ذكريات تهم مواليد السبعينات

[OlaOsman]

شوفوا لقيت ايه على اليوتيوب

يــا م س ا ء ا ل فاوازيييييييييييييير

فاكراها طشاااااااااااااش.. خيالات.. متهيألي اللي يفتكروها كويس همه مواليد أوائل السبعينات و ما قبلها.

[OlaOsman]

مش فاكرة من الفوازير دي غير لما بيقولولهايعني انتي الشخصية
لأ ما شخصاشي
و لا انتي الصحفية
لأ ما صحفاشي

حيرتينا دوختينا جرجرجرتينا
جرجر جرجير
جرجير

لكن خدوا بالكوا من الآتي الفزروة هاتبقى ليلاتي عن شخصصصصصصصصصية زي حالاتي يعني بالعربي ستاتي

طبعا انا فاكرة الجزء ده كويس عشان فيه كارتون كتير.. و أكيد طفلة عندها أقل من 5 سنين هايلفت نظرها أكتر حاجة الكارتون.. و خصوصا الولد اللي بييجي في الآخر يقول جرجير :p

طبعا بالرغم من جميع التحفظات على نيللي في رمضان و الفوازير و ازاي كانت بتظهر في الشهر الكريم، إلا ان ما ينفعش ننكر ان فهمي عبد الحميد ده كان عبقري.. خدع سينمائية و حركات و شخصيتين في كادر واحد و كارتون بيتكلم مع ممثلين.. كل ده من لا شئ.. أواخر السبعينات و التليفزيون حيث اللا إمكانيات.. ازاي قدر يعمل الإبهار ده قبل عصر الكمبيوتر و التكنولوجيا اللي احنا فيه دلوقتي؟ و حتى دلوقتي مع كل الإمكانيات مش عارفين يعملوا حاجة بالروعة دي.. يا ترى ليه؟

[OlaOsman]

ماحدش بيشبه على الراجل اللي الكاميرا جايبة وشه من الجنب ده؟
طيب أسهلهالكوا شوية.. حد فاكر ماتش الأهلي و الزمالك بتاع 4/3 الموسم اللي فات اول اللي قبله تقريبا؟

[OlaOsman]

[TaoTao]

طبعا بالرغم من جميع التحفظات على نيللي في رمضان و الفوازير و ازاي كانت بتظهر في الشهر الكريم، إلا ان ما ينفعش ننكر ان فهمي عبد الحميد ده كان عبقري.. خدع سينمائية و حركات و شخصيتين في كادر واحد و كارتون بيتكلم مع ممثلين.. كل ده من لا شئ.. أواخر السبعينات و التليفزيون حيث اللا إمكانيات.. ازاي قدر يعمل الإبهار ده قبل عصر الكمبيوتر و التكنولوجيا اللي احنا فيه دلوقتي؟ و حتى دلوقتي مع كل الإمكانيات مش عارفين يعملوا حاجة بالروعة دي.. يا ترى ليه؟

ده رأيي دايماً كل ماشوف حاجة من ابداعات فهمي عبد الحميد أو رحمي أو صلاح السقا ومن قبلهم نيازي مصطفى، إمكانياتا صفر ولكن إبداع بلا حدود .. حالياً إمكانيات بالهبل وكومبيوتر جرافيكس وكل الإمكانات موجودة ولكن إبداع صفر، غالبا كله شغال بالفهلوة بدون إتقان.

حد شاف "توتو وبيجاما"؟ ماتشوفوش وحش .. يعني كان عبارة عن وجع بطن وقال إيه كانوا عاوزين يعملوه بديل لبوجي وطمطم :D

السؤال لو كانت الإمكانيات الهايلة بتاعة اليومين دول مع الأفذاذ القدامى، كان هايحصل ايه؟

[aif]

السؤال لو كانت الإمكانيات الهايلة بتاعة اليومين دول مع الأفذاذ القدامى، كان هايحصل ايه؟

اعتقد ما كانش ح يبقى الابداع بالروعة اللي هما عملوها .....
الابداع ينبع من قلة الأمكانيات ......انهم يعملو شيء من لا شيء

[TaoTao]

اعتقد ما كانش ح يبقى الابداع بالروعة اللي هما عملوها .....
الابداع ينبع من قلة الأمكانيات ......انهم يعملو شيء من لا شيء

مظبوط كلامك، احنا بنعتبره إبداع نظرا لقلة الإمكانيات (أو انعدامها) بس كان فيه زمان -غير الإمكانيات والتكنولوجيا- خيال واسع وإتقان، وهو ده اللي قصدي عليه. حاليا انعدم حتى الإتقان في العمل (وده عموما مش فنياً بس) يعني لا خيال واسع ولا إتقان في العمل

[TaoTao]

المسلسل ده كان اسمه مارد الجبل.. أول و آخر بطولة لسعيد عبد الغني :)

ملاحظة جامدة جدا :)
لأ كان فيه مسلسل تاني بطولة سعيد عبد الغني "يٌحكى أن" هاهاهاهاااااااااا :D

[Ramy.Gamal]

طبعا فى الاول بشكر من كل قلبى الاستاذه العبقريه علا على الموضوع التحفه ده
ثانيا:هى ده سنه الحياه يعنى تفتكروا بعد 20 سنه هنقعد نقول فين ايام اللاب توب والشاشه البلازما و ال LCD و النوكيا n95 و نقول فين ايام اللانسر البوما و الياريس وحتى الهامر H3 و البورش كايين و الجى بى اس .بس فعلا مع انى من مواليد 83 بس فيه حاجات كتيره فاكرها كأنها كانت امبارح فعلا لولا الموضوع الرائع ده كان الواحد نسيها بس كويس ان الاستاذه علا عملت refresh للذاكره بتاعت الواحد والحاجات اللى مكنتش عارفها عرفتها
تحيه خاصه جدا لاستاذه علا ومهندس خالد على الاضافات الرائعه وطبعا لو وقعت تحت ايدى صوره من الزمن الجميل ده هضيفها إن شاء الله

[TaoTao]

وفي السبعينات والستينات كان فيه اتوبيسات بسوسته .... عاملة زي مايكون لها مقطورة وبين الجزء الامامي والخلفي حاجة كدة زي المنفاخ بتاع المطار

شكل الأوتوبيس ده هايرجع تاني .. بيقولوا هايخصصوا الجزيرة الوسطى للمحور لأتوبيس "مفصلي" وقعدت افكر يعني ايه "مفصلي" وانا كل ماسمع كلمة مفصلي افتكر الجمبري اللي من رتبة "المفصليات" :)

بس بعد الوصف التفصيلي للأتوبيس العتيق ده يبقى غالبا هايرجعوا الأتوبيس أبو سوستة ويسموه "مفصلي"

[TAREK ZIAD]

وفي السبعينات والستينات كان فيه اتوبيسات بسوسته .... عاملة زي مايكون لها مقطورة وبين الجزء الامامي والخلفي حاجة كدة زي المنفاخ بتاع المطار

الموضوع رائع .... و للأسف لسة شايفه
فاكرين الأيكاروس المجرى؟؟؟؟

مين البنكرياس المجري ده؟

شكل الأوتوبيس ده هايرجع تاني .. بيقولوا هايخصصوا الجزيرة الوسطى للمحور لأتوبيس "مفصلي"

أهو دة الأتوبيس اللى إسمه الإيكاروس المجرى (دة غير البنكرياس البشرى) هو تصنيع مجرى من المجر و الشركة المصنعة إسمها إيكاروس...
كنت و أنا صغير دايما أشوفه مايل على جنبه ميل شديد جدا لدرجة إنه سيقع على جنبه سواء فاضى أو مليان ... طبعا من شدة الزحام و شعبطة الناس من الأبواب و الشبابيك ....
و تم إرسال شكاوى للشركة المجرية بخصوص ميل الأتوبيس و أنه ضعيف جدا و مدعمة بالصور ... فالخبراء فى الشركة المجرية ذهلوا من صور ميلان الأتوبيس و هو فاضى و قرروا الحضور الى مصر لرؤية كيف مال الأتوبيس بهذا الشكل .... و بالفعل نزلوا و شافوا طريقة الهجوم ومنظر الناس المتشعبطة من الشبابيك و الأبواب و لم يصدقوا المنظر .... و قاموا فعليا بتصويره أثناء الإستخدام ... و رجعوا قدموا تقرير إن الأتوبيس مصمم فعلا للخدمة الشاقة و لكن للإستخدام الأدمى فقط... وليس للقرود .... و إن الصور هى أبلغ دليل على مدى قوة التحمل الرهيبة و سيتحدوا بها أى منتج أخر منافس أن يتحمل المصريين ...
فكرة الأتوبيس كانت عبارة عن أتوبيسين متصلين ببعضهما بمفصل على شكل صينية فى الأرضية و جزء مطاطى للجدران و السقف ...
و طبعا هو كان من الستينات و أخر مرة شفته كان حوالى 74 و بعدها تحلل .... ولا يزال من ذكرياتى التى لا تنسى فى مدينة نصر ... والله الشعب دة إتبهدل كتير جدا جدا و شاف أيام سودة و لسة بيتبهدل ...

[OlaOsman]

والله الشعب دة إتبهدل كتير جدا جدا و شاف أيام سودة و لسة بيتبهدل ...

آه و الله يا أستاذ طارق.. و لسه.. من الإيكاروس المجري للطرماي لمترو الأنفاق اللي الناس بتتحبس فيه و تنزل تمشي على القضبان.. و آدينا عايشين

[solycar]

ماحدش بيشبه على الراجل اللي الكاميرا جايبة وشه من الجنب ده؟
طيب أسهلهالكوا شوية.. حد فاكر ماتش الأهلي و الزمالك بتاع 4/3 الموسم اللي فات اول اللي قبله تقريبا؟

مين الراجل دة يا علا

انا فعلا شد انتباهى ف منش 4/3

و كمان بعدها ماتش للاهلى كان بدون جمهور و كان الراجل دة موجود

واضح انه معروف(مش محمود معروف طبعا )

[OlaOsman]

حمى الثمانينات.. شفته قريب في فيلم هندي جديد ما عرفتوش و قلت سبحان الله مافيش حاجة في الدنيا دي دايمة.




تلات حاجات كانت بتخلي الشوارع فاضياااااااااااه.. ماتش الأهلي و الزمالك.. ماتشات مصر الهامة و مسلسل ذئاب الجبل




بداية جديدة لنوع راقي من دراما المسلسلات الكوميدية

[OlaOsman]

لحد النهاردة كل ما أعتر فيها على قناة أتابعها و أموت على نفسي من الضحك عليها.. الله يرحمه من توفاه الله فيها. على فكرة تحية الأنصاري اللي كانت عاملة الأخت الصغرى بتاعة ماحدش بياكلها بالسااااااااااااااهل.. كان اسمها في المسلسل سحر تقريبا.. هي ماتت من حوالي سنتين.



فساتين جزم شرابات.. أسعارنا أوكازيونات.. ردوا علية يا حلوين.. مين يقول هات؟




عادل إمام لما كان بيحاول يقدم حاجة كويسة و يعمل لنفسه إسم.