إلى كل المدخنين وغير المدخنين بالمنتدى شارك برأيك ( رأيك مهم ) ...

[sokasoon]

ظهرت منذ اسبوعين تقريبا على مجموعة من علب السجائر صورة تظهر

الرئة المصابة بالسرطان فى نية من شركات التدخين لتوعية المدخنين بنتائجه

اولا : ما رأيك فى هذه الخطوة من شركات التدخين

ثانيا : هل هى فكرة مجدية بالفعل تجعلك تمتنع عن التدخين

ثالثا : ما هو الحل فى رأيك للقضاء على التدخين نهائيا

هذه الاسئلة وغيرها تراودنى كثيرا ولم اجد لها إجابة

ولاكن لى وجه نظر فى القضاء على التدخين سأثردها لكم ولاكن اريد

ان اعرف اولا الاجابة من المدخنين وغير المدخنين بما انى غير مدخن

[محمد ابراهيم 1]

طبعا شركات السجائر لا تبغى توعيه الناس
هى تبغى الربح فقط
الشعار الجديد مفروض عليها مش بمزاجها
الشعارعلى ما اعتقد لن يقدم ولن يؤخر

[hesham2004]

بفضل الله وحده بطلت تدخين من اربع سنوات
دعوت ربنا بصدق ان يخلصنى من العادة دى و اخلصت فى الدعاء و ايقنت بالأجابة ، و اخذت بالأسباب ( ماشتريتش سجاير و لا استخدمت الموجود عندى و رفضت العزومة عليها ) و الحمد لله ربنا استجاب لدعائى و ربنا يدمها عليا نعمة و يصيبكم من فضله .

[حماده عزو]

أنا الحمد لله مبدخنش
وبصراحه ببوص للى بيدخن على أنو
شحط ماسك بزازه

[m7md_hany2]

بفضل الله وحده بطلت تدخين من اربع سنوات
دعوت ربنا بصدق ان يخلصنى من العادة دى و اخلصت فى الدعاء و ايقنت بالأجابة ، و اخذت بالأسباب ( ماشتريتش سجاير و لا استخدمت الموجود عندى و رفضت العزومة عليها ) و الحمد لله ربنا استجاب لدعائى و ربنا يدمها عليا نعمة و يصيبكم من فضله .

أنا مشفتش الصورة دي غير علي الكليوبترا بس الصراحة و أنا كدة كدة مبشربش كليوبترا :D:D:D
بس شفتها وبصراحة لو مكنش معايا سجاير كنت هاخد من العلبة عادي جدا أكني مشفتش حاجة :D

و بصراحة ..... أنا نش عارف ليه حتي مبفكرش أني ابطلها

[fahd_628]

انا مش بدخن الحمد لله

[kimo-nubira]

انا الحمدلله كده بقالي 9 ايام مبطل السجاير من غير ما اشوف الصوره ديه

بس ادعولي ان ربنا يثبتني واقدر اكمل بس والله انا حاسس اني فوقت ومافيش

صداع ولا دوخه ولا الكلام اللي بيقوله الناس ده ساعات بحس اني عايز اشرب سجاره

بس بلهي نفسي في اي حاجه وبنسها وربنا يتوب علينا منها علي فكره انا كنت بدخن من 12 سنه

[msoliem]

ربنا يعين اخوانا اللى بطلو تدخين , والله انا بفرح كل لما بسمع ان فى حد بطل تدخين , يمكن لأنى بحاول مع والدى بقالى 15 سنة ولسه منجحتش انى اخليه يبطل , مش قادر اتخيل ان فى حد بيدفع فلوس عشان يعدم صحته ..

وعلى فكرة , فى فكرة لا انسبها لنفسى و لكن انا شفت صيدلى معرفه نفذها و كانت رائعة

كان مدخن شرس و لما عزم على الاقلاع بقى يوميا بيحوش الفلوس اللى كان بيشترى بيها السجاير كأنه لسه بيشرب بالظبط ولما جمع مبلغ محترم طلع عمل عمرة شكرا لله على انه بطل السجاير

لو قعدنا نحسب الفوايد اللى حصلها من التجربة دى تقريبا لا تحصى
وتانى ربنا يعين اخوانا اللى بطلو تدخين ويساعدهم ياخدوا بايد غيرهم ان شاء الله

[Xpert]

الحمد لله مابدخنش ... و ان شاء الله هافضل كده ...

[Islam_galal]

الحمد لله لا أدخن

[douha_wise]

انا الحمدلله كده بقالي 9 ايام مبطل السجاير من غير ما اشوف الصوره ديه

بس ادعولي ان ربنا يثبتني واقدر اكمل بس والله انا حاسس اني فوقت ومافيش

صداع ولا دوخه ولا الكلام اللي بيقوله الناس ده ساعات بحس اني عايز اشرب سجاره

بس بلهي نفسي في اي حاجه وبنسها وربنا يتوب علينا منها علي فكره انا كنت بدخن من 12 سنه

أسأل الله العلى العظيم رب العرش العظيم أن يبعدك عنها تماما و يثبتك و يغفر لك ذنوبك جميعا و يطهرك و يزكيك

[hamedo0]

هو انا الحمد الله مابدخنش

[Khalid_Mostafa]

معتقدش ان الصوره حتكون ليها اي اثر ..لأن ببساطه الي بيدخن عارف يقيناً ان التدخين ضار جداً بالصحة ومع ذلك بيخن برضه .إن مكانتش النية في الإقلاع عن التدخين تأتي من الشخص نفسه يبقي مش حينفع اي ضغط عليه وبصراحة بأعتبر ان الي بيبطل التدخين ده بطل من الأبطال
كمان ملاحظ ان في السنوات الأخير بدأت هذه الظاهره في الإنحسار نوعاً ما

[فادى]

الصورة ظهرت فى الكيلوباترا بس عشان كده مش فارقة لانى بطلت الكوكو من زمان.
لكن الصورة فعلا مزعجة, و عشان كده فيه ناس ابتدو يحطو ورقة بيضا تخبيها بين العلبة و البلاستيك و بكده الصورة متظهرش:).

[omarico]

يد واحدة

يللا ندعوا الى شعار عدم التدخين في كل مكان