عاوز اجيب طقم خلاط مياه كويس فايه الانواع الكويسه

[Adham]

انزل المهاجرين دي منطقة خاصة ببتوع السيراميك و الصحي و ارخص مكان في مصر تشتري منة

انا جبت منة كل مستلزمات مكتبي من سيراميك و احواض و كلة

و جبت طقم خلاطات 3 قطع (حوض حمام و حوض مطبخ و خلاط بانيو بالدش) ب 320 جنية صيني

ايوة صيني بس بصراحه جودتة ممتازة جايبة في نوفمبر الماضي تقريبا او اكتوبر

انزل عين شمس و امش بعد مصنع كوفرتينا على طول لغاية ما تلاقي مزلقان عين شمس على يمينك خش يمين و عدي المزلقان و امشي معاه شمال

اسأل على محل اسمة "أبا" ممتازين

[شريف]

شكرا للمعلومات المفيده

[عائشة]

خلاطات مياه

انصحك بشراء خلاطات مياه جواد نظرا لجودتها واشكالها الجميلة وفيه موديلات كتير ده غير ان اسعارها مناسبة وبتتميز في صيانتها وخدمة العملاء عن غيرها وبتتميز كمان بضمان 10 سنين

[أشرف فتحى]

الميزانيه تسمح..

يبقى ايديال استاندرد

لا تسمح

يبقى لو أكر عاديه ...عبده حنفيه او جولد

لو هاند ميكس جراند او روكا

[tarekzein]

يااااااااااااه
الموضوع من 2010

[wael6]

ممكن اعرف هل من الممكن تركيب خلاطات حديثة الشكل
على نفس اماكن تركيب خلاطات ata القديمة ؟

وممكن الانواع والاسعار من فضلكم
وشكرا جزيلا

[amr011111]

ممكن اعرف هل من الممكن تركيب خلاطات حديثة الشكل
على نفس اماكن تركيب خلاطات ata القديمة ؟

وممكن الانواع والاسعار من فضلكم
وشكرا جزيلا

إن شاء الله ينفع
بالنسبه للاسعار لو عاوز حاجه رخيصه وشكل شيك وبتعيش بالمقارنه بثمنها فعندك الصينى روكا وده هتلاقيه فى اى محل اداوات صحيه ولو عاوز اشكال كتير يبقى انزل شارع ترسا بالهرم او سوق المهاجرين بعين شمس او الفجاله بوسط البلد
واسعار الصينى النوع المنتشر هتلاقيه فى حدود من 400 لـ 500 وفيه نوع منه محمل وتقيل وده هتلاقيه فى حدود 750 جنيه للطقم وبالتوفيق

[wael6]

إن شاء الله ينفع
بالنسبه للاسعار لو عاوز حاجه رخيصه وشكل شيك وبتعيش بالمقارنه بثمنها فعندك الصينى روكا وده هتلاقيه فى اى محل اداوات صحيه ولو عاوز اشكال كتير يبقى انزل شارع ترسا بالهرم او سوق المهاجرين بعين شمس او الفجاله بوسط البلد
واسعار الصينى النوع المنتشر هتلاقيه فى حدود من 400 لـ 500 وفيه نوع منه محمل وتقيل وده هتلاقيه فى حدود 750 جنيه للطقم وبالتوفيق

حضرتك تقصد ايه بالطقم ؟
خلاط واحد ولا التلاته ؟
وشكرا جزيلا

[amr_8800]

يا فندم في خلاطات جولد كويسه اوي وسعرها معقول

[wael6]

يا فندم في خلاطات جولد كويسه اوي وسعرها معقول

شكرا جزيلا

[amr011111]

حضرتك تقصد ايه بالطقم ؟
خلاط واحد ولا التلاته ؟
وشكرا جزيلا

أقصد بالطقم تلات خلاطات
خلاط مطبخ وخلاط حوش وش وخلاط دش