ,

بعد نقل الصيدلية خللي البنات تكلمها و تقولها إن المبلغ ده اتخصم منهم و بالتالي الدكتورة دي مش هتيجي تاني ,

و لو جت اديها الوش الخشب زي ما بيقولوا

[cyborg_ift]

بص يا دكتره من واقع شغلي مع الدكاتره تسع سنين إستعوض ربنا في القرشين دول لإنك لسه محتاجهه وإنت عارف اجراءات تغيير الاسم حبالهه طويله شويه وتاني حاجه انت واثق فعلا من البنات اللي شغالين عندك؟؟؟ وبعدين يا بوب 900 قليل اليومين دول وانت عارف بتوصل لألفين وعموماً لو عاوز اي حاجه في ادارة الصيادله انا ممكن اساعدك في أي وقت وانا عارف الناس هناك أهوه بقالي تسع سنين شغال في تسجيل الأدوية

[A7MED_PHARMA]

انسى يا د أحمد المبلغ ده حاليا وفاجئها بنقل الصيدلية بإسمك

شكرا طبعا لكل الردود

لكن يادكتور أحمد

الصيدلية رسميا بإسمها
يعني لازم كل الأجراءات تتم من خلالها...

ربنا يستر والاسبوعين الجايين يعدوا على خير ...نخلص منها بقا
حاجة تقرف

ونفس الموقف إتكرر تاني النهاردة
الدفاتير بتاعت الصيدلية حصل لها تلف..فالمفروض نروح نعمل دفاتر تانية من مديرية الصحة
النهاردة جت فتحت الدرج برضووو ...واخدت منه مبلغ ( وأنا مش موجود)
وقالت دي فلوس ورق الدفاتر
لما جيت النهاردة والبنت قالتلي...
خليت البنت تكلمها وتقولها الدكتور أحمد عاوز يعرف حضرتك أخدتي كام من الدرج النهاردة ...والدكتور أحمد خصملي 10 أيام كاملين علشان الدرج مسؤليتي في فترتي
راحت فاتحة الجعورة...إنتوا بتسرقوني ...إنتوا إزاي بتقولوا كده ...أنا أعمل إلي أنا عاوزاه..أنا الدكتورة

أنا قربت أتشل من الولية دي

[heshamzaky]

ما تسيش فلوس نهائيا فى الدرج و الست دى مش سهلة و وشها عريان سايسها لغاية ما تخلص مصلحتك و بعدين اقلبها و ما تتغصبش دى مش سهلة و هى استحلت اللعبة