صور حادثه وحشه قوى على طريق الزقازيق- القنايات

[M.Osman]

و هو ده طريق

خليني ساكت احسن

[Adham]

بالنسبه للراى اللى بيقول ان الاسعاف استخدم مقص فده محصلش لسببين الاولانى ان السقف كان بعيد عن باقى العربيه والسبب التانى ان القايم اترحل لفوق واتنى مع السقف

ماهو برضة لما يقصوا السقف من القوايم حايشيلوة و يخرجوا المصابين

و زي ما قلنا الله اعلم

محدش فينا حايعرف الحقيقة فين و حتى معرفتها مش حايفيد اي شخص توفي او اصيب في الحادث

ربنا يصبر اهلهم

[نور القمر]

يارب سلم يارب سلم يارب سلم

[max_ziro]

مش يمكن الاسعاف قص الصاج علشان يطلع المصابين

+111111111111111

[engahmedsamy]

ربنا يحفظنا جميعا من شر الحوادث

[haroun707]

إنا لله وإنا اليه راجعون

انا مرة كنت مسافر رايح دمياط وملحقتش الأتوبيس اللى كنت حاجز فيه واتطريت اركب ميكروباص وكنا فى الشتا والبيه السواق كان ماشى على 120كم فى عز الشبورة الساعة 7 صباحاً
والله العظيم احنا مكناش شايفين بركة العربية من الشبورة كأن الزجاج مرشوش ابيض وفجأة ضرب فرامل جابنى جنبه وانا كنت قاعد ورا على الكنبة ولما نزلت من فوق الناس كنت حضربه ولما شاف شكلى انى خلاص حاكله لم نفسه

ملحوظة اصلى طويل شويتين
هههههههههههههه

اللهم احفظنا يارب

واتمنى لما حد يشوف حادثة قدامة يدعى بالدعاء ده (او لو شاف اى حد فى كرب )

الحمد لله الذى عافانا مما ابتلاهم به وفضلنا على كثير من ما خلق تفضيلا

[maka]

أتمنى السواق مايكونش مات
و يشوف حالة ميكروباصه بعد الحادثة بقت إزاي
و يكون مقسط الميكروباص
و يدخل السجن بسبب الأقساط
و يموت بحسرته في السجن


جزاء رعونته و تهوره و إنهائه لحياة أبرياء قادهم حظهم للركوب في ميكروباصه الملعون

ياريت

بس للاسف الاحتمال الاكبر انه سواق بس لان اصحاب العربيات دى بيرموها على الطريق و يقعد يلم الايراد

[age]

طرق الشرقيه من اسوا الطرق في مصر وخاصه طريق فاقوس الحسينيه صان
طريق ضيق جدا ومظلم ومطبات ونحنيات خطره

[mazagngi2010]

طرق الشرقيه من اسوا الطرق في مصر وخاصه طريق فاقوس الحسينيه صان
طريق ضيق جدا ومظلم ومطبات ونحنيات خطره

مش هيكون زى طريق بنتف

[adel_2346]

واحد صاحبى دكتور فى مستشفى جامعه الزقازيق شاف الضحايا بتوع الحادثه اربعه توفوا والباقى محجوز فى قسم المخ والاعصاب اصابات خطيره
و السواق حالته كويسه اخف حاجه

[osoliman88]

إن لله وإن اليه راجعون
المشكلة كمان إن ما حدش بياخد عظة من هذه الحوادث
بالكتير الواحد يتأثر كام دقيقة ولا حتى كام ساعة وترجع ريمة لعادتها القديمة
علشان كده المفروض المرور يخلي كل كام كيلو معرض على طول الطريق للسيارات اللى عامله حوادث بالشكل البشع اللى إحنا شايفنه وبكده الناس اللى سايقة تفضل فاكرة خطورة السرعة والتهور
والله أعلم

[abogogo]

إن لله وإن اليه راجعون
المشكلة كمان إن ما حدش بياخد عظة من هذه الحوادث
بالكتير الواحد يتأثر كام دقيقة ولا حتى كام ساعة وترجع ريمة لعادتها القديمة
علشان كده المفروض المرور يخلي كل كام كيلو معرض على طول الطريق للسيارات اللى عامله حوادث بالشكل البشع اللى إحنا شايفنه وبكده الناس اللى سايقة تفضل فاكرة خطورة السرعة والتهور
والله أعلم

حلوة فكرة معرض للعربيات اللى عملة حدثة دي
ياسيدي الفاضل العربية دي للأسف هتصلح وترجع تاني تمشي على طرق المحروسة..... الواحد لما بيروح الحرفيين بيلاقي عربيات دايس عليها قطر بتتصلح وتنزل الحلبة تاني وفي النهايه بعد 20 30 سنة تلاقيها ماشية في ضواحي الارياف شغالة بالنفر

[tkamal]

ليه لا يتم اجبار السيارات على حد اقصى للسرعة مثل 80 كلم مثلا كاقصى سرعة يمكن ان تصل لها السيارات
من النوع دة وتكون من شروط استيراد هذة السيارات
ودة بيتم عن طريق وضع حاجز او جهاز معين على دواسه البنزين بيحث ان السيارة لا يمكن ان تصل لاعلى من لهذة السرعة ابدا

[mazagngi2010]

ليه لا يتم اجبار السيارات على حد اقصى للسرعة مثل 80 كلم مثلا كاقصى سرعة يمكن ان تصل لها السيارات
من النوع دة وتكون من شروط استيراد هذة السيارات
ودة بيتم عن طريق وضع حاجز او جهاز معين على دواسه البنزين بيحث ان السيارة لا يمكن ان تصل لاعلى من لهذة السرعة ابدا

لو عملوا فيها البدع انت فى مصر ملوك الفهلوه يعنى ممكن يخلوها ترجع لاكتر من سرعتها الحقيقيه

[KHALED AYMAN]

اللهم احفظنا ...