موضوع عايز اخد رأيكو فيه...

[wesam_salom]

رأيى الشخصى

1-سيده اكبر منك

2- مطلقه اوارمله

3-عندها4 اطفال (يعنى فرصتهافى الزواج ضعيفه)

4- وضعها المادى احسن منك يعنى عرضت عليك عربيه

يبقى انت كده رايح على مشكله كبيره جدا وربنا يستر عليك

ممكن اوصفهالك بطريقه الكوره

انت كده بتلعب وانت خايف مع فريق معندوش اى امل فى المكسب يعنى خسران وطالع طالع من البطوله

يعنى معندهاش حاجه تخاف عليها

خاف انت على مستقبلك وسمعتك والفضايح وكلام الناس حتى لو العلاقه كانت محترمه

انت فى مجتمع مبيرحمش المطلقه ولا اللى ىتصاحب شاب اصغر منها

رغم انه اتسامح فى كل القيم والمبادىء

[Dojuar]

زائد

الواحد ساعات بيبقى مش طايق عياله

هايستحمل عيال غيره

[M.almaghraby]

انت فى مجتمع مبيرحمش المطلقه ولا اللى ىتصاحب شاب اصغر منها

رغم انه اتسامح فى كل القيم والمبادىء

عجبتني اوي اوي الكلمة دي

تحياتي

[mohamedbook]

لو عايز تتجوزها اتجوزها ايه المشكلة
بس هل تقدرعلي النفقه بتاعتها وفتح بيت خصوصا انك لسة علي الطريق
يقول الرسول صلي الله عليه وسلم يامعشر الشباب من استطاع منك البائة فليتزوج ومن لم يستطع فعليه بالصوم فانه له وجاء
العلماء فسروا كلمة البائة هي المقدرة علي النفقة والقدرة علي الزواج
اما الخوض في اعراض الناس بحجة الصداقة البريئة والشعارات الي بنبرر بيها افعلنا ده كده احنا بنضحك علي نفسينا بل الشيطان بيضحك علينا بيها
حط نفسك مكان ابن من ابنائها ترضي ان امك تفعل هدا الفعل مع احد الناس بحجة الصداقة اكيد لا
ثم ان اولدها احق باي مليم منك يعني بمناسبة ايه تجبلك عربية
اعتقد انها ليها اغراض تنيا اكيد انت عرفها
من وجهة نظري ابعد عنها لا اظنها تصلح زوجة صالحة لك بسبب موضوع السيارة الي هي عايزة تهديهالك
وابدء طريقق صح بتقوي الله والخوف منه وعدم الخوض في اعراض الناس بحجج واهيه وهي الصداقة
وزي ما احد الاعضاء قال في كتاب الله ان مينفعش وحده تتخد صديق ليها

[alaasaid]

السلام عليكم
مفيش حاجة فى الدنيا اسمها صداقة بين رجل وامرأة
الآية 25 سورة النساء "ولا متخذات أخدان"
لا يجوز للأنثى ان تتخذ صاحب لها على قول وعدم الأجازة نص صريح
حضرتك بتقول فرحتها لما بتكلمها
طب وكسر قلبها وجرحه والفراغ لما تبعد عنها مفكرتش فيه كل مالموضوع يطول كل مالبعد يبقى اصعب ممكن تكون شايفه من وجهة نظرك بطريقة وهى بتبص له بطريقة تانية وراسمة فى دماغها احلام هتتحطم
جابت لك مفتاح عربية يعنى بتتقابلوا خاف عليها من كلام الناس احنا فى مجتمع مبيرحمش جايز تبقى انت السبب فى تعاستها طول العمر لو حد جه يتقدم لها و سمع عنها اى كلمة ولو هى مظلومة وتراجع
الصداقة بين رجل وامرأة ارض خصبة للشيطان ليه نفتح له ابواب
انت ترضى لأختك او بنتك تعمل كده من وراك
اكيد بيحيك فى صدرك والا مكنتش سألت الأثم ما حاك فى النفس وتردد فى الصدر وهل انت معرف الناس كلها عالموضوع ده عادى اكيد لأ
وبعدين الحلال بين والحرام بين ومتبقاش كالحامى يحوم حول الحمى يوشك ان يقع فيه
الأرامل كتير والمطلقات كتير واللى محتاجين حد يقف جنبهم وكلمة حلوة كتير (اشمعنى هى) بس مش هتنفع تيجى من رجل اعزب مش هى دى الطريقة اللى هتخفف عنهم مسكنات دى ولا ايه
لو انت متهيألك بتحبها اعتقد ده من الشيطان عشان يبرر لك استمرار الكلام و دى مش جوازة تكلل بالنجاح ولا عيلتك هتوافق ولا حد بيستحمل عياله عشان يستحمل 4 بتوع غيره الموضوع عايز واحد من ايام الصحابة لو شايف فى نفسك الواحد ده ومتأكد من الحب مليون فى المية من الطرفين وانك بقوة مواجهة المجتمع وان عندك استعداد جوزها الأولانى هيفضل فى حياتكو طول العمر لأن طبعا هيفضل فى حياة ولاده يبقى انا بحييك لكن الأمور متبقاش عايمة كده اتفضل اتقدم لأهلها وعرف عيلتك غير كده يبقى تخليك شجاع وتقطع العلاقة دى فورا
وفى الحديث ان الرسول صلى الله عليه وسلم سأل جابر
يا جابر تزوجت قال نعم
قال فبكر ام ثيب
قال قلت بل ثيب يا رسول الله
قال فهلا جارية تضاحكها وتضاحكك
قال قلت له ان عبد الله هلك وترك تسع بنات او سبع وانى كرهت ان اجيئهن بمثلهن فأحببت ان اجىء بامرأة تقوم عليهن وتصلحهن قال فبارك الله لك

وانا شخصيا اساند المرأة فى جميع حالاتها ارملة مطلقة متزوجة غير متزوجة لكن افضل ان من سبق له الأرتباط من الرجال يتزوج من سبق لها الأرتباط من النساء والعكس صحيح
يعنى بستفز جدا لما رجل برضه يكون متجوز ومخلف قبل كده وراسه والف سيف ما يتجوز تانى الا بنت بنوت
ربنا يهدى الجميع لما يصلح الأحوال

السلام عليكم

أنا مع رأى حضرتك تماما و جزاكى الله خيرا

و نصيحة يا ا/ أحمد انجو بنفسك من الغلطة اللى ممكن تقع فيها و توقع فيها انسانة تانية متعلقة بأى قشة زى الغريق و فى الاخر لا يصح الا الصحيح

[mrwho1982]

طيب معلش خدوني علي قد عقلي

اولا هل هي ارملة ام مطلقة ولو مطلقة سبب الطلاق ايه

ومعلش كلام الناس مش هيقدم ولا هياخر صلي استخارة وحكم قلبك وعقللك

وماتسلمش ودنك لحد انت ربنا اعطاك عقل لازم تستغله في المواقف دي

وانا لو مكانك طبعا الاسرة هاتقول لا لكن انا هاقول ايوه

لا بجد هاقول ايوه

لاني هابقي ستر عليها وللعلم المطلقة او الارملة بيكون عامل زي اليمام اللي جناحه مكسور

نصيحة اخيرة اقرا كلام الناس المحترمة اللي هنا وصلي استخارة وحكم العقل ثم القلب وربنا يقدم اللي فيه الخير


اااااسف علي الاطالة

[cyborg_ift]

اتكل على الله وخش نام احسن ... أه والله مبهزرش مفيش أحلا في الدنيا ديه من النوم على الاقل بينسيك القرف اللي احنا فيه وبعدين هيه الدنيا ضاقت ومفضلش غير ديه وبعدين اربع اطفال دول يدخلوك السرايا الصفرا اتكل على الله وشوف مستقبلك اهم وربنا ان شائه هيرزقك ببنت بنوت ومتقلقش هتطلع عينك برضه زي ما بيحصلنا كلنا

[grumby78]

نصيحه من اخ كبير وعدى عليه كتير - 32 سنه- ابعد عن الشر وغنيله
وخلي تركيزك في حياتك منصب على اللي يناسبك دائما وماتضيعش وقت في حاجه مالهاش لازمه وفي رأيي الخاص مش صح . وانتا جواك عارف ان الموضوع مش صح عشان كده بتسأل .

[hazemhany]

بص يابشمهندس انا رأي ان الارتباط بينكوا شبه مستحيل بس مش عشان هيا اكبرمنك او عشان هيا مطلقة لأ اطلاقا لانها حتي لو اكبر منك ومطلقة بس فيه تفاهم بينكم وحب بجد مش مجرد انها عايزة تخلص من لقب مطلقة ده فاانا مش شايف اي مانع انه يحصل ارتباط ما بينكوا ..لكن المشكلة الاكبر في الاولاد اللي عندها ودول مش واحد ولا اتنين دول اربعة ..هل انت هتبقي قادر ع تربيتهم وتحسسهم انك ابوهم وتعامل اولادك بنفس معاملتك لولادها ؟؟ اشك طبعا في ده ..عشان كده انا رأي ابعد عنها خالص وانسي الموضوع فعلا

[ahmad--ezzat]

شكرا للردود...بس فى منها قاسى جدا..(الست ديه..مصيبه)...ليه الناس فاكره ان فى مشروع ارتبطات وانى هتجوزها.انا لو ارتبط بيها هبقى بظلم نفسى..العمليه مش اكتر من انى بكلمها فقط ومش كل يوم...والمستوى المادى عندها عادى جدا مهياش مليونيرا.والموضوع ميفدنيش فى حاجه خالص......وانا ان شاء الله هاحاول اخد قرار مثالى واعمل بنصايحكم ...وابعد بس مش من مره واحده..وهحاول افهمها باسلوب مؤدب...وانا بشكر الناس كلها اللى شاركت فى الموضوع ورمضان كريم

[mohamedbook]

شكرا للردود...بس فى منها قاسى جدا..(الست ديه..مصيبه)...ليه الناس فاكره ان فى مشروع ارتبطات وانى هتجوزها.انا لو ارتبط بيها هبقى بظلم نفسى..العمليه مش اكتر من انى بكلمها فقط ومش كل يوم...والمستوى المادى عندها عادى جدا مهياش مليونيرا.والموضوع ميفدنيش فى حاجه خالص......وانا ان شاء الله هاحاول اخد قرار مثالى واعمل بنصايحكم ...وابعد بس مش من مره واحده..وهحاول افهمها باسلوب مؤدب...وانا بشكر الناس كلها اللى شاركت فى الموضوع ورمضان كريم

العمليه مش اكتر من انى بكلمها فقط ومش كل يوم.

الكلام الي بتتكلم بيه مدخل من مداخل الشيطان البدايه مجرد كلام ثم بعد تتعود انك تكلمها بستمرار وبعدها مش هتقدر في يوم متكلمهاش وبعديه تتعلق بيها وهكدا الشيطان مبيقلقش علي المعصيه بل بيدخلك فيها خطوة خطوة

وابعد بس مش من مره واحده

وايه المانع انك متبعدش مرة واحدة

والمستوى المادى عندها عادى جدا مهياش مليونيرا

تديك مفتاح عربية وتقول مستواها المادي عادي امال الي مش لاقي ياكل مستواه المادي ايه

والموضوع ميفدنيش فى حاجه خالص

خلاص ابعد عنها خالص وبلاش تكلمها مش من حقق حتي انك تكلمها لانه مفيش علاقة من اصلة غير انك عايز تكلمها

[hazoom2006]

رفقا بالراجل يا جماعه

هو قال ان الارتباط بيها مستحيل بس هيه اللى عايزة تتجوزه

بالنسبة للصداقة محدش يعرف ملابسات الموقف علشان نحكم عليه وهو قال ان العلاقة محترمه من ناحيته يعنى بلاش دماغكو تروح لبعيد

[azmeralda]

شكرا للردود...بس فى منها قاسى جدا..(الست ديه..مصيبه)...ليه الناس فاكره ان فى مشروع ارتبطات وانى هتجوزها.انا لو ارتبط بيها هبقى بظلم نفسى..العمليه مش اكتر من انى بكلمها فقط ومش كل يوم...والمستوى المادى عندها عادى جدا مهياش مليونيرا.والموضوع ميفدنيش فى حاجه خالص......وانا ان شاء الله هاحاول اخد قرار مثالى واعمل بنصايحكم ...وابعد بس مش من مره واحده..وهحاول افهمها باسلوب مؤدب...وانا بشكر الناس كلها اللى شاركت فى الموضوع ورمضان كريم

فى ناس معترضه على الأرتباط وده عشان مصلحتك على اعتبار ان صعب جدا تتحمل مسئولية 4 ولاد


ركز بقى


فى ناس معترضة على الصداقة

وانك تقطع العلاقة ده مش قرار مثالى ايه المثالى اللى فى كده ده الطبيعى

انا معترضه معاك على الطريقة اللى اتكلموا بيها عليها جايز عشان شايفين انها ميصحش تكلمك وده مش من حقها فتحاملوا عليها جايز عشان مجتمعنا بينتظر من المرأة طالما خلفت وخصوصا لو معاها عدد كبير من الأولاد كده تتحمل عيوب جوزها ايا كانت وتعيش وطالما اتطلقت تبقى غلطانة حتى لو الراجل ميتعاشرش وفيه العبر ومفروض يتعدم فى ميدان عام لازم تستحمل برضه!
عالعموم نفسيتها دى مش مشكلتك هى محتاجة واحدة تقف جنبها عيلتها صاحبتها ان شا الله تروح جمعية عبلة الكحلاوى لكن انت مش مصلح اجتماعى ولا دكتور نفسى تطبطب على الناس وخصوصا لو الناس دول مش رجالة لو راجل صاحبك اقف جنبه براحتك
كونها فى وضع صعب زى ده بيخليها زى الغريق ربنا يفرج عن كل مكروب وممكن يكون اهلها تخلوا عنها جوزها معاها فى قضايا احنا منعرفش ظروفها لقتك بتعطف عليها والناس مش زى بعضها فى مواجهة الظروف اتعلقت بيك وبعدين هتفضل مستنى لما تشوف ايه اللى هيحصل ؟ الوضع اصلا لو ربنا سألك عليه عندك رد مناسب ؟
وانت بتقول مش هتجوزها وحتى لو بتقولها كده فى وشها صدقنى هى ممكن تكون متوقعة انك هتغير رأيك و متعلقة بالأمل ده يبقى حرام عليك ( ست جميلةوراجل بيسأل عليها ويعطف عليها ومش قريبها ياترى بيعمل كده ليه فى دماغ اى ست=معجب بى /بيحبنى/هيتجوزنى صداقة ايه!)
الجأ لربنا بصدق هو اللى هينجيك

[m000dy]

احنا هانختلف على ايه يا جماعه
دى ست منتجه
ام رؤم
ام حنون
مع احترامى ليك حيرتك دى دليل على ضعف شخصيتك وتحكم عواطفك فيك اكتر من عقلك
انت اللى حاطط نفسك فى الوضع ده ودايخ مش عارف تخرج منه
زى مادخلت نفسك خرج نفسك محدش هايفيدك
ولا هاتلاقى رد يدلك زى مانت شايف كل واحد وله تفكيره
وماتمشيش ورا قلبك ولا احساسك
امال الراجل بيفرق عن الست فى ايه بقى
ربنا خلقنا مختلفين عن الستات ونقدر نتحكم فة احساسنا ونلغى الحته الشمال كمان
لو مش قادر فدى مشكلتك وهاتتعبك
نصيحه من اخوك اوعى تمشى براى حد فى مواضيع زى كده
ليك شخصيتك
ليك ظروفك
يبق ى فكر بنفسك لنفسك والحيره فى موضوع زى ده تدل على انه غلط من اساسه

[M.ABDOU]

السلام عليكم
مفيش حاجة فى الدنيا اسمها صداقة بين رجل وامرأة
الآية 25 سورة النساء "ولا متخذات أخدان"
لا يجوز للأنثى ان تتخذ صاحب لها على قول وعدم الأجازة نص صريح
حضرتك بتقول فرحتها لما بتكلمها
طب وكسر قلبها وجرحه والفراغ لما تبعد عنها مفكرتش فيه كل مالموضوع يطول كل مالبعد يبقى اصعب ممكن تكون شايفه من وجهة نظرك بطريقة وهى بتبص له بطريقة تانية وراسمة فى دماغها احلام هتتحطم
جابت لك مفتاح عربية يعنى بتتقابلوا خاف عليها من كلام الناس احنا فى مجتمع مبيرحمش جايز تبقى انت السبب فى تعاستها طول العمر لو حد جه يتقدم لها و سمع عنها اى كلمة ولو هى مظلومة وتراجع
الصداقة بين رجل وامرأة ارض خصبة للشيطان ليه نفتح له ابواب
انت ترضى لأختك او بنتك تعمل كده من وراك
اكيد بيحيك فى صدرك والا مكنتش سألت الأثم ما حاك فى النفس وتردد فى الصدر وهل انت معرف الناس كلها عالموضوع ده عادى اكيد لأ
وبعدين الحلال بين والحرام بين ومتبقاش كالحامى يحوم حول الحمى يوشك ان يقع فيه
الأرامل كتير والمطلقات كتير واللى محتاجين حد يقف جنبهم وكلمة حلوة كتير (اشمعنى هى) بس مش هتنفع تيجى من رجل اعزب مش هى دى الطريقة اللى هتخفف عنهم مسكنات دى ولا ايه
لو انت متهيألك بتحبها اعتقد ده من الشيطان عشان يبرر لك استمرار الكلام و دى مش جوازة تكلل بالنجاح ولا عيلتك هتوافق ولا حد بيستحمل عياله عشان يستحمل 4 بتوع غيره الموضوع عايز واحد من ايام الصحابة لو شايف فى نفسك الواحد ده ومتأكد من الحب مليون فى المية من الطرفين وانك بقوة مواجهة المجتمع وان عندك استعداد جوزها الأولانى هيفضل فى حياتكو طول العمر لأن طبعا هيفضل فى حياة ولاده يبقى انا بحييك لكن الأمور متبقاش عايمة كده اتفضل اتقدم لأهلها وعرف عيلتك غير كده يبقى تخليك شجاع وتقطع العلاقة دى فورا
وفى الحديث ان الرسول صلى الله عليه وسلم سأل جابر
يا جابر تزوجت قال نعم
قال فبكر ام ثيب
قال قلت بل ثيب يا رسول الله
قال فهلا جارية تضاحكها وتضاحكك
قال قلت له ان عبد الله هلك وترك تسع بنات او سبع وانى كرهت ان اجيئهن بمثلهن فأحببت ان اجىء بامرأة تقوم عليهن وتصلحهن قال فبارك الله لك

وانا شخصيا اساند المرأة فى جميع حالاتها ارملة مطلقة متزوجة غير متزوجة لكن افضل ان من سبق له الأرتباط من الرجال يتزوج من سبق لها الأرتباط من النساء والعكس صحيح
يعنى بستفز جدا لما رجل برضه يكون متجوز ومخلف قبل كده وراسه والف سيف ما يتجوز تانى الا بنت بنوت
ربنا يهدى الجميع لما يصلح الأحوال

انتى جيبتى المفيد بجد كلام فى الجون

ومكنتش فاكر ان البنات فيهم كده


للاخ احمد عزت انا مش حضيف كلام بعد كلام azmeralda بس حقولك حاجه يمكن تفيدك
انا مر عليا مواقف شبه دى كتير ومع ناس مختلفه كتير فالمهم روحت للمعلم بتاعى قالى جمله واحده مفيده

قالى احنا مطلوب مننا النصيحه لله ومساعده المسلم بس مش مطلوب نبقى اخصائيين اجتماعيين

مشكله الست دى مش بتاعتك ولا من اختصاصك ولو على كلام انها حتتعب جدا لو الصداقه انتهت فلموؤاخذه وهيا قبل ما كنت تعرفها كانت عامله ازاى

سيبك من الحوارات دى
الحوارات دى حوارت نسوان( لا مؤاخذه على الكلمه) بس من الواقع ومن اللى بنشوفه ان الدنيا ما بتقوفش على حد ابدا
ياما بنات اطلقت وازاوجهم ماتت وكذا وكذا والدنيا مشيت

اكرم خلق الله نفسه لما توفى الدنيا مشيت والحياه استمرت

فلو انت مشيت من حياتها يعنى حياتها حتوقف؟؟؟؟؟؟؟؟؟؟؟؟

مفتكرش
وعلى فكره انت كده كده حتسيبها اكييييييييييد هيا مسأله وقت لا اكثر

بس ممكن تسيبها بظروف الحياه ومش بمزاجك

وممكن تسيبها بمزاجك وبارادتك لله وتبقى رااااااااااجل

فاشرب بريل كتير واسترجل يا باشا

واللهم قد بلغت اللهم فاشهد