موضوع عايز اخد رأيكو فيه...

[ahmad--ezzat]

السلام عليكم ورحمه الله وبركاته....

والله يا جماعه انا فكرت 1000 مره فى كتابه الموضوع دة بس عشان موضوع يهمنى جدا

وعشان الناس هنا ما شاء الله محترمين كلهم...وبحس ان هنا عالم وبره عالم تانى

نيجى بقا للموضوع....والحقيقه مش عارف اقوله ازاى بس هو يتلخص فى سؤال


(ينفع الواحد يستمر فى صداقه مع واحده اكبر منه)

[Mostafa.Mahran]

ده يتوقف على طبيعة العلاقة بينكم و الحدود الى بينكم و انت بتعتبرها ايه(زى اختك-زميلتك-صديقة عادى-صاحبتك-........-........)

[ahmad--ezzat]

ده يتوقف على طبيعة العلاقة بينكم و الحدود الى بينكم و انت بتعتبرها ايه(زى اختك-زميلتك-صديقة عادى-صاحبتك-........-........)

العلاقه محترمه والله يا بشمهندس...هيا صديقه عادى جدا مفيش اى حاجه وحشه او كده....بس لو فكرت ابعد هيا ممكن يحصلها حاجه وممكن تموت فيها...بس فى نفس الوقت العمليه مش شفقه منى ولا حاجه

[Mostafa.Mahran]

العلاقه محترمه والله يا بشمهندس...هيا صديقه عادى جدا مفيش اى حاجه وحشه او كده....بس لو فكرت ابعد هيا ممكن يحصلها حاجه وممكن تموت فيها...بس فى نفس الوقت العمليه مش شفقه منى ولا حاجه

معلش انا معرفش انت عندك كام سنة و هى كام

[hazoom2006]

من كلام حضرتك ان العلاقه من ناحيتك محترمه يعنى مجرد صديقة

بس لو فكرت ابعد هيا ممكن يحصلها حاجه وممكن تموت فيها

ومن كلام حضرتك برده ان من ناحيتها انك مش مجرد صديق

[ahmad--ezzat]

من ناحيتها مش صديقه.....انا على فكره 24 سنه وهيا 30
انا بقدرها جدا وبحترمها جدا...بس طبعا مفيش ارتباط او كده لان طبعا دة شىء مستحيل...وهيا مطلقه وعندها 4 اولاد...

[Mostafa.Mahran]

من ناحيتها مش صديقه.....انا على فكره 24 سنه وهيا 30
انا بقدرها جدا وبحترمها جدا...بس طبعا مفيش ارتباط او كده لان طبعا دة شىء مستحيل...وهيا مطلقه وعندها 4 اولاد...

انت كده قدى فى السن و نصيحة من اخوك بلاش تشغل نفسك بكلام زى ده لان الموضوع مش تمام ولا بقدرها ولا بحترمها ولا ليك دعوة بيها اساسا
انت ربنا يكرمك و تخطب قريب و عيش حياتك الطبيعية و بلاش الحوارات دى
وبص للموضوع بنظرة واقعية اخر الكلام ده ايه

[ahmad--ezzat]

انت كده قدى فى السن و نصيحة من اخوك بلاش تشغل نفسك بكلام زى ده لان الموضوع مش تمام ولا بقدرها ولا بحترمها ولا ليك دعوة بيها اساسا
انت ربنا يكرمك و تخطب قريب و عيش حياتك الطبيعية و بلاش الحوارات دى
وبص للموضوع بنظرة واقعية اخر الكلام ده ايه

شكرا لردك يا بشمهندس واتشرفت بيك...والله مش عارف اقلك ايه انت كلامك صح بس والله الموضوع دة مجننى ومش قادر اقلك قد ايه الفرحه اللى بتكون فيها لما بكلمها..انا اصلا مش عارف انا بحبها ولا لا والموضوع بالنسبالى حساس جدا...ومش عايز اقلك كمان ان الموضوع بينى وبينها وصل انها جابتلى مفتاح عربيه وانا رفضت طبعا وما خفى كان اعظم...بس انا بقلك مستوى العلاقه اللى بينا..هيا بن ناس جدا...ووالله انا مش عارف اعمل ايه...بعدت عنها 6 شهور بس كلمتنى تانى

[hazoom2006]

تمام انا مع كلام الباشمهندس

واحده مطلقة و30 سنة ومعاها اربع اولاد !! واكبر منك !!! ربنا يبعتلها نصيبها

لو مش عايز تخسرها قولها ان العلاقة بينكم اخوات بس وانك هتخطب قريب وقلل مكالماتك بيها

[ahmad--ezzat]

ان شاء الله هنفذ حلك يا حازم باشا...وان شاء الله خير

[Mostafa.Mahran]

شكرا لردك يا بشمهندس واتشرفت بيك...والله مش عارف اقلك ايه انت كلامك صح بس والله الموضوع دة مجننى ومش قادر اقلك قد ايه الفرحه اللى بتكون فيها لما بكلمها..انا اصلا مش عارف انا بحبها ولا لا والموضوع بالنسبالى حساس جدا...ومش عايز اقلك كمان ان الموضوع بينى وبينها وصل انها جابتلى مفتاح عربيه وانا رفضت طبعا وما خفى كان اعظم...بس انا بقلك مستوى العلاقه اللى بينا..هيا بن ناس جدا...ووالله انا مش عارف اعمل ايه...بعدت عنها 6 شهور بس كلمتنى تانى

انا الى اتشرفت بيك اكتر
ابعد عن الموضوع ده خالص لان ممكن لحظة ضعف تدمر حياتك خالص

[ahmad--ezzat]

ربنا يقدم ما فيه الخير ان شاء الله

[azmeralda]

السلام عليكم
مفيش حاجة فى الدنيا اسمها صداقة بين رجل وامرأة
الآية 25 سورة النساء "ولا متخذات أخدان"
لا يجوز للأنثى ان تتخذ صاحب لها على قول وعدم الأجازة نص صريح
حضرتك بتقول فرحتها لما بتكلمها
طب وكسر قلبها وجرحه والفراغ لما تبعد عنها مفكرتش فيه كل مالموضوع يطول كل مالبعد يبقى اصعب ممكن تكون شايفه من وجهة نظرك بطريقة وهى بتبص له بطريقة تانية وراسمة فى دماغها احلام هتتحطم
جابت لك مفتاح عربية يعنى بتتقابلوا خاف عليها من كلام الناس احنا فى مجتمع مبيرحمش جايز تبقى انت السبب فى تعاستها طول العمر لو حد جه يتقدم لها و سمع عنها اى كلمة ولو هى مظلومة وتراجع
الصداقة بين رجل وامرأة ارض خصبة للشيطان ليه نفتح له ابواب
انت ترضى لأختك او بنتك تعمل كده من وراك
اكيد بيحيك فى صدرك والا مكنتش سألت الأثم ما حاك فى النفس وتردد فى الصدر وهل انت معرف الناس كلها عالموضوع ده عادى اكيد لأ
وبعدين الحلال بين والحرام بين ومتبقاش كالحامى يحوم حول الحمى يوشك ان يقع فيه
الأرامل كتير والمطلقات كتير واللى محتاجين حد يقف جنبهم وكلمة حلوة كتير (اشمعنى هى) بس مش هتنفع تيجى من رجل اعزب مش هى دى الطريقة اللى هتخفف عنهم مسكنات دى ولا ايه
لو انت متهيألك بتحبها اعتقد ده من الشيطان عشان يبرر لك استمرار الكلام و دى مش جوازة تكلل بالنجاح ولا عيلتك هتوافق ولا حد بيستحمل عياله عشان يستحمل 4 بتوع غيره الموضوع عايز واحد من ايام الصحابة لو شايف فى نفسك الواحد ده ومتأكد من الحب مليون فى المية من الطرفين وانك بقوة مواجهة المجتمع وان عندك استعداد جوزها الأولانى هيفضل فى حياتكو طول العمر لأن طبعا هيفضل فى حياة ولاده يبقى انا بحييك لكن الأمور متبقاش عايمة كده اتفضل اتقدم لأهلها وعرف عيلتك غير كده يبقى تخليك شجاع وتقطع العلاقة دى فورا
وفى الحديث ان الرسول صلى الله عليه وسلم سأل جابر
يا جابر تزوجت قال نعم
قال فبكر ام ثيب
قال قلت بل ثيب يا رسول الله
قال فهلا جارية تضاحكها وتضاحكك
قال قلت له ان عبد الله هلك وترك تسع بنات او سبع وانى كرهت ان اجيئهن بمثلهن فأحببت ان اجىء بامرأة تقوم عليهن وتصلحهن قال فبارك الله لك

وانا شخصيا اساند المرأة فى جميع حالاتها ارملة مطلقة متزوجة غير متزوجة لكن افضل ان من سبق له الأرتباط من الرجال يتزوج من سبق لها الأرتباط من النساء والعكس صحيح
يعنى بستفز جدا لما رجل برضه يكون متجوز ومخلف قبل كده وراسه والف سيف ما يتجوز تانى الا بنت بنوت
ربنا يهدى الجميع لما يصلح الأحوال

[M.almaghraby]

انا شايف انك متبعدش عنها فجأة لان دا ممكن يدمرها و يأثر عليها

حاول تحطها قدام الامر الواقع و تبينلها بشكل واضح تماما انكم اصدقاء و اخوة لا اكثر

[Dojuar]

طبعا انا مش هاسترسل في مبدأ الصداقة ده لانه مش صلب الموضوع مع اعتراضي عليه

عموما لو حالة زي كده ز جيت قلتلها اخوات و كده و هاخطب قريب هاتلزق فيك اكتر

الاحسن تقولها انا شايل موضوع الارتباط (ايا كان شكله) من دماغي خالص و مش ناوي اتجوز قبل 5 او 10 سنين