ذكريات تهم مواليد السبعينات

[aif]

ده اونكل روبع جنية ....لما شاف اخواته الصغيرين .. شلن وبريزة ... صمم يكون معاهم وما يسبهومش لوحدهم ...معلش الصورة مش نضيفة اوي لأني لقيته في درج المكتب وعملتله سكان ... وح احاول اجيبلكم تيته عشرة جنية و نينة عشرين
....
علي فكرة محي الدين الغريب اللي موقع علي الشلن والبريزة ... كان أدين في قضية فساد واتسجن كام سنة .... حاميها حراميها

[TaoTao]

تعقيب وتصحيح لغوي

وصفك للعملية جميل جدا واسلوبك رشيق
كمان ملاحظة ان وصفك دقيق جدا ( مش قصدى حاجة لامؤاخذة )
بس اعتقد ان التاريخ مش دقيق اوى لان الغسالة اليدوية و البوتاجاز دخل مصر فى اوائل الستينيات, انا فاكر ان كان عندنا الغسالة اليدوية و البوتاجاز ( شعلتين و نصف ) مصانع حربية من سنة 1961 تقريبا

أشكر حضرتك على الإطراء،
الوصف لا دقيق ولا حاجة :)
الموضوع كان شوية صور تداعت في الذاكرة من مصادر متعددة .. قعدت أرتبها واحاول اعمل منها سيناريو شيك في شكل شبه أدبي.

بالنسبة للدقة مش دقيق للأسف، اكتشفت -بعد التحري- إن الغلي مش مطلوب في جميع أنواع الغسيل، الأبيض فقط. ونسيت الكلور من ضمن المركبات الكيماوية الخطيرة المستخدمة في الغسيل .. ونسيت مرحلتي النقع والشطف (بمعنى أصح لم أكن أعرف عنهما:))

أكيد الغسالة والبوتاجاز موجودين من زمان، والبوتاجاز الشعلتين ونصف كان موجود عندنا ومازلنا محتفظين بيه في المخزن تحت، له ذكريات عزيزة جدا هو والثلاجة الكلفينيتور م.ح. :)

والستينات كان الغسيل -فيما يبدو- عملية أكثر مشقةً وتعباً بدليل وجود مهنة بين السيدات اسمها "الغسالة" أي أن كل حرفتها أن تقوم بالغسيل مقابل أجر!

بقي أن أنوه عن خطأ نحوي وقعت فيه أثناء الكتابة في جملة "فمجرد التلويح بعصا الغلية في وجه الصغار يُعد تهديدٌ رادعٌ"، والتصحيح "يُعد تهديداً رادعاً" وسبب الخطأ أنني ظننت كلمة "تهديد" في موقع نائب الفاعل للفعل "يُعدُ" بينما هي مفعولٌ به منصوب لأن الفعل "يعد" فعل متعدٍ لمفعولين الأول ضمير مستتر يعود على "التلويح" وهو ده اللي لخبطني، وأعتذر عن هذا الخلط الغير مقصود

[TaoTao]

البلي.. لعبة الولاد المفضلة :)



أيام ما كان فيه في مصر صناعة مصرية و قبل هجوم الكادبوري و الجالاكسي و أخواتهم.



أنا فاكرة يوم إعتزاله سنة 1988.. كانت محزنة و الناس تعاااااااااااااااايط

كالعادة صور من الآخر، ربنا يباركلك :)
البلي ده كان دايماً "أمل حياتي" .. كان من المحظورات في البيت لسببين، الأول إنه كان فيه شبهة قمار في الموضوع، والثاني وجود طفل يحبو بالمنزل (مش انا طبعا :)) جعل والدي يمنعانه خوفا من خطر ابتلاعه !!

كورونا دي بقى لي معاها حكاية .. كنت من شهر باجيب حاجات من السوبر ماركت، وبعد ما حاسبت والفلوس اللي معايا تقريباً خلصت لقيت في التلاجة شيكولاتة كورونا خضراء الغلاف والغزالة الناعسة ترقد في دلال على خلفية زرقاء، والله وقفت قدام التلاجة دقيقتين مفتون من المفاجأة السارة جدا دي، وتلقائيا فتحت التلاجة وطلعت شيكولاتة للبيت كله ورجعت للراجل ودفعت آخر مليم في جيبي بس كنت في غاية الانبساط والبيت كله ماصدقش إنها مازالت تنتج

"ألف شكر .. ألف شكر" "بيبو بيبو بيو بيو بيبو الله يا خطيب" طبعا كانت لحظات مؤثرة جداً اعتزال الخطيب وراجل في منتهى الأدب والأخلاق العالية.

[Engesso]

البتاعة دي كانت بتجنني

البتاعة دي انا كنت زمان باسميها المُعَكنِنَة، لأنها كانت بتعكنني لحد ما أكسرها، أو أرميها من الشباك...

[Engesso]

أنا فاكرة يوم إعتزاله سنة 1988.. كانت محزنة و الناس تعاااااااااااااااايط

واخدين بالكم من اسم المطرب؟؟
عصام عبد العزيز، اللي هوا عصام كاريكا دلوقتي، واطلق عليه اسم كاريكا لأنه كان لعيب كورة، وكان اداؤه قريب من كاريكا لاعب البرازيل، على ما أذكر كان بيلعب في نادي الزمالك.

[AHMEDCAR]

شكرا على المجهود الرائع ده

[Dr.A.Nabil]

لا بجد مش ممكن

انتوا جيبتوا الصور دي كلها منين؟؟

[aif]

كالعادة صور من الآخر، ربنا يباركلك :)
البلي ده كان دايماً "أمل حياتي" .. .

تعرف بقي يا تاو
احنا ايامنا كمان كنا بنلعب " نؤنؤ"...اسم غريب شوية ...
هو عبارة عن نوى المشمش ... كنا بنجمعه طول الصيف و نلعب بيه زي البلي ... والالعاب كانت مختلفه بالنؤنؤ ....وآخر الصيف نحمصه و نعمل بيه دقه ( بالنوايه الداخلية ) .. ناكلها مع السميط
انا كان عندي صفيحة كبيرة بأجمع فيها النؤنؤ
مساء النؤنؤ

[Dr.A.Nabil]

ياللا انتوا اللي ابتديتوا

مش انتوا اللي ابتديتوا
طب خدوا بأه الصور دي عندكم
هديه مني ليكم:






البقيه تأتي

[mo7amed_omara]

موضوع رائع جدا ياعلا فكرتينى ببعض الذكريات مع انى من موليد 85 ههههههههههه

[aif]

طيب دي بقي من الستينات ... لكن اكيد فاكرينها كويس أوي ... وكل من نأكل كفته ... لازم نفتكر .... جمالات كفته ....... تحفة فنية نادرة :bigear:

********************************

تم حذف الرابط بناء على طلب الأعضاء
و العضو المحترم صاحب المشاركة تحديدا

الإشراف...

[homme49]

طيب دي بقي من الستينات ... لكن اكيد فاكرينها كويس أوي ... وكل من نأكل كفته ... لازم نفتكر .... جمالات كفته ....... تحفة فنية نادرة :bigear:

*************************************

هذا الرابط يعلرض صورة غير لائقة
أرجو من مشرفى المنتدى حذف تلك المداخلة تجنبا لخدش الحياء العام

[Chicco]

homme49 باشا .... فين يا عم الشباب الصور الغير لائقة ديه ....ديه أغنية فكاهية طريفة :)

[samehafez]

طيب انتو نسيتوا مسلسل الشهد و الدموع و علي فكره برضة محمود الجندي كان طالع فيه اخ

طيب قيه مسلسل بس انا مش فاكر اسمة كان احمد بدير بيطلع يقول هراس جاي او حاجة زي كدة
و كمان لاكي لوك انا راعي بقر وحيد و موطني بعيد


يووووه حاجات كتيره ............
انا اساسا من فترة كنت عملت حاجة زي كدة و حطيت شوية اغاني من الحاجات بتاعة زمان زي لولاكي ....بس كان منظر مسخرة و احنا ماشيين معليين الكاسيت و لولاكي لولا لولا و مش قادرين نمسك نفسنا من الضحك و الناس بتبصلنا علي اساس ان احنا عالم فاقده الاحساس بالزمن
بصراحة موضوع جااااااااااااااااااامد جدا و الف شكر يا علا هانم علي الموضوع ده 100%

[Chicco]

.....و كمان لاكي لوك انا راعي بقر وحيد و موطني بعيد


.......

ياااه لاكي لوك ده كان حكاية ...و عائلة آل دالتون الأجرامية ....و الكلب ران بلان ....ألف شكر يا باشا