ايه أولوياتك فى الشغل؟

[n_i_t_e]

الموضوع ده انا قابلته حديثا و تقريبا كلنا مر بالاختيار بين كام شركة و حدد حسب أولوياته
فتخيلت نفسي قاعد فى الكافيه بتاع Soma و قلت أطرح السؤال بصفة عامة نشوف الأراء
مش كل الشغل بنلاقى فيه كل حاجة احنا عايزينها
بتحسب أولوياتك فى الشغل ازاي؟
يعنى المرتب أهم عندك عن الخبرة العملية؟ قرب الشغل من البيت أهم و لا التأمين الصحى؟
اسم الشركة مهم و لا لأ؟
بالنسبة لى أنا قابلنى خيارين كالتالى
الأول شركة فى القاهرة يعنى هأتغرب عن أهلى و أأجر شقة و الحياة الأجتماعية هتضعف بس باخد هناك خبرة حلوة أوي و الشغل ممتع و الشركة فيها منظومة ادارية و Environment كويسة
و التانى شركة فى محل أقامتى و انا قاعد وسط أهلى و بشوف صحابى و كمان المرتب أعلى بس الشغل مبيديش خبرة خالص و منظومة الشغل بطيئة زي المصالح الحكومية و يخنق حبتين.
انا من النوع اللى بيحب الشغل و البحث و الطموح بس انا شايف للخيار الأول التمن مش كفاية و العائد المادي يستاهل التضحية و ترك العائلة؟ خصوصا أن والدي و والدتى بيكبروا فى السن و بقيت احس بالندم لما أبعد عنهم كأنى مقصر لأنى مش معاهم
الخيار التانى انا مش حاسس بالامان لأنى مبخدش خبرة و مش ببقى على بعضى من غير شغل خصوصا انى شايف ان عقلى عنده استعداد يكتسب خبرة بسرعة لو الفرصة متاحة و صعبان عليا مستغلش الامكانيات اللى عندي بس عايش حياة اجتماعية أحسن وسط العيلة و المرتب كويس (حاليا و الله أعلم بعد كده معدل زيادة الراتب فى الخيارين عامل ازاي)

عايزين نشوف بقى:
- أولوياتكم فى الشغل بصفة عامة
- ايه سبب تفضيلكم للأولوية دي و لو مكانى تختاروا ايه؟ :)

[icehearted girl]

حلو الموضوع دا

بس للاسف انا لسه محددتش اولوياتي فلشغل

لاني لسه محتكتش بالقدر الكافي بالحياة العملية

يعني متعرضتش لازمة مرضية مثلا تخليني احس بقيمة التأمين الصحي

ولا ازمة مالية تخليني احس بقيمة العائد المادي

دا غير اني مش ثابته في محل اقامتي علمدي الطويل فبرده مينفعش احدد دلوقتي

متهيألي لازم بتاع 10 سنين شغل علي ملواحد يقدر يحدد دا

[hazoom2006]

- أولوياتكم فى الشغل بصفة عامة

انا لسة متخرج ولسة مشتغلتش بس اولوياتى

المرتب يكون مجزى مش شرط يكون كبير بس يكون معقول يعنى
المعامله الجيدة بين الزملاء ورؤساء العمل
شغل ميكونش ادارى نفسي فى حاجة تكون عمليه وفيها حركة والمخ يكون شغال
مش مهم يكون قريب من البيت لو فى المواصفات دى
يكون مكان محترم او شركة محترمة مش شرط تكون كبيرة يعنى
تكون وظيفة ليها مستقبل

- ايه سبب تفضيلكم للأولوية دي

سبب تفضيلى للحجات دى
المرتب لازم يكون كويس علشان الاسعار بتزيد بصفة مستمرة
معامله الزملاء ورؤساء العامل تكون باحترام
مبحبش الشغل الادارى بيجيلى ملل لازم حاجة يكون فيها تركيز
مش هتفرق يكون الشغل قريب او لا لو فى المواصفات اللى انا عايزها محدش هيلاقى شغل تفصيل
طبعا يكون مكان محترم علشان لو فى مشكلة حصلت اعرف اخد حقى وبرده لو سبت الشغل يكون معايا خبره من مكان كويس

لو مكانى تختاروا ايه؟

لو مكان هسافر القاهره وابقى اطمن على اهلى بالتليفون كل يوم
وبعدين يعنى هتكون فى مصر مش مسافر بره يعنى ساعتين تلاته وتكون معاهم فى اى وقت لكن هتكون مستريح فى شغلك نفسيا وهتتعرف على ناس جديدة وتعمل حياه اجتماعيه مع الزملاء
لو هتقابلك مشكلة فى السكن او مش هتعرف تعيش لوحدك يبقى الشغل اللى فى محل اقامتك افضل
مفيش حاجة كامله لازم هتاخد حاجة قصاد حاجة

وربنا يوفقك

[haneen83]

أول ما اتخرجت قابلت نفس مشكلتك بالظبطططط
بس للاسف فكرت التفكير التقليدى ان الشغل جنب البيت و فيه اصحابى و كمان مرتبه عالى
النتيجه انى بعد تلات سنين اتضطريت اسيب الشغل و ادور على شغل تانى لانى اتجوزت و سكنت فى اهدى مكان على وجه مصر مدينه اكتوبر ... اكتشفت ان التلات سنين دول ضاعوا من عمرى بجد و لقيت ان ليا اصحاب كتير بدؤا بدايات ضعيفه بس فى اماكن اديتهم خبره و دلوقتى هما ماشاء الله اتنقلوا من مكان لمكان لحد ما بقوا حاجه كويسه و انا لسه بادور على الخبره

فبجد انصحك انك تدور على الخبره .. لما يكون عندك خبره هتقدر بعد كده تجيب الفلوس و الشغل اللى يريحك .. من غير خبره الفلوس مش هتدوم و برضه هتلف تلف و تدور على الخبره

اللى يعلمك احسن من اللى يديك فلوس و ينيمك :(

[Samah AbdAllah]

هو الكافيه بتاع soma ده اللى دوخنا كلنا
الاهم بالنسبالى انه يكون طبعا فى نفس البلد
جالى فرص عمل كتير فى القاهرة وبمرتبات عالية وفى شركات كبيرة ومنها شغل فى بنوك فى بداية تخرجى لكن طبعا مكنش ينفع بالنسبالى نهائى رغم ان كان ممكن اقيم كام شهر عند خالى وبعدين انقل فرع البنك فى اليكس
لكن طبعا ما تخيلتش اعيش فى بيت غير بيتنا مهما كانت المغريات
بالنسبة للشغل فى اسكندرية مهم جدا تكون شركة محترمة وطبيعة العمل تناسبنى الاهم يكون دخل الشغل مقبول مقارنة بمكان العمل وطبيعته
يعنى نص المرتب فى اليكس مهما كانت الشركة هتدينى خبرات قليلة ولا ضعف المميزات فى كايرو
حلو موضوعك يا n_i_t_e

[abdo_general]

هي Soma عاملة دعاية للكافية دا ولا ايه

وشكلها واخدة عمولة

كل ما ادخل موضوع الاقي الناس بتقول بتخيل وانا قاعد في كافيه Soma

انا خايف في الاخر حد يعمل كافيه بجد ويسميه ( Soma Cafe )

ما علينا

الاولويات في الشغل بتبقي علي حسب انت شغال بقالك قد ايه

يعني انا كان تفكيري كده الي حد ما

اني اول ما اتخرجت

اني بقدم اكتساب الخبرة في العمل علي المرتب وطبعا علي القرب من البيت

بس هو جيه قريب من البيت من عند ربنا

بس المهم الخبرة في الاول

الي بعد كده بخبرتي دي اقدر اجيبها بيها المرتب الي انا نفسي فيه

اكيد بعد سنتين مثلا او اقل كمان

لما احس اني اكتسبت خبرة لا بأس بها

هبداء ادي المرتب الاولوية علي الخبرة اولا لاني بقي عندي جز كبير منها

ثانيا نظير خبرتي انا الي اكتسبتها وعلي اساسها ببص لراتب اعلي

[esam_comm]

والله ياجماعه الموضوع ده محير جدا
انا اول ماتخرجت اشتغلت في شركه كويسه نوعا ما وبعدين الحمدلله اخدت وضع كويس وبقيت امسك مشاريع لوحدي وانا خبره بتاع سنه بس بعد كده الايام بقت تعدي ومابقتش اتعلم جديد لحد مااخدت القرار ورحت شركه كبيره في نفس المجال بس اللي اكتشفته بقي بجد اني مش واخد وضعي زي ماكنت في الشركه القديمه باخد خبره بس فقدت وضعي

[n_i_t_e]

حلو الموضوع دا

بس للاسف انا لسه محددتش اولوياتي فلشغل

لاني لسه محتكتش بالقدر الكافي بالحياة العملية

يعني متعرضتش لازمة مرضية مثلا تخليني احس بقيمة التأمين الصحي

ولا ازمة مالية تخليني احس بقيمة العائد المادي

دا غير اني مش ثابته في محل اقامتي علمدي الطويل فبرده مينفعش احدد دلوقتي

متهيألي لازم بتاع 10 سنين شغل علي ملواحد يقدر يحدد دا

لا عشر سنين كتير جدا و هتكون عدت عليكى فرص كتير....
المشكلة ان ساعات الفرص بتجيلنا و مبنعرفش اهميتها الا بعدين...
Be Dynamic

[n_i_t_e]

انا لسة متخرج ولسة مشتغلتش بس اولوياتى

المرتب يكون مجزى مش شرط يكون كبير بس يكون معقول يعنى
المعامله الجيدة بين الزملاء ورؤساء العمل
شغل ميكونش ادارى نفسي فى حاجة تكون عمليه وفيها حركة والمخ يكون شغال
مش مهم يكون قريب من البيت لو فى المواصفات دى
يكون مكان محترم او شركة محترمة مش شرط تكون كبيرة يعنى
تكون وظيفة ليها مستقبل


سبب تفضيلى للحجات دى
المرتب لازم يكون كويس علشان الاسعار بتزيد بصفة مستمرة
معامله الزملاء ورؤساء العامل تكون باحترام
مبحبش الشغل الادارى بيجيلى ملل لازم حاجة يكون فيها تركيز
مش هتفرق يكون الشغل قريب او لا لو فى المواصفات اللى انا عايزها محدش هيلاقى شغل تفصيل
طبعا يكون مكان محترم علشان لو فى مشكلة حصلت اعرف اخد حقى وبرده لو سبت الشغل يكون معايا خبره من مكان كويس


لو مكان هسافر القاهره وابقى اطمن على اهلى بالتليفون كل يوم
وبعدين يعنى هتكون فى مصر مش مسافر بره يعنى ساعتين تلاته وتكون معاهم فى اى وقت لكن هتكون مستريح فى شغلك نفسيا وهتتعرف على ناس جديدة وتعمل حياه اجتماعيه مع الزملاء
لو هتقابلك مشكلة فى السكن او مش هتعرف تعيش لوحدك يبقى الشغل اللى فى محل اقامتك افضل
مفيش حاجة كامله لازم هتاخد حاجة قصاد حاجة

وربنا يوفقك

أحييك على تنظيم الرد و شكرا لمشاركتك يا حازم

[mahmoudysf]

انا كدة هبدا افكر في مشروع الكافيه

[n_i_t_e]

أول ما اتخرجت قابلت نفس مشكلتك بالظبطططط
بس للاسف فكرت التفكير التقليدى ان الشغل جنب البيت و فيه اصحابى و كمان مرتبه عالى
النتيجه انى بعد تلات سنين اتضطريت اسيب الشغل و ادور على شغل تانى لانى اتجوزت و سكنت فى اهدى مكان على وجه مصر مدينه اكتوبر ... اكتشفت ان التلات سنين دول ضاعوا من عمرى بجد و لقيت ان ليا اصحاب كتير بدؤا بدايات ضعيفه بس فى اماكن اديتهم خبره و دلوقتى هما ماشاء الله اتنقلوا من مكان لمكان لحد ما بقوا حاجه كويسه و انا لسه بادور على الخبره

فبجد انصحك انك تدور على الخبره .. لما يكون عندك خبره هتقدر بعد كده تجيب الفلوس و الشغل اللى يريحك .. من غير خبره الفلوس مش هتدوم و برضه هتلف تلف و تدور على الخبره

اللى يعلمك احسن من اللى يديك فلوس و ينيمك :(

اللى حصلك لعله خير...
كلام منطقى جدا لكن من وجهة نظر تانية...غاية الشغل الأساسية هى العائد المادي قبل كل شىء....و الخبرة عبارة عن فنطرة بتوصلنى للعائد المادي. طب لو العائد المادي انا ضامن انه بدون خبرة هيفضل حوالى سنتين اكتر من العائد فى المكان اللى فيه خبرة.
قطعا الخبرة أفضل بس هل تستاهل تضحيات؟ دي حسب تقييم أولوية الخبرة فى مجتمعنا بالمقارنة بباقى المميزات :) عشان كده حبيت اشوف أولوياتكم عاملة ازاي و ترتيبها ازاي

[n_i_t_e]

هو الكافيه بتاع soma ده اللى دوخنا كلنا
الاهم بالنسبالى انه يكون طبعا فى نفس البلد
جالى فرص عمل كتير فى القاهرة وبمرتبات عالية وفى شركات كبيرة ومنها شغل فى بنوك فى بداية تخرجى لكن طبعا مكنش ينفع بالنسبالى نهائى رغم ان كان ممكن اقيم كام شهر عند خالى وبعدين انقل فرع البنك فى اليكس
لكن طبعا ما تخيلتش اعيش فى بيت غير بيتنا مهما كانت المغريات
بالنسبة للشغل فى اسكندرية مهم جدا تكون شركة محترمة وطبيعة العمل تناسبنى الاهم يكون دخل الشغل مقبول مقارنة بمكان العمل وطبيعته
يعنى نص المرتب فى اليكس مهما كانت الشركة هتدينى خبرات قليلة ولا ضعف المميزات فى كايرو
حلو موضوعك يا n_i_t_e

شكرا على مشاركتك يا بسكوتة :)
على فكرة كلامك خلانى افتكر حاجة لاحظتها...الشركات فى اليكس او بره القاهرة عالعموم متتقارنش بالشركات فى القاهرة...شركات القاهرة النظام أحسن و أغلبها مالتى ناشونال ...كتير من شركات القاهرة بتدي انطباع ان المكان ممم Classy أو حاجة زي كده... البيئة بتتختلف كتير.
بالنسبة لك كنتى حاطة أولوية عالية للبيت و الجو العائلي تخطت حتى أولوية المرتب و خلتيها شرط اساسى غير مقبول التنازل عنه و ربنا يحققلك امانيكى :)

[n_i_t_e]

هي Soma عاملة دعاية للكافية دا ولا ايه

وشكلها واخدة عمولة

كل ما ادخل موضوع الاقي الناس بتقول بتخيل وانا قاعد في كافيه Soma

انا خايف في الاخر حد يعمل كافيه بجد ويسميه ( Soma Cafe )

ما علينا

الاولويات في الشغل بتبقي علي حسب انت شغال بقالك قد ايه

يعني انا كان تفكيري كده الي حد ما

اني اول ما اتخرجت

اني بقدم اكتساب الخبرة في العمل علي المرتب وطبعا علي القرب من البيت

بس هو جيه قريب من البيت من عند ربنا

بس المهم الخبرة في الاول

الي بعد كده بخبرتي دي اقدر اجيبها بيها المرتب الي انا نفسي فيه

اكيد بعد سنتين مثلا او اقل كمان

لما احس اني اكتسبت خبرة لا بأس بها

هبداء ادي المرتب الاولوية علي الخبرة اولا لاني بقي عندي جز كبير منها

ثانيا نظير خبرتي انا الي اكتسبتها وعلي اساسها ببص لراتب اعلي

انت كده قلتلى فكرة مشروع حلوة أوي أنا ممكن افتح كافيه و اسميه كده و هلاقى المنتدي كله جاي عشان يكتب مواضيعه من عنده و ممكن أدي سوما 40% من الأرباح نظير استخدام البراند نيم
انت كلامك جه على حاجة مهمة....لو احنا ناويين نجتهد و نتعب...نتعب فى شبابنا أحسن و احنا لسه بصحتنا عشان لما نكبر نحصد تعبنا ده :) و شكرا على مشاركتك كده انت بترجح الخبرة رقم واحد ...على فكرة انا معايا ما يعادل خبرة 4 سنين بشهادة مديري بس انا من النوع اللى طماع شويه و عايز اتعلم كمان أو اشتغل باللى اتعلمته عشان أطوره

[n_i_t_e]

والله ياجماعه الموضوع ده محير جدا
انا اول ماتخرجت اشتغلت في شركه كويسه نوعا ما وبعدين الحمدلله اخدت وضع كويس وبقيت امسك مشاريع لوحدي وانا خبره بتاع سنه بس بعد كده الايام بقت تعدي ومابقتش اتعلم جديد لحد مااخدت القرار ورحت شركه كبيره في نفس المجال بس اللي اكتشفته بقي بجد اني مش واخد وضعي زي ماكنت في الشركه القديمه باخد خبره بس فقدت وضعي

مسألة الوضع بتكون وقت و اصعب وقت و انت فى شركة لما تبقى لسه جاي ....
بس انت موضوعك مكنش فيه مقارنة محيرة..انت اتنقلت من شركة لشركة أكبر و من مكان تشبعت بخبرته لخبرة جديدة...يمكن بس خسرت الوضع بس ده اعتقد انه مؤقت بس انتقالك ده جه طبيعى جدا.

[Samah AbdAllah]

شكرا على مشاركتك يا بسكوتة :)
على فكرة كلامك خلانى افتكر حاجة لاحظتها...الشركات فى اليكس او بره القاهرة عالعموم متتقارنش بالشركات فى القاهرة...شركات القاهرة النظام أحسن و أغلبها مالتى ناشونال ...كتير من شركات القاهرة بتدي انطباع ان المكان ممم Classy أو حاجة زي كده... البيئة بتتختلف كتير.
بالنسبة لك كنتى حاطة أولوية عالية للبيت و الجو العائلي تخطت حتى أولوية المرتب و خلتيها شرط اساسى غير مقبول التنازل عنه و ربنا يحققلك امانيكى :)

ده حقيقى يا n_i_t_e
حتى كان مؤثر جدا فى اختيار كليتى بعد الثانوية العامة
كان قدامى كليات اعلى خارج اليكس بس لما فكرت للحظة كده انى هعيش فى بلد معرفش فيها حد ومفيش بابا وماما ولا عيلتى ولا اصحابى
ولا حتى الوشوش اللى متعودة اشوفها السوبر ماركت والصيدلية
قولت مستحيل
و ما كتبتش اى رغبة من الرغبات لاى كلية خارج اليكس
عشان اكمل الرغبات كتب كل الكليات الخاصة او حتى اللى مفكرش ادلها بس فى الآخر بس برضه اللى فى اليكس
بس حاليا بفكر اشتغل برة مصر كلها