هل تقاطع المنتجات الدنماركيه

[ahmed1981]

لا داعي للجدال
كل فرد أوضح وجهة نظره
وفقنا الله جميعاً للحق

[ibrahimsaad]

فى الحقيقه احب ان اوضح فقط نقطه صغيره حتى لانختلف

بغض النظر عن الفتاوى وبغض النظر عن الخلاف

يجب ان يسأل كل واحد منا نفسه

هل تحب ابيك وامك ؟

وطبعا الاجابه معروفه بنعم

السؤال الثانى للمسلم هل تحب نبيك صلى الله عليه وسلم؟

فان كانت الاجابه بلا فلايقاطع ولينعم بحريه الرأى كيفما يشاء ولن نتكلم معه او نحاججه

وان كانت الاجابه بنعم
فان المقاطعه واجب دينى عليه حتى لو لم تصدر فتوى

لانه لايعقل ان يحب الانسان شخص عزيز عليه ثم يقبل باهانته

ومن علامات حب الله حب الرسول ومن علامات القبول فى الارض حب الرسول

ولاننسى الشفاعه فمن سيشفع لك ان كان موقفك هكذا مع صاحب الشفاعه

واخيرا هو ليس اى شخص بل هو نبينا وعظيمنا محمد سيد الخلق اجمعين هو حبيب الله وهو صاحب الشفاعه لجميع الخلق

الا يستحق ان نقاطع لاجله

فلتكن الاجابه من كل شخص مع نفسه وليوفق الله الجميع لنصره ديننا ونبينا

[Noha.M]

انا مقاطعة بس حاسة ان الموضوع فاشل

لان احنا بنتحرك كأفراد

كل الناس او اغلبها مش في دماغها و مهمومة بلقمة العيش اللى خلت الشعب كله مبقاش بيفكر في حاجة تانية

فموضوع المقاطعة دة عمره ما هيجيب ثماره الا لو اتعمل صح

بس كافراد كدة عمره ما هينفع

[Noha.M]

opaaaaa

انا مكنتش شايفة الجدال الكتير دة !!!

يظهر انى جبت الموضوع غلط تانى للساحة P:

عامة جبنهم مبقتش حلوة زي الاول حتى اللبن فيه بودرة سيراميك


نييييييييييههههه

[ahm177]

طبعا لالالالالالالالالالالالالالالالالالالالالالالالالا لالالالالالالالا

عمرى ما حشتريها تانى

[Moh.Fahmy]

يا جماعة الخير....نقطة نظام بليييييييييييييييييييييييييييييييييييييييز

بعد قراءة متأنية لكل من شارك في هذا الموضوع نجد ان اساسا ماحدش مختلف مع حد في موضوع المقاطعة المشكلة ان فيه سوء فهم حصل و تم بناء المشكلة عليه
انما مع استعراض لرأي اخونا محمد ابراهيم نجد ان الراجل بيقول رأيه في المقاطعة انها مش حتكون فعالة و مجدية لوحدها من غير تحرك الانظمة الرسمية و بعدين هو قال رأيه باسلوب ساخر من رد فعل الانظمة العربية و تأثير المقاطعة و ليس من شيء آخر
بالنسبة للاستاذ محمد ابراهيم اولا هو راجل عالم بالدين لانه دارسه و متفوق فيه و عندما تجلس معه تشعر بمدي تفقهه في الدين و خاتم كتاب الله و الاهم انه يحكم بشرع الله بحكم وظيفته و ليسامحني هو في تنويهي لذلك لكن وجدت انه ضروري جدا ليعلم من لا يعلم ان هذا ابعد ما يكون لما وصل الي البعض و لكنه سوء الفهم و من لديه الشك في كلامي فليراجع كل المشاركات من البداية و نظرا لان اخونا محمد ابراهيم يغلب علي طابع خفة الدم فهو يحول كل المواضيع الي مواضيع خفيفة.
اخونا ابو عبد الله من الاخوة الافاضل جدا و له كل الاحترام و التقدير و هو يعلم ذلك جيدا لكن حدث سوء فهم لما ذكره اخونا محمد ابراهيم و هذا وارد جدا مع اي حد و الكل تسابق في الرد علي احدث مشاركة و نسينا اصل الموضوع كان ايه
كان لابد من البداية حد يتطوع و يوفر من وقته لقراءة الموضوع من بدايته ليقلل من درجة حرارة القضية المشتعلة لانه و الحمد لله لا خلاف علي شيء يستحق كل هذه الضجة الكبيرة
فنحن كلنا اخوة و لا نريد لاي اخ بيننا ان يكون متضايق من اخ له فالخلاف وارد و الخلاف في الجو الاسري ظاهرة صحية و لكن في حالتنا لا يوجد خلاف اساسا و انما سوء فهم
و نريد كلنا ان نري مشاركات اخونا محمد ابراهيم المشرقة و كذلك ابو عبدالله ناسين تماما ما حدث لانه لم يحدث شيء يذكر....و الجدال الذي تم بعد اشتعال الموضوع لا يسأل احد عنه لانه قيل وقت عصبية و لابد ان نتحمل بعض و ان نلتمس الاعذار ..هكذا علمنا رسولنا الكريم صلوات الله و سلامه عليه التي دفعنا حبنا له و غيرتنا عليه ان لا نري بعضنا البعض
و انا واثق تماما ان الموضوع انتهي تماما و لكن وجدت انه من المناسب وضع الموضوع في حجمه الطبيعي

محمد فهمي

[أبو عبدالله]

انا مقاطعة بس حاسة ان الموضوع فاشل

لان احنا بنتحرك كأفراد

كل الناس او اغلبها مش في دماغها و مهمومة بلقمة العيش اللى خلت الشعب كله مبقاش بيفكر في حاجة تانية

فموضوع المقاطعة دة عمره ما هيجيب ثماره الا لو اتعمل صح

بس كافراد كدة عمره ما هينفع

متبقاش كده علشان دي بداية طريق الشيطان علشان يعمل يأس لنا كلنا

وكل طريق بيبدأ بخطوة
وكملي انتي ولك الثواب

المهم لك حتى لو مجبتشي نتيجه انك تشوفي ثوابك انت وتأخذيه وليس ان الدنمارك تتبهدل بالموضوع ده

خليكي انت على طريقك واكسبي ثواب نيتك ان شاء الله

ما هو لو كل واحد نظر لنفسه فقط كلنا هنمشي اما المشكلة ان احنا بننظر لبعض وده بيفتح باب للشيطان يدخل منه علشان يدمر الخير
وربنا يحفظنا ان شاء الله

[محمد المشد]

طبعا انا ما زلت عند راى ان المقاطعة شىء مهم ! وان كان الشعب اصلاً مقاطع من غير طلب لانه مش لاقى يشترى المنتجات المصرية فبالتالى لن يشترى المنتجات الدنمركية !!!
عموماً اقوم لكل مسلم اذا كنت تحب رسول الله بحق وتفتدية بروحك 000 يجب عليك ان تقتدى به فى افعالة واعمالة وكل ما تى به من خير 000 ان تحسن معاملة الجميع المسلم والمسيحى واليهودى وان يكون خلقك القران 000 فبعد هذا لن يستطيع اى كأن من كان ان يتهجم على الاسلام او المسلمين وسوف يرى فيهم القدوة الحسنة كما كان لنا فى رسول الله القدوة الحسنة

[gemtawila]

نعم أنا مقاطع المنتجات الدانماركية ولكن المشكلة إن فيه عدم دقة فى تحديد المنتجات دى - يعنى مثلا فيه ناس كاتبين شيكولاتة كندر - حليب نيدو - ايس كريم موفنبيك - سلسلة فنادق موفنبيك ودى حاجات مش دانماركى أصلا

[Noha.M]

متبقاش كده علشان دي بداية طريق الشيطان علشان يعمل يأس لنا كلنا

وكل طريق بيبدأ بخطوة
وكملي انتي ولك الثواب

المهم لك حتى لو مجبتشي نتيجه انك تشوفي ثوابك انت وتأخذيه وليس ان الدنمارك تتبهدل بالموضوع ده

خليكي انت على طريقك واكسبي ثواب نيتك ان شاء الله

ما هو لو كل واحد نظر لنفسه فقط كلنا هنمشي اما المشكلة ان احنا بننظر لبعض وده بيفتح باب للشيطان يدخل منه علشان يدمر الخير
وربنا يحفظنا ان شاء الله

عندك حق برضه يا ابو عبدالله

جراك الله خير

[أبو عبدالله]

نعم أنا مقاطع المنتجات الدانماركية ولكن المشكلة إن فيه عدم دقة فى تحديد المنتجات دى - يعنى مثلا فيه ناس كاتبين شيكولاتة كندر - حليب نيدو - ايس كريم موفنبيك - سلسلة فنادق موفنبيك ودى حاجات مش دانماركى أصلا

أصحابهم دنماركيين

[Noha.M]

نعم أنا مقاطع المنتجات الدانماركية ولكن المشكلة إن فيه عدم دقة فى تحديد المنتجات دى - يعنى مثلا فيه ناس كاتبين شيكولاتة كندر - حليب نيدو - ايس كريم موفنبيك - سلسلة فنادق موفنبيك ودى حاجات مش دانماركى أصلا

متهيألى اشهر المنتجات هي بوك و لبن دانو و زبدة لورباك (بحبها اوى :( بس مش مشكلة خليها تغور في داهية:D)

و يا بنااااااااااااااااااااااات محلات vero moda اللى في سيتي ستارز هو لبسه تحفة بس مش مشكلة يعور هو كمان

دة فىه كمان قائمة بالادوية الدانماركية نزلتها بس من اشهرها fucicort الانيتيبيوتيك

[sherif80]

- رأيى فى مقاطعة المنتجات الدنماركية انها عاملة زى الاسبرين كل مايجيلك صداع تاخد قرص اسبرين علشان يسكن الالم لكن للاسف مش بيعالج المشكلة

- هل احنا فعلا مستهلكين للبضائع الدنماركية حتى قبل الرسوم المسيئة و هل نمثل قوة شرائية فعلا نستطيع معها استعمال سلاح المقاطعة خصوصا فى مصر - على فكرة انا كده كده مقاطع سواء قبل الرسوم المسيئة او بعدها .

- ماذا لو اتحدت الدول الاوروبية لتصبح منتجاتها تحمل بار كود واحد

- اذا كانت المقاطعة الاولى حققت الاهداف المرجوة منها لماذا عادت الدنمارك مرة ثانية - مستحيل يكونوا بالغباوة ديه خصوصا ان المقاطعة الاولى صاحبها مظاهرات و اعتداءات على السفارات الدنماركية و خسارة بالمليارات

- قال عمر بن الخطاب عندما فتح القدس ... نحن قوم أعزنا الله بالإسلام، فإن ابتغينا العزة بغير الإسلام أذلنا الله

اخيرا سؤال جدلى ..

لو الصين عملت اللى عملته الدنمارك - حنعمل ايه ؟ هنقاطع برضه ؟

[Islam_galal]

-
- هل احنا فعلا مستهلكين للبضائع الدنماركية حتى قبل الرسوم المسيئة و هل نمثل قوة شرائية فعلا نستطيع معها استعمال سلاح المقاطعة خصوصا فى مصر - على فكرة انا كده كده مقاطع سواء قبل الرسوم المسيئة او بعدها .

مصر لا و لكن الدول الخليجيه قوة شرائية كبري امنتجات الدنمارك الغذائية

-
- ماذا لو اتحدت الدول الاوروبية لتصبح منتجاتها تحمل بار كود واحد

نقاطع نقاطع نقاطع حتي و لو في السلع الغير أساسية

-
- اذا كانت المقاطعة الاولى حققت الاهداف المرجوة منها لماذا عادت الدنمارك مرة ثانية - مستحيل يكونوا بالغباوة ديه خصوصا ان المقاطعة الاولى صاحبها مظاهرات و اعتداءات على السفارات الدنماركية و خسارة بالمليارات

لان المقاطعه الأولي توقفت بصلح و هو ما يعني أنها أتت بثمارها و أنها سلاح فعال بالفعل و هم يظنون (منطقي) أنه من الصعب أن تتحد الشعوب مرتين علي نفس الهدف

-
- قال عمر بن الخطاب عندما فتح القدس ... نحن قوم أعزنا الله بالإسلام، فإن ابتغينا العزة بغير الإسلام أذلنا الله

إنما نطالب بالمعارضة ابتغاء مرضاة الله و هو أضعف الأيمان

اخيرا سؤال جدلى ..

-
لو الصين عملت اللى عملته الدنمارك - حنعمل ايه ؟ هنقاطع برضه ؟

و ليه لأ حتي لو بعض البضائع

يا إخوتي إن ما نعيشه لا يرضي الله و رسوله و إلا فلم نعيش هذا الظلم و الذل و الهوان من المسلمين و من غير المسلمين

إنما ندفع ثمن تهاوننا في ديننا . . . أفلا نغضب لله مرة قد تحمي ماء وجوهنا يوم تبيض وجوه و تسود وجوه

[أبو عبدالله]

- رأيى فى مقاطعة المنتجات الدنماركية انها عاملة زى الاسبرين كل مايجيلك صداع تاخد قرص اسبرين علشان يسكن الالم لكن للاسف مش بيعالج المشكلة

- هل احنا فعلا مستهلكين للبضائع الدنماركية حتى قبل الرسوم المسيئة و هل نمثل قوة شرائية فعلا نستطيع معها استعمال سلاح المقاطعة خصوصا فى مصر - على فكرة انا كده كده مقاطع سواء قبل الرسوم المسيئة او بعدها .

- ماذا لو اتحدت الدول الاوروبية لتصبح منتجاتها تحمل بار كود واحد

- اذا كانت المقاطعة الاولى حققت الاهداف المرجوة منها لماذا عادت الدنمارك مرة ثانية - مستحيل يكونوا بالغباوة ديه خصوصا ان المقاطعة الاولى صاحبها مظاهرات و اعتداءات على السفارات الدنماركية و خسارة بالمليارات

- قال عمر بن الخطاب عندما فتح القدس ... نحن قوم أعزنا الله بالإسلام، فإن ابتغينا العزة بغير الإسلام أذلنا الله

اخيرا سؤال جدلى ..

لو الصين عملت اللى عملته الدنمارك - حنعمل ايه ؟ هنقاطع برضه ؟

هو ممكن اعرف في النهاية ايه الهدف اللي بتسعى اليه في هذه المداخلة الطيبة

يا أخي الفاضل انت تعمل ما عليك وليس عليك الأمر كله
قال المولى عزو وجل (( واعدوا لهم ما استطعتم من قوة )))
ولم يقل لابد ان تنتصروا عليهم

انت عملت اللي عليك الأول
ولا دي استنتاجات لا اصل لها غير انها رؤية ممكن تكون صح او ممكن تكون غلط
الأتباع يحتاج ان اتبع والأمر
وبعدين كل حاجه بيد الله مش بأيدينا احنا
ما علينا احنا هو الاتباع ثم النصر ده شئ من عند الله
قال الله عزو وجل (( ان تنصروا الله ينصركم ))

هل ترى في كلامك نصرة لله لأني بصراحه مش عارف الهدف من كلامك ايه