بتزعل لما حد يضرب اولادك؟

[mobitic]

:pointiy2[2]::pointiy2[2]::pointiy2[2]:
يوسف دا 100 100 لازم طبعا ياخد حق اخته (القديم والجديد)
ربنا يخليهولك

ربنا يخليك ويرزقك بالذرية الصالحة

ينتشر في هذه الأيام بمناسبة حلول شهر رمضان المبارك
حديث

( أول شهر رمضان رحمة ، وأوسطه مغفرة ، وآخره عتق من النار )


ولكن هذا الحديث قال فيه الشيخ المحدث الشيخ محمد ناصر الألباني رحمه الله تعالى وأسكنه فسيح جناته
أنه حديث منكر

في السلسلة الضعيفة رغم أننا نسمعه كثير بل قد نسمعه أو نقراه من علماء أجلاء و الشيخ الألباني حجة في الحديث ولا نصفه بالعصمة من

الخطأ ولكن هذا ما قاله الشيخ رحمه الله في هذا الحديث .

هنا تخريج الحديث للشيخ الألباني

وهنا تخريج الحديث من موقع الإسلام سؤال وجواب للشيخ المنجد

وهنا من موقع الشبكة الإسلامية

هنا أحاديث منتشرة عن رمضان وهي ضعيفة من موقع صيد الفوائد

هذا والله أعلم

جزاك الله خيرا عن التوضيح

وده ايه علاقته بالموضوع؟

الكلام كان موجه ليا انا يا افندم واستاذه مسلمة جزاها الله خيرا حبت توجهه بطريقة غير مباشرة تجنباً للإحراج.

يا جماعة انا ما رضتش اوجه الكلام مباشرة لحد وما رضتش اعمل موضوع مستقل لان جايز واكيد مش الكل حيقرأه

لكن بما إن الموضوع دخل في سخرية وإستهزاء وتريقة فأحب أقول إني كتبت ده تعليقا على توقيع أحد المشاركين في الموضوع

جزاك الله خيرا مرة أخرى وجارى التغيير ورمضان كريم

[abofarah]

خلى دماغك كبيره

اول حاجه متخليش اولادك يختلطوا بالاطفال دول نهائى و انت كمان قلل زياراتك لاخر درجه لو مهم انكك تروح عندهم روح لوحدك اقضى مصلحتك و خلص موضوعك و بعد كده اتوكل على الله و امشى ....... هما هيحسوا و متستناش من ابن خالتك ده و مراتو اى خير لانهم مش فاهمين و مش هيفهموا غير اللى هما اتربوا عليه و طبعا واضح من موضوع الاظافر الطويله .............. مش هطول عليك شيل ده من ده يرتاح ده عن ده

[mobitic]

ياباشا الله واكبر وربنا يخليلك يوسف يارب
انا المشكله ان ابني اكبر من بنتي بسنه فلما كان بيضربها كنت بزعقله واقوله اختك حبيبتك لحد ماهي بقت تضربه وهو مايرضاش يضربها وبقي يعامل اي اطفال بنفس المبدأ

شكرا لحضرتك ربنا يخليلك أولادك ويحميهم من كل شر

[n_i_t_e]

لا يا استاذ عصام متستهونش بالموضوع ده... و طالما بتعمل الصح يبقى مفيش حاجة اسمها (دماغك صغيرة)
موضوع ضرب الأطفال ده حاجة صعبة و تأثيره مش كويس...أنا فى حضانة و ابتدائي كنت فى مدرسة متبعة سياسة ضرب التلاميذ على الفاضى و المليان منهم لله و لحد دلوقتى مش ناسي و لا عمري هنسي قسوتهم اللى كانوا بيعملوه و لسه لحد دلوقت بحاول أعالج نفسي من الأثار اللى سابوها فى شخصية و طباع الواحد.
و لو كان الموضوع مش عادي مكنش فى أوروبا تلاقى مصطلح Child Abuse و ده بيصنف كجريمة لدرجة انهم لو اشتبهوا فى واحد بيضرب ابنه بياخدوا الطفل منه رغم انه أبوه!
بس انت بتقول ابن خالك... فاستعمل السياسة كلم أطفاله باسلوب حلو ان ده عيب و حاول تحايلهم و كده بس لو عايز نصيحتى متسبش الموضوع و لا تستهتر بيه.

[shaddadfalcon1]

انا زي مابيقولو كده اللي يرش ابني بالميه ارشه بالنار ولابالدم مش عارف

انا ممكن اقوم اضرب العيل اللي ضرب ابني وميهدالي بال الا لو خدت حق ابني او هو اخد حقه وانا الحمد لله ابني بيعرف ياخد حقه ومش انا اللي علمته كده دي والدتي كل ماروح هناك تعلمه شويه

دلوقتي اللي بيعمل معاه حاجه يجيبه من قفاه وينزل بيه علي الأرض ولازم يعمل تثبيت اكتاف - اصله بيتفرج علي المصارعه معايا

زمان كنت غلبان وكانو في المدرسه يغلسو عليا وكان ابن عمي دايما مستقصدني ويضربني وكانت امي دايما تشتكي وخصوصا ان مرات عمي تبقي خالتي لحد ماجيت في مره زنقته علي الحيطه وطبقت في زمارة رقبته لحد ماكان هيموت في ايدي وبعديها حرم ييجي جنبي

وفي الثانوي برده كان واحد بيغلس عليا وقاعد ورايا قمت قام علي التخته ونازل باليد في وشه لما عورته - ساعته الفصل كله بقي يعملي حساب

[dr-mohamed]

مع احترامي طبعا لحضرتك بس المفروض ان البنت متتعودش انها تضرب ولاد خالص يعني ممكن تشتكي في المدرسة أو تشتكي حضرتك وانت تروح تهزء الولد و تجيب ولي امره

مع احترامي لكلامك يا ماندو
ولاد بنات متفرقش
اللى يضربها تضربه ما دامت مش هي اللى بتبداء بالضرب
وهاتجيب ولي امر التلميذ ازايحنا بنتكلم في العملي وحتي لو جبت ولي امره ممكن يعمل زي ابن خالة اخونا
باختصار مش هخلي عيالى جبناء علشان خاطر اي حد
ا

علي فكره ابن خالتي ده بيشتغل وكيل نيابه مش بقول كده يعني فرحان بيه لاء بقول لحضرتك علشان تعرف المستوي المشكله ان مراته تكلمها ازاي سايبه ضوافر الاولاد كده ليه تقول مابيردوش يخلوني اقصهم راحت والدتي قالت لها قصيهم وهم نايمين ولا حياه لمن تنادي

وكيل نيابة النائب العام ولا تفرق معايا
هو اب وانا اب
مش هيربي عياله هخلي عيالى يضربوهم

الله يفتح علي حضرتك انا ازااي ابقي بيني وبينه بقوله اضربه واجي امام الناس اعنفه الولد هايحس بلخبطه هايهنج كده زي الكمبيوتر يعني سنهم مايسمحلهمش انهم يفهموا ان الكلام ده كده وكده فاهم قصدي

لا يا عصام بيه مفيش لخبطة ولا حاجة
انا معرفهم ان الى يضربهم يضربوه
ولو كنا برة وقلت لهم لا بردو ميسكتوش الا لما ياخدوا حقهم وهم الل ىيضربوا يعني متفق عليه بيني وبينهم ازاي يتلخبطوا ؟؟؟؟؟؟؟؟؟
ودلوقت يا باشا بقوا بيفهموا كل حاجة بس احنا نقدر نجاريهم بس

[esam_comm]

وكيل نيابة النائب العام ولا تفرق معايا
هو اب وانا اب
مش هيربي عياله هخلي عيالى يضربوهم


د/محمد بتهيالي انا ماقدرتش اوصل لحضرتك قصدي هو انا مش خايف منه يعني علشان شغله زي ماحضرتك فهمت انا بخاف علي زعل خالتي اللي هي والدته وانا كمان بتحرج جدا بشكل عام ومش عايز اتحط في صوره اني بصغر دماغي ودي اطفال وبتلعب والكلام ده انا لما بمنع نفسي بلاقيه يجي عندي هو والضرب بيبقي ديلفري

[essamr]

حضرتك لو انت عندهم فى البيت اول ما الامور تخرج عن السيطرة ويبدا الضرب حضرتك تقوم مروح على بيتك ويظهر عليك انك مش مبسوط
اما لو كانو ضيوف عندك وحصلت مشاكل بين الاولاد تدخل ولادك حجرتهم وتقول مفيش لعب بالطريقة دى بدون ما يظهر عليك زعل وترحب بيهم جيدا علشان الروابط الاسرية

نصيحة من اب
بلاش تعلم اولادك العنف

[dr-mohamed]

وكيل نيابة النائب العام ولا تفرق معايا
هو اب وانا اب
مش هيربي عياله هخلي عيالى يضربوهم


د/محمد بتهيالي انا ماقدرتش اوصل لحضرتك قصدي هو انا مش خايف منه يعني علشان شغله زي ماحضرتك فهمت انا بخاف علي زعل خالتي اللي هي والدته وانا كمان بتحرج جدا بشكل عام ومش عايز اتحط في صوره اني بصغر دماغي ودي اطفال وبتلعب والكلام ده انا لما بمنع نفسي بلاقيه يجي عندي هو والضرب بيبقي ديلفري

هههههههههههه
حلوة الضربة الدليفري ده
طبعا عارف يا عصام بيه ان المسالة مش خوف
المسالة احراج
بس اذا كان هما معندهمش دم يبقي انا مش هضحي بولادي علشان خاطرهم
خد بالك ان السن ده ولادك بيكتسبوا فيه عاداتهم السلوكية يعني اللى هايبقي جبان هيفضل جبان طول عمره واللى هينضرب النهاردة هيفضل ينضرب طول عمره مش لازم ضرب مادي في المستقبل هايبقي ضرب معنوي وهايبقي ليهم حقوق ومش هيعرفوا يدافعوا عنها لانهم متعودوش يدافعوا عن نفسهم

حضرتك لو انت عندهم فى البيت اول ما الامور تخرج عن السيطرة ويبدا الضرب حضرتك تقوم مروح على بيتك ويظهر عليك انك مش مبسوط
اما لو كانو ضيوف عندك وحصلت مشاكل بين الاولاد تدخل ولادك حجرتهم وتقول مفيش لعب بالطريقة دى بدون ما يظهر عليك زعل وترحب بيهم جيدا علشان الروابط الاسرية

نصيحة من اب
بلاش تعلم اولادك العنف

يا عصام بيه ما قالك لما مش بيروح لهم هم بييجوا والضرب بيبقي دليفري
ونصيحة بردو من اب
بلاش تعلم ولادك العنف
لكن في نفس الوقت لازم تعلمهم يدافعوا عن نفسهم
ولاحظ ان كل كلامي كنت حريص مع ولادي انهم ميبداوش مع حد الضرب
لكن اللى يعتدي عليهم لازم يعتدوا عليه وبعنف اكتر علشان ميفكرش هو ولا اي حد تاني انه يكرر الاعتداء عليهم

[نور القمر]

بجد ان بستغرب على الاطفال اللي مولوديين عدوانيين وفيه خبث ولئم غريب واللي يغيظ اكتر الاهالي اللي بيكونوا فرحانين بسلوك ولادهم !!!!!!!!!
ولادي طيبين جدا ومش بيبدأوا بالأذية
عندي سفندي طيب وغلبان ومش بيرضى يضرب اي حد اصغر منه
لكن مع اخواته عفريت وبتاع مشاكل
لقيت العيال استحلوا الحكاية سواء اولاد اخواتي او اولاد اعمامه وعماته
والكل بيضربه ويعضه ويخربشه حتى اللي لسه مطلعوش من البيضة اللي اقل من سنتين
مبقتش اتكسف من حد ولا اعمل حساب لحد خصوصا اللي امهاتهم تنحة ومش بتحوش ابنها عن ابني لو انا مش موجودة
واحيانا مش بيرضى ياخد حقه بروح مسكة ايده واخليه يلطش الولد التاني
كدة الولد التاني عرف انه لو ضرب هيتضرب

لسه امبارح بنت عمته مخربشاه كتير زي القطط وعندها حوالي سنة ونص وقاعد يعيط لي وعامل فيها مسكين
قلت له لو منزلتش خربشتها زي مخربشتك مش هتاخد مصروف
وفعلا راح خربشها ويقولي بس معيطتش عشان ضوافري قصيرة !!!!
بس انا عارفاه هو بيكون قاصد يكون حنين عليها

[dr-mohamed]

وفعلا راح خربشها ويقولي بس معيطتش عشان ضوافري قصيرة !!!!
بس انا عارفاه هو بيكون قاصد يكون حنين عليها

حنين من دلوقت
يا خوفي
الواد سفندي كدة اتحط بلاك ليست مع بيدو ابن كريم منير

[نور القمر]

حنين من دلوقت
يا خوفي
الواد سفندي كدة اتحط بلاك ليست مع بيدو ابن كريم منير

لا متقلقش من سفندي ده تقيل اوي وبيخلي البنات هي اللي تجري وراه ويبقه مش طايق وقرفان منهم برضواو يمكن بيمثل
خلي بالك بقه

[dr-mohamed]

اخلى بالي من مين ولا من مين
انا مش هاجيب بناتي المقابلات تاني
يا نهار ابيض
امال العيال دول لما يكبروا الواحد هيعمل ايه معاهم وياخد باله منهم ازاي
قوينا يا رب

[omar-saad]

يا جماعة الموضوع دة متعب اوى
لكن فى النهاية ان احنا لازم نربى ولادنا من صغرهم انهم ياخدوا حقهم من الطخين
الله اعلم الايام مخبية ايه
وبالذات البنات اكتر لانهم بعد هايكبروا ويروحوا دروس ومدارس وكليات
وعينيكوا مش هاتبقى عليهم طول الوقت(معلش اصلى لسة عازب)
بلاش يبقى فيه خوف لان دة فعلا بياثر على الواحد جدا بعد كدة يا اما بالايجاب او بالسلب
مبقاش فى حد طيب فى الزمن دة ( الا من رحم ربى)
لازم نخلى بالنا كويس اوى من الموضوع دة
مافيش حاجة اسمها قرايب ونسايب وحبايب
ولادى دول اغلى حاجة عندى فى الدنيا بعد ربنا وامى وابويا
معلش مع احترامى لحضراتكوا
الناس اللى انتو بتتكلمو عليهم دول مش دايمين لكوا
لازم نربى فيهم الشجاعة وعزة النفس والقوة وكل دة يبقى فى الخير
الزمن اللى احنا فيه المفتح والمخربش هوة اللى بقى ليه احترامة ومكانته وسط الناس
انا من كتر احترامى لنفسى
ابن عمى وانا صغير شمتنى(ودى كانت حاجة كبيرة وقتها)
ضربته ضربه كان هايموت فيها
ودا بسبب عيب وماينفعش وانتا محترم خليك انتا الاحسن هوة الوحش وانتا الحلو
والكلام اللى لايودى ولابيجيب
وفى الاخر حصل نتيجه عكسية
وفعلاانا بشجع طريقة دكتور محمد فى تربيته لاولادة ( ربنا يخليهمله ويشوفهم عرايس كدة ان شاء الله
وياريت كلنا نعمل كدة

[zobaaa]

بصراحة الل ىبتعمله مرات ابن خالتك ده قلة ادب
بص يا باشا
بنتي الكبيرة عندها 8 سنين اول ما دخلت المدرسة كانت بتنضرب في الباص من غير ما تقولي
بعدها اختها دخلت المدرسة وبيركبوا مع بعض بقت الصغيرة تفتن على الكبيرة وتقول انها انضربت في الباص
مرة في مرة زهقت
مسكت الاتنين ادامي قلت لهم لو انضربتوا من غير ما تضربوا اللى يضربكم هضربكم انتم الاتنين
ومفيش حاجة اسمها اختى اللى انضربت
اللى تنضرب فيكم تضرب اللى بيضربها واختها كمان تضرب معاها
ولو حد ضربكم وانتم اللى ضربتوه هكافأكم

بعدها بفترة لقيت مشرفة الباص بتكلمني وبتقولي سكت البنت بتضرب الولاد ومش عايزة تسكت نهائي
كلمت البنت طلعت الكبيرة ايه اللى حصل قالت لي ان ولد ضربها وهي ضربتها وعايزة تكمل الضرب والمشرفة بتمسكها قلت لها كملي الضرب
وقلت لها اديني المشرفة ومسحت بيها الارض قلت لها لو انتي منعتي الولد انه يضربها مكانتش هتضربه
وتضرب اللى هي عايزاه ما دام انتم مش شايفين شغلكم وسايبين الولاد يضربوا بعض في الباص وقفلت السكة في وشها

اول لما رجعوا البيت كافات الكبيرة واديتها 5 جنيه مكافاة علشان هي ضربت اللى ضربها

مع ولاد اخواتي وهما بردو كتير وفي اعمار متقاربة
بقولهم متبداوش انتم الضرب
لكن لو حد ضربكم من غير ما تضربوه اول ما نرجع البيت هتنضربوا
حتي لو قلت لكم عيب او متضربوش اياكم متاخدوش حقكم

مع بعض ممنوع واحدة تضرب اختها نهائي

انت راجل 100% والله ما ينفع فالزمن ده غير كده