تشترىلابتوب (نوتبوك) ايه؟

[د.اسماعيل النجار]

بعد انتشار الحاسب المحمول وتراجع سعره نوعا ما وازدياد الحاجة اليه فى تنقلاتنا وبعد ان تطورت مواصفاته حتى تساوت او زادت عن تلك للحاسب المكتبى ،اصبح اقتناء اللابتوب امرا منطقيا وربما مطلوبا وضروريا وحيث ان لدينا خبراء فى هذا المجال بحكم تخصصهم المهنى والاحترافى امثال الاخ العزيز الاستاذ كريم منير وجميع المهندسين بالمنتدى فنحب ان نسمع اراءهم بصفتهم خبراء ومحترفين فى هذا المجال وايضا نتمنى ان نسمع اراء باقى الاعضاء من يمتلك منهم حاسبا محمولا ومن عنده خلفية كهاوى فى هذا المجال على ان تغطى الاراء مايلى
1-متطلبات الجهاز للاستعمال الشخصص المعتاد لاى فرد فينا
2-سعر الجهاز ويراعى ان يكون فى حدود المعقول واقترح رينج 5000 الى9000
3-انيكون الجهاز مشتملا على احدث المكونات مثل المعالجات ثنائية ورباعية النوى مع busلايقل عن 700 ميجا وكاش ميمورى من 2 الى 4 ميجا وهارد سات فوق 200 جيجا وشاشة كريستالية 15 الى 17 بوصة وبه ويب كام وبلوتوث wlan wireless ,ومخارج tv ;dvd وكارد ريدر
4-سوف احصر الاختيارات فى اربعة انواع ارى انها الاشهر فىسوق الحاسبات الممولة ولكن ليس هذا حظرا على اى راى سواء فى النوع او الامكانيات
(1)توشيبا
(2)hp
(3)ديل
(4)فوجيتسو سيمنس
(5)ايسر

تم النقل والتثبيت في القسم التعليمي لتعم الفائدة بواسطتى
الادارة(1)

[محمد عز]

الديل يعتبر من افضل اللاب توب الموجوده فى السوق بيمتاز بقوته واستحماله وغير كده البطاريه بتاعته بتقعد فترة اطول وكماركة يعتمد عليها

التوشيبا فيه بعض الانواع ظهر فيها عيوب فى الصناعه وبالاخص الشاشه لان ليا 3 اصحابي اشتروا توشيبا وال 3 الشاشه حصلها عطل واعتقد ان العيب ده اصبح مش موجود ويعتبر من الاجهزة الممتازة

الايسر بيمتاز بجمال شكله وفى نفس الوقت سعرها يعتبر رخيص بالنسبه للانواع الاخرى وعن تجربه لانه معايا هوا كويس جدا ولكن يعيبه ان البطاريه مش بتقعد وقت طويل يدوبك ساعه واحده

ال Hp يعيبها غلو تمنها مع انها لايقدم جديد عن الاخرين

[tutankhamoun]

السلام عليكم
المسألة مش مسألة أيه أحدث حاجة .... المسألة مسألة أيه أحتياجاتك من الجهاز ؟
يعني مرحش أشتري جهاز ب 9000 جنيه علشان خاطر هو احدث حاجة و مليان أمكانيات
بل أشتري الجهاز الذي يتوافق من أحتياجاتي
يعني مثلا لو طبيب بيشتري حاسب محمول .
فإنه لن يحتاج إلى كل تلك الإمكانيات الغالية الثمن
بل يحتاج إلى جهاز يعمل بشكل جيد مع تطبيقات المكتب مثل وورد و أكسل أو ما شابه أو المقابل لها في البرامج الخاصة بالشركات الأخرى
شخص أخر يشتري جهاز ذو نواه رباعية .... أو ثنائية .... و باص كبير ... و رام كتير علشان هو محتاج ده مثلا في تحرير ملفات الأفلام و الصور العملاقة و إنشاء رسوم متحركة مثلا

يبقى السؤال هنا
ماذا سوف أفعل بالجهاز ؟؟
و هو ما سيحدد الإجابة
بالنسبة لموضوع الأنواع
أنا لم الاحظ أهمية نوع الجهاز و نوع العربية و نوع الشئ الذي يتم شراؤه إلا في بلدنا المحروسة مصر
عموما . بالنسبة للجهاز الحاسب المحمول النوع ليس مهم بدرجة كبيرة جدا
ليه ؟
أولا إذا كنت تبحث عن النوع بسبب وجود قطع غيار
الشركات المنتجة تقوم بتطوير الحاسبات المحمولة بسرعة مما يترتب عليه توقف إنتاج بعض الخطوط و بداية إنتاج خطوط جديدة مما يترتب عليه أنك لن تجد ما تبحث عنه من قطع غيار مثل المازر بورد .... إلا إذا وجدتها في جهاز مستعمل من نفس الموديل
ثانيا إذا كنت تبحث عن النوع لغرض البيع بعد استعمال الجهاز لفترة
الحواسب المحمولة أو الحواسب عموما يقل ثمنها كثير بعد شهر أو أثنين نظرا لوجود تكنولوجيا أعلى نزلت بعدها
فتجد أنك أشتريت جهاز ب 5000 و بعد 6 أشهر ممكن تبيعه ب 2000 بالكتير
يعني خسرت 3000 جنيه في 6 أشهر و ممكن يكون الجهاز جديد و لم يستخدم أقصد استعمال خفيف . و لكن هذا هو عالم الحواسب !!
----
بالنسبة للأنواع اللي حضرتك أشرت إليهم ممكن نقول إن اشهرهم في مصر
توشيبا ...... اتش بي ....... فوجيتسو سيمنس
و الثلاثة أنواع ممتازين
بالنسبة لأيسر و ديل ....
أيسر كويس جدا و ديل ممتاز و لكني لم أرى ديل كثيرا
و لكن الخمسة أنواع كويسين
و شكرا

[tutankhamoun]

بالنسبة للتجارب العملية لشخصي الفقير إلى الله
أنا جربت أنواع كثيرة
منها توشيبا ...... جهاز ممتاز و قليل الأعطال بدرجة كبيرة جدا
اتش بي ..... أجهزتهم ممتازة
كومباك .......رائع ( أصبح الآن تابع ل اتش بي )
نوع تاني كان تايواني ..... بس مش فاكر أسمه ....... و كان أكثر من رائع و ممتاز و لم تظهر به أي عيوب أو مشكلات نهائيا و كان أرخصهم سعرا
ديل .... جهاز كويس جدا

[E_Farid]

السلام عليكم

بخصوص موضوع النوتبوك،

فده مجال عملى لأربع سنوات تقريبا وكنت بأستورد نوتبوك من شرق أسيا،

والموضوع كبير لأنه متشعب جدا،

أول حاجه بس عايز الفت النظر ليها،

ان اداء الابتوب أضعف من أداء الديسكتوب لنفس المواصفات،

ودى نقطة مهمه جدا قبل ما نفكر بالشراء،

يعنى لا نفكر فى الابتوب الا فى حالة احتياجنا الى حاسوب متنقل،

برضه الماركة مش هى العامل اللى بيحدد جوده الابتوب،

صحيح بتبقى فيه نقط عامه فى التوافقية وجودة الخامات الا أن الموضوع برضه محتاج كلام،

واللى عايز يستفسر عن أى حاجه انا تحت أمره، وسأجاوب فى حدود علمى ومعلوماتى وخبرتى بالمجال ده.

[ahmad7610]

بس هو انت عايز ليه 200 جيجا ؟ انا شايف ان 120 جيجا او أقل كمان كفاية جدا ..
-
المهم عن تجربة طويلة .
-
fuJiTsu Simens من الاجهزة الالمانى حمالة الاسية بمعنى الكلمة ولكن :(:( فى مصر ابعد عنه
لو عطل انسى .. عندى زرار اتكسر والبطارية مش لاقيها :(

Toshiba رغم انك تحس انه مش متين قوى لكن فيه كل حاجة وفى مصر فى كل حته بيفهموا فيه
.. طالما انك فى مصر اعتقد مفيش غير توشيبا - فيه موديل اسمه satellite
كمالياته 1.8 dual core - وكل الكماليات الاساسية
--------------------------------------------
--------------------------------------------
انت مش محتاج فى نوتبوك اعلى من processor 1.8 او بالكتير قوى 2,2
ويكون dual core طبعا 2 mb cach
الكاميرا vga مش اساسى لانك ممكن تشتريها usb
البلوتوث وال wireless Lan لازم طبعا
الهارد 120 جيجا
كارت الشاشة غالبا بيبقى intel داخلى
بيبقى فى كارت الشاشة مخرج s-video للتوصيل بالتلفزيون
ال cd اكيد dvd RW double layer

-----------------------------------
ال DeLL انا عمرى ما جربته

[memo_hefnawy]

ككفائة :

1- توشيبا
2- سونى
3- أى بى إم (بس مش أى موديلات)
4- ديل

[cpt_shawky]

http://www.nilemotors.net/Nile/showthread.php?t=13753&highlight=pavilion

[mshamy]

personal experience

Mine is a Toshiba Satellite since 2 years
My Brother has a Dell
My other Brother has an HP
all works very smooth and in excellent conditions
I would say it depends on what you need and how do you deal with your laptop.:)

[abdelaziz-waleed]

انا ارشحلك التوشيبا ثم الديل وفي ماركة ممتازة انت ما حططهاش في الاختيارات هي الأسوس رخيصة وامكانيات عالية
الاتش بي غالي بدون داعي وممكن ماتلاقيش تعريفات الاكس بي معاه يعني مجبر على استخدام ويندوز فيستا
لا ارشح الايسر ولا السيمنز
ده موقع شركة كومبيتر بتعرض اسعار وامكانيات عدد كبير من اللابتوب تقدر تشوف وتقارن ولكن لازم تنزل سوق الكومبيتر اللي في مصر الجديدة في شارع السخاوي والاسيوطي وايضاً سوق العصر في شارع الخليفة المأمون
http://www.xpstores.com/

انا بصراحة اخر 3 شهور كنت بدور على لابتوب لصديق ليا هنا في الجزائر والحمد لله اشتريتله اسوس كور ديو 1.73 كاش 2 ميجا رامات 1 جيجا هارد 80 بلوتوث، لان، واي فاي، شاشة 15.4، كاميرا 1.3 ميجا بيكسل، كارت شاشة

(ATI not Shared) 128 ميجا وبيوصل 360 من الرامات

كارت ريدي اس دي فقط

. واشتريته ب 4025 جنيه

انا شايف ان حضرتك ساكن في طنطا
فلو حضرتك حددت اللابتوب اللي حضرتك هاتشتريه والامكانيات اللي حضرتك عاوزها وهاتشتري اللابتوب من القاهرة انا ممكن اقابل حضرتك في القاهرة واعرفك كل الاماكن اللي فيها اسواق اللابتوب بأسعار ممتازة. بس انا لسة فاضلي اسبوعين وارجع مصر إن شاء الله ولكن انا اجازتي بتكون شهر كامل وبكون متفرغ تماماً وإن شاء الله اقدر اساعد حضرتك كويس

[sab3aawy]

انا تعاملت مع التوشيبا ساتيلايت، والhp اكتر من موديل ، والديل لاتيتيود ، ووقديما الكومباك ارمادا قبل ما Hp تشترى شركة وعلامة كومباك

بصراحة كلها اجرهزة ممتازة بس انا فى رأييى ان الhp افضل الجميع ، هى الكواليتى مش مختلفة بين الماركات دى، لكن الhp ميزته انه نفس الكواليتى المرتفع بسعر اقل من التوشيبا والديل وخدماته فى مصر ممتازة

[abdelaziz-waleed]

نصيحة لا تبحث عن اي امكانيات يمكن تعويضها فيما بعد مثال
ممكن تشتري هارد ديسك خارجي بوصلة يو اس بي
ايضاً كاميرا ويب و كارت ريدر و بلوتوث ورامات
الاشياء التي لا يمكن تعويضها هي البروسيسور وكارت الشاشة مخرج التيليفزيون وهذه الامكانيات التي يجب ان تركز عليها مبدئياً
ولا ارشحلك انك تشتري لابتوب بشاشة اكبر من 15.4 لأن ميزة اللابتوب في صغر حجمه وكلما صغر حجمه زاد سعره

[Powert]

انا معايا لاب توب اسوسasus و اللهي ياجماعة الماركة دي ممتارة

انا بعامل اللاب توب معاملة السيد للعبد ومطلع عينه وشغال تمام الحاجة الوحيدة

اللي باظت فيه هو السي دي رووم بس وغيرته في التوكيل على حسابهم

انا جبت لناس كتير اجهزة زي توشيبا واتش بي واسر وكلهم ممتازين

معادا السيمنز

اوعه تشترية بطيء وكثير التهنيج وهتلاقي شوية حاجات تقرفك فيه ومكتوب علية

انه الماني وهتلاقي كل القطع بتاعته من جوة صيني الجهاز بكامل صيني بس معرفش

ازاي مكتوب علية انه الماني " كلام ده على لسان واحد من مركز صيانة اجهزة للاب توب في تكنولوجي مول "

دي الانواع اللي بفضلها في مصر من احسنهم اداء وخدمة ما بعد البيع

1- توشيبا
2- اتش بي
3-اسر
4- اسوس

[goodwave]

السلام عليكم

والله لا أجد تعليق ولا إيضاح اكتر من إللي قاله الاخوة وبالفعل شرائك لل labtop يعتمد على إحتياجاتك وليست كثرة كماليات والسلام وركز على الاجزاء الرئيسية وهي البروسيسور...... من واقع خبرتي أنصحك تتفرج على جهاز إسمة LENOVO ودة اصلا IBM كان شغال معايا زي الفل وكان فية كل الكماليات إللي ممكن تحتاجها وأفتكر منها:

1-processor due core 1.64
2-Hard Disck 100 GB
3-512 Ram
4- finger print
5- integrated camera
6- firewire
7- memory card reader
8-حاجة كدة معناها إنة ممكن تحط فية شريحة زي بتاعة الموبايل ويشتغل إنترنت
9-6 USB slots

والسغر 5300 جنية وكنت إشتريتة من كارفور من حوالي 8 شهور ومعتقدش سعرة نزل.

اما عن إختياراتك فرأي:

1- hp
2-dell
3-Acer
4- toshiba

[TAG_Turbo0]

التوشيبا خلاص راحت عليه
الاتش بي هو الاحسن فى السوق اليومين دول