باك سبيس يا نايل موتورزية

[nabaster]

هو مافيش غير موضوع واحد بس يا بسكوته, فتح سلسله من المواضيع ( السخيفه ) و الردود ( الاسخف )...

اسمحلي اختلف معاك يا غازي في الجمله دي

مش مشكله ان الواحد يفتح موضوع ويتكلم فيه

المشكله لما منعرفش نتكلم ولا نتناقش مع بعض

ونبقي معلش سوري في اللفظ زي البرابره والديوك

واي نقاش مع بعض يقلب بخناقه

انا كمان كنت مستنى رده وكنت عارف هيقول ايه...وقولت له اول مرة اتفق معاك...مع انى عارف ان ياقوت فى معظم الاوقات بيشوووووووووط فى الجوووووووووووووووول
وساعات بيكون رده قاسي جدا و بيكون اوقات له حق فيه واوقات طبعا لا..

بصراحه مش عارف اقول ايه علي ذوقكم ده

الواحد لما بقي ياخد باله من ردوده

بقي فعلا علشان احترامه للناس الي زيكم وانه يكون دايما عند حسن ظنهم

فعلا بفتخر انكم اصدقائي

منا بيعز عليا يبقا العضو له شخصية واراء يعتد بيها
ويتوقف لاسباب انفعالية كان ممكن تداركها بسهولة
يعنى مش حرام المنتدى يخسر الاعضاء ذوى الآراء المميزة فعلا
نتحكم فى اعصابنا ونقول اراءنا بدون تجريح او اهانة لاى شخص وبالتالى مش هيكون فى مخالفات ولا وقف
ولا ايه

ماشي ماشي محدش يغلبك في كلام انتي

المشكله اني طيب و مش بعرف ازعل وبسامح بسرعه :)

A.Yakout

[ghazy12]

ghazy12

تقريبا غازى من أكثر الاشخاص فى المنتدى احتراما و افاده فى كل الموضوعات الخاصه بالسيارات و انا شخصيا استفدت من مناقشاته اكثر من مره , أنا بس مستغرب من الناس الـ ليها اهتمامات اخرى غير السيارات و موجوده فى المنتدى و بتكتب موضوعات سياسيه و اجتماعيه وشويه كلام غريب .

فالطبيعى إن ده يحصل .

شكراا جزيلا على كلامك و ذوقك يا فندم...

و احنا في المنتدى علشان نفيد بعض و نستفيد من بعض, لان انا كمان استفدت من كل الاعضاء...

و طبيعي ان قسم الاجتماعي يكون الكلام فيه عن اي شئ بخلاف السيارات, لانه خاص بالاجتماعيات...


لكن انا مش فاهم الجزء ده من كلامك...

مع ان ابداء الرأى حريه مكفوله للاعضاء وكل واحد مسؤول عن رأيه , و برضه كل واحد بيختار الموضوعات الى بيقرأها , رغم ان فى صفه مشتركه بين الجميع ( و انا منهم ) وهو اصدار الاحكام على الأخرين و نقدهم بشده , مع إن بحث بسيط فى مشاركات العضو ( الناقد ) هيوضح انه نفسه سابقا له ردود و اراء مشابهه للاعضاء الى مش عاجبينه .

فبعد اذنك يا استاذي توضحهولي, لاني فعلاً مش فاهمه...!!

هل في شخص ممكن يقول رأيين فيهم تناقض في نفس الموضوع لكن في اوقات مختلفه..؟؟؟

[ghazy12]

اسمحلي اختلف معاك يا غازي في الجمله دي

مش مشكله ان الواحد يفتح موضوع ويتكلم فيه

المشكله لما منعرفش نتكلم ولا نتناقش مع بعض

ونبقي معلش سوري في اللفظ زي البرابره والديوك

واي نقاش مع بعض يقلب بخناقه

a.yakout

يا احمد الفكره مش بس في الرأي او طريقة النقاش, لكن في الموضوع اللي بنتناقش فيه..!!!!!

ده عنوان الموضوع نفسه بداية الغلط و الاستفزاز..!!! يعني قبل اي كلام او نقاش اصلا

هل ينفع نتناقش في شئ بغض النظر عن الاسلوب, و اصلا اللي بنتكلم فيه ده غير مقبول و لا ينفع
نتكلم فيه بالشكل ده او بالمنطلق ده... و ده مالهوش اي علاقه بطريقة النقاش او الاسلوب يا احمد...

مش عارف انت فهمت قصدي ولا لأ, لكن انا بحاول افهمك قصدي و يمكن اسلوبي مش ساعفني دلوقتي...

[nabaster]

يا احمد الفكره مش بس في الرأي او طريقة النقاش, لكن في الموضوع اللي بنتناقش فيه..!!!!!

ده عنوان الموضوع نفسه بداية الغلط و الاستفزاز..!!! يعني قبل اي كلام او نقاش اصلا

هل ينفع نتناقش في شئ بغض النظر عن الاسلوب, و اصلا اللي بنتكلم فيه ده غير مقبول و لا ينفع
نتكلم فيه بالشكل ده او بالمنطلق ده... و ده مالهوش اي علاقه بطريقة النقاش او الاسلوب يا احمد...

مش عارف انت فهمت قصدي ولا لأ, لكن انا بحاول افهمك قصدي و يمكن اسلوبي مش ساعفني دلوقتي...

انا لسا حالا واخد بالي انك بتتكلم علي موضوع تاني

غير الي انا وفارما واحمد كفراوي نقصده

انتا بتتكلم علي موضوع مفتوحش النقاش فيه لسا وموجود في الصفحه الاولي

واحنا بنتكلم علي موضوع اتقفل من امبارح :)

A.Yakout

[ghazy12]

انا لسا حالا واخد بالي انك بتتكلم علي موضوع تاني

غير الي انا وفارما واحمد كفراوي نقصده

انتا بتتكلم علي موضوع مفتوحش النقاش فيه لسا وموجود في الصفحه الاولي

واحنا بنتكلم علي موضوع اتقفل من امبارح :)

a.yakout

انا بردو بتكلم على الموضوع اللي اتقفل امبارح, اللي للاسف رديت فيه قبل ما يتقفل...

انما موضوع دلوقتي ده انا رديت فيه الرد اللي كان المفروض ارده في الموضوع اللي اتقفل, لكن
تخيلت اني لما ارد بوجهة نظري, و بالكلام اللي انا شايف انه ينصف الطرفين و مايجيش على حد,
ده هيغير شئ من الكلام الغير صحيح, و التفكير الغير متزن اللي واضح في صميم بعض الردود...

و انا مش ضد صاحب الموضوع بتاع دلوقتي, لاني فاهم هو بيتكلم عن ايه, و عنده حق في الفكره,
لكن انا ضد اللي بيحور الموضوع و يعمم و يقول كلام مش من حقه و لا يصح انه يقوله لانه (عيب قوي)...

ده اللي اقصده يا ياقوت, و انا معاك انت و كفراوي و فارما و فاهم بتتكلموا عن ايه...

[nabaster]

انا بردو بتكلم على الموضوع اللي اتقفل امبارح, اللي للاسف رديت فيه قبل ما يتقفل...

انما موضوع دلوقتي ده انا رديت فيه الرد اللي كان المفروض ارده في الموضوع اللي اتقفل, لكن
تخيلت اني لما ارد بوجهة نظري, و بالكلام اللي انا شايف انه ينصف الطرفين و مايجيش على حد,
ده هيغير شئ من الكلام الغير صحيح, و التفكير الغير متزن اللي واضح في صميم بعض الردود...

و انا مش ضد صاحب الموضوع بتاع دلوقتي, لاني فاهم هو بيتكلم عن ايه, و عنده حق في الفكره,
لكن انا ضد اللي بيحور الموضوع و يعمم و يقول كلام مش من حقه و لا يصح انه يقوله لانه (عيب قوي)...

ده اللي اقصده يا ياقوت, و انا معاك انت و كفراوي و فارما و فاهم بتتكلموا عن ايه...

تمام اوي كده

يبقي نرجع للمشاركه بتاعتك الي قبل دي الي كنت بتقول فيها

هل ينفع نتناقش في شئ بغض النظر عن الاسلوب, و اصلا اللي بنتكلم فيه ده غير مقبول و لا ينفع
نتكلم فيه بالشكل ده او بالمنطلق ده... و ده مالهوش اي علاقه بطريقة النقاش او الاسلوب يا احمد...

انا مش شايف اي غلط في طريقة طرح صاحب الموضوع للموضوع

والراجل كان بيجكي عل حاجه بيستنكرها

الي بوظ الموضوع بعدين طريقة النقاش

وتحولها بين طرفين بعيدين كل البعد عن المشكله الاساسيه

لان كل بنات المنتدي بسم الله ما شاء الله محترمين وولاد ناس ومش دي طريقة تفكيرهم

وصلك الي اقصده؟؟؟

A.Yakout

[ghazy12]

تمام اوي كده

يبقي نرجع للمشاركه بتاعتك الي قبل دي الي كنت بتقول فيها



انا مش شايف اي غلط في طريقة طرح صاحب الموضوع للموضوع

والراجل كان بيجكي عل حاجه بيستنكرها

الي بوظ الموضوع بعدين طريقة النقاش

وتحولها بين طرفين بعيدين كل البعد عن المشكله الاساسيه

لان كل بنات المنتدي بسم الله ما شاء الله محترمين وولاد ناس ومش دي طريقة تفكيرهم

وصلك الي اقصده؟؟؟

a.yakout

هو تقريباً في سوء تفاهم بسيط بيننا يا احمد... انا هشرحلك من الاول

انا لما قلت الموضوع ماينفعش نتكلم فيه او غير مقبول كنت اقصد في الموضوع اللي اتقفل
المشاركات اللي حورت الموضوع الاساسي (اللي هو بيتكلم عن نوع معين من البنات و تفكيرهم)
و بقى كلام سخيف مالوش اي معني و عيب انه يتقال, مش الموضوع نفسه, لاني رديت بالفعل عليه...

و انا مش شايف ان الموضوع نفسه فيه اي مشكله, لانه بيتكلم عن مشكله حقيقيه و عن تجربه حصلت,
و عادي جداا اننا نتناقش فيه و نتكلم, بدليل اني رديت زي ما قلتلك...

و بردو منتقد اسلوب و طريقة النقاش زيك بالظيط, و رافضها بردو...

لكن لما قلت عنوان الموضوع مستفز و مايصحش, كنت بتكلم بقى على سلسلة المواضيع اللي اتفتحت
بعد كده و العنوان بتاعها واحد و ليه معنى واحد و هو الرجاله فين, او مافيش رجاله... ده غير مقبول

و بالنسبه للموضوع اللي موجود حاليا في الصفحه الاولى, و اللي بردو رديت فيه, انا مش ضد
الفكره الاساسيه من الموضوع, لكن ضد عنوانه, و ضد بعض المشاركات اللي حورت الكلام و عممت
و غيرت سير الكلام لاتجاه تاني (( عييييب )) اننا نقول كده, و هي هي نفس المشاركات اللي قالت
الكلام ده في الموضوع اللي اتقفل امبارح... و اللي كان اساسه موضوع عادي و شئ بيحصل فعلاً

يا رب اكون قدرت اوضحلك وجهة نظري, و اكون فهمتك قصدي في كل نقطه على حدى...

و انا شايف اننا مش مختلفين و بنقول نفس الكلام و نفس النقد
بس سوء التفاهم البسيط هو اللي خلاك تفهم ان في اختلاف....

[dr-mohamed]

انا كمان مش فاهمة هو انهى موضوع بالظبط
اصل فى مجموعة موضعات متشابهة فى المضمون والهدف والمشاركات الفتة دى زيادة عن اللزوم فى الاجتماعى
فجاة حسيت ان الاجتماعى بقا عامل زى ساحة صراع بين الرجل والمرأة

موضوع عن واحدة مجنونة وفي الاخر بقة مفيش رجالة في مصر

ولولا ان في بعض الاعضاء كانت ماسكه نفسها واحترمت وجودها في المنتدي


a.yakout

نوعا ما انا مسكت نفسي صح ولا لا يا ياقوت ؟؟؟؟
بس كان فيه حاجات لو سكت فيها بصراحة مكنتش هدخل المنتدي دع تاني ابدا

غير بقى موضوع الهجوم...فيه حاجة تانية ان الكل بيتكبر انه يقول انه غلط...وبند الاعتذار دة اتلغى تقريبا ومبقاش موجود
انا بس نفسي لو حد بيكتب مشاركة يشوف لو هو مكان الطرف الاخر و قرأها هيضايق ولا لا


انا كمان كنت مستنى رده وكنت عارف هيقول ايه...وقولت له اول مرة اتفق معاك...مع انى عارف ان ياقوت فى معظم الاوقات بيشوووووووووط فى الجوووووووووووووووول
وساعات بيكون رده قاسي جدا و بيكون اوقات له حق فيه واوقات طبعا لا..

لا فيه عضوة قالت مشاركة مستفزة جدا في نفس سياق ان مفيش رجالة في البلد وانها بتضحك ومش تقصد حد ولما رديت عليه واعترضت بشدة كتبت اعتذار في الموضوع وبعتت للمشرف طالبته بحذف مشاركتها وفعلا المشرف حذفها وبعتت رسالة خاصة بالاعتذار
برغم انه لسة عضوة جديدة لكن اتمني يبقي ده النموذج السائد بيننا لما حد يغلط يعتذر زي ما حضرتك قلت
لكن للاسف ربنا رزقنا بكام عضو على كام عضوة مش عايزين يقتنعوا انهم ممكن يغلطوا ابدا وان كلامهم منزل من السماء وانهم احسن ناس وكل الناس حثالة
وعلى راي امي ربنا يخليها لي لما كانت تلاقيني حاسس بنفسي شوية تقولي يا ابني ربنا يعلينا وينزل نفوسنا بني ادم من تراب وهيدفن في التراب كنت اتهد على طول واستغفر الله من الكبر والغرور
ربنا يهدي الجميع

اما ياقوت بالذات فبحس انه داخل المنتدي ومعاه الشومة واللى هيكلمه هيشوطه بيها على طول كانه كورة جولف (حلوة يا ياقوت كورة الجولف دي مع انى عمري ما لعبته)

وكويس إني مكنتش موجود في المعركة دي...كانت هتكون وصمة في تاريخي في المنتدى(إلي هوا اساسا مش ناقص)
ههههههههه

هههههههههههههههههههه
بلاش انت يا فارما فاضل لك وصمة وتطلع برة
لم الدور وبلاش انت بالذات علشان الوقف النهائي
لو بتحبني هتعملي اللى انا عايزه يا فارما
هههههههههههههههههههههههههههههه
انت فاهمني بتكلم عن ايه

شكراا جزيلا على كلامك و ذوقك يا فندم...

و احنا في المنتدى علشان نفيد بعض و نستفيد من بعض, لان انا كمان استفدت من كل الاعضاء...

و طبيعي ان قسم الاجتماعي يكون الكلام فيه عن اي شئ بخلاف السيارات, لانه خاص بالاجتماعيات...
لكن انا مش فاهم الجزء ده من كلامك...

فبعد اذنك يا استاذي توضحهولي, لاني فعلاً مش فاهمه...!!

هل في شخص ممكن يقول رأيين فيهم تناقض في نفس الموضوع لكن في اوقات مختلفه..؟؟؟

غازي باشا اخبارك ايه يا ريس
واكيد الاجتماعي مهم جدا والا مكانش هايبقي فيه مقابلات ونشوف الناس لاجميلة اللى بنشوفها في المقابلات
وفعلا فيه ناس بتقول اراء متعارضة تماما
في احد المواضيع وجدت عضو بيحتد بشكل رهيب لدرجة انى حسيت انه ممكن يمسك قنبلة ويفجر نفسه في المنتدي واللى فيه قلت ارجع لمشاركاته ببص فيها لقيته انسان وديع ومجامل وزوق وخلوق جدا كل اللي عملته انى اخدت كوبي من مشاركاته ونقلتها له في الموضوع اللى متعصب فيه وقلت له يا تري انت نفس الشخصية ولا عندك ازدواج في الشخصية
لقيته رد لطبيعته تاني وهدي تماما
وقت الانفعال يا باشا الناس بيخرج منها سلوكيات ومشاعر مش ظاهرة اطلاقا في حالتهم الطبيعية

[ghazy12]

غازي باشا اخبارك ايه يا ريس
واكيد الاجتماعي مهم جدا والا مكانش هايبقي فيه مقابلات ونشوف الناس لاجميلة اللى بنشوفها في المقابلات
وفعلا فيه ناس بتقول اراء متعارضة تماما
في احد المواضيع وجدت عضو بيحتد بشكل رهيب لدرجة انى حسيت انه ممكن يمسك قنبلة ويفجر نفسه في المنتدي واللى فيه قلت ارجع لمشاركاته ببص فيها لقيته انسان وديع ومجامل وزوق وخلوق جدا كل اللي عملته انى اخدت كوبي من مشاركاته ونقلتها له في الموضوع اللى متعصب فيه وقلت له يا تري انت نفس الشخصية ولا عندك ازدواج في الشخصية
لقيته رد لطبيعته تاني وهدي تماما
وقت الانفعال يا باشا الناس بيخرج منها سلوكيات ومشاعر مش ظاهرة اطلاقا في حالتهم الطبيعية

تمام كلامك يا دكتور, لكن ده مش تناقض, ده حد كان منفعل, و طبيعي جداا الانفعال حتى لو كانت
طبيعة شخصيته و سمتها الهدوء... ده مش عيب لانه انفعال مبرر, لكن التناقض هو انك تقول كلام
او رأيك في موضوع معين, و بعد كام يوم يتفتح موضوع مشابه, و تقول رأي عكس اللي فات تماماً

ده تناقض غير مبرر... ( إلا إذا )... حصلت حاجه معينه او موقف غيرلك قكرتك و وجهة نظرك
تماماً, و ده وارد جدااا, لان كل انسان بيعيش طول عمره يتعلم من تجاربه و تجارب الاخرين,
و عليه بيحدد رأيه و وجهات نظره في مواضيع مختلفه, و الرأي بيختلف باختلاف التجارب...

حتى الهدف من النقاش هو الاقناع بوجهة النظر السليمه و الصحيحه, و بيكون في بدايته اختلاف
في وجهات النظر بين اثنين, واحد ممكن يكون صح, و التاني غلط, لكن لما اللي بيتكلم صح
يقنع الغلطان بالدليل انه غلطان... الشئ السليم و المتزن انه يقتنع و يغير فكرته و يبدأ يتعامل مع الصح

يعني رأيه في بداية المناقشه شئ, و بعد المناقشه و الاقتناع شئ تاني... و ده مش تناقض بردو

و بالنسبه للموضوع اللي اتحذف, فانت قلت اللي يكفي و زيادده بجد, لاني قرأت كل ردودك و مشاركاتك
و فعلا قلت كل اللي كان نفسي اقوله لو انا طرف في النقاش ده من البدايه, لكن انا شفت الموضوع متأخر
بس بردو رديت الرد اللي بيعبر عن رأي و وجهة نظري, و شايف انه كان منصف للطرفين لانه كلام ربنا و الرسول
لكن لما قرأت باقي المشاركات (اللي انا معترض عليها بشده), قلت ماكانش لازم ارد لان النقاش بقى مستحيل

و اتفتح موضوع تاني مشابه للي اتحذف, و ماكانش الهدف منه النقاش عن الجواز او غيره, و بردو اتحور

ما علينا... المهم ان انت بخير يا دكتور, و نتمنى نشوفك قريب ان شاء الله...

تقبل تحياتي...

[azmeralda]

يا ازميرالدا يعين لما واحد من الرجالة قال كلمة غلط ومحدش من الرجالة وافقه عليها كان غلطان واتعملت موضوعات بسببه
ولما ست غلطت تبقي مش قصدها وخانها التعبير

يا ازميرالدا لو عايزين الصفحة تبقي بيضة فعلا يبقي اللى غلط نقول انه غلط ويبقي الكل باك سبيس مش نتحيز ونحلل

يا جماعة انا مش بتحيز ولا بحاول احلل انا ذكرت اللى هى رجعت فسرته بعد كده


ومش معنى كده ان الكلمة مكنتش غلط بس فى حاجة :انا بقالى سنتين فى المنتدى مفروض اقتنع ان كل المشاركات اللى فيها اهانة للستات دى بيبقى خانهم التعبير ومش قصدهم ده فى مع سبق الأصرار ويرجع يأكد ويصر

ده انا بقيت كل مادخل الاجتماعى دمى يتحرق مع ان المفروض احنا بنيجى هنا عشان نقضى وقت لطيف وزى ما قلت مفيش يوم بيعدى الا وواحد لازم يقول بنات الأيام دى متنفعش للجواز او ستات اليومين دول او يا عم اوعى تتجوز وهاتك يا تهزيق وطبعا احنا بنقرا ونقرا ولو مرة رديت بلاقى ناس بعتت لى عالخاص ان انا باخد الكلام كأنه على نفسى وبتأثر قوى

ادى حد حس اهو انا ليه بأخد الكلام كأنه على نفسى مش حكاية حقوق المرأة يعنى


ماهو احنا العضوات بنات وستات اليومين دول مركبناش آلة الزمن وجينا من حتة تانية يعنى بشوف ان الأهانة دى شاملة الجميع

كل الحكاية انى من سنتين اول مرة اشوفكو تبقو الناحية التانية وبالتالى حسيتو احنا بنبقى متنرفزين قد ايه (انا مش بتحيز بس انا شخصيا مشفتش عضوة قالت كلمة جامدة قبل كده نرفزت بيها قوى حد كده بس جايز يكون حصل وانا مشفتش)
ورغم ان ده حصل بشكل وحش قوى بس مهما قلت لكو حاولوا تحطو نفسكو مكاننا مكانش هيجيب نتيجة زى اللى حصل ده
مش معنى كده انى فرحانة باللى حصل بالعكس انا حزينة ان الناس كلها مبقتش مستحملة بعضها اصلا حتى فى الحياة ينفعلوا بأفورة ويردوا ردود جارحة لدرجة ان احيانا بيجيلى اكتئاب واحس ان الدنيا مش عارفة اعيشها

و بالمناسبة اذا كنتو حسين انى بتأثر قوى انا فعلا حساسة زيادة سورى بقى طبيعتى كده


وبتمنى من كل قلبى ان تتفتح فعلا صفحة جديدة كل الناس تراعى فيها بعضها