الاهلى فى محنة وهتعدى ولا؟

[dr_asaos]

شفتوا ماتش الاهلى والاسماعيلى؟ايه رأيكو يا شباب الخير؟..
بصراحة عن نفسى انا فى حالة احباط وكنت ضد التشاؤم اللى كان سائد بين الاهلاوية انما بعد الماتش ده انا بصراحة خايف اوى على الاهلى من بقية المشوار ومع الترجى لاء وكان نفسى الاهلى يلعب مع الشبيبة فى النهائى!!! تفتكروا مستقبل الاهلى بالشكل ده ايه فى الدورى؟....بصراحة انا مش عارف المشكلة فين...ده الاحتياطى فى الاهلى لوحده يعمل منتخب لمصر...ايه العذر المرة دى واللى قبلها واللى هيكون بعدها ولحد امتى؟..ده الشبيبة اتعادل مع هارتلاند وده كنت بقول عليه فريق تعبان ...ولو سمحتم محدش يقولى كان ماتش تقسيمة او ملوش لزمة ... انتو رأيكم ايه؟انا بجد نفسى حد يطمنى لان كدة فعلا الاهلى "فى رايى"فى محنة

[M_Marwan]

طبعا الأهلى فى محنه وأسبابها كميه العيبه ايلى جابوها وملاهاش أى لازمه

جيبين لاعيبه عند بس فى الزمالك

بصراحه حسام حسن كان عندوا حق

[bassem.naguib]

طبعا الأهلى فى محنه وأسبابها كميه العيبه ايلى جابوها وملاهاش أى لازمه

جيبين لاعيبه عند بس فى الزمالك

بصراحه حسام حسن كان عندوا حق

من حق أي فريق في العالم أنه يلم أحسن لاعيبة .. وخاصة أنه نادي بطولات .. وكدة كدة القائمة 25 لاعب .. مش معقولة يعني مصر مفيهاش غير 25 لاعب كويس والباقي سكة وبيلعبوا لباقي الأندية .. ومن حسام لحسام يا قلبي لا تحزن .. والاتنين

الأهلي في محنة وهتعدي .. ولا

الإجابة : ولا

من المعروف أن النادي الأهلي دايماً بيبقى ماسك البطولات أربع أو خمس سنين متواصلة ويجي في موسم ويقع .. وهو ده الموسم اللي الأهلي حيقع فيه ..ولسه ده احنا حنشيل الطين من الترجي رايح جاي .. وحنخرج من البطولة بفضيحة .

[أبومعاذ]

الاهلي قبل الماتش دا كان بيلعب ماتش ودي مع السويس وغلب 5 وفي نفس اليوم اتصل البدري ببرنامج مدحت شلبي فشلبي سأله هو مين اللي جاب الاجوان انهاردة قاله الاسماء كلها غلط
هو الراجل دا حد زاقه على الاهلي؟

[dr_asaos]

الاهلي قبل الماتش دا كان بيلعب ماتش ودي مع السويس وغلب 5 وفي نفس اليوم اتصل البدري ببرنامج مدحت شلبي فشلبي سأله هو مين اللي جاب الاجوان انهاردة قاله الاسماء كلها غلط
هو الراجل دا حد زاقه على الاهلي؟

[Abo_Lina]

أنا خايف من الترجي .. فرقة قوية و راجعة الموسم ده بلا رحمة ..
المشكلة في البدري اللي ما يعرفش غير :
باص باص
يخرب بيت أ@$#
إلعب يا واد
يادي النيلة ألطم يا واد

[M_Marwan]

[QUOTE=ziabassem;3873052133]من حق أي فريق في العالم أنه يلم أحسن لاعيبة .. وخاصة أنه نادي بطولات .. وكدة كدة القائمة 25 لاعب .. مش معقولة يعني مصر مفيهاش غير 25 لاعب كويس والباقي سكة وبيلعبوا لباقي الأندية .. ومن حسام لحسام يا قلبي لا تحزن .. والاتنين

أسمحلى أختلف معاك 100 %
هما فيين أحسن لاعيبه دول ؟؟

محمد شوقى عمل أيه النهارده ؟؟
حسام غالى المنحوس عمل أيه ؟؟
حسين ياسر مشى ليه ؟؟

فييين البلقاسى وخلف ايلى مالمسوش الكوره فى الأهلى ؟؟؟

صدقنى سياسه الأهلى فاشله فى شراء الاعيبه
ريال مدريد كان عندوه أعظم لاعيبه فى العالم وكان بيخسر

بكره تشوف الترجى حيعمل فينا أيه !!

[doctor_eid]

بسم الله الرحمن الرحيم

ان شاء الله


الاجابة الصحيحة هي:

ولّا

[adel1212]

فى اخطاء فنية واضحة
الكرسى واسع اوووووووووووووى على البدرى

[Tarek Gen 2]

الاهلى عندى ازمة فالادارة الفنية حسام البدرى عديم الخبرة و معاه شباب عديمى الخبرة برضه لسة مستنين ايه !!!
و الاهلى هيكسب الترجى متقلقوش
بس هيفضل فقير فنيا و مفيش فيه اى اداء هتشوفوا

[M.Mosaad]

الاهلي في 2003 و 2004 كان في محنه لان مكنش فيه لعيبة كويسة

انا زعلان من الهزيمه من الاسماعيلي لسبب واحد ان الفريق مستفادشي حاجة من المباراه

الاهلي السنة دي في محنه لان في مدرب مهندوش اي فكر مباراه الاسماعيلي فرصة لاي مدرب انه يجيله مباراه قوية و اعداد قوي قبل الدور قبل النهائي يجرب خطط جديدة و جمل جديدة و لعيبه جديدة لكن للأسف حسام البدري مركز اوي مع التبريرات و سايب انه يطور من نفسة

الاهلي السنه دي معاه لعيبة تقيله جدااااااااااااا و نسبة كبيرة منهم جوكرات بتلعب في اكتر من مركز و مع ذلك مخترع لتفسة مشاكل معن في ايدة لعيبة جاهزة مش محتاجه غير واحد بيفكر يعرف يحركها

يعني فريق في احمد فتحي و جدو و ابو تريكه و وائل جمعه و بركات و احمد حسن و حسام غالي و و و و و و و و عنده مشاكل دفاعيه و هجوميه و كل الاجوان اللي بتحي في الاهلي كربون و مع ذلك مش بيحاول يصلح حاجة

انا واحد من الناس اللي فرحت ان احمد حسن اصيب لان لو فضل سليم كان هيمشي من الاهلي في يناير علشان تعنت حسام البدري معاه

الناس دي بتاكل النجيله مع حسن شحاته لانه عارف يوظفها صح

الكرة المصريه ربنا بلاها بحسامين البدري و حسن في الاهلي و الزمالك واحد بيبرر و واحد قليل الادب و الاتنين فكرهم معدوم و الخسران في الاخر هو المنتخب

انا رايي نكمل السنه دي بالبدري و خلاص لان مفيش مدرب كويس هيبقي فاضي الايام دي و اللي هيجي هيبقي اجنبي نص لبه و الموسم الجاي نشوف مدير فني محترم اجنبي و لو مفيش يبقي نحاول مع حرس الحدود و نجيب طارق العشري افضل مدرب مصري بعد حسن شحاته

[ehab]

فعلا هو دا الموسم الي الاهلي هيوقع فيه و مش عارف ليه فكره التغير مش عاجبه الادارة
انا قريت ان في الجمعية العمومية الاخيرة الاعضاء طلبوا تغيير الجهاز الفني لكن حسن حمدي قال ان الجهاز مستمر لاخر الموسم
يعني عليه العوض

[human]

طول ما البدرى موجود فالاهلى فى محنه

و المشكله انه بينسى لاعيبه المنتخب الكوره

البدرى ده هيكون سبب نكسه مصر الكرويه لكذا سنه
الاهلى اشترى كل لاعيبه مصر عشان يبوظهم و يلعب فيهم واحد زى البدرى

[kemz]

الاهلى كبير

أصدقائى الاعزاء الأهلوية
بقدر سعادتى على التعرف بكم على قدر حزنى لمعرفتكم فى ظروف هزيمة الأهلى ، بحكم تواجدى خارج مصرنا الحبيبة دائما أسهر لمتابعة المباريات ودائماً ما يخيب رجائى
الأهلى للأسف يعانى من تراكم السلبيات بداية من تنصيب حسام البدرى على رأس المسئولية الفنية وهو لم يسبق له تولى منصب الرجل الأول من قبل، أعلم انها حدثت من قبل مع جوارديولا لكن شتان بين النتائج المحققة فى الحالتين.
أضف إلى ذلك تعنت إدارة ألاهلى ودعمها البدرى رغم الأداء السىء والمتذبذب وبوادر أنهيار الفريق ودعم الفريق بلاعبين فى الوسط وتناسى الدفاع والهجوم فأصبح الدفاع مسالم فعلى سبيل المثال يوم أمس لم يحاول أى من المدافعين الضغط بقوة على مهاجمى الاسماعيلى
أستمرار حسام البدرى خيار غير موفق لكن فى أغلب الظن هو القرار الذى سوف تتبناه إدارة الأهلى ولكن يجب عليها من الان السعى لأستقدام مدرب قدير يقدر على قيادة الاهلى
نداء أخير إلى كل المتحذلقين الذين أشاعوا أن أى مدرب يستطيع قيادة الأهلى للبطولات وأن مانويل جوزية مدرب عادى ودمر الأهلى " أنتوا فين؟؟؟؟؟""
وفى تقدير الشخصى أن مبارة الترجى سوف تكون نهاية مشوار الأهلى فى البطولة الأفريقية فالترجى يقدم مستويات مميزة هذا العام وفى خط هجوم الترجى أسامة الدراجى ومايكل أنرامو سوف يقابلهم خط دفاع أقل ما يوصف به أنه خط دفاع وديع
أسف للأطالة
تحياتى

[ehab]

انا عندي راي ان الاهم من ان احنا نغير البدري بسرعة هو ان ان الاختيار للبديل يكون في منتهي الدقة مش اي اسم و خلاص مدرب يكون معرف عنه براعة فكره الكروي .