الاهلى فى محنة وهتعدى ولا؟

[CryptonX]

طول ما البدرى موجود فالاهلى فى محنه

و المشكله انه بينسى لاعيبه المنتخب الكوره

البدرى ده هيكون سبب نكسه مصر الكرويه لكذا سنه
الاهلى اشترى كل لاعيبه مصر عشان يبوظهم و يلعب فيهم واحد زى البدرى

ايوا يا طارق باشا علشان الحسد !

المنتخب بيتحسد ! لازم نبوظه !

انا فاكر كلامك من الموسم الي فات عن حسام البدري . و للاسف معاك حق 100% ..

--

حسام البدري غير انه غير لائف فنيا ... لا تعجبني ابدا طريقة تعبيراته على اخطاء اللعيبة او تضيعاتهم .. مرة يتريق و يضحك .. مرة يشوح بايده ...

ايه ده ! دول لعيبتك !!! اولادك !!
و مع ذلك بيجيوا جون يروحوا عليه هو يحضنوه ! طب ماتلم نفسك ! على الاقل امام الكاميرا و التمثليات الي بتعملها !!!

[CryptonX]

انا عندي راي ان الاهم من ان احنا نغير البدري بسرعة هو ان ان الاختيار للبديل يكون في منتهي الدقة مش اي اسم و خلاص مدرب يكون معرف عنه براعة فكره الكروي .

يبقى مفيش غير مورينيو المصري ! الي معمول لفريقه عمل ! :)

[aliabutaleb]

يبقى مفيش غير مورينيو المصري ! الي معمول لفريقه عمل ! :)

مش ده مورينيو المصري يا عم :)
اللقب ده بيطلق على طارق العشري

[mido777]

مش ده مورينيو المصري يا عم :)
اللقب ده بيطلق على طارق العشري

مورينيو المصر هو " طلعت يوسف " حتى تلاقيه فيه شبه منه

[LORD.ADeL]

يعنى ناس جابت اخرها من العبقري الفذ دة تصميم لواحد فى منتدي كورة ((:
خلاص رصيدك نفذ يا بدريولا

[amrnagy]

البدري لازم يمشي ده مالوش في التدريب اساسا وقلنا الكلام ده من زمان
منك لله يا حسن يا حمدي انت والخطيب

[aliabutaleb]

مورينيو المصر هو " طلعت يوسف " حتى تلاقيه فيه شبه منه

طلعت يوسف من الناس المحترمة أوي
بس شكله مش بيمشي أموره مع الإعلام عشان كدة متلاقيش حد بيكتب عنه أوي

[zidaneelwaly]

بصو يا جماعه انا مبسوط لسببين
1 اني زملكاوي
2 عشان الهزيمه دي تفوق الاهلي قبل مشوار النهائي

[Ahmed Anwer]

هوا القلق من افريقيا بس

و ضياع أحلام العودة لكأس العالم للأندية

لكن محليا مفيش قلق

الزمالك ما شاء الله بقي خرابة ،،، مرتضي منصور راجع من تاني

و الأخوين حسن بيدوروا علي العمل اللي محطوط جوا جدار في النادي

و شيكابالا مش مركز أساسا من حفلات مارينا و لسه لما يطلع سيداته

و الاسماعيلي نادي بيشحت اساسا ،،

علي رأي صالح سليم ،، الأهلي أعور وسط العميان

[aliabutaleb]

علي رأي صالح سليم ،، الأهلي أعور وسط العميان

مقولتي المفضلة :)
بس مكنتش أعرف إنها لصالح سليم

[CryptonX]

هوا القلق من افريقيا بس

و ضياع أحلام العودة لكأس العالم للأندية

لكن محليا مفيش قلق

الزمالك ما شاء الله بقي خرابة ،،، مرتضي منصور راجع من تاني

و الأخوين حسن بيدوروا علي العمل اللي محطوط جوا جدار في النادي

و شيكابالا مش مركز أساسا من حفلات مارينا و لسه لما يطلع سيداته

و الاسماعيلي نادي بيشحت اساسا ،،

علي رأي صالح سليم ،، الأهلي أعور وسط العميان

looooooooooooooooooooooooooooooooooooooooooooooooo oooooooooooooooooooooooooooooooooool

[Haitham10]

انا نفسي افهم هو البدري ده مشكلته ايه بالظبط هوه والطاقم الي معاه
معاهم لعيبه تلعب لوحدها وبحس انهم بيجيبوا اللعيبه ورا طب وصابرين عليهم ليه واحنا مشفناش كورة بقالنا سنتين بسببهم والنتايج كانت ماشيه زي حسن شحاته (بظروفها) وببركة دعاء الوالدين وبيكسبوا لكن فين الاداء والفكر والتخطيط والتبديلات المؤثرة ولا اي جمل تتفهم او تتشاف

الواحد تعب بجد وحسام بجد هيودينا ورا الشمس لو الادارة فضلت تكابر وتعاند وتسيبه يكمل كدة ... هـنـضــيـــــــــــع

[M.almaghraby]

ان شاء الله مفيش دوري السنة دي يا اهلاوية

[ehab]

ان شاء الله مفيش دوري السنة دي يا اهلاوية

دا صعب شوية لان كل الفرق في الدوري بما فيهم الزمالك والاسماعيلي فرق بتشد فترات معينة بس مش اكتر يعني نفسهم مش طويل .

[ehab]

طيب بالنسبة لموضوع مورينيو
عايز اسألكم سؤال هل تحب تتفرج علي ماتش بقيادة مورينيو و لا جوارديولا بغض النظر عن الفرق بتاعتهم نفسها ؟

يعني انا ليا وجهة نظر ان الاحسن من المكسب ان يكون باداء متميز مش يكون معظم اللعب دفاعي

يعني معظم الفرق بتلعب مع الاهلي او الزمالك دفاع بحت و الاعتماد علي الهجمة المرتدة لكن مفيش حد بينزل عايز يهاجمك و يغلبك هو بيسحبك و يحاول يستغل الفرص و بس
انا شايف ان دا بيفقد الكورة متعتها
يعني لو هاقعد اتفرج علي ماتش من الدوري الانجليزي او الاسباني ايه الي هيبقا شاغلني هل مين كسب و لا الاداء و الجماليات و التقسيم و المهارات ؟