لماذا تعدد الزوجات

[blazer]

صح الكلام ده
ومفيش راجل يقولي انه بيكتفي بواحده
سواء جسمانيا او عقليا
وبجد مش هزار
لو مجتمعنا ده كان حاجه تانيه وكان ميسور ماديا كنا حنبقي زي السعوديه واكتر كمان

بس هيا الفكره الوحيده اللي جوايا تخليني بردو افكر

العدل

اخاف اظلم واحده علي حساب التانيه وده حيحصل حيحصل

الجرح

جرح المرأه انها تكون شريكه لواحده تانيه وفكره بس ان الراجل اللي بيكون عندها يوم السبت ده بيكون عند غيرها يوم الحد وعند تالته يوم الاتنين
الفكره في حد ذاتها صعبه اوي اوي
ومتتقبلهاش امرأه بصراحه ربنا يعني غير لو بتحب اوي اوي او فعلا حاسه انها مقصره

وفيه ستات بتعمل كده عشان قوه ازواجهم المفرطه في عمليه المعاشره الزوجيه
وبتجوزهم بنفسها وتختارله العروسه
زي راجل كده كان جه في 90 دقيقه وقال انه ربنا مديله قوه خارقه وبياكل ازاز ومش عارف بيشيل عربيات
وده مش كفايه عليه زوجه واحده فعلا متجوز اربعه

طبعا ده غير سبب الخلفه وده السبب الاقوي اللي المرأه مبتقدرش تقول فيه حاجه

فيه سبب تاني بقي ان مثلا فيه واحد ملتزم بس مش قادر يغض بصره وفيه عنده مشكله في كده فعلا وحاسس انه حيقع في الخطأ

او بيحب ينوع بسن اشكال السيدات بين شقراء وسمراء و و و الي اخره
وربنا مديله القدره الماديه
ليه ميتجوزش
واحد حيقولك يعني اروح ازني واعيش في الحرام عشان ترتاحوا

اعتقد انها مسأله نسبيه جدا بين كل بيت وبيت واسره واسره وراجل ومراته

وعشان كده معتقدش ان ليها دليل صريح من الدين انها مكروه او جائزه او حرام او اي حاجه

ربنا سايبها مفتوحه ومحدده بضوابط شرعيه وبس
وربنا قال اللي للعبد واللي عليه قاللك اتجوز بس انتا مش حتعدل فلا تميلوا كل الميل

ده رأيي يعني

الاصل التعدد والفرع الافراد
لكن العلمانين ودعاه المدنيه الحديثه
والمجلس القومي للمراه
من اشد اعداء التعدد
الروجل ذو الزوجه الواحده مسكين
اذا مرضت مرض معها
اذا حاضت حاض معها
اذا و ضعت وضع معها
الفطره البشريه وطبيعه الرجل وبدون مكابره وانكار

فعلا الزوجه الواحده لا تكفي

جميع الصحابه علي عهد النبي كانو متزوجين باكثر من واحده
بالاضافه الي ما ملكت اليمين
الغرب الملتزم بالزوجه الواحد
انظرو الي كم الخيانات الزوجيه
محاربه التعدد ماهي الادعوه غربيه هدفها نشر الرزيله في المجتمع المسلم

+ 99
معاكم فى اللى بتقولوه

[wesam_salom]

متهيألى الواحد صعب يكمل مع واحده بس العمر كله

وطالما حلال يبقى ايه المشكله

ومتهيألى اغلب اللى رافضين فكره التعدد دلوقتى لسه ما اتجوزوش

بس ربنا يكرمنى الاول واقدر افتح بيت تانى وولادى يكبروا شويه وابقى افكريمكن الواحد ساعتها يزهد فى الجواز

بس فيه اكتر من واحد انا مستنى رده ولسه مردش

[maka]

اوعدنا يارب نكمل الثلاثة اللي فاضلين هههههههههععععععع

مش لما نبقى نجيب الاولى الاول

[mr_vampire]

افتكر ياجماعة ان فكرة التعدد ملهاش علاقة بالقضاء عالعنوسة ( ولو حد قال انا بتجوز تاني عشان اخفف العنوسة يبقي الاولي انك تساعد اخوك او صديق او حتي شاب مش قادر يتجوز علي انه يتجوز عشان يعف نفسه وتبقي برضه قضيت عالعنوسة بالنسبة لبنت بس مش انتا اللي اتجوزتها. بس افتكر ان الموضوع هي الميل للتعددية فرحم الله امرء عرف قدر نفسه حاسس انه عايز امرءة اخري في حياته ( وبالحلال ) يبقي ايه المانع مش افضل من انه يصاحب من غير جواز ( وطبعا العدل اساسي بينهم ) . فانا مع فكرة التعددية بس لو تواجدت المساواة في كل شيء ( هو كدة كدة القلب هيمنيل لواحدة علي حساب التانية وده طبيعة بشرية ) بس عالاقل ميظلمش واحدة علي حساب التانية.

[SeiffoZ]

واحدة كفيلة إنها تقضى عليا و تجيبلى أمراض الدنيا ..

هتجوز التانية لو طمعان فى الشهادة

[waelfarid]

صح كدة انا فعلا طمعان في الشهادة بالزواج تاني
لان اذا قتلتم فأحسنوا القتل واذا ذبحتم فأحسنوا الذبح فالزواج ممكن يكون حاجة من اتنين واحدة تعينك عالحياة أو تبقي هي والحياة عليك
فاللي عايز يخلص يكررها تاني
يلا يابني داوني بالتي كانت هي الداء

[mrwho1982]

ياسيدي ده الواحد متجوز واحده وبيقول ربنا يسهلها امال لو اثنين هاعمل ايه هامشي اضرب الناس في الشارع واتجنن

[mahmoudysf]

اولا بالنسبة للذين يحاربون التعدد سواء رجال او نساء فهم من مريدين الثقافة الغربية
وهم لا يهتمون هل هو شرعي ام لا بقدر ما يهتمون بالمظاهر فقط وتقليد الفكر الغربي
ونحن نعلم جميعا مدى انتشار الرزيلة عند الغرب وكم عدد الخيانات للزوج والزوجة
ولان الله سبحانة وتعالى اعلم بطبيعة البشر وهو خالقهم فقد احل التعدد لحكم عديدة
نعلم منها ما نعلم والباقي عند الله سبحانةوتعالى وحكمة 4 زوجات يعلمها الله ايضا
الله خالق الرجل وخالق المرأة
ويعلم احتياجات الرجل والمراة
وما كان الله ظلام للعبيد
وانا ارى ان من ضروريات الزواج الثانى فى هذا الوقت هو العنوسة
ومن يقول ان من يريد حل مشكلة العنوسة مساعدة الشباب على الزواج
اقول له هذا جيد وجائز ولاكن المشكلة فى التفاوت الكبير في عدد الاناث والذكور في الوطن العربي
وليس في مصر فقط
ومعظم الاحصائيات بتقر ان عدد الاناث من هم في سن الزواج اكثر بكثير من عدد الذكور الذين في سن الزواج
اذا كيف يكون الحل في عفة هذه الاناث غير بالزواج الثانى

[azmeralda]

اولا بالنسبة للذين يحاربون التعدد سواء رجال او نساء فهم من مريدين الثقافة الغربية
وهم لا يهتمون هل هو شرعي ام لا بقدر ما يهتمون بالمظاهر فقط وتقليد الفكر الغربي
ونحن نعلم جميعا مدى انتشار الرزيلة عند الغرب وكم عدد الخيانات للزوج والزوجة
ولان الله سبحانة وتعالى اعلم بطبيعة البشر وهو خالقهم فقد احل التعدد لحكم عديدة
نعلم منها ما نعلم والباقي عند الله سبحانةوتعالى وحكمة 4 زوجات يعلمها الله ايضا
الله خالق الرجل وخالق المرأة
ويعلم احتياجات الرجل والمراة
وما كان الله ظلام للعبيد
وانا ارى ان من ضروريات الزواج الثانى فى هذا الوقت هو العنوسة
ومن يقول ان من يريد حل مشكلة العنوسة مساعدة الشباب على الزواج
اقول له هذا جيد وجائز ولاكن المشكلة فى التفاوت الكبير في عدد الاناث والذكور في الوطن العربي
وليس في مصر فقط
ومعظم الاحصائيات بتقر ان عدد الاناث من هم في سن الزواج اكثر بكثير من عدد الذكور الذين في سن الزواج
اذا كيف يكون الحل في عفة هذه الاناث غير بالزواج الثانى

اللى عايز يحل مشكلة العنوسة اللى سببها الظروف الأقتصادية بدل ميحلها بأنه ياخد بنت بكر ويعطيها نصف زوج بنص ايام الأسبوع
طب ما فى السعودية والكويت و الأمارات عملوا صندوق مشترك فيه فاعلى الخير ورجال الأعمال يمنح قروض ميسرة للجنسين تسدد على فترات طويلة جدا من اجل تيسير الزواج وكده تبقى اخدت زوج كامل ليها لوحدها ومكسرتش قلب واحده تانية وبقى فى اعفاف لفردين بدل فرد واحد وبدل ما متوقع ان الزوجة الأولى ترفض و ده حقها الشرعى و تتطلق ونهدم اسرة قائمة بالفعل ونشرد اطفال ملهمش ذنب

وانا شخصيا اعرف واحد تشدق بحكاية عايز احل مشكلة العنوسة دى ومتجوز وعنده 5 اطفال ولقيت مراته موافقة وطلعت الحقيقة انه بيدور على صيدلانية واقنع مراته ان الزوجة التانية دى هتبقى مشروع يجيب ارباح للزوجة الأولى وولادها ولما ناقشته لأنه اصلا مقتدر وبيشتغل فى السعودية كمان بقى له سنين ليه متساعدش شاب انه يتجوز مادام بتقول عايز تحل مشكلة العنوسة وكده تبقى ساعدت فى اعفاف اتنين طبعا رفض وقال لا يمكن اساعده وعالجاهز كده

والأحصائيات بالنسبة لمصر عدد الذكور الغير متزوجين يا اكتر يا متساوى احنا موصلناش لسه خالص لمشكلة عدد عشان يبقى الحل هو التعدد حضرتك جايب الأحصائيات دى منين

[meza]

الاصل التعدد والفرع الافراد
لكن العلمانين ودعاه المدنيه الحديثه
والمجلس القومي للمراه
من اشد اعداء التعدد
الروجل ذو الزوجه الواحده مسكين
اذا مرضت مرض معها
اذا حاضت حاض معها
اذا و ضعت وضع معها
الفطره البشريه وطبيعه الرجل وبدون مكابره وانكار

فعلا الزوجه الواحده لا تكفي

معلش أنا هعلق على نقطة واحدة بس بدون ما أتدخل فى النقاش

منطقك غريب جدا يا أخى الفاضل ... غريب بحق
يعنى نفترض إن الراجل اللى مراته مرضت ده متجوز أربعة ... و واحدة منهم مرضت .. هيرميها و يكتفى بالتلاتة التانيين !!!

دى تبقى ندالة لامؤاخذة لو أخدناها بهزار .. و نكران للجميل و قلة أصل لو إتكلمنا جد
يعنى مع أول مطب يبيعها كده !
طب إفرض ربنا إبتلاه هو و حصل العكس هل الزوجة هتديلها عذر لما تعمل معاه كده هى كمان؟!

وجهة نظرى إن الزواج مشاركة فى كل حاجة سواء كويسة أو وحشة.

شكراً

[حاتم سليم]

إذا كنت سعيد مع الأولى

فلا مبرر للثانية


و إذا كنت تعس

فلا داعى لتكرار المأساه ...

[azmeralda]

احيانا التعدد ده اصلا لمصلحة المرأة بس انتو دايما شايفينه معمول عشانكو يعنى لو واحدة طلعت مش هتنجب مثلا ومحدش من اهلها عايش مثلا وملهاش مصدر للأنفاق لو مفيش تعدد هيضطر يطلقها لو عنده موضوع الأنجاب ده مش هيقدر يستغنى عنه فكده خلاص هيتجوز واحدة تانية ويحتفظ بالأولى ولها كل الحقوق الشرعية
ونفس الشىء لو مرضت مرض طويل هتفضل معاه برضه
وبرضه لو حصل حروب او كوارث والرجال قل عددهم جدا و اصبح لكل 4 نساء رجل واحد مثلا هيعملوا ايه وفعلا هيبقى فى آخر الزمان قصاد كل 50 امرأة رجل واحد


وفى الحديث من كانت له امرأتان يميل مع احداهما على الأخرى جاء يوم القيامة وأحد شقيه ساقط
وبعدين فى ناس موصلين التعدد لدرجة الوجوب وفكرين انهم لازم يعددوا مش واخدين بالهم يعنى ان الرسول عليه الصلاة والسلام تزوج السيدة خديجة ولم يتزوج عليها غيرها حتى ماتت حوالى ربع قرن من الزواج وبعد كده كل زواج كان له حكمة واقرأوا فى السيرة النبوية
وفعلا التعدد له شروط مش متساب كده والا كل واحد يشوف ست حلوة يقول انا من حقى اتجوز 4 بقى

وانا كنت فى الجمعية الشرعية وشفت رجال بيحاولوا مع الدكاترة هناك عشان ياخدوا منهم كلمة انهم يعددوا ومحدش رضى وقالوا ان فيه ضوابط وكل شيخ هناك متجوز واحدة بس


وبعدين اللى بيحصل عادة يعنى ان الزوجة بتكافح مع جوزها ولما يشد حيله ويشم نفسه ويبقى معاه فلوس بيبقى عايز يجدد شبابه وعنده مراهقة متأخرة يقولك اما احل مشكلة العنوسة وياخد واحدة قد بنته حتى مش ارملة فى الخمسين مثلا ولا مطلقة فى واخر الأربعين اهو يراعى ولادها بالمرة وطبعا الزوجة المسكينة هنا مش هتطلق بعد العمر ده كله تضطر ترضخ وتتقهر هى دى العشرة بالمعروف ده اسمه سوء تطبيق للحقوق الشرعية

[ahmed4000]

فى حديث بيقول بما معناه "لعن الله المتذوقين والمتذوقات" ودول اللى بيتجوزوا تانى علشان الطرف الاخر عاجبهم فقط
وبالتالى يبقى التعدد مش معناه انى كل مشوف واحد حلوة اروح اتجوزها ولكن اكيد فى حالات معينة فقط ومعروفة للجميع ومتقالة فى كل حتة

لكن ليا تعليق بسيط على نقطة العنوسة وازاى اننا كرجالة "بنمثل" ونقول اننا عايزين التعدد علشان نقلل العنوسة

طيب ما لو سيادتك بطل كده وعايز تتجوز فقط علشان تقلل العنوسة متتبرع بفلوس الجواز لواحد عايز يتجوز ومش قادر وبكده تبقى قللت العنوسة من الناحيتين ولا لازم عمل الخير كله يبقى "على ايدك لوحدك"

[ecybrarian]

أولا الاسلام لم يبح التعدد بل قيد التعدد بأربعة فقط..ففي كل الحضارات والمجتمعات غير المسيحية السابقة على الاسلام كان التعدد بدون تقييد بعدد بحد اقصى من الزوجات. فمثلا رمسيس الثاني تزوج أكثر من مائة زوجة، والاسكندر الأكبر تزوج في كل بلد احتلها وانطونيو الذي تزوج كليوباترا كان متزوجا بأكثر من زوجة قبل زواجه من كليوباترا لكن زوجاته لم ينجبن له الذكر وكان هذا السبب في زواجه من كليوباترا..
نرجع للموضوع الاصلي..هناك مذاهب ومدارس واتجاهات في الاسلام..فمثلا نجد السلفيين والمسلمين في المجتمعات الصحرواية (مثل البدو في مصر) يرون أن الاصل في الآية الكريمة التعدد والاستثناء "فواحدة" لدرجة أن الزوجة الاولى هي من تسعى لزواج زوجها من الأخريات بأن تختارهن. في حين أن المجتمعات الحضارية والزراعية يكون التعدد للضرورة فقط ولأسباب قد تكون الخلفة أو الترمل او مرض الزوجة مثلا. ولا يمكن اعتبار احد على حق والآخر على باطل بل أن كلا المجتمعين على حق فيما ذهبوا إليه من تفسير.

يعني الموضوع مالوش دعوة بالغرب والكلام الكبير قوي دا..لكن الغلط محاولة فرض تفسير أهل الحضر على أهل الصحراء أو العكس..فلكل مجتمع ظروفه. ولدينا في الأمام الشافعي المثل حينما غير الشافعي من فقهه ورأيه حينما جاء إلى مصر

[hugan]

معلش أنا هعلق على نقطة واحدة بس بدون ما أتدخل فى النقاش

منطقك غريب جدا يا أخى الفاضل ... غريب بحق
يعنى نفترض إن الراجل اللى مراته مرضت ده متجوز أربعة ... و واحدة منهم مرضت .. هيرميها و يكتفى بالتلاتة التانيين !!!

دى تبقى ندالة لامؤاخذة لو أخدناها بهزار .. و نكران للجميل و قلة أصل لو إتكلمنا جد :ansmile23:
يعنى مع أول مطب يبيعها كده !
طب إفرض ربنا إبتلاه هو و حصل العكس هل الزوجة هتديلها عذر لما تعمل معاه كده هى كمان؟!

وجهة نظرى إن الزواج مشاركة فى كل حاجة سواء كويسة أو وحشة.

شكراً

سيدي الفاضل
من قال ان الزوج يرمي زوجته اذا مرضت
التكمله
اذا حاضت حاض معها
اذا نفست نفس معها
الموضوع مفهوم لا يحتاج شرح