الى اهل الخبره فى اسماك الزينه

[bakkoor]

ياجماعه انا جبت حوض سمك زينه بس للاسف المياه عندنا وحشه جدا والفلتر مش بينضفها كويس فيه ناس اقترحت عليه انى املى الحوض من مياه الفلتر واضع معلقتين ملح علشان اعوض الاملاح فهل الكلام ده مظبوط ولا ايه بالظبط

ياريت حد يدلنى

[tarekzein]

معلش أنا عندى ثلاث أحواض سمك والموضوع مش بالسهوله دى ممكن توضح يعن أيه المياه عندنا وحشه جدا وساكن فين وحجم الحوض ونوع السمك عشان أقدر أساعدك عشان دى أرواح أمانه فى أيدينا ومش كل الأنواع ينفع يتحط لها ملح

ملحوظه فى موقع متخصص أسماك بالظبط زى نايل موتورز فى الأسماك وأنا خدت خبرتى منه والناس هناك مش بتتأخر على حد والعلم عنهم ما شاء الله أنصحك تشترك فيه وهابعتلك أسمه عالخاص دلوقتى

[heshamzaky]

زى الزميل ما رد كدة عليك لو حطيت ملح مش كل الانواع بتقبل الملح يعنى لو الحوض مثلا كلة مولى يبقى ماشى بس انت حا تجيب أنواع اية فى الحوض

[bakkoor]

ماهو المشكله انى جديد فى الموضوع ده انا نزلت السوق وجيبت مجموعه اسماك

يعنى عندى سمكتين حجمهم كبير شويه ودهبى وسمك بيولد وسمك كاتفيش بينضف الحوض يعنى عندى مجموعه كبيره فى الحوض

الحوض مساحته متر *30 سم والمياه عندنا زباله جدا بها شوائب كتير والفلتر مش بينضفها

[heshamzaky]

انت كدة السمك الى عندك الكبير دة اسمة فان تيل او جولدن فيش و السمك الى بيولد دة لونة اية او شكلة بص انت مركب فلتر شكلة اية كهرباء يعنى و لا هواء عادى

[heshamzaky]

يعنى زى دول كدة [youtube]http://www.youtube.com/watch?v=2ks6lhof3o0&feature=search[/youtube]

[bakkoor]

انت كدة السمك الى عندك الكبير دة اسمة فان تيل او جولدن فيش و السمك الى بيولد دة لونة اية او شكلة بص انت مركب فلتر شكلة اية كهرباء يعنى و لا هواء عادى

السمك اللى بيولد لونه اسود منقط دهبى والفلتر اللى انا مركبه كهرباء

[heshamzaky]

بص الانواع دى الفن تيل الى لونها فضى مبططة دة اسمها سيلفر شارك الى مخططة ازرق فى كحلى اسمها بلو ستريب كات فيش و دى بتكبر حلو و نشيطة جدا و مولى و جرامى و سورد تيل كل دول فى الحوض دة [youtube]http://www.youtube.com/watch?v=WW1m3Nejz2Y&feature=related[/youtube]

[bakkoor]

انا عندى السمك اللى فى الفيديو الاول اللى ظهرت فى الثانيه عشرين

كمان عندى السمك الصغير اللى فى الفيديو الاول وزى ما قلت كان عندى الزبال اللى عامل زى سمك القرش بس ماتو كلهم

[heshamzaky]

و الكليب دة سمكة جوبى بتولد لان فية ناس متخيلة ان السمك كلة بيبيض [youtube]http://www.youtube.com/watch?v=XqCzCRCMgyw&feature=related[/youtube]

[Adham]

حضرتك لازم كل فترة تغير المياة او جزء منها

للتخلص من بقايا الفضلات و الاكل اللي بتسبب عكارة في الماء و الفلتر مابينفعش معاها

بس ماتحطش مياة الحنفية مباشرة لان فيها كلور يموت السمك فوراً

لازم تسيب المياة يومين او تلاتة في طبق مكشوف او بانيو علشان الكلور يطلع

او تحط فيها كلورين و دة دجواء في قطارة لطرد الكلور من الماء

و ماتحطش محل في المياة لان دة بيأذى الانواع اللي عندك (فان تيل و جرامي و جوبي دول مياة عذبة)

[heshamzaky]

و السمكة المبططة الاولى اسمها انجيل بس دول حساسين و بلاش ملح فى المية السمكة دى لو المية اتوسخت بتتأمص هههههههههه بجد و السمكة الى على الارضية و شكلها فيها دوائر و شوك شوية اسمها بلاك استوماس بقها زى الشفاطة بتنظف الزجاج مفيدة جدا فى الحوض[youtube]http://www.youtube.com/watch?v=0ueGTr4JKMs&feature=related[/youtube]

[heshamzaky]

بص يا باشا فية حاجة اسمها مزيل كلور زى حبوب شبه السكر النبات جضرتك تملى الحوض مية و نحط منة شوية و بعد 15 دقيقة ممكن تحط السمك بمنتهى الامان و فية دواء لونة أزرق أسمة انتى وايت أسبوت ممكن تحط منة زيادة فى الامان هو مخصص لمرض النقط البيضاء الى بتيجى للسمك فى الشتاء بس ممكن تحطة كوقاية فقط

[bakkoor]

بص يا باشا فية حاجة اسمها مزيل كلور زى حبوب شبه السكر النبات جضرتك تملى الحوض مية و نحط منة شوية و بعد 15 دقيقة ممكن تحط السمك بمنتهى الامان و فية دواء لونة أزرق أسمة انتى وايت أسبوت ممكن تحط منة زيادة فى الامان هو مخصص لمرض النقط البيضاء الى بتيجى للسمك فى الشتاء بس ممكن تحطة كوقاية فقط

ايوه انا عندى مزيل الكلور والدوا للسمك بس انا كنت باسال ينفع احط مياه فى الحوض من الفلتر ولا لا ؟

[heshamzaky]

ايوه انا عندى مزيل الكلور والدوا للسمك بس انا كنت باسال ينفع احط مياه فى الحوض من الفلتر ولا لا ؟

اة طبعا اية المشكلة عادى يا باشا بس حا تاخد وقت رهيب لغاية ما تملى الحوض بس عادى ممكن