لماذا تعدد الزوجات

[mahmoudysf]

اللى عايز يحل مشكلة العنوسة اللى سببها الظروف الأقتصادية بدل ميحلها بأنه ياخد بنت بكر ويعطيها نصف زوج بنص ايام الأسبوع
طب ما فى السعودية والكويت و الأمارات عملوا صندوق مشترك فيه فاعلى الخير ورجال الأعمال يمنح قروض ميسرة للجنسين تسدد على فترات طويلة جدا من اجل تيسير الزواج وكده تبقى اخدت زوج كامل ليها لوحدها ومكسرتش قلب واحده تانية وبقى فى اعفاف لفردين بدل فرد واحد وبدل ما متوقع ان الزوجة الأولى ترفض و ده حقها الشرعى و تتطلق ونهدم اسرة قائمة بالفعل ونشرد اطفال ملهمش ذنب

وانا شخصيا اعرف واحد تشدق بحكاية عايز احل مشكلة العنوسة دى ومتجوز وعنده 5 اطفال ولقيت مراته موافقة وطلعت الحقيقة انه بيدور على صيدلانية واقنع مراته ان الزوجة التانية دى هتبقى مشروع يجيب ارباح للزوجة الأولى وولادها ولما ناقشته لأنه اصلا مقتدر وبيشتغل فى السعودية كمان بقى له سنين ليه متساعدش شاب انه يتجوز مادام بتقول عايز تحل مشكلة العنوسة وكده تبقى ساعدت فى اعفاف اتنين طبعا رفض وقال لا يمكن اساعده وعالجاهز كده

والأحصائيات بالنسبة لمصر عدد الذكور الغير متزوجين يا اكتر يا متساوى احنا موصلناش لسه خالص لمشكلة عدد عشان يبقى الحل هو التعدد حضرتك جايب الأحصائيات دى منين

اولا لو عايزة تعرفي نسبة الذكور الى الاناث عندك جهاز التعبة والاحصاء
واخر احصائية من 2009 كانت بتقول ان نسبة الذكور 51% ونسبة الاناث 48%
يعنى لو تم فعلا مساعدة الشباب عشان يتجوزو عن طريق صندوق او خلافة وانا اؤؤيد الراي ده بشدة
هيفضل برضة فية نسبة غير قليلة لم يسعدهم الحظ بالحصول على زوج
نقول لدول اسفين خلاص اصل عشان فيه واحدة مش عايزة نصف زوج او حد يشاركة في زوجها
لسبب الغيرة والبعد عن الدين مش اكتر
وبعدين احنا بنتكلم على واحد من اسباب الزواج التانى وليس هو السبب الوحيد عشان نخلى كل محور كلامنا على العنوسة فقط
وبعدين الزوجة الاولى ممكن زوجها يسافر يشتغل بره طول السنة ويقعد معاها شهر واحد فى السنة
ويقضى معظم عمرة كدة زي معظم المصريين والزوجة سعيدة طالما في فلوس بتتبعت كل شهر
لاكن لو قالها هتجوز يبقى ازاى تقعد مع راجل اسبوع وتسيبه اسبوع او نصف راجل والكلام ده
يبقى الموضوع غيرة مش اكتر
وبالمناسبة انا مش مع الراجل اللي متجوز ومعندوش مشاكل مع مراتة وعايز يتجوز تانى لمجرد انه شاف واحدة ححلوة او لمجرد المتعة لان الاصل هو غض البصر
ووبعدين احنا لية بنختار الاسباب ونختزلة بس فى الزوجة المريضة او اللي لا تنجب
طيب لو فيه واحدة ربنا كرمها بنعمة الزواج وبدل ما تصون زوجها وتراعي شروط الدين في المعاملة معاه
نلاقيها بتهمل في نفسها وتفتكر ان الزواج هو طبيخ وغسيل واولاد بس
انا عارف ان كل ده مهم وبيتعبو فيه لاكن فين حقوق الزوج فى ده كله
وفيه بعض الرجالة اتجوزو تانى عشان زوجاتهم لاتعطيهم حقوقهم الشرعية
رغم محاولة تفهيمهم ان ده غلط ونشوز ويعاقب عليه ربنا ولاكن ولا هما هنا
يبقى الحل ايه يغضب ربنا ويعمل اللي هو عايزة وفى الاخر هتسامحة الزوجة
لاكن لو اتجوز عشان يعف نفسة يبقى مصيبة سودة
الفكرة فى الزواج التانى ان ككل حالة بظروفها ومفيش حاجة مطلقة فى الموضوع ده
يعنى لا نهاجمة على طول ولا نوافق علية فاضي على مليان
وبعدين لو انتى رافضة الزواج التانى فيه برضة بنات معندهمش مانع انهم يتجوز راجل متجوز
طالما حاسين انو بيحاول يعدل

[dr-mohamed]

الدين يسر وليس عسر
وما شاد على الدين أحد إلا غلبه
الشارع سبحانه وتعالى احل التعدد وإن فضل الواحدة
من حتمت عليه ظروفه التعدد فبها ولا جناح عليه
ومن اكتفي بالواحدة فنعم وبارك الله لهما
كل مجتمع تختلف ظروفه وطبيعته وتقبله لفكرة التعدد
المجتمع الخليجي متقبل تماما للتعدد بل ويسخر ممن يكتفي بواحدة
المجتمع المصري كاره للتعدد بطبيعته


الشئ المؤسف فعلا في الموضوع كم الاحاديث التي قالها الاخوة والاخوات دون ان يتحقق أحدهم من صحتها وللاسف معظمها ضعيفة او موضوعة

[SunSet]

الشئ المؤسف فعلا في الموضوع كم الاحاديث التي قالها الاخوة والاخوات دون ان يتحقق أحدهم من صحتها وللاسف معظمها ضعيفة او موضوعة

هل ممكن حضرتك تكتب الاحاديث الي ذُكرت بدرجة صحتها لتعم الفائدة؟

[dr.amr]

احيانا التعدد ده اصلا لمصلحة المرأة بس انتو دايما شايفينه معمول عشانكو يعنى لو واحدة طلعت مش هتنجب مثلا ومحدش من اهلها عايش مثلا وملهاش مصدر للأنفاق لو مفيش تعدد هيضطر يطلقها لو عنده موضوع الأنجاب ده مش هيقدر يستغنى عنه فكده خلاص هيتجوز واحدة تانية ويحتفظ بالأولى ولها كل الحقوق الشرعية
ونفس الشىء لو مرضت مرض طويل هتفضل معاه برضه
وبرضه لو حصل حروب او كوارث والرجال قل عددهم جدا و اصبح لكل 4 نساء رجل واحد مثلا هيعملوا ايه وفعلا هيبقى فى آخر الزمان قصاد كل 50 امرأة رجل واحد


وفى الحديث من كانت له امرأتان يميل مع احداهما على الأخرى جاء يوم القيامة وأحد شقيه ساقط
وبعدين فى ناس موصلين التعدد لدرجة الوجوب وفكرين انهم لازم يعددوا مش واخدين بالهم يعنى ان الرسول عليه الصلاة والسلام تزوج السيدة خديجة ولم يتزوج عليها غيرها حتى ماتت حوالى ربع قرن من الزواج وبعد كده كل زواج كان له حكمة واقرأوا فى السيرة النبوية
وفعلا التعدد له شروط مش متساب كده والا كل واحد يشوف ست حلوة يقول انا من حقى اتجوز 4 بقى

وانا كنت فى الجمعية الشرعية وشفت رجال بيحاولوا مع الدكاترة هناك عشان ياخدوا منهم كلمة انهم يعددوا ومحدش رضى وقالوا ان فيه ضوابط وكل شيخ هناك متجوز واحدة بس


وبعدين اللى بيحصل عادة يعنى ان الزوجة بتكافح مع جوزها ولما يشد حيله ويشم نفسه ويبقى معاه فلوس بيبقى عايز يجدد شبابه وعنده مراهقة متأخرة يقولك اما احل مشكلة العنوسة وياخد واحدة قد بنته حتى مش ارملة فى الخمسين مثلا ولا مطلقة فى واخر الأربعين اهو يراعى ولادها بالمرة وطبعا الزوجة المسكينة هنا مش هتطلق بعد العمر ده كله تضطر ترضخ وتتقهر هى دى العشرة بالمعروف ده اسمه سوء تطبيق للحقوق الشرعية

انا هحاول اجيب فتوي من دار الافتاء لقطع الجدل وافادة الناس

يمكن يكون عندهم رأي تاني غيرنا

[chato_eg]

طوال فترة حياة السيدة خديجة مع النبى ( ص )....هل تزوج عليها ؟؟؟
كام سنة استمرت علاقة الزوجية حتى توفاها الله ؟؟..طيب كام سنة منهم كانوا فى أيام الجاهلية إللى هى كان كل واحد متجوز قبيلة من النساء مش بس 4 ؟؟
هل حالات زواج اانبى بال 8 نساء الأخريات كانت بدافع وضع الشهوة فى مكانها الصحيح و محاربة العنوسة ؟...أم كل حالة منها كانت درسا للأجيال التالية تتعظ منها أسباب و حالات إباحة تعدد الزوجات ؟...مش كانت إللى جوزها مات فى الحرب و إللى مسنة و محتاجة رعاية و إللى اتجوزها ترضية لصديقه..و هكذا ؟؟؟

أعتقد أن لنا و لكل استفساراتنا فيه ( ص ) أفضل عبرة...و إللى عايز يشوف الصورة الكبيرة الشاملة أهى قدامه و إللى عايز يبرر لنفسه أى فعل هيلاقى جزئية و لا أكتر تدعم رأيه...سبحانه مطلع على القلوب.