تصوير * تصوير(لمحبى فن التصوير)

[د/أحمد ابراهيم]

متشكر لتعليق حضرتك..
الصورة دى عبارة عن تأثير سقوط نقطة مياه فى حوض ماء مع أضاءة زرقا ..و النوع ده من التصوير يستلزم أعدادات و كاميرا dslr
تم ألتقاط الصورة بالأعدادات التالية:
canon 50mm f1.8 lens with 12mm extension tube
shutter speed 1/200
iso 400
f6.4

سعر الكاميرا دي كام

وهل فيها تصوير فيديو مستمر (مدة طويلة)

معلش اسئلة غريبة انا عارف

[wahba87]

هو ايه لازمة ال extension tube

كمان ايه لازمة filters , polarizers

و ايه لازمة البتاعة دى :

http://www.crestock.com/uploads/blog/2008/cameragear/hasselblad-h3d.jpg

http://www.killerangel.net/bio/d70.jpg

معلش هى ممكن تكون اسئلة ساذجة , بس الواحد لسه فى الاول و بتعلم

[Mzeid]

شباب ممكن سؤال
إزاي أنظف عدسة الكاميرا
لأنها بتطلع أشكال وحشة في التصوير

[Ahmed Selim]

هو ايه لازمة ال extension tube

كمان ايه لازمة filters , polarizers

و ايه لازمة البتاعة دى :

http://www.crestock.com/uploads/blog/2008/cameragear/hasselblad-h3d.jpg

http://www.killerangel.net/bio/d70.jpg

معلش هى ممكن تكون اسئلة ساذجة , بس الواحد لسه فى الاول و بتعلم

ال extension tube بتستخدم علشان تزود المسافة من العدسة الى الكاميرا و بالتالى بتخلى اللى بيصور يقدر يقرب أكتر من الحاجة اللى بتتصور مع الحفاظ على ال focus.
لأن كل عدسة ليها مقاس معين لو قربت أكتر منه و أنت بتصور مش هتعرف تحافظ على ال focus
الفلترز فى منها أنواع منهم البولاريزر.....و دول بيستخدموا علشان تدى أيحاء معين و أنت بتصور أو علشان تخفى حاجة معينة و أنت بتصور

يعنى على سبيل المثال البولاريزر بيعمل الفرق ده



لاحظ لون السماء و لون النجيلة عامل أزاى جوة الدايرة اللى هى المفروض الفلتر.

فيه أنواع كتيرة للفلاتر..........شوف اللينك دى ظريفة و بتوضح بالصور أنواع الفلاتر و استخداماتها

Choosing a Camera Lens Filter

اللى أنت بتسأل عليه فى الصور ده أسمه lens hood و بيستخدم علشان يقلل أشعة الشمس اللى داخلة على العدسة

[wahba87]

الف شكر يا باشا على المعلومات المفيدة

[Ahmed Selim]

شباب ممكن سؤال
إزاي أنظف عدسة الكاميرا
لأنها بتطلع أشكال وحشة في التصوير

الكاميرا dslr و لا عادية ؟؟؟

جرب فى كل الأحوال تنظيف العدسة من الخارج بواسطة سوائل تنظيف الشاشات ال LCD و قطعة قماش زى بتاعة النظارات الطبية.

و بيبقى فيه كت kit تنظيف زى اللى فى الفيديو ده
How to Clean a Personal Camera Lens: How to Clean Personal Electronics | eHow.com

لسه جايب واحدة ب 80 درهم من كام يوم

لو حد عاوز يقولى.....بس يشوف طريقة أبعتهاله بيها.

[Ahmed Selim]

الف شكر يا باشا على المعلومات المفيدة

العفو يا باشا

[Donzi]

الموضوع رائع بجد يا جماعة

انا مستمتعة جدا جدا و انا بتفرج على الصور لاني بحب التصوير جدا بس بحب تصوير البني ادمين اكتر

ربنا يوفقكم

[Kareem_A]

طب نجرب حاجة جديدة :)

ايه رأيكم ؟

[Ahmed Selim]

هو الرقم اللى فوق ده بتاع الإشارة ؟؟؟؟

هل أنت قاصد أنه يكون موجود فى الكادر ؟

أنا رأيي لو كنت نزلت بالكادر بحيث أنك تبقى جايب جزء من العربيات مع التمثال.....و يا سلام كمان لو جهة نظر التمثال كانت تبقى على العربيات...........أعتقد كده كانت تبقى أحسن.

من غير زعل.......علشان أنا عارف أن الواحد لما بيتعب فى صورة مش بيبقى عاوز يسمع كلمة عليها :)
بس أحنا عاوزين نستفيد من بعض.......و لا أيه ؟

أصبر بس عليا لم الجو يتحسن و هتلاقى سيل من الصور نازل عليكم و ابقى ردها لى :)))

[Kareem_A]

هو الرقم اللى فوق ده بتاع الإشارة ؟؟؟؟

هل أنت قاصد أنه يكون موجود فى الكادر ؟

أنا رأيي لو كنت نزلت بالكادر بحيث أنك تبقى جايب جزء من العربيات مع التمثال.....و يا سلام كمان لو جهة نظر التمثال كانت تبقى على العربيات...........أعتقد كده كانت تبقى أحسن.

من غير زعل.......علشان أنا عارف أن الواحد لما بيتعب فى صورة مش بيبقى عاوز يسمع كلمة عليها :)
بس أحنا عاوزين نستفيد من بعض.......و لا أيه ؟

أصبر بس عليا لم الجو يتحسن و هتلاقى سيل من الصور نازل عليكم و ابقى ردها لى :)))

هههههههه يا باشا والله ما في اي زعل :) , انا لسه مبتدئ جدا و بجرب و بعرض عليكم عشان تقولولي الصورة فيها ايه عشان اظبطه

هو عامة , انا كنت راكب في عربية , فمكنتش عارف اتحكم في الكادر كويس

كنت عايز اجيبها مرة بالرقم و مرة من غير بس معرفتش
انا مبسوط جدا عشان حضرتك مجاملتنيش :)

[Ahmed Selim]

هههههههه يا باشا والله ما في اي زعل :) , انا لسه مبتدئ جدا و بجرب و بعرض عليكم عشان تقولولي الصورة فيها ايه عشان اظبطه

هو عامة , انا كنت راكب في عربية , فمكنتش عارف اتحكم في الكادر كويس

كنت عايز اجيبها مرة بالرقم و مرة من غير بس معرفتش
انا مبسوط جدا عشان حضرتك مجاملتنيش :)

يا باشا أحنا عاوزين نوصل للأحسن......عن طريق أن أحنا بنأخد أراء بعض.....مفيهاش حاجة يعنى.....و لو جاملتنى و جاملتك كل صورنا هتبقى حلوة و الحياة وردى بس فعلياً هنكون بنضحك على بعض.

و بعدين بتصور و أنت راكب عربية.........يا جبروتك :)

[Kareem_A]

يا باشا أحنا عاوزين نوصل للأحسن......عن طريق أن أحنا بنأخد أراء بعض.....مفيهاش حاجة يعنى.....و لو جاملتنى و جاملتك كل صورنا هتبقى حلوة و الحياة وردى بس فعلياً هنكون بنضحك على بعض.

و بعدين بتصور و أنت راكب عربية.........يا جبروتك :)

كلام مظبوط 100٪ :)

انا صورت صور , بس مش فنية اوي , هي صور منتجات :) , بس متحكم في الاضائة , مش عارف احطها ولا لأ

و بعدين يا باشا مش هصور و انا بسوق في وسط البلد :) , انا مكنتش سايق :)

[Dr.Karim Emam]

طيب ممكن نعمل زي مسابقة ظريفة بين المصورين هنا في المنتدي
و هتكون عبارة عن أجمل صورة و هتكون عن الموضوع ده

أكد المعهد القومي للبحوث الفلكية والجيوفيزيقية أنه لا خطورة مطلقًا على كوكب الأرض والأحياء التي تعيش عليه من اختراق مجموعة الشهب للغلاف الجوي والتي يتعرض لها كوكب الأرض حاليا.وكان معهد البحوث الفلكية عقد مؤتمرًا صحفيا الأحد أكد فيه عدم وجود أي خطورة من الانفجارات الشمسية الحالية على الحياة على كوكب الارض.
وقال رئيس المعهد الدكتور صلاح محمد محمود إن الأرض تتعرض سنويًا لـ27 رخة شهابية صغرى و15 رخة شهابية كبرى من بينها الرخة الشهابية الحالية التي تستمر لمدة خمسة أيام وتبلغ ذروتها يوم الخميس المقبل.
من ناحيته قال أستاذ أبحاث الشمس المتفرغ بالمعهد الدكتور محمد سليمان في تصريح مماثل أنه يمكن رؤية هذه الشهب بالعين المجردة من أي مكان مظلم في مصر مثل الطرق السريعة البعيدة عن اضواء المدينة.
وأشار الى ان الشهب ستظهر كحبات مضيئة فى السماء كألعاب نارية بمعدل 60 شهابا بالساعة تقريبا وأن حجمها صغير جدا بحجم حبات الرمل أو أكبر بقليل.
وأكد أن 90 بالمائة من هذه الشهب تحترق خلال اختراقها للغلاف الجوى الأرضي حيث تنجذب الشهب للارض بفعل الجاذبية الأرضية بسرعة 70 كيلومترا في الثانية تقريبا.
واوضح سليمان أن هذه السرعة تولد احتكاكا بينها وبين الغلاف الجوى وأن هذا الاحتكاك يكون نقطة مضيئة تنطلق في السماء المظلمة أو خطا لامعا يظهر ويختفى سريعا.


المصدر: وكالة الأنباء الكويتية، مصراوي.

إيه رأيكم؟

[Kareem_A]

طيب ممكن نعمل زي مسابقة ظريفة بين المصورين هنا في المنتدي
و هتكون عبارة عن أجمل صورة و هتكون عن الموضوع ده


إيه رأيكم؟

حلوة جدا فكرة المسابقة

بس انا مش فاهم اوي الحتة المقتبسة , يعني حضرتك قصدك نصور الشهب ؟

و عايزين باقي الناس تقولنا رأيها في موضوع المسابقة