ايه رائيكم فى ال يعرفك عشان معاك عربيه

[vodanet]

ايه رائيكم فى الاشخاص الى تعرفك عشان معاك عربيه سواء بقى معاك فى الشغل او فى الجامعه او فى كورس
اى كان ..لان انا قابلت اشخاص كتير مش بيكلمونى الا انت رايح جامعة ساعه كام ؟ انت هتخلص محاضرات امتى ؟!
انا مش متعصب انى مخدش حد يركب معايا ده بالعكس انا لا افضل انى اسوق لوحدى لانكوا عارفين شوارع المحروسه والحرامية والحوادث وكده لايحبذ ان تمشى لوحدك

كنت عايز اسمع منكوا برضو بتقابلوا نفس الاشخاص ديه وبتعملوا ايه معاهم ؟
how to deal wiz 'em

[nouranwar]

بيبقوا باينين قوي قوي و طبعا بتنفضلهم
و طبيعي بيبقي متعلم عليهم

[ashraf_msd]

لما اكتشف انه بيتسنكح عليا عشان اوصله بصراحه باخد منه فلوس (وعملتها كتير)
طالما عاملني تاكسي يبقى يدفع
وبنكمل صحاب عادي مافيش اي مشكلة

[ahmad--ezzat]

لا طبعا الواحد ميخدش فلوس من حد....بس الواحد بيعرف اللى بيتمصلح عليه من اللى بيحبه...بيبان يعنى

وطبعا الوش الخشب وهو بعد كده بيحس

[MaZaGAngeE]

ممكن تستفيد منهم كتير
زي ما هوه بيستفيد منك انت كمان ممكن تشغله عندك

[vodanet]

هو الموقف مش بالسهولة ديه لان فيه ناس بتبقى عارفك عشان جاجه عندك او معاك و يبدائوا يعاملوك كويس ! مع ان لو الحاجه ديه مش موجوده ممكن ولا يعبرك !
i hope u got my point

[AhMeD EzZ]

كلمة واحدة بس
متركبس معايا
لو تنح زيادة عن اللزوم
ادفع بنزين و باركنج

[vodanet]

كلمة واحدة بس
متركبس معايا
لو تنح زيادة عن اللزوم
ادفع بنزين و باركنج

جارى التجربه ههههههههه
بس ما اظنش ان ينفع تقول لحد كده

[ashraf_msd]

لما صاحبك يبقى عايز منك مصلحه مش معناه نهائي انه صديق غير وفي أو انه مصلحجي وبتاع

الصداقه اساسا 80% تعاون و10% نصيحة و10% تقضية وقت فراغ

يبقي اية العمل عشان احافظ علي صديقي وما اخسروش وفي نفس الوقت ما اسمحلوش يتسنكح عليا؟؟؟
أخد منه حق التوصيله

او زي ما قال الاخ ادفعه باركينج وبنزين

[ahmedelshahawy]

صدر الطرشة و أخلع منه

[azmeralda]

طالما عرفت ان ده السبب الوحيد انه بيعاملنى كويس ومن غيره معاملة مختلفة انا عودتهم انى مبوصلش حد
طبعا هيموتوا منى بس مش مهم اصحابى اللى بحبهم الحقيقيين اللى بيقفوا جنبى بس هم اللى يستاهلوا

انما دول دخلوا فى سكة رايحة فين ومش لازم تروحى المشوار ده النهاردة طب خليه بالليل مش بعد الشغل كأنى هغير نظام حياتى عشان اوصلهم
وبدئوا يطلبوا اوصلهم فى حتت مش طريقى اصلا وبعيدة تماما عنى كمان
وبعدين السكرتارية والعمال عايزين يركبوا والعربية بقت ميكروباص
و
الاقى واحدة بتعزم واحدة من غير متستأذن منى وحاجات غريبة
واللى خلانى آخد الموقف بقوة ان بعد الحادثة العربية قعدت شهور تتصلح الناس اللى معاهم عربيات وبسواق و جنب بيتى كانوا بيعدوا من قدامى وانا مستنية تاكسى ومبيعرضوش على توصيلة قلت ايه ده وكمان لقيت انهم بيزودوها معايا عن مع غيرى قلت لأ يقولوا على كلام مش مهم بس اريح دماغى
ما كنت طول عمرى من غير عربية
وعمرى ما فرضت نفسى على حد

[haroun707]

اهرب يا مليجى

الناس دى انا افضل اسافر من غيرهم ولوحدى فى العربية على انى اركب حد انا حاسس انه بيستأفنى

[MRBEBO]

عادي بس ميكونش السبب الوحيد اللي بيعرفني علشانه

ممكن لو كان انسان كويس ولذيذ وقعدته حلوة الواحد يفوت ... لان للاسف الحياة كلها مصالح .... مفيش صداقة للصداقة .... ده حتى القرايب بتلاقي فيهم النوعية المصلحجية دي

[X_MM_X]

استفيد منهم في حاجه تانيه

[تامر.محمد]

لو ده السبب الوحيد و من غيره هايعاملوك وحش او مش هايطلعوا جدعان معاك في اي حاجة تانية
اقلب فورا و صدر الوش الخشب