ذكريات تهم مواليد السبعينات

[mohamed_rhem]

الله الله علي الموضوع ده بصراحه رجعتوني عيل تاني ونفسي بجد للايام الحلوه ده تاني بس اللحظات الحلوه الواحد بيعشها مرتين مره ساعتها ومره لما يفتكرها
في حاجه لغتت نظري
بقالي حوالي 5 سنين مقاطع التلفزيون المصري مبشوفش الا النايل سات لظروف ان الطبق اتحرك ومش فاضي اضبطه اتفرجت علي التلفزيون بتاعنا
لاقيت مسلسل احلام البنات قديم شفته زمان والله حتي الكليبات ايهاب توفيق ولطيفه اغاني من 6 ل 10 سنين
المفاجأه ان كان في حلقه لعالم الحيوان وبعدها السيرك العالمي يليها الكاميرا الخفيه اجنبيه
والله انا فاكر اني شفتهم وانا في اعدادي بنفس الترتيب
وكانهم كل فتره بيحطوا شريط من الذكريات
حسيت ساعتها ان العمر وقف مش عارف احساس غريب

[محمد المشد]

والله يا اخى سبعاوى فعلاً 00 اسعدتنى بما عرضتة من مقاطع جميلة وايضا كل الاخوة الافاضل كان لهم الفضل فى اسعادنا ورجوعنا الى الايام الجميلة يا ليتها تعود
والشكر كل الشكر لمن فجر هذا البركان الهائل من المخزون الاستراتيجى لهذا الكم الهائل من الذكريات الجميلة

[mbluethunder]

معاك حق يا باشمهندس في موضوع الصفحات الكتير
بس الموضوع دا يتساب .
بالنسبه للفيس بوك مش صعب لكن تقيل في تحميله

أكيد يتساب طبعا يا حازم وإحنا هانشيلوا ليه

بس واضح كده إن الموضوع ده الناس إسترخمته :)

[TaoTao]

افتكرت النهاردة حاجة في الشغل وقلت لازم اقولكم عليها أول ماروح بإذن الله ..
أنا افتكرت النهاردة مسلسل "نهاية العالم ليست غداً" لحسن عابدين وتوفيق الدقن :)
أنا فاكر جزء من الخطبة اللي كان بيقولها حسن عابدين كل يوم قبل ما تتر المسلسل يبدأ:
"إن خروج الجنس البشري من هذه الدائرة المغلقة، متوقف على خلاص حارة المناديلي يا حضرات، وبالدرجة الأولى .. ...................مش فاكر" وبعدين تتر المسلسل يبدأ، كان بيقولها بانفعال وبصدق كأن نهاية العالم غداً بجد :)
أنا كنت باخاف جداً من الكائنات اللي كان بيشوفها بروفيسور درديري -توفيق الدقن- بس بما إني باسمع اليومين دول أصوات كونية في الشغل، افتكرت البروفيسور درديري والمسلسل المرعب ده :)

[OlaOsman]

افتكرت النهاردة حاجة في الشغل وقلت لازم اقولكم عليها أول ماروح بإذن الله ..
أنا افتكرت النهاردة مسلسل "نهاية العالم ليست غداً" لحسن عابدين وتوفيق الدقن :)
أنا فاكر جزء من الخطبة اللي كان بيقولها حسن عابدين كل يوم قبل ما تتر المسلسل يبدأ:
"إن خروج الجنس البشري من هذه الدائرة المغلقة، متوقف على خلاص حارة المناديلي يا حضرات، وبالدرجة الأولى .. ...................مش فاكر" وبعدين تتر المسلسل يبدأ، كان بيقولها بانفعال وبصدق كأن نهاية العالم غداً بجد :)
أنا كنت باخاف جداً من الكائنات اللي كان بيشوفها بروفيسور درديري -توفيق الدقن- بس بما إني باسمع اليومين دول أصوات كونية في الشغل، افتكرت البروفيسور درديري والمسلسل المرعب ده :)

مش هاتصدقني لو قلت لك اننا في البيت كنا فاكرين المسلسل ده من كام يوم.. بس هو بالنسبة لي عبارة عن خيالات.. مش فاكرة منه حاجة تقريبا، بس هو كان بيقول حاجة ده اللي انا متأكدة منه.

ايوه.. يا حضرات دي كانت بتاعة حسن عابدين الله يرحمه.. انا فاكرة كويس شكله و هو بيقول يا حضرات و طريقته و هو بيقولها كمان.. فاكرة كمان طشاش عبد الرحمن ابو زهرة و هو طول المسلسل كان لابس جينز مش عارفة ايه اللي لفت نظري او في شكله و هو بالجينز و فاكراه لحد النهاردة.. كمان فاكرة فايزة كمال.. متهيألي كان فيه حسن مصطفى و كان خال فايزة كمال و أخوها و كان اسمه حاجة كده زي الدهموجي.. صح الكلام ده و لا انا خرفت و حودت على مسلسل تاني؟

[Chicco]

زيك بالظبط يا علا... خيالات باهتة عن المسلسل ده...بس اللي فاكره قوي مسلسل "فيه حاجة غلط" لنفس الممثل العملاق حسن عابدين ...... مش قادر أنسى الحلقة اللي محمود المليجي (عملاق آخر ) كان وعد حسن عابدين بشقة في عمارته الجديدة لو الاهلي فاز في الماتش و قعد حسن عابدين يشجع في الاهلي مع إنه ملوش في الكورة و في الاخر الاهلي خسر ...زعلت على حسن عابدين و على الاهلي :)

[OlaOsman]

زيك بالظبط يا علا... خيالات باهتة عن المسلسل ده...بس اللي فاكره قوي مسلسل "فيه حاجة غلط" لنفس الممثل العملاق حسن عابدين ...... مش قادر أنسى الحلقة اللي محمود المليجي (عملاق آخر ) كان وعد حسن عابدين بشقة في عمارته الجديدة لو الاهلي فاز في الماتش و قعد حسن عابدين يشجع في الاهلي مع إنه ملوش في الكورة و في الاخر الاهلي خسر ...زعلت على حسن عابدين و على الاهلي :)

كنت لسه هافكركوا بالمسلسل ده حاااااااااااالا :)

فاكراه كويس.. يمكن عشان اتعاد اكتر من مرة.. كنت باحبه و لا زلت جدا و نفسي أشوفه تاني.. ايام الثمانينات دي كانت عز أيام الطفولة و أحلى ايام حياتي :)

[TaoTao]

مش هاتصدقني لو قلت لك اننا في البيت كنا فاكرين المسلسل ده من كام يوم.. بس هو بالنسبة لي عبارة عن خيالات.. مش فاكرة منه حاجة تقريبا، بس هو كان بيقول حاجة ده اللي انا متأكدة منه.

ايوه.. يا حضرات دي كانت بتاعة حسن عابدين الله يرحمه.. انا فاكرة كويس شكله و هو بيقول يا حضرات و طريقته و هو بيقولها كمان.. فاكرة كمان طشاش عبد الرحمن ابو زهرة و هو طول المسلسل كان لابس جينز مش عارفة ايه اللي لفت نظري او في شكله و هو بالجينز و فاكراه لحد النهاردة.. كمان فاكرة فايزة كمال.. متهيألي كان فيه حسن مصطفى و كان خال فايزة كمال و أخوها و كان اسمه حاجة كده زي الدهموجي.. صح الكلام ده و لا انا خرفت و حودت على مسلسل تاني؟

انا مش فاكر منه أي حاجة خالص إطلاقاً مطلقاً غير جزء الخطبة الأولاني، وكانت بتبقى واقفة وراه فايزة كمال كانت صغيرة وأمورة -ومازالت في رأيي- واللي فاكره كمان إن الخطبة دي كانت جزء من المؤتمر الصحفي اللي أعلنوا فيه نهاية العالم، وأظن أخوها كان محمود الجندي (دايماً يطلع في دور الأخ :) يعني فيه سنيد البطل، صديق البطل محمود الجندي بقى دايماً أخو البطل، أخو جمعة الشوان، أخو علي الحجار في ابو العلا، اخو يوسف شعبان في عيلة الدغري دايما أخو حد مابيطلعش لوحده أبداً، أنا خرجت برة الموضوع :)) غير كدة مش فاكر أي حاجة من المسلسل

[TaoTao]

زيك بالظبط يا علا... خيالات باهتة عن المسلسل ده...بس اللي فاكره قوي مسلسل "فيه حاجة غلط" لنفس الممثل العملاق حسن عابدين ...... مش قادر أنسى الحلقة اللي محمود المليجي (عملاق آخر ) كان وعد حسن عابدين بشقة في عمارته الجديدة لو الاهلي فاز في الماتش و قعد حسن عابدين يشجع في الاهلي مع إنه ملوش في الكورة و في الاخر الاهلي خسر ...زعلت على حسن عابدين و على الاهلي :)

بس الأهلي ماتغلبش في الماتش ده، ده اتعادل بس، بس كان فيه كورة خطير شكلها جون في الأهلي والمعلم أَغمن عليه فيها :)
بس الواد شغتة صبي المعلم (أحمد نبيل) اتفضح في الكورة دي لأنه كان زملكاوي ومداري ع المعلم وفرح لما الكورة كانت هاتيجي جون.
بس الأهلي ماخسرش في الماتش ده :)

[OlaOsman]

انا مش فاكر منه أي حاجة خالص إطلاقاً مطلقاً غير جزء الخطبة الأولاني، وكانت بتبقى واقفة وراه فايزة كمال كانت صغيرة وأمورة -ومازالت في رأيي- واللي فاكره كمان إن الخطبة دي كانت جزء من المؤتمر الصحفي اللي أعلنوا فيه نهاية العالم، وأظن أخوها كان محمود الجندي (دايماً يطلع في دور الأخ :) يعني فيه سنيد البطل، صديق البطل محمود الجندي بقى دايماً أخو البطل، أخو جمعة الشوان، أخو علي الحجار في ابو العلا، اخو يوسف شعبان في عيلة الدغري دايما أخو حد مابيطلعش لوحده أبداً، أنا خرجت برة الموضوع :)) غير كدة مش فاكر أي حاجة من المسلسل

لأ يعني بعد إذنك كلمة مش فاكر دي و كده بلاش تطلع منك انت عشان مش هاصدقك :p
ده انت اصلا بتفتكر حاجات غريبة ماعرفش فاكرها ازاي

و حلوة حتة أدوار محمود الجندي اللي كان فيها أخ دي :)

[OlaOsman]

بس الأهلي ماتغلبش في الماتش ده، ده اتعادل بس، بس كان فيه كورة خطير شكلها جون في الأهلي والمعلم أَغمن عليه فيها :)
بس الواد شغتة صبي المعلم (أحمد نبيل) اتفضح في الكورة دي لأنه كان زملكاوي ومداري ع المعلم وفرح لما الكورة كانت هاتيجي جون.
بس الأهلي ماخسرش في الماتش ده :)

و المعلم مسك الصبي بتاعه و قعد يلقنه و يقول له: ندمت و تبت و لن أكون زملكاويا.. بس الصبي ما رضاش يكفر بزملكاويته و أصر عليها حتى لو كان التمن قطع عيشه و ساعتها المعلم احترمه عشان ثباته على مبدأه

[TaoTao]

لأ يعني بعد إذنك كلمة مش فاكر دي و كده بلاش تطلع منك انت عشان مش هاصدقك :p
ده انت اصلا بتفتكر حاجات غريبة ماعرفش فاكرها ازاي

و حلوة حتة أدوار محمود الجندي اللي كان فيها أخ دي :)

لا مش فاكر والله، اصله ماتعرضش كتير، أنا يادوب فاكر الفكرة والخطبة وحسن عابدين ودردير وفايزة كمال :)
فكرة المسلسل إن البروفيسير درديري كان بيسمع أصوات كونية ومتصل بالكائنات الفضائية والناس معتبراه مجنون، وتقريبا بيموت وحسن عابدين يطلع غرفته (كان درديري ساكن فوق السطح) ويتصل بالكائنات دي ويعرف إن نهاية العالم اقتربت ويقلب الدنيا ويعمل المؤتمر الصحفي، وتطلع الدنيا على فاشوش.

وبالنسبة للحاجات اللي بافتكرها، بيحصل موقف معين يفكرني بموقف شبيه في مسلسل أو فيلم، وبعدين أنا لقيت كل المسلسلات ا لمذكورة في الموضوع ده اجنبية قلت اكتب عن مسلسلات عربي.

[OlaOsman]

وبالنسبة للحاجات اللي بافتكرها، بيحصل موقف معين يفكرني بموقف شبيه في مسلسل أو فيلم، وبعدين أنا لقيت كل المسلسلات ا لمذكورة في الموضوع ده اجنبية قلت اكتب عن مسلسلات عربي.

طيب يا سيدي خد عندك.. كان فيه مسلسل لأشرف عبد الغفور كان طالع فيه بشخصيتين واحد منهم بيعرج كده و كل كام حلقة يطلع يقول انا اخوووووووووووه :)

في مسلسل تاني مش فاكرة اسمه طبعا لهدى رمزي كان مرعب.. كل اللي فاكراه هو منظر هدى رمزي و هي بتصرخ و بتقول بابااااااااااااااااااااا... لأاااااااااااااااااااااااه.

طبعا مش هافكركوا بالحرملك.. من أسخف و أمل المسلسلات اللي عدت على الشاشة الصغيرة :o

[mohamed_88sk]

الله الله الله
واللهي يا أنسه علا أنا دلوقتي في منتهى السعادة والله حاسس إني رجعت الأيام دي -بس قدامي شاشه Lcd- بجد الواحد كان أخر روقان مع إني موديل 88 ...


صحيح عندك مستيكه السحري؟ هههههههههههه
وسمارة اللي إعلانها (يا شمارة يا شمارة )هههههههههههههه
أصل أختي جبتها تتفرج ونفسها تشوفهم هي موديل 90.

بس ملاحظين في صورة محطة الرمل إن الترام الأزرق ماشي مكان الترام الأصفر بتاع اليومين دول..
ده كمان كان الترام السياحي ده ...

بصراحة أيام ماتتعوضش محسناش بيها غير دلوقت..

[Chicco]

بس الأهلي ماتغلبش في الماتش ده، ده اتعادل بس، بس كان فيه كورة خطير شكلها جون في الأهلي والمعلم أَغمن عليه فيها :)
بس الواد شغتة صبي المعلم (أحمد نبيل) اتفضح في الكورة دي لأنه كان زملكاوي ومداري ع المعلم وفرح لما الكورة كانت هاتيجي جون.
بس الأهلي ماخسرش في الماتش ده :)

إيه يا باشا الحلاوة ديه .......ده أنت ما شاء الله إكتشاف ....ولا عبد الله أحمد عبد الله في زمانه :):)
زدنا يا باشا و فكرنا بالايام الحلوة ديه
طب فاكرين المسلسل بتاع يسرية و ممدوح و مصير الحي يتلاقى!!