ايه أولوياتك فى الشغل؟

[shaddadfalcon1]

اول مااتخرجت من 4 سنين كنت في نفس الموقف وكنت مقرر اني هشتغل في القاهره عشان ابقي معتمد علي نفسي وابقي جنب صحابي لاني تقريبا صحابي كلهم عرفتهم في فترة الكليه

طبعا الموضوع ده كان بيحصل بسببه خناقات للصبح بيني وبين اهلي عشان عايزيني ابقي قريب منهم

الحمد لله الشركة اللي شغال فيها فتحت فرع في الأسكندريه في 2005 واشتغلت فيها وهي طبعا اكبر شركة مصريه وفيها كل اللي اتمناه

دلوقتي بصراحه بندم اني مشتغلتش في القاهره لان بالرغم من انها نفس الشركه الا ان في القاهره الوضوع احسن والعدد اكبر بكتييير (احنا هنا 40 واحد لكن في القاهره فوق ال 500 ) وبالتالي كنت هختلط بناس كتيير ومشاريع كتييره وخبره احسن ومرتب اعلي وشركات كتييير
لكن هنا لو سبت الشركه اللي انا فيها مش هعرف اشتغل في حاجه تانيه لانها اعلي حاجه هنا

نصيحه خليك اولا مركز في المرتب عشان تبني حياتك (انا عن نفسي الخبره كنت ممكن احيبها من القراءه)
تاني حاجه اسم الشركه لان ده هيبفرق في ال cv بتاعك
الخبره طبعا هتبقي مضمونه لو في شركة فيها الحاجتبن اللي قبل دي
مش مهم المكان اشتغل حتي لو جالك شغل في المريخ

انا بعد مااتخرجت وشتغلت كنت سافرت تبع الشغل كندا وهناك الناس لمحتلي كتيير انهم عايزيني اشتغل وانا قفلت معاهم ودلوقتي بندم لاني لو واقفت كان زماني دلوقتي ملك زماني ومعايا اللي يضمن لي حياه كريمه في مصر بس هي بتبقي ارزاق وانا من يومي فقري

[زينة الله]

موضوعك جميل و تقريبا كلنا فكرنا فيه أول ما اتخرجنا
و أنا عن نفسى كنت زعلانة جدا أنى ما عرفتش أشتغل فى القاهرة أول ما أتخرجت
لان مجال الكمبيوتر و تكنولوجيا المعلومات هناك أوسع و أكبر من أى محافظة
و تقريبا بتخدم على كل المحافظات باستثناء اسكندرية تقريبا
المهم :
أولا : بالنسبة لمكان العمل لأنى بنت كان صعب انى اسافر يوميا أو أعيش فى القاهرة بعيد عن أسرتى
و المكان اللى أشتغلت فيه قريب من بيتى وفر عليا كتير من مصاريف الانتقال أو عناء المواصلات مع وسيلة الانتقال محترمة جدا لأى بنت أو سيدة بدل البهدله وقلت القيمة فى السفر و موصلات القاهرة المزدحمة

ثانيا : يشاء العليم القدير إن المكان اللى اشتغل فيه بيدأ بعمل بنية لمشاريع تكنولوجية متنوعة و قواعد بيانات متعدده
و هنا بقى ظهر من جديد أختيار الشغل بجد و التدريب و تطوير النفس و فهم كل ما يتم بناءه و اكتساب الخبرة
و لا الإكتفاء بمتابعة المشاريع و استلامها من الشركات الموردة لها و اللى كانت من القاهرة ...و تملئ دماغك بدل الشغل بعمل كام محضر ولجنة و صرف بدلاتها
وطبعا كان أختيارى لاكتساب الخبرة من الظروف المتاحة حواليا بكل الطرق و الحمد لله فرقت معايا كتير مع كل التعب والمعكسات اللى قابلتها من حزب كبر دماغك و شوفلك سبوبة و قفل الورق


ثالثا : بعد أكثر من عشر سنين شغل أكتشف بعض الأمور المهمة

• إنى لما كنت بشتغل مع فريق عمل أى مشروع من الشركات القائمة عليه فى القاهرة إن كل واحد فى الفريق لا يعرف أو يجد غير جزئية صغيرة مسئول عنها يعنى تخصصية بدرجة قاتلة و ممكن يكون بقاله سنين طويلة فى نفس المهمة ، أما بالنسبة لى فقد كنت اتعلم واجيد كل ما يمت للمشروع محل شغلى بصله مما زاد ثقتى بنفسى و كذلك ثقة مديرى و المتعاملين معى من الشركات الأخرى برأيى المبنى على دراسة و على الرؤية الشاملة للمشروع

يعنى الخبرة ممكن تكتسبها فى مكانك وأحسن من الشركات الكبرى كمان

• أما من الناحية المادية فمرتب أقل مع ظروف ميسرة و موفرة فى مصاريف الانتقال و الإقامة ممكن تقلل لحد كبير جدا من الفروق الكبيرة بين المرتبات

• و هناك أيضا راحة البال و البعد عن الزحام و التمتع بحياة الإجتماعية الهادئة و مسئولياتها و صلة الرحم وبر الوالدين أمور لها قدرها وحسابها ايضا

[maka]

الخبرة

الفلوس

السفر

اسم الشركة

القرب من البيت

[ASKAFRAWY]

الخبرة
الفلوس
السفر
اسم الشركة
القرب من البيت

الخبرة
الخبرة
الخبرة
الخبرة
وبعد كدة الفلوس

[n_i_t_e]

ده حقيقى يا n_i_t_e
حتى كان مؤثر جدا فى اختيار كليتى بعد الثانوية العامة
كان قدامى كليات اعلى خارج اليكس بس لما فكرت للحظة كده انى هعيش فى بلد معرفش فيها حد ومفيش بابا وماما ولا عيلتى ولا اصحابى
ولا حتى الوشوش اللى متعودة اشوفها السوبر ماركت والصيدلية
قولت مستحيل
و ما كتبتش اى رغبة من الرغبات لاى كلية خارج اليكس
عشان اكمل الرغبات كتب كل الكليات الخاصة او حتى اللى مفكرش ادلها بس فى الآخر بس برضه اللى فى اليكس
بس حاليا بفكر اشتغل برة مصر كلها

الراحة النفسية مهمة جدا من ناحية الأجتماعيات... على فكرة انا جربت الخيارين بس حيرتى فى أن كل واحد بيقدم ميزة مش عارف اتنازل عنها
لما بتعيشى بعيد عن العيلة الموضوع اه بيكون صعب...ممكن بتكونى صداقات بس برضه مبيبقاش فى راحة نفسية.
و بالنسبة لحضرتك قرارك طبيعى جدا السفر و البهدلة و الغربة للرجل ماشى لكن للست صعبة

لو ناوية على شغل بره استنى ابعتلك السى فى بتاعى و شوفيلى بالمرة شغل فى اي حتة بره

[maka]

الخبرة
الخبرة
الخبرة
الخبرة
وبعد كدة الفلوس

ايوه يا صحبى

ما ده ترتيبى يعنى لو مكانان هيدونى نفس الخبرة بس فيه فرق مادي مجزى فى احدهما فاكيد هاختر الخبرة و الفلوس و ممكن السفر كمان يبقى قبل الفلوس

[ASKAFRAWY]

ايوه يا صحبى

ما ده ترتيبى يعنى لو مكانان هيدونى نفس الخبرة بس فيه فرق مادي مجزى فى احدهما فاكيد هاختر الخبرة و الفلوس و ممكن السفر كمان يبقى قبل الفلوس

انا معاك طبعا بس انا ممكن اختار المرتبه اقل لو اسم الشركة له شأن و سمعة لان دة هيكون مكسب ليا اكتر من الفلوس

[n_i_t_e]

اول مااتخرجت من 4 سنين كنت في نفس الموقف وكنت مقرر اني هشتغل في القاهره عشان ابقي معتمد علي نفسي وابقي جنب صحابي لاني تقريبا صحابي كلهم عرفتهم في فترة الكليه

طبعا الموضوع ده كان بيحصل بسببه خناقات للصبح بيني وبين اهلي عشان عايزيني ابقي قريب منهم

الحمد لله الشركة اللي شغال فيها فتحت فرع في الأسكندريه في 2005 واشتغلت فيها وهي طبعا اكبر شركة مصريه وفيها كل اللي اتمناه

دلوقتي بصراحه بندم اني مشتغلتش في القاهره لان بالرغم من انها نفس الشركه الا ان في القاهره الوضوع احسن والعدد اكبر بكتييير (احنا هنا 40 واحد لكن في القاهره فوق ال 500 ) وبالتالي كنت هختلط بناس كتيير ومشاريع كتييره وخبره احسن ومرتب اعلي وشركات كتييير
لكن هنا لو سبت الشركه اللي انا فيها مش هعرف اشتغل في حاجه تانيه لانها اعلي حاجه هنا

نصيحه خليك اولا مركز في المرتب عشان تبني حياتك (انا عن نفسي الخبره كنت ممكن احيبها من القراءه)
تاني حاجه اسم الشركه لان ده هيبفرق في ال cv بتاعك
الخبره طبعا هتبقي مضمونه لو في شركة فيها الحاجتبن اللي قبل دي
مش مهم المكان اشتغل حتي لو جالك شغل في المريخ

انا بعد مااتخرجت وشتغلت كنت سافرت تبع الشغل كندا وهناك الناس لمحتلي كتيير انهم عايزيني اشتغل وانا قفلت معاهم ودلوقتي بندم لاني لو واقفت كان زماني دلوقتي ملك زماني ومعايا اللي يضمن لي حياه كريمه في مصر بس هي بتبقي ارزاق وانا من يومي فقري

أتفق معاك بخصوص الشغل فى المريخ طالما المرتب كويس ممكن اتنازل عن القرب من البيت و العيلة لأن مينفعش ابقى فرحان قاعد جنب بيتى و مفيش عائد لازم يكون دخلى كويس خصوصا ان اللى على قد حاله هنا مبيخدش الخدمات الطبيعية اللى من حق كل واحد (بهدلة مواصلات لو معهوش عربية - مستشفيات تعبانة - تعليم وحش لأولاده و هكذا)
انما لما يبقي الخبرة قصاد مرتب و استقرار عائلى؟؟! أنا أصلا برضه عملت كام خناقة جامدة مع العيلة على نفس الموضوع لحد ما قررت أرضيهم و كان كلامهم ان طالما المقابل المادي قليل يبقى ملهاش لازمة البهدلة حتى لو مفيش خبرة.
فعلا الفرص اللى قلتها دي تخلى الواحد يتحسر بس ما أخطأك لم يكن ليصيبك و اكيد فى خير جاي

[maka]

انا معاك طبعا :s_thum1[1]: بس انا ممكن اختار المرتبه اقل لو اسم الشركة له شأن و سمعة لان دة هيكون مكسب ليا اكتر من الفلوس

انا عن خبرة بسيطة معظم الشركات ذات الاسم الرنان مرتباتها ومزايها اقل

و هتبقى مكسب فقط لو روحت لحاجة اعلى منها

انا شغال فى شركة ذات اسم كبير محتكرة لصناعة استراتيجية و بمرتب قليل شوية لو رحت انترفيو فى اى حتة اول سوال بيتسال لى عاوز تسيبها ليه ؟؟؟ و نظرات استغراب

[زينة الله]

شوف من الأخر أعمل اللى تقدر عليه فى ظل الظروف المحيطة بك و ما تحملش نفسك فوق طاقتها لأن دوام الحال من المحال
و لو النهاردة متاح لك عمل بأجر عالى و خبرة قليلة حاول تستفيد من الدخل العالى فى تكوين مستقبلك و استغلال الظروف الاخرى زى الخبرة الادارية و تنمية العلاقات العامة
أما لو ظروفك اتاحتلك عمل حتكسب منه خبرة استفيد منها و نمى قدراتك و الفلوس حتيجى بعد كدا بس يا ريت ما تكونش فترة طويلة تضييع فيها حاجات تانية لان حياتنا مش خبرة و عمل وبس و دائما العقل فى التفكير والرب فى التدبير
بس اتعلم من الصينين استغلال الفرص المتاحة

[shaddadfalcon1]

و كان كلامهم ان طالما المقابل المادي قليل يبقى ملهاش لازمة البهدلة حتى لو مفيش خبرة.
فعلا الفرص اللى قلتها دي تخلى الواحد يتحسر بس ما أخطأك لم يكن ليصيبك و اكيد فى خير جاي

كلامهم مظبوط جدا مينفعش الواحد يتغرب ويتبهدل عشان الخبره بس خصوصا لو كنت تقدر تكتسب خبره مع نفسك زي مثلا مجال الكمبيوتر والبرمجه
زمان كنت بقول مستحيل اروح اشتغل في IT Departement مثلا لان ده مش هيديني اي خبره لكن في ظل الظروف الحاليه لو لقيت حاجه كده بره ومرتب جامد بصراحه هروح كام سنه وابقي ارجع ادور علي الخبره

عارف اللي قاهرني ايه في موضوع كندا؟؟
ان كان اقل حاجه هخدها 100 دولار في الساعه لان الشخص اللي كنت هدخل مكانه كان بياخد اكتر من كده بكتيير وده اللي كان بياخده من شركته اللي بعتاه يعني الشركه اللي كنت هشتغل فيها تقريبا كنت بتدي الشركه التانيه دي حاجه فوق ال 200 دولار في الساعه بكتيييييييييير وانا الحمد لله كنت احسن من اللي موجود كتيير لدرجه اني خلصت شغل شهرين في يوم والناس كانت موهومه مع ان ده الطيبعي هنا
اصل لناس هناك كانت مرحرحه علي الاخر

[n_i_t_e]

الخبرة
الخبرة
الخبرة
الخبرة
وبعد كدة الفلوس

حاجة بستغربلها برضه ...فى ناس كتير بتجري على شركات البترول الحكومية...دي بقى فلوس بس خبرة مش أوي - حضرت مرة مع موظفين مكتبيين و شغلهم كان عادي و مش كتير و عندهم فراغ بس مبسوطين- ...الشغل مش كتير للدرجة بالمقارنة لمجالات تانية زي الأي تى أو التطبيقات الصناعية. ساعات بسأل نفسى ازاي متكيفين على وضع (Money - zero experience)
انا كان رأيى زمان زي حضرتك بس الأراء حواليا بأن ( ده تفكير مثالى فى منظومة شغل غير مثالى - الكلام ده بره مش فى مصر - اشتري دماغك - الغلاء و ارتفاع الأسعار ميسمحش بالمخاطرة بخبرة ممكن تجيب فلوس و ممكن لأ فى زمن الوسايط ده) و تلاقى فعلا الأولويات بتتختلف زي ما هى مختلفة حتى بين الأعضاء :)

[maka]

بس اتعلم من الصينين استغلال الفرص المتاحة

+1

الفرصة اللى بتروح مبترجعش

[ASKAFRAWY]

انا عن خبرة بسيطة معظم الشركات ذات الاسم الرنان مرتباتها ومزايها اقل

و هتبقى مكسب فقط لو روحت لحاجة اعلى منها

انا شغال فى شركة ذات اسم كبير محتكرة لصناعة استراتيجية و بمرتب قليل شوية لو رحت انترفيو فى اى حتة اول سوال بيتسال لى عاوز تسيبها ليه ؟؟؟ و نظرات استغراب

لان النترفيو فى مصر مايهمش انت مرتاح فى الشركة ولا لا...ما يهموش انت مرتاح نفسيا...المترب مش مكفى...وراك التزامات...حاجات كتير جدا
انا بقالى 8 سنين بشتغل...اشتغلت خلالهم فى 6 شركات ذات شأن فى المجال البحرى...كانت افضلهم بالنسبالى اقلهم مرتب و كنت مرتاح فيها....لحد ما قررت ان اسيب البحر و فكرت اتجه للشركات الملاحية او هيئات الاشراف...الوضع اختلف لان بقى المرتب كويس لكن مفيش راحة نفسية
من الاخر صعب تحقق كل البتتمناه فى مكان واحد....الحلو ما يكملش يا زعيم

شوف من الأخر أعمل اللى تقدر عليه فى ظل الظروف المحيطة بك و ما تحملش نفسك فوق طاقتها لأن دوام الحال من المحال
و لو النهاردة متاح لك عمل بأجر عالى و خبرة قليلة حاول تستفيد من الدخل العالى فى تكوين مستقبلك و استغلال الظروف الاخرى زى الخبرة الادارية و تنمية العلاقات العامة
أما لو ظروفك اتاحتلك عمل حتكسب منه خبرة استفيد منها و نمى قدراتك و الفلوس حتيجى بعد كدا بس يا ريت ما تكونش فترة طويلة تضييع فيها حاجات تانية لان حياتنا مش خبرة و عمل وبس و دائما العقل فى التفكير والرب فى التدبير
بس اتعلم من الصينين استغلال الفرص المتاحة

+1111111111
فعلا راى سليم وحاولت تطبيقة...وفشلت والحمد لله فى تحقيقه

[maka]

من الاخر صعب تحقق كل البتتمناه فى مكان واحد....الحلو ما يكملش يا زعيم

صح , محدش بياخد كل حاجة


فعلا راى سليم وحاولت تطبيقة...وفشلت والحمد لله فى تحقيقه

هههههههههههههه