شئ من رابـــــــــع المستحيــــــــــــلات

[ashraf_msd]

1- أن الفقير يبقي غني (حتى لو خد شهادات الدنيا كلها)

2- أن واحد راكب 128 يركب bmw بالحلال

3- أن اللى متجوز يفكر يتجوز تاني ( فقط لمجرد الجواز)

[medo_2060]

هو فى مستحيلات كتير خصوصا فى الزمن دا يعنى المفروض نحتار 3 للمستحيلات السياسيه وزيهم للاجتماعيه والرياضيه وهكذا هههههههههههه
انا هختار 3 على سبيل المثال بس فى 3 مجالات

1-(السياسه) يكون فى ديمقراطيه حقيقيه فى البلد مش كلام جرايد.
2-(الحياه) البنات تعقل .
3- (الرياضه) الزمالك بطولاته تعدى الاهلى او جماهيره تكون اكتر من الاهلى.

[medo2o1o]

المستحيلات التلاتة بالنسبالى

1:الحكومة الذكية
2:الاقى ركنة تحت بيتى
3:نفسى اشمت فى الاهلى

[esam_comm]

--انتهاء الزحام
-- اللي بالي بالك حد تاني يجي مكانه
-- المصريين يبطلوا فهلوه

[A7MED_PHARMA]

المستحيل الحقيقي الايام دي


الأمانة
ودي من علامات الساعة

[grumby78]

ان الناس لما تغلط تقول انا اسف
ان تجديد رخصة العربيه يتم بسرعة وبدون تعب
ان الرشوه والمحسوبيه تنتهي

[الريس]

1- نبطل نفتي
2- اشوف لمصر (رئيس سابق على قيد الحياة) الاختراع ده حلو اوي يا جماعة
3- الجمارك تتلغي (في حياتي او حياة اولادي على الاقل)

[omar-saad]

1- الامانة زى ماقال الدكتور احمد
2-زمن الكاسيات العاريات
3-ان حد يفضلنى على نفسه( ماعدا والدى ووالدتى)

[uubaby2000]

1- نبطل نفتي
2- اشوف لمصر (رئيس سابق على قيد الحياة) الاختراع ده حلو اوي يا جماعة
3- الجمارك تتلغي (في حياتي او حياة اولادي على الاقل)

عشرة على عشرة


بالنسبالى 1_ اتجوز عن حب
2- اشترى عربية بورش بسعر البيكانتو
3-اشوف واحدة رئيسة لمصر

[الغزالى]

عشرة على عشرة


بالنسبالى 1_ اتجوز عن حب
2- اشترى عربية بورش بسعر البيكانتو
3-اشوف واحدة رئيسة لمصر

انت بتحلم يا حلمى

[Amr A.salam]

1- شوارع مصر تتسفلت وما يبقاش فيه زحمة
2- حد يروح جهة حكومية علشان يخلص مصلحته ويمشي مبسوط
3- ان الناس ما تبقاش منفسنة من بعض ويعاملوا بعض بود ومحبة

عدم وجود الكرش المصرى الشهير

اسمه منحنى الرفاهية على فكرة :)

[misoalex]

بالنسبالى فى حاجات كتيره مستحيله
بس المهم بالنسبالى

1- الوضع الاقتصادى يتغير وده مش حيتغير غير بمعجزه غير معجزه لا للتوريث طبعا ده حلم مش معجزه
2- ان الامراض السراطانيه تبعد عنا وعن بلدنا
3- انى اتجوز تانى لانه لو حصل حتلاقو موضوع فى الاجتماعى بتدعو لروحى بالمغفره

وفيه حاجات كتيييييير كمان بس انا ملتزم بالموضوع

[cyborg_ift]

1- اني افتح عيني الاقيني رجعت صغير
2- اني الاقي الناس بقا عندهه دم
3- ان مبارك يسيب السلطه قبل ما يموت

[alaa74]

المستحيلات الثلاثه بالنسبه لى :-

1- الرحمه والسماحه والطيبه والذوق والادب والاحترام ..... صفات كانت موجودة فى كل الناس لأنها أساسيات لكن دلوقتى موجودة عند بعض الناس والباقى مش موجودة عندهم لأنها بالنسبه لهم كماليات .

2- العدل يسود فى بلدنا من خلال تعامل كل الطبقات مع بعضها على أنها نسيج واحد وليس على أن طبقه الأغنياء فى مكان والطبقة الأخرى فى مكان بعييييييييييييييييييييييييييييييييييد .

3- الناس ترجع تحب بعضها تانى زى زمان .

[زينة الله]

1 - تحقيق العدالة الاجتماعية و مبدأ تكافؤ الفرص والقضاء على الأمراض الاجتماعية ( الواسطة و المحسوبية و الرشوة والنفاق ...) ... شكلى كدا بكتب أهداف الثورة سابقا

2 - إن حزب تانى غير الوثنى يفوز فى انتخابات نزيهة و نادى تانى غير الأهلى يفوز بالدورى فى منافسة شريفة زى الستينات كدا راجعوا تاريخ الدورى نص نوادى مصر خدته فى الفترة دى (أوليمبى - ترسانة - اسماعيلى - زمالك - اهلى -غزل المحلة ...)

3 - إن الناس ترجع للثقافة الجماعية مش الفردية و ترجع مبادئ الإيثار والتضحية و الوفاء ( يد الله مع الجماعة ) ( لا يؤمن أحدكم حتى يحب لأخيه ما يحب لنفسه )