ايه رائيكم فى ال يعرفك عشان معاك عربيه

[ahmedsamir5edr]

[لما صاحبك يبقى عايز منك مصلحه مش معناه نهائي انه صديق غير وفي أو انه مصلحجي وبتاع

الصداقه اساسا 80% تعاون و10% نصيحة و10% تقضية وقت فراغ

يبقي اية العمل عشان احافظ علي صديقي وما اخسروش وفي نفس الوقت ما اسمحلوش يتسنكح عليا؟؟؟
أخد منه حق التوصيله

او زي ما قال الاخ ادفعه باركينج وبنزين
[/quote]


+111111111111111111111111

أنا أصحابي بنتعامل كده
و مش معني كده أنها مصلحه
و كمان دي بتشيل الحرج علي الطرفين

[Ralliart]

انا بتعامل معاه بنفس الطريقه اللي هو بيتعامل بيها يعني اكيد في يوم من الايام هتستفيد منه في حاجه تانيه وبعدين اكيد هتنشأ صداقه بينكم مش هتبقى مجرد عربيه بتوصله

[kamalsalem]

ركب قادف في الكرسي اللي جنبك، و ف اول يوم اقدف صاحبك برة العربية، وبعد كده اللي يقولك وصلني قوله القاذف بيلمس

[vodanet]

طالما عرفت ان ده السبب الوحيد انه بيعاملنى كويس ومن غيره معاملة مختلفة انا عودتهم انى مبوصلش حد
طبعا هيموتوا منى بس مش مهم اصحابى اللى بحبهم الحقيقيين اللى بيقفوا جنبى بس هم اللى يستاهلوا

انما دول دخلوا فى سكة رايحة فين ومش لازم تروحى المشوار ده النهاردة طب خليه بالليل مش بعد الشغل كأنى هغير نظام حياتى عشان اوصلهم
وبدئوا يطلبوا اوصلهم فى حتت مش طريقى اصلا وبعيدة تماما عنى كمان
وبعدين السكرتارية والعمال عايزين يركبوا والعربية بقت ميكروباص
و
الاقى واحدة بتعزم واحدة من غير متستأذن منى وحاجات غريبة
واللى خلانى آخد الموقف بقوة ان بعد الحادثة العربية قعدت شهور تتصلح الناس اللى معاهم عربيات وبسواق و جنب بيتى كانوا بيعدوا من قدامى وانا مستنية تاكسى ومبيعرضوش على توصيلة قلت ايه ده وكمان لقيت انهم بيزودوها معايا عن مع غيرى قلت لأ يقولوا على كلام مش مهم بس اريح دماغى
ما كنت طول عمرى من غير عربية
وعمرى ما فرضت نفسى على حد

11111111111+

ركب قادف في الكرسي اللي جنبك، و ف اول يوم اقدف صاحبك برة العربية، وبعد كده اللي يقولك وصلني قوله القاذف بيلمس

:b4_611:

[nouranwar]

ركب قادف في الكرسي اللي جنبك، و ف اول يوم اقدف صاحبك برة العربية، وبعد كده اللي يقولك وصلني قوله القاذف بيلمس

[osama.m]

الحكاية دي كتير في الكلية ... بلاقي ناس عادية و تعاملي معاهم سلام و خلاص مش اكتر .. لما يشوفوني راكب عربية تلاقيهم تاني يوم بيقولولك انت ساكن فين :d
بس مش بحب اركب حد معايا عشان مش بحب حد يقوللي اعمل كذا و متعملش كذا .. لانهم بيبقوا فاكرين انهم ممكن يسوقوا احسن منك مليون مرة
لو اتزنقت و حد منهم ركب معايا بيدفع بنزين :d
بس اصحابي اصحابي عادي و حكاية التوصيل لاي مكان مش مشكلة بيننا

[fouady]

الردود غريبة بعد الشيء هههههههه بالنسبلي أنا شيف لو صاحبي من صحابي اللي هم عشرة يعني عدي جدا إنه ياتمصلح عليا فـحتت التوصيل ديه لاني مش باسمها بصرحة مصلحة لانو ده واجب عليَّ زي ماهو لو عالعكس هيبقى عليه برده لكن لو واحد معرفة أول امبارح وكل شوية تعلى وصلني وال كلام ده أنا برفض بس مش صريحة ب اعتذرت تبين اد إيه هو معفن هههههههههههههههه

[omar-saad]

والله ياجماعة الموضوع عادى
لو هوة فى سكتى هاخدة
مش فى سكتى مش هاخدة
العربية مش هايحصللها حاجة يعنى لما يركب
وكله بثوابه

[ahmed elsherif]

انا سعات كتير افكر في الموضوع ده بالنسبه للزمايل مش الاصحاب.. ناس كتير اوي من زمايلي ايام الثانوي مكنوش لهم علاقه بيا غير سلام سلام اما جبت العربيه وبقت معايا ناس كتير اوي قربت مني ويكلموني عشان اروح زفة اي حد فيهم او تبعهم وانا طبيعتي بتحرج جدا ومقدرش اقول لحد لا ومش بعرف اصدر الوش الخشب ده خصوصا اني انا وهما في وش بعض دايما بشوفهم كتير مش عارف لو مكنش معايا عربيه كان حد من دول هيعبرني ولا يعزمني في فرحه حتي ؟؟؟

[vodanet]

انا سعات كتير افكر في الموضوع ده بالنسبه للزمايل مش الاصحاب.. ناس كتير اوي من زمايلي ايام الثانوي مكنوش لهم علاقه بيا غير سلام سلام اما جبت العربيه وبقت معايا ناس كتير اوي قربت مني ويكلموني عشان اروح زفة اي حد فيهم او تبعهم وانا طبيعتي بتحرج جدا ومقدرش اقول لحد لا ومش بعرف اصدر الوش الخشب ده خصوصا اني انا وهما في وش بعض دايما بشوفهم كتير مش عارف لو مكنش معايا عربيه كان حد من دول هيعبرني ولا يعزمني في فرحه حتي ؟؟؟

[نور القمر]

والله ياما ناس كانوا قريبين ويسألوا ويطمنوا عشان ليهم مصلحة معينة
وبعد المصلحة ماتنتهي يبقوا كأنهم مكانوش يعرفوك اصلا
الواحد جاله اكتئاب من طبيعة البشر ومبقتش اثق في حد وبعدت عن الناس كلها
انا فاهمة قصد صاحب الموضوع
هو مش معارض ولا رافض انه ياخد حد معاه في العربية
هو بس بيستنكر ان الناس دي مش بتسأل عنه ولا بتتصل إلا لو كان ليها مصلحة

[A7MED_PHARMA]

موضوع المصلحة علشان العربية ده ..حاجة تقرف
أنا إتعملت أصدر الوش الخشب علشان السبب ده بالذات
أول ماسبت كفر الشيخ..وروحت قعدت في الشرقية في بيتنا لوحدي
بيتنا فاضي + عربية + كمبيوتر + فلوس

لقيت إلي هب ودب ..يشوفني يسلم عليا
إلي أعرفه ..وإلي عمري ماشوفته قبل كده
والناس دي بيبقا عندها تناحة غريبة
يعني واحد معرفوش خالص ..جي عاوزني أزف أخت واحد صاحبه
ماهو أبو بلاش ..كتر منه

[misoalex]

عادي بس ميكونش السبب الوحيد اللي بيعرفني علشانه

ممكن لو كان انسان كويس ولذيذ وقعدته حلوة الواحد يفوت ... لان للاسف الحياة كلها مصالح .... مفيش صداقة للصداقة .... ده حتى القرايب بتلاقي فيهم النوعية المصلحجية دي

فعلا كلام مظبوط ولازم نفوت ونطنش شويه الا لو الموضوع زاد عن حده
غير ان زى مصاحبى بياخد لازم يدى ولو هو من النوع الى بياخد بس يبقى بالسلامه مش عاوز اعرفك غير بالسلام فقط

مش شرط يدفع بنزين وباركينج الحياه مش كلها فلوس بس ده المفروض صاحبى يعنى انا لو محتاج خدمه او مساعده منه المفروض يقف جنبى ولو معملش كده يبقى خساره فيه كلمه صاحبى يتقال عليه معرفه مش صاحب


لكن النوعيه بتاعه الى يفرض نفسه عليك عشان توصله بالعافيه ده وهو مجرد معرفه او زميل فى اى مكان ده حاول تصدرله الطرشه

[vodanet]

والله ياما ناس كانوا قريبين ويسألوا ويطمنوا عشان ليهم مصلحة معينة
وبعد المصلحة ماتنتهي يبقوا كأنهم مكانوش يعرفوك اصلا
الواحد جاله اكتئاب من طبيعة البشر ومبقتش اثق في حد وبعدت عن الناس كلها
انا فاهمة قصد صاحب الموضوع
هو مش معارض ولا رافض انه ياخد حد معاه في العربية
هو بس بيستنكر ان الناس دي مش بتسأل عنه ولا بتتصل إلا لو كان ليها مصلحة

بالظبط كده

موضوع المصلحة علشان العربية ده ..حاجة تقرف
أنا إتعملت أصدر الوش الخشب علشان السبب ده بالذات
أول ماسبت كفر الشيخ..وروحت قعدت في الشرقية في بيتنا لوحدي
بيتنا فاضي + عربية + كمبيوتر + فلوس

لقيت إلي هب ودب ..يشوفني يسلم عليا
إلي أعرفه ..وإلي عمري ماشوفته قبل كده
والناس دي بيبقا عندها تناحة غريبة
يعني واحد معرفوش خالص ..جي عاوزني أزف أخت واحد صاحبه
ماهو أبو بلاش ..كتر منه

ممكن انا اجى اقعد عندك ههههه

[AhMeD EzZ]

فعلا كلام مظبوط ولازم نفوت ونطنش شويه الا لو الموضوع زاد عن حده
غير ان زى مصاحبى بياخد لازم يدى ولو هو من النوع الى بياخد بس يبقى بالسلامه مش عاوز اعرفك غير بالسلام فقط

مش شرط يدفع بنزين وباركينج الحياه مش كلها فلوس بس ده المفروض صاحبى يعنى انا لو محتاج خدمه او مساعده منه المفروض يقف جنبى ولو معملش كده يبقى خساره فيه كلمه صاحبى يتقال عليه معرفه مش صاحب


لكن النوعيه بتاعه الى يفرض نفسه عليك عشان توصله بالعافيه ده وهو مجرد معرفه او زميل فى اى مكان ده حاول تصدرله الطرشه

مش قصدي علي اصحابي او حتي زمايلي العاديين في نقطة البنزين و الباركنج
انا بتكلم علي الي عرفني عشان العربية و قبل ما يكون معايا عربية ميعرفنيش و يتهرب مني