عاوز اجيب طقم خلاط مياه كويس فايه الانواع الكويسه

[smsm2015]

السلام عليكم

عاوز اجيب طقم خلاط مياه كويس فايه الانواع الكويسه بس يكون سعره حنين مش لازم يكون ماركه من الماركات الغاليه المعروفه بس يكون عملى وبيستحمل ويا ريت كمان لو حد يعرف نوع كويس من مسطرة دش اللى هى بتبقى عامله زى السماعه يقولى عليه ولكم جزيل الشكر ..

[grumby78]

هات اي حاجه Ideal standard حاجتهم ممتازه وموديلاتهم كتيره . اما بالنسبه للمسطره والدش فدي منها انواع كتيره صيني وتركي وغيره و كلها شغاله.

[Eng_Mostafa_89]

لو حضرتك عايز حاجة محترمة بس الحاجات دى بتبقى غالية شوية بس بتعييييييييييييييييييييييييييش كتير
عندك جروهى وايديل استندر

وحضرتك ممكن تنزل تبص فى المول بتاع السلاب اللى فى مكرم عبيد ارخص واحد عن تجربة

[MRBEBO]

فيه معرض النيلين اللي في شارع جسر السويس كل اللي هناك ماركة ايطالي بس حاجات نضيفة بس الاسعار عالية طبعا عن الحاجات التقليدية

ولو عاوز حاجة اقل عندهم موديلات مش بتاعت السنة واسعارها معقولة جدا وبرضوا ايطالي

[smsm2015]

جزاءاكم الله كل خير على ردودكم ... بس انتم بتكلموا على انواع غاليه اوى ومش مناسبه لميزانيتى انا عاوز انواع رخيصه وكويسه حتى ولو كانت محليه مش مشكله ..

[omar1972]

روح اي محل ادوات صحيه و اشتري خلاطات جولد (hand mix)

[mahmoudysf]

بيتاهيالي طلبك هتلاقية في خلاطات جولد

[M.ADEL KAMEL]

بص حضرتك انا هاقولك على نوع شوف ايه نظامه معاك خلاطات جراند فى نوع كده ب550 3 خلاطات حمام و بانيو و مطبخ و ضمان 10 سنين و كويس و الله و صيانته ب10 جنيه الزيارة ولو عاوز نوع كويس اعتقد جروهى

[raedegypt]

من غير عناوين او تليفونات اى محل يبيع لك ايديال استاندرد ماركه محترمه وتعيش معاك عمر

[mostafabakry]

ايديال ستاندرد هو الإختيار الأول بس طبعا اسعارها غالية
بالنسبة للمصري و شغال خلاطات عبده حنفيه و اسعارها مرتاحة و فيه كمان خلاطات صيني شغالة

[haytham306]

Ideal standard

Ideal standard حاجتهم ممتازه اتكل علي الله

[age]

ايدال ستاندر ضمان مدى الحياه

[tarekzein]

جولد فى المصرى والأنواع القديمه أفضل من الجديد فى الخامات
وعلى ضمانتى الشخصيه

وفى المستورد جروهى وبعده أيديال ستاندرد

[smsm2015]

ايه رايكم فى خلاط اسمه جاجوار وده الرابط بتاعه :
كتالوج

والف شكر اخوانى الكرام على ردودكم ...

[MoOoD]

إديال وإشترى دماغك

او جولد لو انت عاوز المصرى وسعر حنين
ابعد عن الصينى نصيحه