تصوير * تصوير(لمحبى فن التصوير)

[Dr.Karim Emam]

حلوة جدا فكرة المسابقة

بس انا مش فاهم اوي الحتة المقتبسة , يعني حضرتك قصدك نصور الشهب ؟

و عايزين باقي الناس تقولنا رأيها في موضوع المسابقة

اه بالظبط كده
قرأت الخبر ده في مصراوي فجائت في دماغي الفكرة دي


و قلت نشوف الإبداع بقى

[aliabutaleb]

شكراً أحمد عبد المقصود على النصائح الرائعة :)

[Ahmed Selim]

كلام مظبوط 100٪ :)

انا صورت صور , بس مش فنية اوي , هي صور منتجات :) , بس متحكم في الاضائة , مش عارف احطها ولا لأ

و بعدين يا باشا مش هصور و انا بسوق في وسط البلد :) , انا مكنتش سايق :)

مستنين الصور يا باشا

اه بالظبط كده
قرأت الخبر ده في مصراوي فجائت في دماغي الفكرة دي


و قلت نشوف الإبداع بقى

صعبة شوية.....أولاً أعتقد أن الشهب دى مش ببتساقط على طول.....يعنى عاوزة واحد فاضى قاعد مستنى.....ده غير أنها محتاجة عدسة زووم كويسة ممكن متكنش موجودة عند ناس كتير

طيب أيه رأيكم نعمل مسابقة برضة فى تصوير أى حاجة تانية نشوفها......يعنى ممكن مثلاً تصوير عربيات بما أننا فى منتدى سيارات أصلاً ؟؟؟

شكراً أحمد عبد المقصود على النصائح الرائعة :)

يا باشا من بعض ما عندكم........أخبار التجمع أيه ؟؟؟؟

أنا لو منك أشوف شقة أيجار هناك أو فى مدينة نصر :)))

[aliabutaleb]

يا باشا من بعض ما عندكم........أخبار التجمع أيه ؟؟؟؟
أنا لو منك أشوف شقة أيجار هناك أو فى مدينة نصر :)))

التجمع حلو لكن المشوار اللي مش حلو
بس متقولش لأبو كمال عشان بيشمت
أنا بادعي له كل يوم بصدور قرار عنتري ينقل إدارته لوحدها على أول الطريق الصحراوي من ناحية إسكندرية :)
ربنا ييسر
تستقر الأمور شوية ونبقى نشوف هانعمل إيه

[Kareem_A]

و ااااادي صور المنتجات :) , ناس كتير صحابي قالولي ابعت الصور دي لشويبس , بس انا مش عايز اخد على كلامهم لأنهم برده مش بيفهموا في التصوير اوي

بس انا بسمع انا الموضوع دة مش صعب , و انهم فعلا بياخدوا الصور و يدوك فلوس , غير ان ليا صديق في كندا غاوي تصوير بس هو في مرحلة متقدمة عني بحبة حلوين :) , صور عربية والدته الجيتا و بعتها لفولكس فاجن و اشتروهم منه

عامة ادي الصور :)










بالمناسبة : طعمها معجبنيش خاااااالص :)

[ACE]

ايه الناس الجامدة دي
بسم الله ماشاء الله
طب يا جماعة ما تعملو موقع ليكم وتجمعو فيه اعمالكم ومنها هتلاقو استفادة مادية من الموقع
وممكن كمان ادلكم علي استضافة ممتازة

[wahba87]

الصور عجبتنى اوى يا كريم على فكرة

الجميل فيها ان زاوية الاضائة مش ثابتة , لكن كان ممكن تجرب كمان لو تعمل اضائة اكتر من كذا ناحية مثلا

[أبو_يوسف]

الله ينور يا جماعة حاجة جميلة فعلا..
في حاجة عايز اقولها (احتمال يكون كلكم عارفينها)
في مواقع على النت ممكن تبيع صورك عليها بالعمولة يعني بتعرضها مجانا وبيتحدد لها مبلغ ولما حد بيطلبها ويدفع بتاخد عمولة.. يعني ممكن تستفيدوا ماديا من الهواية دي
ودا موقع منهم:
Photostockplus – Sell your photos online

[MaZaGAngeE]

المدام استعجلت عشان كنا طالعيم مصيف و اشترت الكاميرا دي :

Kodak EasyShare C142 Camera

ايه رأيكم فيها ؟

[Mzeid]

الكاميرا dslr و لا عادية ؟؟؟

جرب فى كل الأحوال تنظيف العدسة من الخارج بواسطة سوائل تنظيف الشاشات ال LCD و قطعة قماش زى بتاعة النظارات الطبية.

و بيبقى فيه كت kit تنظيف زى اللى فى الفيديو ده
How to Clean a Personal Camera Lens: How to Clean Personal Electronics | eHow.com

لسه جايب واحدة ب 80 درهم من كام يوم

لو حد عاوز يقولى.....بس يشوف طريقة أبعتهاله بيها.

لا كاميرا عادية

شكرا لحضرتك
انا هجرب الطريقة الاولى لو منفعتش هشوف ال kit نظامها إيه إن شاء الله

[human]

بقالى كتير مش بصور ولا فيه كاميرا اصلا

من اواخر الحاجات اللى صورتها

[Drift_Lover]

موضوع اكثر من رائع مش عارف ازاي اول مره اشوفه...

[Kareem_A]

بقالى كتير مش بصور ولا فيه كاميرا اصلا

من اواخر الحاجات اللى صورتها

مشاء الله , الله اكبر :)

هو في كدة :)

ياترى نوع الكاميرا ايه ؟ , و حضرتك استخدمت ايه عشان توصل للاضاءة الفي اول صورتين ؟

[Samah AbdAllah]

مجموعات مختلفة ومتنوعة من الصور وكلها جميلو
صورك يا طارق بيك جميلة ليه ما صورتش من زمان
اما احمد بيك عبدالمقصود واضح انه محترف
لازم تدى دروس بجد

[Gabrial]

بقالى كتير مش بصور ولا فيه كاميرا اصلا

من اواخر الحاجات اللى صورتها

تحفة يا فندم تسلم ايدك .