امتي بتعمل زي الناس ؟(:

[SHNORY]

فكرتني بايام الموضه بتاعت السيبر .. واحد فتح سيبر و جاب كام جهاز و اشتغل كويس .. كام اسبوع و تلاقي البلد كلها عملت زيية
و بعد كدا كلهم يخسروا ويقفلوا .. شوية و واحد يفتح سنترال تقوم الناس كلها عاملة زيية .... شوية و كلهم يخسروا و يقفلوا ... مفيش حد بيدور على التميز

انت بتقول فيها
انا كنت فاتح سنترال من 6 سنين تقريبا وكنت اول واحد في المنطقه يكون عنده نغمات وسوفت وير
للتليفونات
مفيش كام شهر وكل واحد جايلي كمبيوتر وواقف في دخله بيتهم ينزل نغمات للناس
ويجيب زباله الاكسسوار ويبيعها بفلوس قليله
وبعد كده المحلات قلدت وكل واحد يروح يشتري كابلين ويبقي بتاع نغمات
وباي فلوس وخلاص
لحد ما نيلوا الدنيا علي دماغنا ودماغهم
بعد كده بقيت لما حد يجيلي واقوله مثلا السوفت حيكلف 20 يقولي دا فلان قالي 10 اقوله روح لفلان هو اولي مني
يقولي انت اولي ياعم بالفلوس
اقوله لا روحله هو ال10 جنيه والجنيه بالنسباله فلوس انما انا فاتح المحل تضييع وقت
وعاوز اقولك ان احيانا فلان ده بيستلم الجهاز ويجيبهولي اعملهوله هههههههههه
علشان معدات السوفت وير غاليه ومحتاجه خبره في التعامل معاها

[pro_samir]

طيب وانت يا شنوري إمتي بتعمل زي الناس ؟

[magyver]

والله لو روح التفليد في حااجة مفيدة وناجة كان بها
غير كدة بقي يبقي غباااء

[ashrafsadany]

نسيت اقولك يا استاذ شنورى ان الحاجه الوحيده الى بعمل فيها زى الناس اما بكون مزنوق ولا ممكن الواحد يبقى متميز فيها دى كمان

[devilishtigers]

نسيت اقولك يا استاذ شنورى ان الحاجه الوحيده الى بعمل فيها زى الناس اما بكون مزنوق ولا ممكن الواحد يبقى متميز فيها دى كمان

والله انا شايف ان لو مثلا انا عايز موبايل وشايف فلا جاب كذا وعلان جاب كذا وترتان جاب كذا المهم انا احتيجاتي ايه ؟؟؟؟؟؟؟؟؟؟؟؟؟؟؟
انا من النوع الموسوس والمتردد فا اقعد ابحث وابحث وابحث لغاية لما الاقي احسن حاجة. (والموبايل اللي معايا n78 قليل اللي الاقيه شايله ومعرفتوش إلا بالبحث).
انما اللي بيجيب علشان شاف فلان جايب ، بصراحة دا عنده عقدة نقص (وجهة نظر)

[SHNORY]

طيب وانت يا شنوري إمتي بتعمل زي الناس ؟

من شويه يا حماده هههههههههه
انا بعمل زي الناس لما الناس تعمل حاجه كويسه
باخد الي يعجبني ويناسبني واسيبلهم الباقي

والله لو روح التفليد في حااجة مفيدة وناجة كان بها
غير كدة بقي يبقي غباااء

ويا ريت بيقلد صح او بيقلد بحرفه
دا بيقلد وخلاص
وعليها بينيل الدنيا علي الكل

نسيت اقولك يا استاذ شنورى ان الحاجه الوحيده الى بعمل فيها زى الناس اما بكون مزنوق ولا ممكن الواحد يبقى متميز فيها دى كمان

ههههههههههههههههههههههههههههههههههههههههه
ههههههههههههههههههههههههههههههههههههههههههههه
مين قالك ان مفيهاش تميز
بس يلا ما يشكر في روحه الا ابليس ههههههههه

[ahmed-moga]

انت بتقول فيها
انا كنت فاتح سنترال من 6 سنين تقريبا وكنت اول واحد في المنطقه يكون عنده نغمات وسوفت وير
للتليفونات
مفيش كام شهر وكل واحد جايلي كمبيوتر وواقف في دخله بيتهم ينزل نغمات للناس
ويجيب زباله الاكسسوار ويبيعها بفلوس قليله
وبعد كده المحلات قلدت وكل واحد يروح يشتري كابلين ويبقي بتاع نغمات
وباي فلوس وخلاص
لحد ما نيلوا الدنيا علي دماغنا ودماغهم
بعد كده بقيت لما حد يجيلي واقوله مثلا السوفت حيكلف 20 يقولي دا فلان قالي 10 اقوله روح لفلان هو اولي مني
يقولي انت اولي ياعم بالفلوس
اقوله لا روحله هو ال10 جنيه والجنيه بالنسباله فلوس انما انا فاتح المحل تضييع وقت
وعاوز اقولك ان احيانا فلان ده بيستلم الجهاز ويجيبهولي اعملهوله هههههههههه
علشان معدات السوفت وير غاليه ومحتاجه خبره في التعامل معاها

قلبت علينا المواجع والله ياشنر فعلا كلامك صح يعني انا اول واحد فتح المحل في المنطقه كلها من10

سنين واول مابدأت نشاطي كان شامل كل حاجه خاصه بالمحمول وكان معايا شريك متخصص

للصيانه فقط وبعديها بكام شهر واحد بتاع ورشة الموتال قصاد مني كان يجيب الكرسي بتاعه ويقعد

يعد عليه الزباين اللي داخلين بعدها هوب فتح نفس المجال وبدأ المنافسه غير الشريفه بعديها بسنه

المهندس اللي كان معايا راح واخد محل في الخباثه قصاد مني بالظبط وراح فاتح نفس النشاط ولحد

دلوقتي مشهور بأسم المحل بتاعي وبدأ هو كمان المنافسه غير الشريفه وحرق الأسعار ومرعاش

العيش والملح اللي كان بينا المهم جبت شاب صغير علمته شغل النغمات وشغل المحل كله بعد سنه

بالظبط راح فاتح جنب مني بس بصراحه ده اللي طمر فيه ومحاولش يعمل حاجه تزعلني واستمر حال

أنتشار المجال ده ومؤخرا واحد عنده محل عطاره دخل المجال وخرب الدنيا علشان مشكله بينه وبين

واحد جاره كان واخد توكيل اجهزه منزليه فتح نفس المجال وعمل مشكله معاه والأتنين نزلين تخبيط

في بعض المهم قلت اشتغل في العدد وفتحت أئتمان مع شركة رايه لقيت كل المحلات عملت زيي واللي دخل

بتحويشة عمره كلها سبت عدد نوكيا واشتغلت في الصيني اول مانزل بعدها بكام شهر كل الناس عملت

كده وهوب العدد وقعت ومبقاش فيها مكسب سبتها قلت افتح شركه واتخصص في الكارت والهوا

والخط لجميع الشركات وأشتريت عربيه بالقسط علشان تساعدني في التوزيع

وهوب بدأت الأكسات والسوبر ديلر ينزلوا السوق ويضايقوني ويحرقولي السعر ده

غير شركات الأتصالات عايزاني اخد منهم الخط بتمنه الرسمي واحرقلهم الخط وطبعا الفرق هيكون من جيبي الخاص علي

لما يجوا يعوضوني بعد 3 اشهر واللي هيعوضوني بيه هيبعتوه للضرائب علي انه مكسب خالص

منهم لحد مازهقت وقفلت الشركه وخسرت تقريبا معظم رأس المال اللي معايا واكتفيت بالمحل شوية

اكسسوارات وشوية كروت وشوية خطوط وشوية سوفت صيني وطبعا البركه في ربنا ثم انت ياشنر

لتشجيعك ليه لأدخال السوفت وير في المحل جزاك الله خير وياريت سلمت منهم هههههههههه طيب

ياريت عشرين جنيه او 10 جنيه دول بينافسوني وبيعملوه ب5 جنيه وبطلته دلوقتي ههههههه وواحد تاني عايز

يفتح نفس المجال وبيقول لواحد جاري هو احمد موجه اسعاره ايه علشان عايز اضربه في الأسعار بتاعة

الكارت والخط والهوا اللي مفهاش مكسب اساسا وهو ميعرفش انه صاحبي هههههههههه

شفت الناس مستكتره علي الواحد رزقه لدرجة كمان اصحاب المحلات

يبعتوا يشوفوا سعري كام في الخط ويروحوا منزلين السعر جنيه

المقصد ان فيه ناس ديما بتبص لألي في ايد الناس التانيه وفي كل حاجه وميهمش اللي هيعملوه ده

هيكون صح ولا غلط يعني بالبلدي كده بيمشوا مع الرايجه ايه لبس شغل عربيات مش مهم مش عايز اقلك كمان فيه

ناس اعرفهم يقلك انا عايز اتجوز واحده شبه مرات فلان وتكون في طباعها وعايز ازف بعربيه زي

اللي فلان زف بيها مبقاش عند الناس الشخصيه المستقله المبتكره كله بقي بيقلد تقليد أعمي والله العظيم انا حاليا

عاوز اغير نشاطي وبدور علي نشاط جديد ومبتكر وخايف اختار نشاط الناس تقول ده بيقلد فلان او

اعمل نشاط اصبح تاني يوم القي الناس عامله زيه احنا في زمن مايعلم بيه الا ربنا ربنا يرحمنا

هنلاقيها منين ولامنين الناس ولا الحكومه اللي عماله تغرمنا غرمات بالألوفات حسبي الله ونعم الوكيل

[ahmed-moga]

نسيت اقولك يا استاذ شنورى ان الحاجه الوحيده الى بعمل فيها زى الناس اما بكون مزنوق ولا ممكن الواحد يبقى متميز فيها دى كمان

هههههههه فكرتني بواحد صاحبي جه يزورني لما كنت عيان فدخل الحمام وطلع يقولي هو طقم

الحمام والسيراميك دول جبتهم بكام ومنين ومحلي ولا مستورد علشان عايز اجيب زيهم بالظبط واعمل حمامي زيك

كان ناقص يقولي انت بتعمل زي الناس ازاي (المعني التاني طبعا)علشان اعملها زيك ههههههههههه