ذكريات تهم مواليد السبعينات

[ahmedfd]

مين فاكر مسلسل بيت صغير في البراري؟ http://www.youtube.com/watch?v=5F3NH...eature=related

أهو ده بقى تيع السبعينات بجد....
طبعاً فاكره بس طشاش يعني فاكر إنهم كانوا فقرا قوي و كان عندهم بنتين الكبيرة على الآخر فقدت البصر تقريباً و إتجوزت...

[OlaOsman]

أهو ده بقى تيع السبعينات بجد....
طبعاً فاكره بس طشاش يعني فاكر إنهم كانوا فقرا قوي و كان عندهم بنتين الكبيرة على الآخر فقدت البصر تقريباً و إتجوزت...

انا كل اللي فاكراه منه هو البت الصغيرة و هي بتقع في تتر المسلسل. أصلها كانت كل يوم بتقع كل يوم بتقع كل يوم بتقع.. مافيش مرة كانت بتاخد بالها و تقرر انها النهاردة مش هاتقع :k48:

[TaoTao]

مين فاكر مسلسل بيت صغير في البراري؟ http://www.youtube.com/watch?v=5F3NH...eature=related

انا مش فاكره خالص بس حاسس إن الموسيقى سمعتها قبل كدة

[OlaOsman]

انا مش فاكره خالص بس حاسس إن الموسيقى سمعتها قبل كدة

طبيعي انك تكون مش فاكره يا تامر، إذا كنت أنا فاكراه طشاش، هو شكله كده كان بيتعرض في أوائل الثمانينات خالص.

[Chicco]

مين فاكر مسلسل بيت صغير في البراري؟ http://www.youtube.com/watch?v=5F3NH...eature=related

أنا فاكره يا علا باشا ...بس فاكره صور مش تفاصيل .....يعني منظر البنت و هي بتتدألج في البراري ده فاكره ....منظر الأب و هو بيسوق العربية اللي بحصان ...الأم و هي بتتطبخ في البيت .....الغريب على قد ما كنت متعاطف و معجب باخلاقيات اليمين المحافظ الأمريكي اللي متمثل في الأسرة السعيدة بتاعة المسلسل ده على قد ما أنا مش طايقهم دلوقتي .....و سبحان من له الدوام :)

[TaoTao]

لقطة من الثمانينات والسبعينات (المِنَجد)

المِنَجد هو الشخص الذي يقوم بالنجيد .. ومن المناظر المألوفة بالشارع المصري أن تجد المنجد يقوم بعمله بالشارع وقد افترش أرضيته التي أعدت بالحصير والدمور الأبيض .
ويأتي المنجد وصبيانه كجيش صغير من قصص التاريخ الأسطورية، حيث يحملون قوساً ضخماً يقارب طوله طول الأسطى المنجد، وعصا متينة مبرومة في نفس الطول، بخلاف الصولجان والإبر الضخمة لزوم الخياطة.
وتبدأ العملية .. فيقوم المنجد بتصويب وتر القوس تجاه كومة القطن ويضرب بحرفية عالية بصولجانه (كلوحة نارمر وهو يلوح صولجانه فوق رؤوس الأعداء) فتنتفض ألياف القطن وتنفرد وتتنر للجهة المقابلة لتكون كومة ثانية أكبر في الحجم .. حيث تقوم ضربات المنجد المُحكمة بنفش القطن وفرزه.
وتبدأ عملية التنجيد بحشو المراتب وخياطتها والضرب عليها بالعصا الطوية المبرومة سالفة الذكر.

وتخرج المرتبة من بعدها طرية في صلابة ومريحة جداً ووثيرة ولا مراتب ماستر بد.
و تكون أصوات التنجيد عبارة عن ضربات طبول ولكنها طبول للسعادة والفرح فهي بشير ببيت جديد.

أتذكر هذه الذكريات البعيدة كلما رأيت ماكينات التنجيد الميكانيكية التي تقوم بمجرد تقطيع القطن وفرمه ونثره من جهة لجهة وإثارة كم هائل من الغبار، وتخرج من بعدها المرتبة كما لو كانت (محشية بُلَغ)

[aif]

انا لسة شايف منجد وانا ماشي امبارح ... فارش في مدخل العمارة وشغال .... لكن طبعا القوس والصولجان دول انقرضو تماما .....

[fady.bekatcho]

ياة انا فاكر اللعبة دى كنا بنجبها نلعب بيها زمان

الكلام دا كان قريب بالنسبلكم اول التسعينات




كنا بنقعد نلعب بالساعات بالادراى دا لغاية ما جى اجلة يا عينى

بجد موضوع جامد جدا يا علا تسلم ايديكى

[Chicco]

حد فاكر دول ؟
:) :)

[TaoTao]

حد فاكر دول ؟
:) :)

It's the muppet show
طبعاً فاكرينهم، كريميت ومس بيجي وجونزو وسكوتر وفازي (كانوا بيكتبوها فوزي :)) والطباخ الاسكتنلندي (باحب اقلده جداً :)) وأنيمال والاتنين العواجيز اللي دمهم زي العسل
بجد أسعدتني الصورة دي جداً يا شيكو :)

[SS]

ياه يا دكترة ....ده الواحد كان نسى فعلا البتاع ده ...قصدى المابيت شو..اى نعم ماكنتش بتفرج عليه كتير...بس انت فكرتنى بايام حلوة
بس واضح انك ذوقك عالى يا باشا منذ الصغر :k18:

[mazagngi2010]

انتوا سخنتونى بصراحه يارجاله وادى بدايتى معاكم
فاكرين كارتون هاتسو والفتى برهان انتوا نسيتو الفتى برهان :k41: اللى كان بيعطس على طول كان بييجى فى القناه التالته العصر
كان صوت عبدالرحمن ابو زهره وسيد عزمى


هوباااااااااااااااااااااا
من منكم نادانى الان
اسمى هاتسووووووو يافتيان
انا الفتى برهان
فقد عطست الان
هاتسو هاتسو هاتسو
فى خدمتكم يامن عطسوا
هاتسو هاتسو هاتسو
ان تعطس اخرج من حجرى
تامرنى اخضع للامرى
ماذا ماذا تقول؟؟؟؟؟؟؟؟؟:k41:
ان اعطس
اخرج من حجرى
اامرك
اخضع للامرى
اسبح فى البحر وفى البر
واحلق ببساطى السحرى
واطيع الامر ولا اقسو
هاتسو هاتسو هاتسو هاتسو هاتسو هاتسو
هاتسوووووووووووووووووووووووووووووووو


وادى رابط المقدمه وللاسف مش لاقى حلقات خالص
http://www.youtube.com/watch?v=j3sVGPn5_Us

[Chicco]

It's the muppet show
طبعاً فاكرينهم، كريميت ومس بيجي وجونزو وسكوتر وفازي (كانوا بيكتبوها فوزي :)) والطباخ الاسكتنلندي (باحب اقلده جداً :)) وأنيمال والاتنين العواجيز اللي دمهم زي العسل
بجد أسعدتني الصورة دي جداً يا شيكو :)

العفو يا تاو باشا ... خيرك سابق ... ياما أسعدتنا بذكرياتك يا مؤرخ المنتدى ;) ..... المابيت شو إلي الآن واحد من أكتر البرامج اللي بحبها ... لما لقيت dvd مجمع لحلقات أول موسم للمابيت بيتباع من كام سنة ما صدقتش نفسي و أشتريته ....كل سنة بينزلوا dvd لموسم و طبعا أخوك بيحجزه أول ما يعلنوا عليه ..... انيمال شخصيتي المفضلة .... و الطباخ السويدي و مذيع الأخبار و العالم بانسين و مساعده بيكر :)

ياه يا دكترة ....ده الواحد كان نسى فعلا البتاع ده ...قصدى المابيت شو..اى نعم ماكنتش بتفرج عليه كتير...بس انت فكرتنى بايام حلوة
بس واضح انك ذوقك عالى يا باشا منذ الصغر :k18:

يا باشا الله يكرمك كلك ذوق يا جميل

[OlaOsman]

خبر زلزال 1992 من تليفزيون الكويت

[OlaOsman]

جزء صغير من مقدمة مسلسل لا إله إلا الله

في الثواني بتوع الفيديو دول هتلاقوا على التتر اسم الكاتبة أمينة الصاوي الله يرحمها، و بعدين بطولة هدى سلطان الله يرحمها و بعديها ليلى فوزي الله يرحمها.. اللي بيغني تتر المقدمة بأه هو محمد رشدي.. الله يرحمه :)