امتي بتعمل زي الناس ؟(:

[SHNORY]

سؤال جه علي بالي من شويه
ليه بنعمل زي الناس
طبعا فيه ناس عارفين نفسهم كويس وحيفسروها تفسير تاني غير قصدي
انما انا قصدي
ليه دايما الواحد بيقول انا حعمل كذا زي فلان ما عمل
حشتري العربيه الفلانيه زي فلان
حلبس زي ما فلان لبس
حدخل عيالي المدرسه الفلانيه زي ما فلان عمل
ليه ميكونش لينا انفراديه الاختيار لقراراتنا
هل هو كسل في التفكير ؟؟؟؟
وطالما الناس عملوا حاجه وطلعت كويسه يبقي اعمل زيهم
مع انها ممكن متناسبنيش؟؟؟؟
هل هو حب في التقليد وان محدش احسن من حد
هل ده صح ولا غلط ؟؟
فانتم رايكم الاحسن ايه
الواحد المفروض يعمل زي الناس بشويه دراسه
ولا ميعملش زي الناس ويبدا مرحله البحث عن الاحسن ليه

مراسلكم من خلف حالته النفسيه وافكاره المتقلبه
محمد الشنوري

[mahmoudysf]

اذا كان تقليد الناس هيكون في حاجة ناجحة خلاصة تجارب سابقة ايه المانع
لاكن ما اقصدش ان واحد شاف حد عامل تسريحة ويقلدة زي ما انت تقصد وانا فهمت
او زي واحدة شافت فرح صاحبتها وراسها والف 0000 انها لازم تعمل زيها
لاكن عموما على حسب ايه نوع التقليد او بمعنى اصح الاقتداء في الحاجات الايجابية

[Ahmed Samy]

لا ياعم الحاج

أنا ممكن أعمل أي حاجة زي الناس الا إني ألبس زيهم

يعنى لما واحد يلبس قبلك ده بيبقى تحذير علشان ماتلبسش انت كمان

مش نفتح و ناخد بالنا من نفسينا !!!

حبيبي يا شن

ههههههههههههههههه

[Soma_Sooma]

مش كل الناس زى بعضها فى ناس تلاقيها مبتكرة بتحب تظهر نفسها وتعمل شىء جديد مختلف يلفت النظر

وفى ناس مش عندها الفدرة فى الأبتكار فا اسهل شىء التقليد سواء ايجابى او سلبى

وفى ناس تانية معندهاش بردة القدرة على الابتكار بس بتعرف تاخد من الشخص المبتكر دة اللى يناسبها وتغير فية بما يناسبة من ظروف وحاجات كدة

وفى ناس تانية بقى مريضة عندها نقص فا بتبص لغيرها فأى حاجة وبيبقو بيقلدو لمجرد اثبات انهم يقدرو يجيبو الحاجة دى اوكدة

[mr_vampire]

كويس انك فسرت يعني ايه ( نعمل زي الناس ) لان المعني كان رايح في مكان زي الناس خاااااااااااااااااااااالص. واراهنك ان كل اللي قري العنوان كان داخل عشان يشوف ايه الموضوع ده؟؟؟؟؟؟؟؟؟؟؟ظ وانا منهم منكرش.

والاجابة لسؤالك. هي ان مفيش حد راضي باللي في ايده وكله عمال يبص للي في ايد غيره ويغير منه واول مايبقي في فرصة يبقي زيه مبيضيعهاش بمعني. انتا جبت عربية معينة جامدة وعجباني فاول مااتحصل علي تمنها اجيبها انا كمان ( طبعا هو ممكن يكون اقبالي ليها عشان هي فعلا كويسة وتستاهل اجيبها وادفع فيها فلوس ) انما لو الموضوع بقي متكرر في الكبيرة والصغيرة عربية شقة موبيل حتي لو تي شيرت او اي حاجة متهيالي الحوار بقي مرضي لاني تفسيري المتواضع ( ان الشخص اللي بيقلد ده مش عايز يخلي الشخص اللي بيقلده يحس انه افضل منه ) في حين ان الشخص اللي بيتقلد وهو مش واخد باله ولاااااااااااااااااا في الدماغ. فبيكون بداية لاعراض نفسية او عدم اقتناع باللي في ايده. وده هيتعب جامد اوي في حياته لان هييجي وقت قدراته وامكانياته من هتلبي احتياجاته.

[nabaster]

اصراحه يا شنوري في اكتر من تحليل للموضوع ده

1-ناس بتسميه سياسة القطيع

يعني اشتري زي ما الناس بتشتري ولما تحاول تفكر وتشوف حاجه مختلفه بيحسسوك انك شاذ

2-ناس تانيه ممكن تكون بتثق في فلان مثلا

فبيحاول يقلده ويجيب زيه محاولة منه انه يبقي زيه او علشان واثق ان اختياراته صح

3-ساعات بيكون نوع من الغيره

جاري جايب نوكيا يبقي لازم اجيب نوكيا

جايب لانسر يبقي اجيب انا كمان لانسر ويمكن كمان نفس اللون واركنها فوقيها لو اقدر

4- ساعات بيبقي نوع من الاحساس بالامان

يعني لما الاقي عربيه منتشره زي الانسر بجيبها علشان مثلا قطع غيارها متوفره وصبي ميكانيكي يشتغل فيها

وبرضه اجيب نوكيا علشان اعرف اصلحه لو فيه مشكله واعرف اجيب ابلكيشن ليه

في مسمياااااااااات كتيييييييييييييييييييييييييييير ونظريات تحليليه اكتر بس ده الي علي بالي دلوقت

A.Yakout

[SHNORY]

اذا كان تقليد الناس هيكون في حاجة ناجحة خلاصة تجارب سابقة ايه المانع
لاكن ما اقصدش ان واحد شاف حد عامل تسريحة ويقلدة زي ما انت تقصد وانا فهمت
او زي واحدة شافت فرح صاحبتها وراسها والف 0000 انها لازم تعمل زيها
لاكن عموما على حسب ايه نوع التقليد او بمعنى اصح الاقتداء في الحاجات الايجابية

الله ينور علي حضرتك
انت كده بتتكلم صح
اصل دايما بسمع احاديث من الناس كل واحد يقولك جيبت كذا مثلا زي اللي فلان جابه
روحت المكان الفلاني الي علان قال عليه
وبسبب طبيعه شغلي في الموبيلات فشوفت ان سبب انتشار النوكيا المريع في بلدنا حاجتين
اولهم انها كانت اول شركه تعمل موبايل قوايمه علي هيئه صور والناس الغير متعلمين يستعملوه بسهوله
والتانيه ان فلان جايب تليفون زي بتاع فلان او احسن من بتاع فلان
وزي انتشار عربيات كتير اكتشفنا من خلال المنتدي ان قيمتها الفعليه اقل من سعرها بمراحل
فاكيد صاحبها اشتراها زي ما واحد تاني جابها
بغض النظر عن اي حاجه تانيه

[hazoom2006]

ههههههههههه انا قريت عنوان الموضوع جة فى حاجة تانية وافتكرت موضوع الباشمهندس سبعاوى بتاع القطط والكلاب هههههههه

الناس بتعمل زى الناس علشان تجارب سابقة او حد اشترى بنطلون عجبك عايز تشترى زية ولو مش عجبك اكيد مش هتشترى بس فى ناس بتعمل زى الناس لمجرد التقليد ودة حاجة مشهورة جدا فى النات
وبرده ممكن الناس تعمل زى الناس تحت بند المــــوضــة
والعربيات بس دة موضوع كبير
لما حد يعمل حاجة زى حد بتقلل القدرات الابداعيه عنده وبتعمل محدودية فى التفكير وقوة الشخصيه بعد كده

[SHNORY]

لا ياعم الحاج

أنا ممكن أعمل أي حاجة زي الناس الا إني ألبس زيهم

يعنى لما واحد يلبس قبلك ده بيبقى تحذير علشان ماتلبسش انت كمان

مش نفتح و ناخد بالنا من نفسينا !!!

حبيبي يا شن

ههههههههههههههههه

هههههههههههههههههههههههههههههههه
وانت علشان محدش لبس قبلك في البلاعه لبستها انت وبقيت عبره للاجيال الي بعدك هههههههههههههه
بالنسبه للبس الفعلي بقي الي هو الهدوم
فانا استحاله البس زي الناس خصوصا اليومين دول
بقالي شهرين بدور علي بنطلونات جينز رجالي ومش لاقي كلها بشخاليل ورسومات
ولما نويت اجيب اقلهم رسما لقيت ستايله مش جينز خالص وانه لازم يتسقط
ومازلت في مرحله اني ملبسش زي الناس
ابقي رد علي موبايلك يا سمسم علشان بدات اتخنق منك تاني هههههههههه

[SunSet]

الموضوع محسوم شرعا

قال صلى الله عليه وسلم " لا يكن أحدكم إمعة يقول: إن أحسن الناس أحسنت، وإن أساءوا أسأت، ولكن وطنوا أنفسكم إن أحسن الناس أن تحسنوا، وإن أساءوا أن تجتنبوا إساءتهم "

فيه ناس - وما أكثرهم - طبيعتهم التقليد والناس حتقول علينا ايه وما هو كل الناس بتعمل كدة

وممكن جدا كدة ده يبقى حرااااام


ربنا سبحانه ميزنا بالعقل ومرجعيتنا الكتاب والسنة

فأي شئ نرجعه للكتاب والسنة

لو وافقها خلاص لا مانع

لكن لو لم يوافقها وكان الجميع معها فلا

ربنا بيقول " وإن تطع أكثر من في الأرض يضلوك عن سبيل الله"

فلا تعني ابدا الاكثرية انها على الحق

[ashrafsadany]

والله يا اخى الموضوع ده بيغظنى جدآ كل ما اعجب بحاجه مختلفه عن الناس باخد كم من التقطيم من البشر عجيب زى ماكون شاذ فكريآ يعنى جيبت الفورد الناس كانت بتبصلى على انى مجنون ان راكب ماركه زى دى ليه مجبتش زى الناس كورى او يابانى ومهما احاول ادخل فى نقاش مع الاشخاص دى ان فى معايير اخرى للاختيار مش بس اجماع شريحه من الناس يبصلى على انى مش طبيعى ولما اخترت السيمبول حتى هنا فى المنتدى كتير جدآ اعتبرو ان اختيار شاذ رغم انها عالميآ احسن من كل الى تم وضعها معاهم فى الاختيار لاكن بلمقياس المصرى انا شاذ وغيره من الاختيارات زى اختيار موبايل بشرحتين كله بيقول سامسونج رغم ان lg برقبته وارخص كمان لاكن الحمد لله ببقى موفق فى اختيارى بفضل الله تعالى وعمرى مااهتميت برأى الناس المهم البحث الجيد ودراسه الخطوه وقبل كل شيء الاستخاره وتوفيق ربنا الحمد لله
وشكرآ على الموضوع فعلآ جميل

[SHNORY]

مش كل الناس زى بعضها فى ناس تلاقيها مبتكرة بتحب تظهر نفسها وتعمل شىء جديد مختلف يلفت النظر

وفى ناس مش عندها الفدرة فى الأبتكار فا اسهل شىء التقليد سواء ايجابى او سلبى

وفى ناس تانية معندهاش بردة القدرة على الابتكار بس بتعرف تاخد من الشخص المبتكر دة اللى يناسبها وتغير فية بما يناسبة من ظروف وحاجات كدة

وفى ناس تانية بقى مريضة عندها نقص فا بتبص لغيرها فأى حاجة وبيبقو بيقلدو لمجرد اثبات انهم يقدرو يجيبو الحاجة دى اوكدة

بس الغالبيه بتقلد
الناس المريضه دول بقي دايما تلاقيهم من المتيسرين ماديا
يجيبوا زي الي مع غيرهم
ويجيبوا اي حاجه وخلاص لمجرد انها شكلها حلو او لمجرد انها غاليه ومحدش بيقدر يجيبها
حتي لو مش حيستعملوها

كويس انك فسرت يعني ايه ( نعمل زي الناس ) لان المعني كان رايح في مكان زي الناس خاااااااااااااااااااااالص. واراهنك ان كل اللي قري العنوان كان داخل عشان يشوف ايه الموضوع ده؟؟؟؟؟؟؟؟؟؟؟ظ وانا منهم منكرش.

والاجابة لسؤالك. هي ان مفيش حد راضي باللي في ايده وكله عمال يبص للي في ايد غيره ويغير منه واول مايبقي في فرصة يبقي زيه مبيضيعهاش بمعني. انتا جبت عربية معينة جامدة وعجباني فاول مااتحصل علي تمنها اجيبها انا كمان ( طبعا هو ممكن يكون اقبالي ليها عشان هي فعلا كويسة وتستاهل اجيبها وادفع فيها فلوس ) انما لو الموضوع بقي متكرر في الكبيرة والصغيرة عربية شقة موبيل حتي لو تي شيرت او اي حاجة متهيالي الحوار بقي مرضي لاني تفسيري المتواضع ( ان الشخص اللي بيقلد ده مش عايز يخلي الشخص اللي بيقلده يحس انه افضل منه ) في حين ان الشخص اللي بيتقلد وهو مش واخد باله ولاااااااااااااااااا في الدماغ. فبيكون بداية لاعراض نفسية او عدم اقتناع باللي في ايده. وده هيتعب جامد اوي في حياته لان هييجي وقت قدراته وامكانياته من هتلبي احتياجاته.

انتم علطول فاهمني غلط كده هههههههههههههههه

اصراحه يا شنوري في اكتر من تحليل للموضوع ده

1-ناس بتسميه سياسة القطيع

يعني اشتري زي ما الناس بتشتري ولما تحاول تفكر وتشوف حاجه مختلفه بيحسسوك انك شاذ

2-ناس تانيه ممكن تكون بتثق في فلان مثلا

فبيحاول يقلده ويجيب زيه محاولة منه انه يبقي زيه او علشان واثق ان اختياراته صح

3-ساعات بيكون نوع من الغيره

جاري جايب نوكيا يبقي لازم اجيب نوكيا

جايب لانسر يبقي اجيب انا كمان لانسر ويمكن كمان نفس اللون واركنها فوقيها لو اقدر

4- ساعات بيبقي نوع من الاحساس بالامان

يعني لما الاقي عربيه منتشره زي الانسر بجيبها علشان مثلا قطع غيارها متوفره وصبي ميكانيكي يشتغل فيها

وبرضه اجيب نوكيا علشان اعرف اصلحه لو فيه مشكله واعرف اجيب ابلكيشن ليه

في مسمياااااااااات كتيييييييييييييييييييييييييييير ونظريات تحليليه اكتر بس ده الي علي بالي دلوقت

a.yakout

ههههههههههههههههههههههههه
حلوه اركنها فوق عربيته دي
فعلا التقليد خلي بلدنا مقتصره علي نوعيه منتجات معينه هي المتداوله
تنزل اسكندريه تلاقي الشوارع مليانه لادا واوكتافيا
وتنزل القاهره تلاقي الميجان وعربيات تانيه
وطبعا مش حجيب سيره السيراتو علشان احمد سامي بيزعل
دي لو بتتفرق علي علب السجاير مكانتش حتنتشر بالشكل ده

ههههههههههه انا قريت عنوان الموضوع جة فى حاجة تانية وافتكرت موضوع الباشمهندس سبعاوى بتاع القطط والكلاب هههههههه

الناس بتعمل زى الناس علشان تجارب سابقة او حد اشترى بنطلون عجبك عايز تشترى زية ولو مش عجبك اكيد مش هتشترى بس فى ناس بتعمل زى الناس لمجرد التقليد ودة حاجة مشهورة جدا فى النات
وبرده ممكن الناس تعمل زى الناس تحت بند المــــوضــة
والعربيات بس دة موضوع كبير
لما حد يعمل حاجة زى حد بتقلل القدرات الابداعيه عنده وبتعمل محدودية فى التفكير وقوة الشخصيه بعد كده

قصدك شميت عنوان الموضوع مش قريته ههههههههههههه
بس الموضوع التاني لما تدخله ممكن تتلحوس لو مشوفتش انت بتدوس فين
علشان كده هناك لازم تدوس زي الناس ما داست
علي سيره الموضه
جت سنه كان اللون البنفسجي تقريبا موضه حريمي
تحس والله ان كل الناس شبه بعضها بشكل مفزع
واللي يليق عليه والي ميليقش تلاقيه لونه بنفسجي
تحس انها بنت واحده وعاملينلها استنساخ بس فيه محاولات ناجحه وزي الفل ومعنديش مانع يكرروها
وفيه مسوخ مينفعش انها تتطبق عليها نفس قوانين الموضه ولا الانسانيه خالص

[osama.m]

فكرتني بايام الموضه بتاعت السيبر .. واحد فتح سيبر و جاب كام جهاز و اشتغل كويس .. كام اسبوع و تلاقي البلد كلها عملت زيية
و بعد كدا كلهم يخسروا ويقفلوا .. شوية و واحد يفتح سنترال تقوم الناس كلها عاملة زيية .... شوية و كلهم يخسروا و يقفلوا ... مفيش حد بيدور على التميز

[SHNORY]

والله يا اخى الموضوع ده بيغظنى جدآ كل ما اعجب بحاجه مختلفه عن الناس باخد كم من التقطيم من البشر عجيب زى ماكون شاذ فكريآ يعنى جيبت الفورد الناس كانت بتبصلى على انى مجنون ان راكب ماركه زى دى ليه مجبتش زى الناس كورى او يابانى ومهما احاول ادخل فى نقاش مع الاشخاص دى ان فى معايير اخرى للاختيار مش بس اجماع شريحه من الناس يبصلى على انى مش طبيعى ولما اخترت السيمبول حتى هنا فى المنتدى كتير جدآ اعتبرو ان اختيار شاذ رغم انها عالميآ احسن من كل الى تم وضعها معاهم فى الاختيار لاكن بلمقياس المصرى انا شاذ وغيره من الاختيارات زى اختيار موبايل بشرحتين كله بيقول سامسونج رغم ان lg برقبته وارخص كمان لاكن الحمد لله ببقى موفق فى اختيارى بفضل الله تعالى وعمرى مااهتميت برأى الناس المهم البحث الجيد ودراسه الخطوه وقبل كل شيء الاستخاره وتوفيق ربنا الحمد لله
وشكرآ على الموضوع فعلآ جميل

طيب مجيبتش ليه سيراتو او ميجان ؟؟؟
او لانسر حتي لما تيجي تبيعهم حتلاقي فلوسك هههههههههههههههههههههه
المشكله اننا عندنا سياسه البيع ما بعد الشرا
الي بيجيب حاجه زي العربيه مثلا بيجيبها ماركه معينه علشان سعر اعاده البيع
مع ان فيه ناس مش ناويه تبيع ولا غاويه تبيع
واحد جايب عربيه زيك مثلا هو عارف هو بيشتري ايه
ومتحمل تبعات قراره وجايب المناسب ليه
والمشكله انك ممكن تلاقي محاولات اجبار لاثنائك عن قرارك
وبعد ما تشتريها لو شاريها مثلا ب100 الف
تلاقي واحد بيقولك دا لسه واحد صاحبي بايعها ب40
وواحد تاني يقولك دا لسه ابن خالتي شاريها ب30 ونفس موديل عربيتك
وناس تحرق الدم
وشرفت موضوعي يا شريف باشا

[osama.m]

اقلك على حاجة كمان .. انا من محبي تربية القطط ... تعرف ان جيراننا كلهم جابوا قطط و هم اصلا ميعرفوش عنهم حاجة ... كل يوم الاقي حد بيقوللي لو عندك قطة زيادة اديهالي