حسبي الله ونعم الوكيل ..مخنوق

[A7MED_PHARMA]

السلام عليكم ورحمة الله وبركاته

أنا زهقت من كلمة "حسبي الله ونعم الوكيل"
تعبت
وقرفت

...
بداية الحكاية
والدي كان في كفر الشيخ..أنا روحت الشرقية علشان أدخل صيدلة الزقازيق
وقعدت في بيتنا هناك لوحدي .. ومعايا العربية
وأنا في طبعي مش بحب أختلط بالناس
و
طبعا
ماخلصتش كم كلام الناس عليا
قالوا بيشرب حشيش .. وقالوا بتاع بنااااات
وقالوا بتاع ..... ..وقالوا ......... وقالوا..........

كنت بدايق في الأول
لكن بعدها مابقتش أحط في دماغي
تييتتتتتت تييتتتتتتت الناس ألف مرة
.............................الجديد في الموضوع ..........................
البنت إلي شغالة في الصيدلية معايا
بنوتة عندها 19 سنة ..معهد تمريض
فقيرة
يتيمـــة
يعلم ربنا أنا بحبها وكأنها من أختى الصغيرة..بقالها معايا من 3 سنين في الصيدلية
منتهى الأدب
منتهى الأمانة
النهاردة

ناس(أكتر من واحد)..قالولي
سمعنا إنك متجوزها عرفي
البنت كمان وصلها الكلام ده .. وفضلت تعبط لما عنيها ورمت
مع إن البنت مخطوبة ..
والكلام ده كان سبب فركشتها مع خطيبها
البنت محتاجة الشغل والراتب إلي بتاخده في الصيدلية
وأنا مش هلاقي حد خبرة 3 سنين .. وأمين على شغلي زيها
ومخنووووووووووووووووق
أول مرة أتخنق بالشكل ده .. طيب أنا عادي
بقول تييتتتتتت تييتتتتتتتت الناس ..يتحرقوا بجاز
طيب البنت دي ذنبها إيه؟؟

حسبي الله ونعم الوكيل
بالله عليكم .. إدعوا ربنا يحلها من عنده
عسى إنه يستجيب لحد فيكم

[dr.hazem]

لا حول ولا قوة الا بالله
ربنا يكون معاك ويصبر البنت الغلبانه دي
حصل معايه موقف مشابه زمان مع احد قريباتي في العيله ولكن اللي طلع الاشاعه دي كان حسابه قاسي جدا معايا

الله المستعان

[Most_H]

موضوع محير

بس انت مفيش فى ايديك حاجة تعملها. ومفيش عليك حرج

بالنسبة للبنت، ربنا يكون فى عونها، وقلها انها متسمعش كلام الناس، لانها شغاله عندك بكرمتها، ولو سابت الشغل علشان دة قال ودة وسوى، محدش فيهم هيديها عيش حاف تكله. ويا عالم هيبقى ايه مصيرها بعد كدة

[Most_H]

وخلى أيمانك فى ربنا كبير، واوعى تزهق من قوله حسبى الله ونعم الوكيل :)

[osama.m]

حسبي الله و نعم الوكيل ... طيب مينفعش تقعد مع اللي كان خاطبها دا و تفهمة الحكاية ولا الحكاية اتعقدت !! ربنا يسلمك من كلام الناس

[A7MED_PHARMA]

حسبي الله ونعم الوكيل

طيب لو عليا أنا .. أنا شبعت من كلام الناس ..شبعت
بس البنت الصغيرة دي ..ذنبها إيه من الغباء البشري الأصيل في بعض المصريين
حد فيهم يرضى على بنته كده..أو على أخته
أكيد لأ..لكن عادي
واحد سافل .. أو واحدة سافلة
قاعدين بيألفوا حكايات على خلق الله

........
أنا هقوم أقفل على نفسي الصيدلية .. وأتوضى وأصلي وأدعي ربنا يفرجها
يارب

الأزمات بتقربنا من ربنا

[SeiffoZ]

ده بجد ده !!

ربنا يهدى الناس !!

محدش سايب حد فى حاله!!

ربنا يكون فى عونك يا دوك!

[blazer]

لا حول ولا قوه الا بالله
الناس بقت اخلاقها ودينها مفيش
ازاى يرموى واحده بالباطل
حسابهم عند ربنا عسير
ربنا يفك كربك وكرب البنت اللى ملهاش زنب دى
ويرزقها باللى احسن منه باذن الله

[vBulletin]

والله ياخى مش عارف الناس دية مسلمين ولا اية بالظبط دة لو كافر مكنش عمل الى الناس بتعملة دة
وبعدين استهدى بالله ومتخليش الشطيان يلعب بدماغك زى ما لعب بدماغ الناس وقالو وسوا والله لو الناس تعرف ذنب الى قالتة على البنت دية محدش هاينطق بكلمة و ويتحيلو عليها عشان تسامحهم دة رمى المحصنات دة ياولة من عذاب ربنا فى الدنيا والاخرة
فى الدنيا وهو بيطلع فى الروح لما يموت ربنا بيخلص ويصعب على الكافر وف الاخرة عذاب جهنم الى مستنية بسبب افعالة الدنيئة
وسبها على ربنا وبكرة تشوف بعنيك وكمان تطلب من ربنا انة يرحمة ويرفع عنة

[mody100]

والله عيب عليهم فعلا ناس فاضية عايزة تألف اى موضوع يتكلموا فى حسبى الله و نعم الوكيل فى اللى بيحصل

[ashour100]

السلام عليكم

طيب ما في حل ممكن يهدي الناس عليك شوية وهو انك تتجوز.

توكل على الله ابحث عن زوجة صالحة خاصة اذا كانت الظروف تسمح.

ربنا معاك

[hazoom2006]

اوعى تمشيها من الصيدليه لو مشيت الكلام هيزيد عليها اكتر

خليها فى الصيدليه عادى والناس لما تزهق هدور على حاجة تانية تتكلم عليها

[karimnet]

حسبي الله و نعم الوكيل ... طيب مينفعش تقعد مع اللي كان خاطبها دا و تفهمة الحكاية ولا الحكاية اتعقدت !! ربنا يسلمك من كلام الناس

السلام عليكم

رايى مثل رأى الأخ الكريم .. اقعد مع خطيبها و فهمه الحكاية و قوله انك اكتر حاجة خنقاك انها اكتر حد امين ممكن تستأمنع على الصيدلية و دى حاجة تشرفه و تشرفها .. و ان يطلع كلام حرام و تأليف على واحدة بتعتبرها زى اختك .. و اجعله طرف ثالث فى المشكلة معاكم علشان يحلها معاكم مش العكس

و ربنا يكرمك

[vBulletin]

السلام عليكم

طيب ما في حل ممكن يهدي الناس عليك شوية وهو انك تتجوز.

توكل على الله ابحث عن زوجة صالحة خاصة اذا كانت الظروف تسمح.

ربنا معاك

ياخى حتى لو الراجل اتجوز مش بعيد يزودوا الكلام ويفتح كلام اكتر ربنا يكون فى عونة واعرف ياخى المؤمن مبتلى
هيا هاتيجى احسن من ازواج النبى السيدة عائشة الى الشيعة بيقولو كلام عليها استغفر اللة العظيم ولا كلام الكفرة على النبى صلى اللة علية ومع ذلك ربنا بينصر المؤمنين وربنا يتولها ويبعد عنها كلام الناس ويجعلة فى ميزان حسنتها ويرزقها الزوج الصالح والذرية الصالحة

[Donzi]

لا حول ولا قوة الا بالله

الناس بقيت حاجة صعبة اوي بجد و كمان انتو في مجتمع صغير و زمان البلد كلها بتتكلم على البنت

اهم حاجة البنت ماتسيبش الشغل عشان الناس متزدش في الكلام و اذا كان خطيبها دة مش واثق فيها و في اخلاقها يبقى ان شاء الله ربنا يكرمها بالاحسن منو و يعوضها عنو خير

و ربنا يعدي الموضوع دة على خير و مايكبرش اكتر من كدة