ذكريات تهم مواليد السبعينات

[OlaOsman]

[OlaOsman]

الكتاب ده كان مسخررررررررررررة.. كنت باقراه بالليل و انا لوحدي.. أفضل اضحك و احاول صوتي ما يطلعش في ظلمات الليالي كده و مش باقدر :D





كلم يا شيكو




هات الفينو

خدلك نصه

شيل اللبابه

متحط البيفي

وعدي يا وعدي

بيفي من بلدي

وعدي يا وعدي

بيفي من بلدي

[OlaOsman]

ياااا سلاااام الواحد كان ابتدى ينسى الحاجات دي من زمان ....... والله كانت ايام حلوه

:( :( :(
ربنا يحلي لنا ايامنا يا رب

[OlaOsman]

طيب مين يقول مين القمر دي؟ :)

[pcegypt]

بصراحة انا مذهول ، وجبت أمي فرجتها على كل الصور دي ، وفعلا كل الحاجات دي انا فاكرها زي ماتكون كانت موجوده إمبارح ، واللي انا ملاحظه إن كل إللي كانوا اطفال في فترة السبعينات زي حالاتي يعني كان تقريبا هواياتهم واحدة وميولهم قريبة جدا ده حتى الاهل في الفترة دي كانوا بيوجهوا اطفالهم نفس التوجيه تقريبا ، ربنا يجازيكي خير فكرتينا بايام جميلة مش هاترجع تاني.

تحياتي

[Hisham_ElFeky]

وفين

بيمبو

وشيكولاته إيكــــــا

وسر شويبس حسن عابدين

وكاراتيه

ومخمخ ومشمش ثنائي مدهش

والدتي بتقولي ساعة حادث المنصة كانت بتتفرج وانا عمال العب فا لاقيت الدبابات فقلتلها
هيا الدبابات مش هتضرب نار ودييييييييييب لاقيت الضرب اشتغل فا أمي قالتي اوعي تقول كده تاني :)

[Abonora]

موضوع جميل يا علا
بالرغم انى من الثمانينات - لكن فاكره حاجات كتير
بس حد يقولى مين دى اللى فى الصوره ؟
مش قادره افتكرها خالص

[ramyfawzy]

جريندايزر
عالي عالي بطل فليد
هيا طر يا جريندايزر
كان جامد جدا الكارتون ده ومن حبي فيه جبت كل الحلقات كلها (74 حلقة) على الكميوتر
بس الواد احمد ماحبوش

ياااااااااااااااااااااااااااااااااااااااااااااه

هوا احنا كبرنا قوي كده

يالله حسن الختام

رامي (ابو احمد)

[hazem_khidr]

موضوع ممتاز يا علا شكرا ليكي :)
بس فين صور ال Bee Gees
اشهر فرق الموسيقي في السبعينات و صورهم مع جون ترافولتا في فيلم حمي ليله السبت

[ecybrarian]

ييييييييااااااااااااااااااااه جامد جدا الموضوع ده

[A.ELgamaL]

بجد موضوع جميل جدا يااااااااااااا ايام انا من مواليد 83 و فاكر ان زجاجة الحاجة الساقعة بيبسي او كوكا بــ 15 قرش الصغيرة و اول ما الكبيرة بدات تنزل كانت بــ ريال 20 قرش انا علي اد ما افتكر و بعد كده بدات في الغو 20 و 25 ... 25 و 30 .... 30 و 35 .... 40 و 50 الخ الخ و مش عارف الخ دي لغاية امتي اكيد في غيري يفتكرها ارخص من كده

[emadkamel]

فى كمان البومات الصور بتاعة كاس العالم والبومات العربيات...كنا بنقعد نجمعها ونبدلالصور ونديلها اسعار... البادج بصورتين .. وبادج البرازيل كان البريمو بـ 5 صور

[emam]

ياااااااا يا علا فكرتينى با أيام جميلة ولاهى - انا من مواليد السبعينات وبحس بحنين للفترة دى جدا لما بشوف فيلم فى التليفزيون من الفترة دى زى افلام محمود ياسين ونور الشريف ومحمد رضا بستمتع برويتة او حتى صورة تفكرنا يا أيامنا الجميلة . شكرا يا مؤرخة المنتدى وعوزين نعرف صور الطفلة والسيدة الى فى الصورة تخص مين ؟:d

[OlaOsman]

طيب مين يقول مين القمر دي؟ :)

دي ماما عفاف الهلاوي يا جماعة

[Karim_Monir]

فعلا ذكريات حلوة جدا
افتكر وقت حادث المنصة كان عندي رشاش صغير من بتاع زمان اللي بيطلع شرار ده
وقفت في البلكونة وقعدت اقول
انا اللي قتلت الساداااااااات
انا اللي قتلت السادااااااااااات
طخخخخخخ
بوووووووووووم
الطخ بوم دي بقي كانت على دماغي من والدي وقاللي ادخل جوة الله يخرب بيتك هاتودينا في داهية
لان البلد كانت في حالية غليان وانفجار وانا هايص في الهيصة