الى اهل الخبره فى اسماك الزينه

[AmAhmed]

حاليا اللمبة شغالة 24 ساعة بس الاول كنت بشغلها من الساعة 8 الصبح لغاية 12 بليل
هو معلش المفروض انى اشغلها قد اية؟
وفعلا الحصيرة اللى هيا الفلتر الارضي
طيب يبقى كدة لازم اجيب فلتر تانى لان فعلا بحس ان السمك بيوسخ المية بسرعة
وبخصوص الطحالب ان شاء الله هجيب سمكتين استومس بس يارب ميختفوا زى دى
واية المغنطيس اللى حضرتك قولت علية دة انا مش عرفة؟

24 ساعة كتير جدا و حيسببوا ارهاق و ضغط عصبي علي السمك و حيبقوا اسهل انهم يصابوا بالامراض
الفكرة من الاضاءة هي محاكاة الطبيعة خصوصا و ان السمك مالوش جفون يعني بينام مفتح عنيه و الاضاءة دي حتمنعه انه ينام
المفروض ان مفيش اضاءة صناعية بالنهار و بالليل الاضاءة تكون 2-3 ساعة بالاضافة الي وقت ما يكون عندك ضيوف او انت شخصيا قاعد بتتفرج عليه و في تايمر 24 ساعة ممكن يفتح لك النور و يطفيه اتوماتيك و تمنه 20 جنيه تلاقيه عند سخانات فريش و ممكن لو دورت تلاقي حاجة ديجتال انضف مثلا
كده حتلاقي الطحالب قلت بشكل كبير جدا جدا و يمكن تختفي

المغناطيس عبارة عن جزئين كل جزء فيه مغناطيس و بيجذبوا بعض
قطعة داخل الحوض عليها رؤوس بلاستيك صغيره و قطعة من بره لما تحرك اللي بره اللي جوه بتتحرك معاه و تحك طبقة الطحالب و تشيلها و دي صور لها و هي في الحوض في اليمين اعلي الصورة


و اخونا heshamzaky حاطط الصور بالتفاصيل الله يكرمه

[Eng_Mostafa_89]

معلش عاوز اقولك انت كدة بتشغل النور كتيييييييييييير شوية و السمك عينة بتتعب خليها 8 ساعات مثلا أو 10 بالكتير علشان السمك يريح السمك ما لهوش جفون زى الانسان يضلم بيها عينة و الفان تيل دة فيلم شوية علشان تفرخة مش سهل لازم يكون كبير الحجم و انت صعب تعرف مين الذكر من الانثى الا لو فيها بيض و من حركات السمك مع بعضة

ياااااااااااااااااااااااااه دة واضح ان موضوع الخلفة طلع صعب انا كنت فاكرة عادى هو المفروض الفان تيل يخلف كل قد اية؟
وان شاء الله اظبط موضوع الاضائة دة

[heshamzaky]

ياااااااااااااااااااااااااه دة واضح ان موضوع الخلفة طلع صعب انا كنت فاكرة عادى هو المفروض الفان تيل يخلف كل قد اية؟
وان شاء الله اظبط موضوع الاضائة دة

بص يا باشا انا مرة فرخ عندى الفان تيل و للحظ كان الفان تيل الاسود ابو عنين جاحظة أسمة بلاك مور و دة بتملى حوض 50 سنتى مية بأرتفاع 10 او 15 سنتى و بتحط فى قاع الحوض شبكة بلاستيك زى عش النحل كدة و مرقفعة مش لازقة فى أرضية الحوض و بتحط الذكر و الانثى و فية طريقتين يا أما تسبهم لوحدهم بس عينك عليهم علشان الانثى ممكن تجهد و تموت او طريقة المحترفين و دى صعبة و ممكن تموت السمكة و هى انك بتغط على بطنها لنزول البيض و بعدين ترفع السمكتين من الحوض و تسيب فية سكرية هواء بس لازم تكون مركب لها محبس هواء و تخليها ضعيفة جدا علشان ما تعملش تيار فى المية و بعد كام يوم كدة تبص ممكن أن شاء الله لو قربت لمبة صغيرة من الحوض حا تشوف سمك صغير جدا جدا جدا و بيكون من 3000 الى 5000 لو عاش 30 سمكة منهم يبقى فل الفل طبعا و احب اضحكك انى بعد ما فرخو مشفتش حاجة فى الحوض رحت ادلق المية فى الحمام و انا مميل الحوض و دلقت 80 فى المية من المية ههههههههههههههههههههههههههههههههه شوفت سمك رفعت ايدى لانقاذ ما يمكن انقاذة ههههههههههههههههههههههههههههههههههههههه

[Eng_Mostafa_89]

24 ساعة كتير جدا و حيسببوا ارهاق و ضغط عصبي علي السمك و حيبقوا اسهل انهم يصابوا بالامراض
الفكرة من الاضاءة هي محاكاة الطبيعة خصوصا و ان السمك مالوش جفون يعني بينام مفتح عنيه و الاضاءة دي حتمنعه انه ينام
المفروض ان مفيش اضاءة صناعية بالنهار و بالليل الاضاءة تكون 2-3 ساعة بالاضافة الي وقت ما يكون عندك ضيوف او انت شخصيا قاعد بتتفرج عليه و في تايمر 24 ساعة ممكن يفتح لك النور و يطفيه اتوماتيك و تمنه 20 جنيه تلاقيه عند سخانات فريش و ممكن لو دورت تلاقي حاجة ديجتال انضف مثلا
كده حتلاقي الطحالب قلت بشكل كبير جدا جدا و يمكن تختفي

المغناطيس عبارة عن جزئين كل جزء فيه مغناطيس و بيجذبوا بعض
قطعة داخل الحوض عليها رؤوس بلاستيك صغيره و قطعة من بره لما تحرك اللي بره اللي جوه بتتحرك معاه و تحك طبقة الطحالب و تشيلها و دي صور لها و هي في الحوض في اليمين اعلي الصورة


و اخونا heshamzaky حاطط الصور بالتفاصيل الله يكرمه

شكرا لمداخلة حضرتك
معلش سؤال كمان انا عارف انى زهقتكم
ينفع اسيب النور مطفى علطول

لان المشكلة انى حاليا فى اسماعيلية والسمك لوحدة فى القاهرة وبخلى جارى هو اللى ياكلة فمش عايز اتعبه واخليه ينور النور ويطفية كمان كتر خير الراجل قوى كدة

[Eng_Mostafa_89]

بص يا باشا انا مرة فرخ عندى الفان تيل و للحظ كان الفان تيل الاسود ابو عنين جاحظة أسمة بلاك مور و دة بتملى حوض 50 سنتى مية بأرتفاع 10 او 15 سنتى و بتحط فى قاع الحوض شبكة بلاستيك زى عش النحل كدة و مرقفعة مش لازقة فى أرضية الحوض و بتحط الذكر و الانثى و فية طريقتين يا أما تسبهم لوحدهم بس عينك عليهم علشان الانثى ممكن تجهد و تموت او طريقة المحترفين و دى صعبة و ممكن تموت السمكة و هى انك بتغط على بطنها لنزول البيض و بعدين ترفع السمكتين من الحوض و تسيب فية سكرية هواء بس لازم تكون مركب لها محبس هواء و تخليها ضعيفة جدا علشان ما تعملش تيار فى المية و بعد كام يوم كدة تبص ممكن أن شاء الله لو قربت لمبة صغيرة من الحوض حا تشوف سمك صغير جدا جدا جدا و بيكون من 3000 الى 5000 لو عاش 30 سمكة منهم يبقى فل الفل طبعا و احب اضحكك انى بعد ما فرخو مشفتش حاجة فى الحوض رحت ادلق المية فى الحمام و انا مميل الحوض و دلقت 80 فى المية من المية ههههههههههههههههههههههههههههههههه شوفت سمك رفعت ايدى لانقاذ ما يمكن انقاذة ههههههههههههههههههههههههههههههههههههههه

لا ياعم انا كفايا عليا ااكلهم واغسل الحوض كدة رضا قوى عليا
طيب مفيش نوع سمك خلفتة تكون اسهل واتعلم معاه؟

[heshamzaky]

لمزيد من المعلومات افتح الرابط دة على المنتدى http://www.nilemotors.net/Nile/136104-a.html

[heshamzaky]

لا ياعم انا كفايا عليا ااكلهم واغسل الحوض كدة رضا قوى عليا
طيب مفيش نوع سمك خلفتة تكون اسهل واتعلم معاه؟

فية الانواع الى بتولد و اسهلهم المولى بأنواعة و خصوصا البلاك مولى لانة مش بياكل ولادة الا نادرا بس مش بتخلف كتير ممكن عشرين او اقل كل 28 يوم تقريبا

[Eng_Mostafa_89]

لمزيد من المعلومات افتح الرابط دة على المنتدى http://www.nilemotors.net/nile/136104-a.html

شكرا على اللينك

فية الانواع الى بتولد و اسهلهم المولى بأنواعة و خصوصا البلاك مولى لانة مش بياكل ولادة الا نادرا بس مش بتخلف كتير ممكن عشرين او اقل كل 28 يوم تقريبا

انا بفكر اسيب موضوع الخلفة دة شوية لغاية لما اعرف اتعامل كويس مع السمك واقراء كتير عنة لا انا بقالى حوالى شهر جايب السمك واول مرة اتعامل معاه
صح كدة ولا راى حضرتك اية؟

[heshamzaky]

العفو يا باشا بص دى راحة شجصية لو ولدو خا تضطر تشترى احواض اخرى و موتور جديد و العملية حا تفتح واحدة واحدة دى هواية و مزاج شخصى ليك بس حا تفرح فى الاول و بعد كدة حا تزهق من كتر السمك و الخلفة بجد مش هزار حا تزهق من كثرة السمك و مش حا تلاحق علية هههههههههههههههههههههه

[bakkoor]

طب انا كده عرفت 3 انواع من السمك اللى عندى جولدن فيش وفان تيل وفايتر وكان فيه الزبال ومات بس انا لسه عندى انواع تانيه زى السمك اللى بيولد وبيبخ ولاده وده لونه اسود وسمك تانى صغير لونه اسود فى ابيض فى دهبى وعينيه طالعه لبره حد يعرف دول اسمهم ايه وطريقه التعامل معاهم ازاى وهل ممكن اجيب اكتر من فلتر كهرباء علشان النضافه وكمان لو عاوز اعمل شكل فقاعات جمالى انا قريت ان فيه مضخ الاكسجين فهل ده فعلا بيعمل فقاعات ولا لا ؟

[bakkoor]

طب انا كده عرفت 3 انواع من السمك اللى عندى جولدن فيش وفان تيل وفايتر وكان فيه الزبال ومات بس انا لسه عندى انواع تانيه زى السمك اللى بيولد وبيبخ ولاده وده لونه اسود وسمك تانى صغير لونه اسود فى ابيض فى دهبى وعينيه طالعه لبره حد يعرف دول اسمهم ايه وطريقه التعامل معاهم ازاى وهل ممكن اجيب اكتر من فلتر كهرباء علشان النضافه وكمان لو عاوز اعمل شكل فقاعات جمالى انا قريت ان فيه مضخ الاكسجين فهل ده فعلا بيعمل فقاعات ولا لا ؟

ياجماعه انا اكتشفت ان اللى مات عندى هو كات فيش وهو كان عامل زى القرموط على صغير لكن سمك الزبال عندى منه اتنين بس ممكن حد يقولى ايه الفرق بين الزبال والكات فيش وكمان ايه هو السمك اللى بينضف الازاز واللى بينضف القاع

[Adham]

الاضائة كتير غلط و الاضائة قليل برضة غلط

لو الحوض بييجي علية ضوء الشمس او انارة قوية من الشباك قول لجارك ماينورش النور اصلا

ولو عاوز نور صناعي استعمل لمبات الاشعه الفوق بنفسجية (الجيرولوكس) دي فلورسنت و مش غالية بس بتدي نور محاكي لضوء الشمس و هي الوحيدة اللي تكفي السمك و الزرع ومش اكتر من 8 ساعات في اليوم علشان السمك يرتاح و ينام

تخيل نفسك صاحي 24 ساعه في اليوم
.... ماينفعش السمك حايرهق جدا من عدم النوم لان مالوش جفون او بالاصح اللي لة جفون منة بتبقى شفافة


بالنسبة لتنضيف الزجاج هات ليفة غسيل مواعين خشنة جديدة و كل ماتلاقي الزجاج مطحلب او مزملط مد ايدك و امسحه بالليفة (اوعي تجيب ليفة مطرحها صابون) لان المغناطيس دة انا مانفعش معايا ببصلة لانةمش بقوة الضغط المطلوبة عالزجاج

يعني يادوب بيمسح بالراحه, و فية ادوية بتتحط في المياة لمنع تكون لطحالب و هي غير ضارة للسمك بس تراعي النسبة بحساسية

بالنسبة للادوية في الشتاء لازم سخانات لتدفئة المياة و بتتضبط بحث ان الحوض يبقى في حرارة 28 مئوية

لو بردت السمك حايجيلة مرض النقط البيضاء الهوايت سبوت و ليها دواء

و لو السمك لقيتة علية (فطريات) فنجس (زي قطن ابيض على القشر) فية دواء لية برضة اسمة انتي فنجس

و فية ادوية لتآكل الزعانف و ادوية مطهرة للحوض لغسيلة زي البرمنجنات (البنفسجية)

الفان تيل صعب تفريخه

الاسهل الجوبي و المولي و السورد تيل دول اسهل سمك في التفريخ و اعتقد برضة الفايتر سهل نسبيا بس عاوز خبرة

انا كان عندي نتاية بلاك مولي عجيبة جابت 120 ولدة في مرة واحدة بس كانت خبرة و كبيرة الحجم و بطنها كانت قد السوداني اللي بقشرة ههههه

البلكو ستوميوس بيبقى بقة زي الماصة و بيلزق في الزجاج وو ينضفة

انا الكات فيش بياكل القاذورات اللي في القاع


كانت ايام

[heshamzaky]

شوف الرابط دة كدة نتيجة بحث Google عن الصور حول http://www.aquazone-iq.com/%20af1.jpg

[heshamzaky]

لتحميل كتب عن اسمال الزينة تحميل كتاب كتاب اسماك الزينة - بحث Google

[AmAhmed]

طب انا كده عرفت 3 انواع من السمك اللى عندى جولدن فيش وفان تيل وفايتر وكان فيه الزبال ومات بس انا لسه عندى انواع تانيه زى السمك اللى بيولد وبيبخ ولاده وده لونه اسود وسمك تانى صغير لونه اسود فى ابيض فى دهبى وعينيه طالعه لبره حد يعرف دول اسمهم ايه وطريقه التعامل معاهم ازاى وهل ممكن اجيب اكتر من فلتر كهرباء علشان النضافه وكمان لو عاوز اعمل شكل فقاعات جمالى انا قريت ان فيه مضخ الاكسجين فهل ده فعلا بيعمل فقاعات ولا لا ؟

عندك تشكيلة عجيبة من السمك
الفايتر الذكر احيانا بيترفز جدا لو لاقي ديول تانية حواليه بيفتكرها ذكور كذلك الولود حيقطعوا ديله و ياكلوه
لو انثي يبقي ماشي الحال

بالنسبة للفتلر اقل حاجة عندك فلتر باور 2 كوباية 600-900 لتر في الساعة
اقل بلاش انما اكتر ممكن و جربه عند المحل علشان يكون هادي لان في انواع سيئة بتزن و مزعجة قوي

بالنسبة لتشكيل الفقعات انت بتركب في اخر الخرطوم اللي جاي من ماتور الهواء
لعبة او سكره او مسطرة بس ابقي جرب المساطر في المحل لان بعضهم مش بيجيب فقعات بطول المسطرة صح
و في سكرات مستوردة بتطلع كميات خرافية من الفقاقيع الصغيرة بس طبعا غاليا و في مساطر فليكس ممكن تشكلها بس معرفش موجودة في مصر و لا ايه النظام
و السكرة هي الاير ستون اللي هي حجر الهوا