هل تقاطع المنتجات الدنماركيه

[OlaOsman]

طيب يا جماعة مهما اختلفنا في الرأي.. هل يصح ان لغة الحوار بينا تبقى كده؟

[محمد ابراهيم 1]

الكلام لمين يا أخت علا ليا ولا ليه؟
أنا بدافع عن نفسى
أنا بتعرض للهجوم بدون سبب

[modux]

من العجيب ان تجد من تقول انك وقفت بجوارهم في الرأي تفموا الكلام وكان عبارة عن سوء فهم
وحضرتك مصمم على الغلط
الناس اللي حضرتك بتقول عليهم اني هاجمتهم ومش عارف ايه
هما نفسهم اللي تفهموا الكلا وكان عبارة عن سوء فهم منا ومنهم
والموضوع خلص

وأنصحك ان تمسك نفسك بالذات في لو انا موجود لأني ممكن اهاجمك لأن من كلامك ده اسلوبي
بدليل اني مسكت كل اللي كتبوا ضربتهم وخلصت عليهم خلاص
وهروح اكمل في مقاله تانيه

مش عارف ارد عليك بصراحة لاني مش بعرف استهزأ بحد زي الملكة اللي عند حضرتك !!!!
و علي اي حال سامحك الله
بس مش حضرتك اللي هتقولي امسك نفسي امتي و ارد امتي !!!!!
الرجاء حضرتك تراجع نفسك تاني
مش شرط ان حد خرج من الحوار انو اقتنع
ممكن يكون بيكبر دماغو عشان مش يتعب نفسو في مناقشة غير موضوعية !!!!

[Hassan Khalil]

يا حضرات ..انتوا اكبر بكتيـــــــــــــــــتر من اللي بيحصل ده .. احنا بنتكلم في قضية معينة .. مش عايزين نلف و ندور في كلام تاني ملهوش لازمة ..
و يا استاذ محمد ابراهيم .. حاقولك زي ما زميلنا وائل عطية قال قبل كده :

صلي علي النبي ..
صلي علي النبي تاني ..

صليت ؟؟
خلاص بقي .

:)

[hesham2004]

عن أبي هريرة رضي الله عنه قال :قال رسول الله صلى الله عليه وسلم : (( سيأتي على الناس سنوات خداعات ، يُصدَّق فيها الكاذب ، ويكذَّب فيها الصادق ، ويؤتمن فيها الخائن ، ويخوَّن فيها الأمين، وينطق فيها الرويبضة )) ، قيل : وما الرويبضة ؟ قال : (( الرجل التافه يتكلم في أمر العامة ))

صدقت يا رسول الله
من علامات الساعة:حين ينطق الرويبضة!
ما إن تُطرح قضية مهمة، تمس أمور العامة، علي الملأ عبر وسائل الاتصال المختلفة من فضائيات وانترنت وغيرها، حتي تنبعث الأصوات من كل حدبٍ وصوب، وتنطلق الآراء والمقترحات و الفتاوي من كل فم، سواء ممن يدرك أبعاد القضية المطروحة ومدي خطورتها من المختصين، أو ممن لا يعرف شيئاً عن الموضوع، أو يدري ملابساته وأبعاده، وهؤلاء - الأكثر - فيخوضون مع الخائضين، ويتكلمون بغير علم ولا هدي ولا كتاب منير، فتحدث البلبلة عند العوام، ولا يدرون الحق من الباطل!. فاتقوا الله فى دينكم و فى نبيكم عسى الله ان يرزقنا شفاعة رسوله صلى الله عليه و سلم ...

[Dr Ahmed]

غريبة جدا أن أى دارس أو عارف بالعلوم الدينية يسأل غيره مستنكرا "إنت مين علشان تقول كذا وكذا" ... لا أظن العبارة يمكن فهمها إلا بوصفها عبارة مغرورة لا تنم أبد عن علم صاحبها الدينى ، وحتى لو كان المتحدث حاصل على شهادات لا حصر لها ولا يطبق ما يعلمه فى التعامل والحديث مع البشر فما فائدة هذه الشهادات إذاً؟ دا ربنا فى القرآن بيقول (يا أيها الذين آمَنوا آًمِنوا...) .. يعنى بيخاطب المؤمنين وبيقول لهم آمِنوا... يعنى ممكن تقول لواحد مؤمن : آمن... اللى لو قلتها لواحد منكم هيقول لى : تقصد إن انا كافر ، وانت مين علشان تكفرنى و و و و ...

الرسول عليه الصلاة والسلام يقول: أنا زعيم ببيت فى وسط الجنة لمن ترك المراء (الجدال) ولو كان محقا..

[محمد ابراهيم 1]

قال رسول الله صلى الله عليه وسلم
أنا زعيم ببيت فى الجنه لمن ترك المراء ولو بحق
المراء = الجدال
اتباعا لحديث رسول الله صلى الله عليه وسلم
لن أشارك فى ذلك الموضوع ثانيه
وأعتذر عن أى لفظ قد يغضب أى أحد من حضراتكم

[Dr Ahmed]

جزاك الله خيرا
المؤمن وقاف عند التذكرة
والأخوة الحقيقية أن نهدى لبعض عيوبنا وأخطاءنا ونكون مرآة لبعضنا عسى أن يغفر الله لنا جميعا
جزاك الله خيرا مرة أخرى

[Dr Ahmed]

وعلى فكرة: أنا مقاطع!
ونفسى أستغنى وأقاطع منتجات كل الدول اللى بتساندهم واللى مش بتستنكر اللى حصل..

وبعد إللى قريته فى الموضوع ده بقى نفسى أقاطع حتى كل اللى مش مقاطعين منكم..
بس لما أفكر الرسول الحبيب كان بيقابل الإساءة إزاى ... مين زيك يا رسول الله ومين يسمع كلامك ومين يمشى وراك...
......يارب كلنا

[OlaOsman]

قال رسول الله صلى الله عليه وسلم
أنا زعيم ببيت فى الجنه لمن ترك المراء ولو بحق
المراء = الجدال
اتباعا لحديث رسول الله صلى الله عليه وسلم
لن أشارك فى ذلك الموضوع ثانيه
وأعتذر عن أى لفظ قد يغضب أى أحد من حضراتكم

جزاك الله خيرا و رزقك ما تركت المراء من أجله :)

[abdelaziz-waleed]

نعم لمقاطعة المنتجات الدنماركية والامريكية ما عدا منظف الرشاشات الامريكي علشان بحب استخدمه:D:D:D
يا جماعة المرة دي رد الفعل بتاعنا هايفرق معاهم جداً لأنه لو اقل من المرة اللي فاتت فا ده معناه ان منحنى المسلمين نازل لتحت ولو رد الفعل اقوي معناه ان المنحنى طالع لفوق وده هايحسسهم شوية بالخطورة. ولو لاحظتو ان امريكا لما بتحب تعاقب دولة بتحاصرها اقتصادياً وده معناه ان اللعب على الوتر الاقتصادي فعال جدا جداً
ثانياً المفروض مانطلبشي منهم ولا نقبل اي اعتذار لأن الاعتذار بيكون في حالة الاساءة الغير مقصودة انما ديه اساءة مقصودة.

[mshamy]

Update

Latest updates

http://www.alarabiya.net/articles/2008/03/09/46679.html

[Islam_galal]

شكرا لكل من شارك
النتيجة 33 قالوا سنقاطع
و 9 قالوا سنوقف المقاطعه بشرط الإعتذار
و 4 قالوا لن نقاطع منهم واحد من إخوتنا المسيحيين علي الأقل

شكرا مازال هناك أمل
بالرغم من كل الإحباطات مازال لدينا:
- غيرة علي رسول الله صلي الله عليه و سلم
- جدية و إيجابيه في التعامل متطلبات ديننا
- حوار راق لا يستحي فيه أحد من الإعتذار و مراجعة النفس

جزاكم الله جميعا كل الخير
كدة الواحد يقدر يكمل اليوم بنفس مفتوحه

[vet mitcho]

إنت مين عشان تكلمنى بالطريقه دى؟
وانت مين عشان تقول ده حلال ولا حرام
هل تعرف إن تحريم الحلال عند الله مثل تحليل الحرام
أنا وضحت مقصدى ولو كنت قريت اللى اتكتب مكنتش علقت عليه بهذه الطريقه وتوجيه الاهانات للناس بدون مقتضى
واللى انا اتعلمته فى دراسه 5 سنوات وماجيستير فى الشريغه الاسلاميه والقراءه أكيد أكبر وأكتر من اللى حضرتك تعرفه فى الدين

أخي العزيز

ماذا قلت لكي تهاجمني كما فعلت
الاني وضحت لك خطأ وقعت فيه
نعم انك تقول على فتوى صادرة من دار افتاء فيها من العلماء الاجلاء تقول على فتواهم فارغة ((بغض النظر عن صحة الفتوى))
هذا من باب عدم الادب مع العلماء وهذا هو الخطير في الموضوع كله
ودعنا ننظر ماذا فعلت كلمتك هذه
جعلت اخ من المنتدى يقول "ولا افرغ من كده "
أهذا ايضا أدب الحوار
أهذا ما نقدمه لعلماء اجلاء
انظر كلمتك هذه كم جلبت من المفاسد

اخي العزيز انت بتقول انت مين علشان تكلمنى كده
اخي... تقبل الحق ولو من من هو اقل منك علما ... لا حرج
الرسول عليه الصلاة و السلام تقبل قول الشيطان لابي هريرة في الحديث المشهور

على فكرة انا أؤيد ان المقاطعة هي فضل ولا يأثم من لا يقاطع ((وهذه فتوى ايضا من علماء اجلاء))
ولكن عندما ياتي اخ بفتوى من علماء هم اكثر مني ومنك علما ((مش هم كده برضه)) لابد ان نحترم الفتوى هذه لانها تمثل هؤلاء العلماء

واخيرا اعتذر اليك لو انت شفت في كلامي اي إهانة لشخصك
تقبل تحياتي

[Islam_galal]

مش بقول( حوار راق لا يستحي فيه أحد من الإعتذار و مراجعة النفس)

الله يبارك فيكم جميعا . . . لسه في أمل