إلى كل المدخنين وغير المدخنين بالمنتدى شارك برأيك ( رأيك مهم ) ...

[aif]

انا الحمدلله كده بقالي 9 ايام مبطل السجاير من غير ما اشوف الصوره ديه

بس ادعولي ان ربنا يثبتني واقدر اكمل بس والله انا حاسس اني فوقت ومافيش

صداع ولا دوخه ولا الكلام اللي بيقوله الناس ده ساعات بحس اني عايز اشرب سجاره

بس بلهي نفسي في اي حاجه وبنسها وربنا يتوب علينا منها علي فكره انا كنت بدخن من 12 سنه

مبروك يا كيمو عقبال ما يبقو 9 سنوات اوعي تضعف وتدخن اي شيء .. شيشة بايب سيجار اوعي
انت ح تشعر انك اتولدت من جديد بعد الاقلاع عن التدخين
علي فكرة ابراهيم ابني مش بيحب المدخنين :D
وانت حر بقي

انا قعدت حوالي 15 سنة ادخن وبطلت من 9 سنوات
مش جدعنة ولا ارادة ولا كلام من ده
ده فقط بفضل الله انا كنت بانوي ابطلها ابتغاء مرضاة الله علشان ده شيء بيغضب الله وربنا تاب عليا والحمد لله

[sokasoon]

اولا انا بشكر كل من ساهم بالمشاركة فى هذا الموضوع

ثانيا يا ريت كل واحد عندو فكرة او تجربة للاقلاع عن التدخين يقولها

فكرة شخصية يعنى تبطل التدخين بنفسك او فكره عامة تمنع تداول السجائر تماما ...إلخ

انا هقول فكره تناقشت فيها مع احد اصدقائى يمكن تكون مستحيلة ولاكن مافيش شىء مستحيل
وهى :

اولا : تحويل شركات صناعة السجائر من صناعة السجائر الى صناعات اخرى مفيدة تفيد البلد

ثانيا : منع استيراد السجائر من الخارج

ثالثا : تغريم اى شخص يدخن السجائر فى الاماكن العامة او غيرها مبلغ من المال

اذا قدر الشخص الحصول عليها بطرق اخرى

لو بصينا للنسب تقريبا هنلاقى ان 5% تقريبا نجح فى انو يبطل السجائر

ونسبة منهم بيرجعلها تانى بعد فترة

و80% بيدخن السجائر و15% مابيدخنش خالص ونسب التدخين فى ازدياد

شديد والنساء فى ازدياد اكثر

علشان كده لو قولنا كل واحد يبطل بنفسه مش هيبطل بعدين كل مدخن مش بيضر نفسه

لوحدو هو بيضر غيرو صديقه -- ابنه -- زوجته -- إاخ

والغرامات الكلام الفاضى اللى بيحصل ده كله فى الهوا لازم يكون في قرار حـــــــازم

انا الحمدلله كده بقالي 9 ايام مبطل السجاير من غير ما اشوف الصوره ديه

بس ادعولي ان ربنا يثبتني واقدر اكمل بس والله انا حاسس اني فوقت ومافيش

صداع ولا دوخه ولا الكلام اللي بيقوله الناس ده ساعات بحس اني عايز اشرب سجاره

بس بلهي نفسي في اي حاجه وبنسها وربنا يتوب علينا منها علي فكره انا كنت بدخن من 12 سنه

ربنا يثبتك ان شاء الله

واحيك على هذه الخطوة ويارب تبطلها على طــول

يللا ندعوا الى شعار عدم التدخين في كل مكان

يـــــاريــت وانا معاك

[د.اسماعيل النجار]

الحمد لله مبطل تدخين من 14 سنه وكنت فاكر الاقلاع عن التدخين مستحيل طلع انه محتاج 3 حاجات ارادة ثم ارادة ثم ارادة وربنا مع الجميع

[aif]

ثالثا : تغريم اى شخص يدخن السجائر فى الاماكن العامة او غيرها مبلغ من المال

المشكلة مين اللي ح يطبق الكلام ده ... الاشخاص اللي المفروض يمنعو الناس من التدخين في الاماكن العامة للاسف معظمهم بيدخنو
لاحظ كده الاماكن اللي مكتوب فيها ممنوع التدخين ح تلاقي اللي بيدخنو هما العاملين في المكان ... ويمكن كمان هما اللي كاتبين اللافتات بتاعت ممنوع التدخين
ربنا يتوب علي المدخنين

[kimo-nubira]

مبروك يا كيمو عقبال ما يبقو 9 سنوات اوعي تضعف وتدخن اي شيء .. شيشة بايب سيجار اوعي
انت ح تشعر انك اتولدت من جديد بعد الاقلاع عن التدخين
علي فكرة ابراهيم ابني مش بيحب المدخنين :D
وانت حر بقي

انا قعدت حوالي 15 سنة ادخن وبطلت من 9 سنوات
مش جدعنة ولا ارادة ولا كلام من ده
ده فقط بفضل الله انا كنت بانوي ابطلها ابتغاء مرضاة الله علشان ده شيء بيغضب الله وربنا تاب عليا والحمد لله

مش هاضحك عليك يا احمد شربت شيشه مرتين بس لان اصاحبي قدامي بيدخنو وانا كنت هاخد منهم سجاير ف قولت بلاش

علشان ما اضعفش قدام السجاير تاني مش اكتر لاكن انا مش بشرب شيشيه اصلا ... وقول لهيما اني هابطل مخصوص علشان يحبني :)

والحمدلله ان ربنا تاب عليك منها ادعيلي بقي اكمل زيك كده وبجد انا حاسس اني فوقت كتير عن الاول والحمدلله

[kimo-nubira]

أسأل الله العلى العظيم رب العرش العظيم أن يبعدك عنها تماما و يثبتك و يغفر لك ذنوبك جميعا و يطهرك و يزكيك

اميـــــــــــــــن يـــــــــــــــارب العــــــــــــالمــــــين

متشكر اخي ممدح علي الدعوه الجميله ديه وربنا يحفظنا جميعاا من اضرار التدخين ويبعدنا عنها إن شاء الله

[dr_3eshoo]

و الله الحاجه الوحيده الي تخلي الواحد يبطل تدخين هي الاقتناع مش اكتر اما الصور و الحورات
و النصايح ده اسمه هجص <انا اسف في التعبير بس ده رايي>

[Ashraf A.Kader]

الحمد لله لا ادخن عقبال باقي الاعضاء

[aif]

الحكاية دي حصلت فعلا
واحد مدخن راح مع واحد صاحبة بيشتغل في شركة صناعة سجاير..
صاحبة دخلة المخازن بتاعت التبغ ... التبغ علي شكل بالات مخزنة في مخزن كبير جدا والرائحة فظيعة لأنهم لازم يتركو التبغ لغاية ما يتخمر علشان كدة السيجارة بتفضل مشتعلة لو تركتها في الطفاية لأنها تحتوي علي الكحول
المهم بع كدة دخله علي المفرمة وهي جهاز عملاق لفرم التبغ توضع به بالات التبغ بواسطة اوناش ويتم فرمها عدة مراحل حتي تصبح بشكل التبغ الذي تراه في السيجارة ثم يتم اعادة تجفيفه وتحميصة بدرجة معينة مرة اخري حسب مراحل التصنيع .. الراجل لاحظ اصوات غريبة اثناء عملية الفرم زي ما تكون اصوات صراخ لكنها مش منتظمة زي صوت الماكينات
ولما سأل صاحبه عن الاصوات الغريبة دي .... كانت المفاجأة الكبري
الاصوات دي صوت الفيران والعرس اللي دخلت جوه البالات اثناء تخزينها الذي يستغرق شهور ولما البالات بتتفرم بيتفرم معها ما لذ وطاب من العرس والفيران وبعض الحيوانات والحشرات الاخري ودة صوتها .....

[Xpert]

عادي .. و صوت المكانس و المقشات و مخلفات النشاره و و و ....

[hesham2004]

الحكاية دي حصلت فعلا
واحد مدخن راح مع واحد صاحبة بيشتغل في شركة صناعة سجاير..
صاحبة دخلة المخازن بتاعت التبغ ... التبغ علي شكل بالات مخزنة في مخزن كبير جدا والرائحة فظيعة لأنهم لازم يتركو التبغ لغاية ما يتخمر علشان كدة السيجارة بتفضل مشتعلة لو تركتها في الطفاية لأنها تحتوي علي الكحول
المهم بع كدة دخله علي المفرمة وهي جهاز عملاق لفرم التبغ توضع به بالات التبغ بواسطة اوناش ويتم فرمها عدة مراحل حتي تصبح بشكل التبغ الذي تراه في السيجارة ثم يتم اعادة تجفيفه وتحميصة بدرجة معينة مرة اخري حسب مراحل التصنيع .. الراجل لاحظ اصوات غريبة اثناء عملية الفرم زي ما تكون اصوات صراخ لكنها مش منتظمة زي صوت الماكينات
ولما سأل صاحبه عن الاصوات الغريبة دي .... كانت المفاجأة الكبري
الاصوات دي صوت الفيران والعرس اللي دخلت جوه البالات اثناء تخزينها الذي يستغرق شهور ولما البالات بتتفرم بيتفرم معها ما لذ وطاب من العرس والفيران وبعض الحيوانات والحشرات الاخري ودة صوتها .....

فعلا الكلام ده صح و بالأضافة انه فى مخازن فى الجمارك مخصوصة للدخان الخام ، بيتخزن فيها بالات الدخان بالشهور الطويلة و ربما اكتر من سنة ، و طبعا مش حوصفلكم الفئران بتاعت الميناء ، اجدع من الأرانب الفرنساوى ، بتعيش و بتتكاثر و بتخرج فضلاتها و بتموت و بتتعفن جوه بالات الدخان ، و كله بيتحرق و يطلع من النخاشيش ، و طبعا اكيد انتو عارفين المعسل بيتعمل ازاى ، نفس التبغ + جلسرين و يخمر و يلم الحشرات الى بتحب الحاجة الحلوة و احرق يا باشا ، و اعتقد ان كل الدخان الخام فى كل مصانع العالم بيحصل فيه الى بنتكلم عنه ، عشان محدش يقول انا بشرب مستورد او باشرب بايب ، او سيجار ، كله زفت فى زفت
ربنا يتوب عن المدخنين اجمعين و يثبت المقلعين عنه و يبعده عن كل السامعين ، آمين

[Zabady]

هذه الخطوة من شركات التدخين جيدة جدا ولكن السبب في ذلك هو تخليص الذمة أمام الله

هل هى فكرة مجدية بالفعل تجعلك تمتنع عن التدخين لا تجعلني أفكر في الامتناع عن هذا النوع والتغير إلي نوع أخر

الحل فى رأيي للقضاء على التدخين نهائيا اغلق جميع شركات السجائر:):):)


أنا شايف أني التدخين حاجة غلط جدا جدا جدا جدا جدا

[محمد قاسم]

أساسا معظم المدخنين بيعرفوا أضراره

[sss]

نصيحتي للي ناوي يبطل انه اولا يستعين بالله و يخلي نيته خالصة لوجهه سبحانه علشان ربنا يعينه
وانه يفتكر يوم القيامة لما هيسأل عن شبابه وعن صحته هيكون رده ايه
حرام حاجة زي السجاير تحرمه من رضا ربنا و عفوه
ونصيحتي العملية و في ناس جربتها انه يستخدم السواك"اظن كلنا نعرفه" كل متجيله الرغبة في التدخين لان ده شئ نفسي بيعوضه عن مسكة السجاير و حطتها في بقه لان جزء من ادمان السجاير هو التعود على مسكتها و حطتها في الفم
و طبعا كل النصايح اللي فاتت خاصة انه ما يخدش سجاير من اي حد بيعزم عليه حتى لو اضطر انه يبعد شوية عن اصحابه المدخنين لحد ما عزيمته تقوى
و ربنا يتوب على كل المدخنين و يعافينا واياهم