إعـــــــلان

Collapse

.

,
See more
See less

اسمك وتوقيعك = ؟؟؟؟؟؟؟؟

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    اسمك وتوقيعك = ؟؟؟؟؟؟؟؟

    سلام عليكم اعضاء نايل موتورز الاعزاء
    رمضان كريم عليكو جميعا
    الاسم المستعار او nick name
    بيعبر عن حاجات كتير اوي جوانا
    ممكن ميكونش مفهوم لناس حوالينا
    بس اكيد بيعبر عن حاجه عندنا احنا خاصه بينا

    الحاجه التانيه هيا التوقيع
    وده ناس بتهتم تغيره حسب الحاله المزاجيه لكل واحد وساعات بتكون رساله لشخص ما
    ايه رأيكو انهارده نتكلم شويه عن الحاجتين دول
    اسمك ؟؟؟ اخترته ليه بالشكل ده وايه معناه جواك
    التوقيع ؟؟؟ ايه حكايته وليه كتبته
    احب ابتدي بنفسي
    انا صحابي في المدرسه في سنه اولي ثانوي كنت عاوز اعمل ايميل
    وقاعدين سوا علي محطه المترو ندردش في اختيار الاسم
    واذ فجأه واحد يطلع فجأه كده يقولي ايه رأيك في اسم mickey
    قلتله ياسلام
    ده حبيبي واصدقاء طفوله ولسه معايا لحد دلوقتي
    موافق طبعا

    ومن هنا ابتدا funnymickey
    وكلمه funny زودتها عشان اما جيت اعمل الايميل لقيت بتاع ربع مليون بني ادم مسميين نفسهم ميكي



    المهم نيجي بقي للتوقيع

    انا عملت توقيعات كتير صراحه ومعلومه بس
    ده اول منتدي اعرف اعمل فيه توقيع
    ودي كانت حاجه بتضايقني جدا اني عامل زي الشحط كده ومش عارف احط صوره ولا توقيع

    المهم انا في الشغل بناخد اجازه سنويه
    والاجازه دي خدناها قبل رمضان باسبوع
    قبل ما اسافر كانت حالتي النفسيه زي الزفت بسبب الشغل وقرف الشغل
    وكنت عاوز اكتب حاجه تعبر عن اللي جوايا
    وكمان عشان لو حد دخل يكلمني او يبعتلي رساله يعرف اني مش موجود
    دخلت علي جوجل كتبت mickey relax
    وطلعتلي الصوره دي
    يلاهوي
    ايه الجمال والحلاوه دي
    بالظبط اللي عاوز اعمله
    وكانت نقطه تحول في الاجازه التوقيع ده

    اسبوع كامل مبعملش حاجه غير اني اكل وانزل الميه والعب بالعجله وكوره واتفرج عالتلفزيون وانام
    قافل تليفوناتي
    وقضيتها
    وفعلا رجعت حاسس باحساس مختلف
    حتي اما رجعنا بعد الشغل واما بتحط تحت الضغط والصداع ووجع الدماغ
    ببص لتوقيعي ده برتاح
    وافتكر اليومين اللي قضيتهم
    افرح ويتشال من عليا الهم



    انا حكيت كل حاجه ومستني تفاعلكم مع الموضوع ومشاركاتكو
    الكلمات الدلالية (Tags): ؟؟؟؟؟؟؟؟, اسمك, وتوقيعك
  • #2
    الموضوع فكرته حلوة يا ميكى.
    و على فكرة nickname بتاعك عاجبنى اسم ظريف.
    ابدأ انا أول مشاركة.....
    اسم n_i_t_e هو تحريف خفيف لكلمة Knight و ده لأنى بعشق الأحصنة و كان نفسى اتعلم الفروسية ... بالأضافة ان معنى Knight بتكون الهدف الأخلاقى لأي رجل لأنها بتعبر عن الرجولة و القوة و الأخلاق و النبل مع بعض.

    بالنسبة للتوقيع فدي مقولة لShakespeare عجبتنى...غلب الناس لما بتبقى فرحانة ففرحتها عشان هى عارفة تتغلب على حزنها و الدنيا فيها الحلو و الوحش مع بعض و كل واحد هو اللى بيختار اللى يبص عليه...طبعا لحد معين من الحلو و الوحش.
    [CENTER]Bad dreams in the night.
    They told me I was going to lose the fight.
    Leave behind my wuthering, wuthering Wuthering Heights [/CENTER]

    Comment

    • #3
      هههههههههههههههههه

      فعلا توقيعك ظريف اوي يا ميكي

      انا توقيعي

      صورة لاجمل عربية فالعالم

      Alfa Romeo

      the Italian beauty :)))

      السبب اني بحبها كدا انها متميزة جدا ... مش لانها غالية فالسعر " هيا مش غالية "

      لكنها مش زي اي عربية

      ولا اي عربية زيها...... و فعلا هيا رمز للجمال

      " قريب ححط كلمات اغنية beautiful lie لانها ماشية مع الي انا فيه ..... حاسس ان الحياة كدبة كبيرة و احنا دايسين فيها "
      [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


      You 're beautiful , Its true


      [/CENTER]

      Comment

      • #4
        nick name هو اختصار لاسمى الكامل و دة بستخدمه user name فى كل حاجة يستخدمها او فى اى منتدى بسجل بيه عشان لو حتى بعد فترة طويلة حبيت انى ارجع لمنتدى لم اشارك فيه من فترة ابقى عارف ال user name
        فقررت ان الاسم البسجل بيه يكون نفسه ال nick name
        التوقيع بصراحة غيرته كتير...مرة نوع العربية و مرة مقولة بتعجبنى
        فعجبتنى جدا المقولة دى و لقيت الصورة كمان معبرة على العاوز اقوله و ثابت عليها من فترة طويلة و مش هغيرها
        [SIZE=6][I][COLOR=#000000][FONT=Comic Sans MS][SIZE=6]
        [/SIZE][/FONT][/COLOR][/I][/SIZE]

        Comment

        • #5
          كان الاول اسمى normandy
          وده اسم اكبر عملية اانزال فى التاريخ ايام الحرب العالمية التانية على سواحل شط نورماندى...وكنت معجب جدا بالقصة والاسم
          اسمى حاليا car`s sniper
          وده لانى اكتشفت انى ب(القط) العربيات وانتباهى بيتلفت ليها بطريقة فوق الطبيعية
          والبداية كانت فى شارع القصر العينى لما لاقيت بنت اجنبية ملامح وشها زى الملاك وتقريبا الملامح اللى باحلم بيها بالظبط ..لاقيت نفسى اتثبت فى الارض وعمال ابص لوشها قوييييييى(مع انى عموما ماببصش على بنات) بس البنت دى كانت جميلة جدا وتقريبا اجمل بنت شفتها فى حياتى...وفجأة الاقى عربية 128 حمرا متعدلة جاية ناحيتى لاقيت نفسى نفضت للبنت وركزت على العربية وهى ماشية وبتقربلى ولما عدت من جنبى لاقيت نفسى بادور حوالين محورى فى اتجاه العربية بردو وقعدت باصص للعربية لغاية
          ماغابت عن نظرى
          ساعتها اكتشفت انى باحب العربيات اكتر من اجمل حاجة فى الدنيا
          ومن يومها وانا car`s sniper

          اما التوقيع فده كوكتيل من كل حاجة تخصنى ..بداية من لحظات الشقاوة واللماضة العابرة (لانى هادىء الطباع فى الغالب) وبعدين حبى للعربيات ونهاية باسمى ومهنتى المستقبلية
          وتوتة توتة...خلصت الحدوتة
          [CENTER]نص مخى شريحة الكترونية ونصه التانى ماتور عربية
          [/CENTER]
          محمود حمودة...صيدلى عاشق للهندسة

          Comment

          • #6
            shiko هو الأسم اللى معظم الناس عرفانى بيه و لما اخترته كان السبب ان فيه ناس اعرفهم مش بيعرفوا يقولوا شريف و كمان شريف عندهم يعنى مأمور, عمده, نقيب شرطه
            و 85 هى 1985
            الصوره اللى فالتوقيع هى للـــ seal team و دى تعتبر اعلى فرقه صاعقه و بجد من بعد ما شوفت الـ seal team المصرى و عرفت القصه بتاعه اصرار الظباط انهم مش هيرجعوا من غيرها و ازاى اتنفذت فمصر و انا فخور جدا (الصوره للــ seal team عموما )
            تضحيه فداء مجد (الشعار)
            التعليق اللى تحت الصوره تذكره لنفسى و لغيرى

            [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
            سبحان الله و بحمده سبحان الله العظيم[/COLOR][/SIZE]

            Comment

            • #7
              shaddadfalcon1 وده بستخدمه في كل حاجه علي الأنترنت بس من غير رقم واحد اللي في الأخر ده عشان ده اتعمل غلط وكسلت اشيله

              shaddad ده شداد اسم العيله
              falcon ده معناه صقر والهيثم هو اسم من اسامي الصقر يعني هيثم شداد اللي هو انا

              اما التوقيع فانا مومن ب No Pain No Gain والمقوله بتشرح نفسها

              Comment

              • #8
                انا النك نيم النحس ده عشان مانساهوش يا جماعه بس عار ومستكسل اغيرو وهوه كده كده اسم عربيتي زوبا حبيبتي
                [CENTER]ZOBAAA da esm 3arabety Ana esmy Ahmed[/CENTER]
                [CENTER][COLOR="DarkRed"][SIZE="5"]الملك فاروق ... عاشق السيارات[/SIZE][/COLOR] [/CENTER]
                [CENTER][url]http://www.nilemotors.com/Nile/showthread.php?t=66717[/url][/CENTER]

                Comment

                • #9
                  شكرا بجد لكل اللي علقوا عالموضوع وفي انتظار باقي الاعضاء ده انتو طلعتوا حواديت

                  Comment

                  • #10
                    المشاركة الأصلية كتبت بواسطة zobaaa مشاهدة المشاركة
                    انا النك نيم النحس ده عشان مانساهوش يا جماعه بس عار ومستكسل اغيرو وهوه كده كده اسم عربيتي زوبا حبيبتي
                    ههههههه عار ليه بس...معظم الشعب المصرى عدى بمرحلة زوبا الحبوبة
                    [CENTER]نص مخى شريحة الكترونية ونصه التانى ماتور عربية
                    [/CENTER]
                    محمود حمودة...صيدلى عاشق للهندسة

                    Comment

                    • #11
                      موضوع جميل
                      الnick name :
                      انا اسمي George
                      ال nick name بتاعي شفوي جوجو والجيم متعطشة
                      جيت أكتبه أول مره يقوم مكتوب gogo مش نافع
                      كدة الجيم مش متعطشة
                      طاب jojo كدة بعدت عن حروف أسمي خالص
                      طاب أيه بقي
                      GeoGeo
                      كدة تتنطق جيو جيو
                      يادي النيلة مش نافعة
                      طاب أعمل أيه تاني
                      زهقت وطلع عليا الأسم بعد كدة Geo
                      جيو
                      تأقلمت وعاجبني برده :)
                      التوقيع : اللي قراه هيفهم انا حاطه ليه
                      [CENTER][mtohg=#000000]http://img696.imageshack.us/img696/2999/warninggf.jpg[/mtohg]

                      [/CENTER]

                      Comment

                      • #12
                        موضوع ظريف ومهم
                        الأول أنا أصلا كنت عاوز أسألك يا ميكي عن اسمك الحقيقي كذا مرة قبل كده ودايما بانسى...

                        اسمي أحمد
                        والمعرف بحري..نابع من حبي الشديد للبحر..وأحلى وأصعب أوقات في حياتي كان للبحر فيها نصيب ..إما قعدة روقان أو قعدة عكننة على أمل الروقان..وده كان بيحصل غالبا والبحر بيخليني أفك مهما كنت متضايق..وكان لي مكان ثابت على البحر اللي كان عاوزني بيلاقيني هناك قبل عصر المحمول..غير كده بيتي قريب جدا من البحر

                        بالنسبة للتوقيع بيبقى غالبا انعكاس لحالة ما غالبا سياسية أو اجتماعية أو رسالة ما أود توصيلها لرواد المكان في صورة آية أو حديث أو قول مأثور أو من كلماتي شخصيا..ونادرا جدا جدا لما تكون مناسبة التوقيع شخصية
                        [B][CENTER][SIZE="4"][COLOR="Navy"][CENTER]قال الله عزوجل في محكم آياته
                        [/CENTER][/COLOR][/SIZE][/CENTER][/B]
                        [CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

                        (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]

                        Comment

                        • #13
                          موضوع جميل وعلى الاقل نعرف ازاى الاعضاء بيفكروا إزاى لما يختاروا الاسماء او التوقيعات
                          الأسم : Wael3m
                          ودا لان اسمى وائل محمد محمد محمد علشان كدا اختارت انى يكون اسمى Wael3m
                          اما بالنسبة للتوقيع الحالى فدا بيعبر عن شخصيتى الرافضة للخضوع ولانى معجب فعلا بموسولينى
                          والحاجات اللى عملها لايطاليا                           [/COLOR]
                          [CENTER][SIZE="5"][CENTER][COLOR="DarkRed"]من أقوال موسولينى
                          [/COLOR][/CENTER][/SIZE][SIZE="4"][COLOR="DarkGreen"][SIZE="4"][COLOR="Blue"]Meglio morire in piedi che vivere una vita in ginocchio
                          [/COLOR][/SIZE][SIZE="5"][COLOR="Blue"]خير لك ان تموت على قدميك من أن تعيش حياتك راكعا
                          [/COLOR][/SIZE][/COLOR][/SIZE][/CENTER]

                          Comment

                          • #14
                            المشاركة الأصلية كتبت بواسطة shiko85 مشاهدة المشاركة
                            shiko هو الأسم اللى معظم الناس عرفانى بيه و لما اخترته كان السبب ان فيه ناس اعرفهم مش بيعرفوا يقولوا شريف و كمان شريف عندهم يعنى مأمور, عمده, نقيب شرطه
                            و 85 هى 1985
                            الصوره اللى فالتوقيع هى للـــ seal team و دى تعتبر اعلى فرقه صاعقه و بجد من بعد ما شوفت الـ seal team المصرى و عرفت القصه بتاعه اصرار الظباط انهم مش هيرجعوا من غيرها و ازاى اتنفذت فمصر و انا فخور جدا (الصوره للــ seal team عموما )
                            تضحيه فداء مجد (الشعار)
                            التعليق اللى تحت الصوره تذكره لنفسى و لغيرى

                            واضح ان التربية العسكرية اثرت فيك
                            [CENTER]:fun_broken:
                            [/CENTER]

                            Comment

                            • #15
                              السلام عليكم
                              بصراحه فكره جميله قوي مستر ميكي انا لحد دلوقتي بقرا ميكي وتان تان                               ....
                              انا النيك نيم بتاعي بيدل على حاجات كتيره مجمعه اولا هو اسم عربيتي انا بحب كل حاجه في حياتي اطلق عليه اسم السياره او الزرع وحتي الدباديب بتاعتي حتي شنطه الجامعه مسمياها ام الخير ههههه وكمان اي حاجه عزيزه عليه بالنسبه ل rody A113 اولا اول حرف فيها هو اول حرف في اسمي وحرف ال A ده برده مشترك و 113 ده موديل عربيتي اسبرانزا.. بالنسبه للتوقيع لا اله الا انت سبحانك اني كنت من الظالمين طبعا اكيد الكل عارف اثرها وجمالها جوا القلوب وبتريحني جدااااااااا
                              [CENTER][SIGPIC][/SIGPIC][SIZE=4][COLOR=DarkRed]لا اله الا انت سبحانك اني كنت من الظالمين
                              [/COLOR][/SIZE][/CENTER]

                              Comment

                              السابق 1 2 3 template التالي
                              Working...
                              X