بتزعل لما حد يضرب اولادك؟

[esam_comm]

السلام عليكم ورحمة الله وبركاته
باختصار ياجماعه انا لي ابن خالتي عنده ولد وبنت وانا عندي ولد وبنت الموضوع ومافيه ان اولاده اكبر من اولادي فاكل ماتبقي مناسبه يقعدو يضربو ولادي وبصراحه هما بيصعبوا عليا بس لو اتكلمت اول حاجه هاتتقال اني دماغي صغيره علشان دول اطفال وبيلعبو مع بعض بس بصراحه انا ببقي متضايق جدا وخصوصا لما عرفت ان زوجه ابن خالتي مابترضاش تقص لاولادها اظافرهم علشان لو حد جيه يضربهم يخربشوه بصراحه انا مش عارف اعمل ايه وهو جاري يعني ممكن مرتين تلاته في الاسبوع نجتمع يعني مش مناسبات بعيده وخلاص لاء ده موضوع ابدي لدرجه اني فكرت اعزل والله بس انا لسه شقتي جديده ودافع فيها دم قلبي بس دول ولادي برده
مستني ردودكم وحلولكم لمشكلتي دي
وشكراااااااااااااااااا

[icehearted girl]

بتربيلهم ضوافرهم؟؟

ليه ولاد دول ولا وحوش
بصراحة الموضوع ميزعلش ياريت تمنع اختلاطهم نهائي

حرام عليك الاولاد

[fadod]

السلام عليكم ورحمة الله وبركاته
باختصار ياجماعه انا لي ابن خالتي عنده ولد وبنت وانا عندي ولد وبنت الموضوع ومافيه ان اولاده اكبر من اولادي فاكل ماتبقي مناسبه يقعدو يضربو ولادي وبصراحه هما بيصعبوا عليا بس لو اتكلمت اول حاجه هاتتقال اني دماغي صغيره علشان دول اطفال وبيلعبو مع بعض بس بصراحه انا ببقي متضايق جدا وخصوصا لما عرفت ان زوجه ابن خالتي مابترضاش تقص لاولادها اظافرهم علشان لو حد جيه يضربهم يخربشوه بصراحه انا مش عارف اعمل ايه وهو جاري يعني ممكن مرتين تلاته في الاسبوع نجتمع يعني مش مناسبات بعيده وخلاص لاء ده موضوع ابدي لدرجه اني فكرت اعزل والله بس انا لسه شقتي جديده ودافع فيها دم قلبي بس دول ولادي برده
مستني ردودكم وحلولكم لمشكلتي دي
وشكراااااااااااااااااا

لأ طبعا ..في الموضوع حاجه غلط ..واوعي تكبر دماغك ..عيالك هيكبرو و مش هيعرفو ياخدو حقهم من أي حد يضربهم .لازم إنت ومراتك تفهمو إبن خلتك إنه لو مخدش باله من عياله هتبطلو زيارات وتبينو له انكو زعلانين من الوضع داه .

[icehearted girl]

انا هعترفلك بقصة مشابهة

ليه بنت خالتي سالي احنا في سن بعض وكان ديما زمان لما نتقابل هي شعنونة شوية تقعد تتخانق معايا وتشد شعري وتخربشني

ونا قال إيه.؟؟؟؟ مكسوفة اضربها قدام مامتها

وماما مكنتش بترضي تتدخل علشان ميتقالش انها بتكبر المواضيع


مع اني قادرة افطسها اصلا وكنت بلعب كاراتيه مش اضربها بس

لحد مسكتت سكتت وفيوم رحت قطعتها بدون مبالغة لحد مايديها جابت دم

ومن يومها حرمت تهزر معايا حتي

[Soma_Sooma]

غريبة قوى حكاية تربيلهم ضوافرهم دى (دة مش طبيعى)

ومتعودش ولادك يسكتو والا هيطلعو ضعاف الشخصية او هيممكن تيجى بطريقة عكسية خالص ويطلعو اللى كان بيتعمل فيهم فغيرهم ولازم تتكلم فى الموضوع دة مع امهم و ابوهم لأن دة ليه توابع كتيرة قدام وساعتها هتتعب قوى عشان تغيرها

[hazoom2006]

نظرا لحساسية العلاقة بين حضرتك وبين ابن خالتك


لو كان الاولاد بيهزرو مع بعض وكده يبقى خلاص مفيش داعى التدخل لكن لو اولاد حضرتك هما اللى اشتكو وبيضربو على طول تروح لابن خالتك وتكلمه بالراحه ان اولادك صغيرين وميسحتحملوش الهزار التقيل ده مع اولاده
بس لعلم حضرتك الاطفال دلوقتى عفاريت زمن الاطفال البرئة دى خلص من زمان

[dr-mohamed]

بصراحة الل ىبتعمله مرات ابن خالتك ده قلة ادب
بص يا باشا
بنتي الكبيرة عندها 8 سنين اول ما دخلت المدرسة كانت بتنضرب في الباص من غير ما تقولي
بعدها اختها دخلت المدرسة وبيركبوا مع بعض بقت الصغيرة تفتن على الكبيرة وتقول انها انضربت في الباص
مرة في مرة زهقت
مسكت الاتنين ادامي قلت لهم لو انضربتوا من غير ما تضربوا اللى يضربكم هضربكم انتم الاتنين
ومفيش حاجة اسمها اختى اللى انضربت
اللى تنضرب فيكم تضرب اللى بيضربها واختها كمان تضرب معاها
ولو حد ضربكم وانتم اللى ضربتوه هكافأكم

بعدها بفترة لقيت مشرفة الباص بتكلمني وبتقولي سكت البنت بتضرب الولاد ومش عايزة تسكت نهائي
كلمت البنت طلعت الكبيرة ايه اللى حصل قالت لي ان ولد ضربها وهي ضربتها وعايزة تكمل الضرب والمشرفة بتمسكها قلت لها كملي الضرب
وقلت لها اديني المشرفة ومسحت بيها الارض قلت لها لو انتي منعتي الولد انه يضربها مكانتش هتضربه
وتضرب اللى هي عايزاه ما دام انتم مش شايفين شغلكم وسايبين الولاد يضربوا بعض في الباص وقفلت السكة في وشها

اول لما رجعوا البيت كافات الكبيرة واديتها 5 جنيه مكافاة علشان هي ضربت اللى ضربها

مع ولاد اخواتي وهما بردو كتير وفي اعمار متقاربة
بقولهم متبداوش انتم الضرب
لكن لو حد ضربكم من غير ما تضربوه اول ما نرجع البيت هتنضربوا
حتي لو قلت لكم عيب او متضربوش اياكم متاخدوش حقكم

مع بعض ممنوع واحدة تضرب اختها نهائي

[Mostafa.Mahran]

المشكلة كلها فى مرات ابن خالتك و هى الى غلطانة

انا لما الاقى ابنى بيقل ادبه ولابيرزل على حد حتى لو صغير قده المفروض انا الى اضربه و ازعقله علشان ميتعودش على كده و يبقى رزل

قول لابن خالتك ان عياله ضوافرهم طويلة و لما بيلعبو مع اولادى بيخربشوهم و كده مش هينفع و الموضوع مفهوش كسوف ولا احراج لانك لما تلاقى عيل من عيالك متعور ولا متخربش فى وشه يبقى حرام عليك

[blazer]

متسمحش لحد انه يأذى أولادك اى نوه من انواع الاذيه
معنويه او جسديه
لان كل دا هيأثر عليهم جامد خصوصا لما يكبروا
كلم ابن خالتك بهدوء و ابتدى الموضوع بهزار
يعنى تقوله مثلا
العيال دى مش بتبطل لعب تصور دا حصل كذا وكذا
فهمهاله كدا يعنى
ولو مفهمش قوله الموضوع بطريقه مباشره

[dr-mohamed]

متسمحش لحد انه يأذى أولادك اى نوه من انواع الاذيه
معنويه او جسديه
لان كل دا هيأثر عليهم جامد خصوصا لما يكبروا
كلم ابن خالتك بهدوء و ابتدى الموضوع بهزار
يعنى تقوله مثلا
العيال دى مش بتبطل لعب تصور دا حصل كذا وكذا
فهمهاله كدا يعنى
ولو مفهمش قوله الموضوع بطريقه مباشره

بدون زعل
الاشكال دي مش بتفهم او بتفهم وتعمل نفسها مش فاهمة
هو لو عنده دم مكانش خللى مراته تطول ضوافر العيال مخصوص علشان يعوروا بيها العيال التانية

اعمل زي ما قلت لك علشان ولادك ميبقوش جبناء
وابن خالتك هي مرة واحدة قوله ولادك بيعوروا ولادي يا اما يلعبوا معاهم من غير ضرب يا اما همنع ولادي يلعبوا معاهم
وقريبي اللى يضر عيالي ميلزمنيش

[nabaster]

بصراحة الل ىبتعمله مرات ابن خالتك ده قلة ادب
بص يا باشا
بنتي الكبيرة عندها 8 سنين اول ما دخلت المدرسة كانت بتنضرب في الباص من غير ما تقولي
بعدها اختها دخلت المدرسة وبيركبوا مع بعض بقت الصغيرة تفتن على الكبيرة وتقول انها انضربت في الباص
مرة في مرة زهقت
مسكت الاتنين ادامي قلت لهم لو انضربتوا من غير ما تضربوا اللى يضربكم هضربكم انتم الاتنين
ومفيش حاجة اسمها اختى اللى انضربت
اللى تنضرب فيكم تضرب اللى بيضربها واختها كمان تضرب معاها
ولو حد ضربكم وانتم اللى ضربتوه هكافأكم

بعدها بفترة لقيت مشرفة الباص بتكلمني وبتقولي سكت البنت بتضرب الولاد ومش عايزة تسكت نهائي
كلمت البنت طلعت الكبيرة ايه اللى حصل قالت لي ان ولد ضربها وهي ضربتها وعايزة تكمل الضرب والمشرفة بتمسكها قلت لها كملي الضرب
وقلت لها اديني المشرفة ومسحت بيها الارض قلت لها لو انتي منعتي الولد انه يضربها مكانتش هتضربه
وتضرب اللى هي عايزاه ما دام انتم مش شايفين شغلكم وسايبين الولاد يضربوا بعض في الباص وقفلت السكة في وشها

اول لما رجعوا البيت كافات الكبيرة واديتها 5 جنيه مكافاة علشان هي ضربت اللى ضربها

مع ولاد اخواتي وهما بردو كتير وفي اعمار متقاربة
بقولهم متبداوش انتم الضرب
لكن لو حد ضربكم من غير ما تضربوه اول ما نرجع البيت هتنضربوا
حتي لو قلت لكم عيب او متضربوش اياكم متاخدوش حقكم

مع بعض ممنوع واحدة تضرب اختها نهائي

[blazer]

بدون زعل
الاشكال دي مش بتفهم او بتفهم وتعمل نفسها مش فاهمة
هو لو عنده دم مكانش خللى مراته تطول ضوافر العيال مخصوص علشان يعوروا بيها العيال التانية

اعمل زي ما قلت لك علشان ولادك ميبقوش جبناء
وابن خالتك هي مرة واحدة قوله ولادك بيعوروا ولادي يا اما يلعبوا معاهم من غير ضرب يا اما همنع ولادي يلعبوا معاهم
وقريبي اللى يضر عيالي ميلزمنيش

+9
بس برده نتكلم مره بلزوق
مع انى مستنفر جدا من موضوع الأظافر دا
دى قله نظافه على اقل تقدير

انا فاكر لما كنت فى السعوديه فى ابتدائى كان فيه تفتيش اسبوعى على نظافه الاظافر و طول الشعر

[mobitic]

كانت عندى نفس مشكلتك
بنتى مريم كانت بتضرب من طوب الأرض ولو زعلت من حد يقولولى دول عيال بلاش تعمل عقلك بعقلهم
وكنت بسكت وانا محرج.
حتى جاء يوسف
تاتاتاتاتاتااااااااااااااااا
وعينك ما تشوف الا النور
ربنا يخليه يارب
بينقى الكبير ويضربه
متفرقش بقى معاه طويل أو قصير ، عريض ولا رفيع
هيضرب هيضرب
شد شعر شغال - عض مش مشكلة - خربشة وتجريح نو بروبليم
واسمع بقى الشكاوى من الناس اللى كانت بتقولى كبر دماغك
دلوقت انا اللى بقولها وبكل بروووود ( يا جماعة دووووول عيال )
بس بصراحة خلص القديم والجديد (شرير شرير يعنى )




ملحوظة :
لو تحب اسلفك يوسف يومين معنديش مانع

[devilishtigers]

كانت عندى نفس مشكلتك
بنتى مريم كانت بتضرب من طوب الأرض ولو زعلت من حد يقولولى دول عيال بلاش تعمل عقلك بعقلهم
وكنت بسكت وانا محرج.
حتى جاء يوسف
تاتاتاتاتاتااااااااااااااااا
وعينك ما تشوف الا النور
ربنا يخليه يارب
بينقى الكبير ويضربه
متفرقش بقى معاه طويل أو قصير ، عريض ولا رفيع
هيضرب هيضرب
شد شعر شغال - عض مش مشكلة - خربشة وتجريح نو بروبليم
واسمع بقى الشكاوى من الناس اللى كانت بتقولى كبر دماغك
دلوقت انا اللى بقولها وبكل بروووود ( يا جماعة دووووول عيال )
بس بصراحة خلص القديم والجديد (شرير شرير يعنى )

يوسف دا 100 100 لازم طبعا ياخد حق اخته (القديم والجديد)
ربنا يخليهولك

[M.almaghraby]

هههههههههههههه

كلام د . محمد تمام و هيا دي التربية الصح فعلا ...

بس انا بقيت حاسس بشكل عام ان براءة الاطفال راحت مع الزمن مش عارف ليه :ddd