شئ من رابـــــــــع المستحيــــــــــــلات

[icehearted girl]

السلام عليكم شعب نايل موتورز

طبعا كلنا لما بنلاقي شئ صعب تحقيقه او الحصول عليه بنقول عليه شئ من رابع المستحيلات

ودا لوجود التلات مستحيلات المتعارف عليهم ألا وهم


العنقاء

الخل الوفي

والغول

بس متهيألي المستحيلات التلاتة دي اختلفت من عصر لعصر.. ويمكن كمان بتختلف من شخص لآخر


يلا كل واحد يقولنا اي المستحيلات التلاتة بالنسبة له وأنا هبدأ

1_الخل الوفي برده

2_الزوجين الصالحين

3_بنزين 80

[m_car]

المستحيلات التلاتة

المصرى اللى عايش بقاله كتير ولسه منقرضش
الزوجة الغير نكدية (( ده اوبشن فيهم لا يمكن تعديلة ))
عدم وجود الكرش المصرى الشهير (( سواء كرش بنت او ولد )) لازم


وشكرا لكل من يقدم استحالة من المستحيلات

[Mostafa.Mahran]

1- منظومة عمل(شركة-مكتب....)ميكونش فيها نفاق و صراع بين الموظفين
2-تصريحات الحكومة تبقى صح
3-الزمالك يتفوق على الاهلى و مصر توصل كاس العالم

[aly_hosny]

المصري ال عايش بقاله كتير ومنقرضش ينقرض
اجيب حتة بوجاتي
اخلص هندسة واشتغل وكيل نيابة :)))))

[mahmoudysf]

العدل بين البشر
حكومة بتفهم وعندها ضمير
الستات تعقل شوية

[Gabrial]

١-الشعب المصري يقول معرفش أو يعترف إنه قال حاجة غلط .(مش الكل طبعاً )

٢-اني اتجوز .(ملحوظة أنا عندي ٣٢ سنة يعني مش مراهق ولا حاجة ).

٣- اني أعيش في راحة البال اللي كنت فيها قبل وفاة والدي الله يرحمه .

موضوع ظريف ،شكراً .

[icehearted girl]

اخلص هندسة واشتغل وكيل نيابة :)))))

حلوة

الستات تعقل شوية

واضح انه اجمااااااااع

[Nile_Storm]

مش عارف ليه افتكرت اعلان كوكاكولا زيرو و انا بقرا الموضوع ده

المستحيلات الثلاثه في وجهه نظري متفق معاكي في الاولي و التانيه
الثالثه بأه
ان الواحد ياخد حقه في الزمن ده

[osama.m]

ان مصر تبقى زي فرنسا
ان الوسايط تختفي
ان مصر تاخد كاس العالم

[الغزالى]

انى اخلص الكلية
اعيش حياةمن غير مشاكل ولا نرفزة
انى اعرف اتكلم وينطلق لسانى فى الكلام مع الناس

[mody_halawa]

رابع المستحيلات

1- البلد تبقى من غير وسايط ومحسوبيه
2 - ان (البنات- الستات) تبقى هادية و عاقله بجد
3- ان الواحد يحس بامان زى ما كان بيحسه زمان

[viper911s]

مش لاقى حاجة اقولها
غير
اتمنى الحياة الكريمة للمواطن ياااااااااااااااااااااااااااااارب
والناس ترجع للدين شوية على الاقل
كدة كفاية اوى

[sara2001]

الخل الوفي موجود الحمدلله
المستحيلات اللي في بالي حالياً
ان يكون في حل للزحمه في مصر
ان الحكومه تتعامل بشكل آدمي مع الشعب
ان يسود العدل في مصر
ان تنتهى المضايقات اللي بتحصل والإستيلاء على حقك والسبب الوحيد انك مجرد بنت
ومش هتردي
ان اصحاب العمل في القطاع الخاص يبطلوا افتراء وإستغلال
ان الناس ترجع تتعامل بذوق وأدب بعيداً عن الأنانيه السائده
ان الناس تتقن عملها وما تكسلش تفكر وتنتج
ايه رأيك......كفايه كده دلوقتي؟

[NFS]

-ان اشوف اليوم الى فيه العرب متحدين قبل ما اموت.
-ان وضع مصر يفضل كما هو عليه, من اسوء لاسوء, فى الكام سنة الى جاية.
-ان اى حاجه تتغير بمجرد الكلام.

[Angel_wolf]

1- الاقى وظيفة مهندس اتصالات لما اتخرج وابقى مهندس اتصالات ( مش اشتغل مكان الفنى)
2- الاقى الواحدة بنت الحلال الى نفسى فيها بجد ( دة لان كل لما افكر فى واحدة الاقى صحيفة سوابقها وحشة اوى )
3- اركب سوبر كار بسعر اى عربية ( وطبعا البنزين بتعها يكون فى سعر الـ 80 و طبعا مفيش مطبات علشان طبعا اركن براحتى )
4-

اخلص هندسة واشتغل وكيل نيابة :)))))

( طبعا علشان لما اجرى بالعربية الرخصة متتسحبش