حسبي الله ونعم الوكيل ..مخنوق

[PoweRPassioN]

أنا زهقت من كلمة "حسبي الله ونعم الوكيل"

يا دكتور دا أسمه كلام دا , حد يقول كدا برضو !!
خلي بالك من الكلام اللي بتقولو او تكتبه , لاننا محاسبون على كل كلمه
ورب كلمه يقولها المرء لا يلقى لها بالا تهوي به في النار سبعين خريفا
ورب كلمه اخرى من الخير ترفعك درجات لا يعلمها الا الله
وجب التنبيه وربنا يغفر لنا وأياكم

بالنسبه للموضوع اللي طرحته , لن تستطيع أن ترضي كل الناس مهما فعلت
فقط راعي ربنا اولا واخيرا شاء من شاء وأبى من أبى من الناس
وبعدين فبل ما تتخنق او تتدايق خلي بالك ان اي حد اتكلم عليك بيديك من حسناته
يعني هما يتكلموا وانت تاخد من الحسنات اللي اتقبلت من اعمالهم الطيبه
دايما في اي ازمه ف الدنيا بص للجانب المشرق وأحمد الله على كل حال

وربنا يوفقك للخير

[blazer]

يا دكتور دا أسمه كلام دا , حد يقول كدا برضو !!
خلي بالك من الكلام اللي بتقولو او تكتبه , لاننا محاسبون على كل كلمه
ورب كلمه يقولها المرء لا يلقى لها بالا تهوي به في النار سبعين خريفا
ورب كلمه اخرى من الخير ترفعك درجات لا يعلمها الا الله
وجب التنبيه وربنا يغفر لنا وأياكم

بالنسبه للموضوع اللي طرحته , لن تستطيع أن ترضي كل الناس مهما فعلت
فقط راعي ربنا اولا واخيرا شاء من شاء وأبى من أبى من الناس
وبعدين فبل ما تتخنق او تتدايق خلي بالك ان اي حد اتكلم عليك بيديك من حسناته
يعني هما يتكلموا وانت تاخد من الحسنات اللي اتقبلت من اعمالهم الطيبه
دايما في اي ازمه ف الدنيا بص للجانب المشرق وأحمد الله على كل حال

وربنا يوفقك للخير

هو مش قصده كدا اكيد
هو اكيد زهق يعنى من كتر النفسيات اللى بيقابلها والبلاوى اللى بتتحدف علينا منهم

[tarekzein]

فعلا حسبى الله ونعم الوكيل

بس هأقولك أيه للأسف رغم أن أهل الريف طيبين وغلابه

بس الإشاعات تعتبر مصدر تسليتهم الوحيده

ربنا معاك

[A7MED_PHARMA]

شكرا لكل المشاركات ياشياب
بس أكيد الحل مش إني أتجوز ..أنا مش هتجوز لمجرد إني أسكت الناس
والناس أساسا مش هتسكت
.......
وأكيد البنت مش هتمشي لأكتر من سبب
أولهم إنها محتاجة الشغل .. والشغل محتاجها
.......
وخطيبها إلي سابها
هوا الخسران 100% ...أنا أساسا مكنتش بحبه
كانت دايما تحكيلي
أي مشكلة بينهم ..بيعمل حاجات غريبة
يعني مرة بنت عمتها ماردتش عليه كويس(حسب رأيه)
قالها :ياأنا يا عمتك وبنتها..إختاري حد فينا
يعني عيل تافه أساسا
.........
أنا ماقصدتش إني زهقت فعليا
ده كان مجرد تعبير لغوي ..إني بقيت بقولها كتير..كتير أوي
الدنيا عمالة تخنق عليا أوي
أوي
تفتيشات .. وضرايب ..ورواتب..وفواتير الكهربا إلي بقت بتعدي الــ100جنيه شهريا..مع إن الصيدلية يدوبك كام لمبة موفرة وتلاجة وتلفزيون
وفواتير الميه التجارية .. وكل يومين حاجة في العربية..والتأمينات على العاملين..غير طبعا مشكلتي الرئيسية ..الشكك
ومرض والدي .. ومشاكل المراهقة بتاعة أخويا محمود المفروض عليا تحملها بإعتباري الاخ الاكبر
تيجي كمان المشكلة الكبيرة اوي دي ..لواحدة أنا بعتبرها أختي الصغنونة
وياريتني أقدر أقطع ألسنة الناس


هم كبير أوي
ربنا يعدي الايام دي على خير ..انا خايف بجد يجيلي الضغط أو السكر من القرف بتاع كل يوم ده

إفرجها يارب

[remomemo]

انت عندك حق ماينفعش تتجوز فى الظروف دى لان ده هاياكد الشكوك
طيب سؤال انت مثلا منتظم فى الصلاة بالمسجد لو علاقتك كويسة بامام المسجد مثلا كلمه ممكن يعرض حل المشكلة
حاول تعين حد يشتغل معاكم يبقى تلاتة فى الصيدلية بدل اتنين ده هايقلل كلام الناس ان شاء الله ست كبيرة تنضف المكان
وان شاء الله ربنا يقف جنبك وجنب البنت المسكينة لان لا يصح الا الصحيح

[viper911s]

دكتور احمد واللة ربنا يعم انا بعزك وبحترمك قد اية
نصيحة من اخ اصغر منك من موقف مشابة البنت متمشيش من الصيدلية بالعكس طالما انك مش شايف عليها حاجة غلط خلاص
وتروح لخطيبها تحاول معاة اذا لم يرتجع خلاص متفكرش فية وتعرفها ان ربنا هيكرمها بالاحسن واللة دة الى حصل معايا
نفس الموقف وتدخلت فية كانت لصديق ليا اختة كانت فى المشكلة وانا اتربيت فى بتهم وفى نهاية الموضوع البنت فى اقل من شهر فعلا كانت اخطبت لشاب افضل وانهى كمان جوازة بسرعة ربنا يكرمة
يعنى متندمش وربنا مش بيسيب بجد
واتمنى انى اتعرف عليك بجد
شكرا وتقبل تحياتى

[M.almaghraby]

ولا تزعل نفسك يا دكتور ... عادي , البنت نصيبها كدا .

و خطيبها هوا الي خسران , و رب ضارة نافعة , يمكن خطيبها دا كان مش نافعها من الاول

[vBulletin]

شكرا لكل المشاركات ياشياب
بس أكيد الحل مش إني أتجوز ..أنا مش هتجوز لمجرد إني أسكت الناس
والناس أساسا مش هتسكت
.......
وأكيد البنت مش هتمشي لأكتر من سبب
أولهم إنها محتاجة الشغل .. والشغل محتاجها
.......
وخطيبها إلي سابها
هوا الخسران 100% ...أنا أساسا مكنتش بحبه
كانت دايما تحكيلي
أي مشكلة بينهم ..بيعمل حاجات غريبة
يعني مرة بنت عمتها ماردتش عليه كويس(حسب رأيه)
قالها :ياأنا يا عمتك وبنتها..إختاري حد فينا
يعني عيل تافه أساسا
.........
أنا ماقصدتش إني زهقت فعليا
ده كان مجرد تعبير لغوي ..إني بقيت بقولها كتير..كتير أوي
الدنيا عمالة تخنق عليا أوي
أوي
تفتيشات .. وضرايب ..ورواتب..وفواتير الكهربا إلي بقت بتعدي الــ100جنيه شهريا..مع إن الصيدلية يدوبك كام لمبة موفرة وتلاجة وتلفزيون
وفواتير الميه التجارية .. وكل يومين حاجة في العربية..والتأمينات على العاملين..غير طبعا مشكلتي الرئيسية ..الشكك
ومرض والدي .. ومشاكل المراهقة بتاعة أخويا محمود المفروض عليا تحملها بإعتباري الاخ الاكبر
تيجي كمان المشكلة الكبيرة اوي دي ..لواحدة أنا بعتبرها أختي الصغنونة
وياريتني أقدر أقطع ألسنة الناس


هم كبير أوي
ربنا يعدي الايام دي على خير ..انا خايف بجد يجيلي الضغط أو السكر من القرف بتاع كل يوم ده

إفرجها يارب

ربنا يفرجها عليك يادوكتور واللة انت من الناس الطيبة ولاد البلد وانا دايما اشوف مشاركاتك بتدل على انك انسان
بن ناس ومتعلم ومحترم مع انى انا لسة مشترك فى المنتدى ومع انى ماقبلتكش فى الحقيقة بس فعلا الكلام بيدل على الشخصية
وربنا يفرجها عليك وقول الحمد للة واللة فية غيرنا كتير والواحد بيبص عليهم بيقول الحمد للة بجد على النعمة الى هو فية وربنا يفرجها عليك ويزقك من نعيمة وبالزوجة الصالحو والذرية الصالحة

[sherif_m72]

انت عندك حق ماينفعش تتجوز فى الظروف دى لان ده هاياكد الشكوك
طيب سؤال انت مثلا منتظم فى الصلاة بالمسجد لو علاقتك كويسة بامام المسجد مثلا كلمه ممكن يعرض حل المشكلة
حاول تعين حد يشتغل معاكم يبقى تلاتة فى الصيدلية بدل اتنين ده هايقلل كلام الناس ان شاء الله ست كبيرة تنضف المكان
وان شاء الله ربنا يقف جنبك وجنب البنت المسكينة لان لا يصح الا الصحيح

انا اؤيد الرأى والنصيحه دى جدا
بس حاول تحسن اختيارك للشخص التالت عشان هيكون سلاح ذو حدين يا فصالحك يا هيبوظلك الدنيا كلها
وربنا يعينك على اشاعات الناس وبلاويها

[misoalex]

حسبى الله ونعم الوكيل دى اعراض ناس وسمعه بنات

هو الناس مش عاوزين يتعظو ويراجعو تصرفاتهم عشان ربنا يرضى عنهم ويفك الكرب الى الناس فيه ولا هما مش حاسين ان كل الى احنا فيه من عمايلهم

والله كل يوم بكتشف اننا عايشين فى المكان الغلط

حسبى الله ونعم والوكيل واكيد كل الى بيردد الكلام ده ربنا مش حيسيبه وحتتردله فى بناته واولاده

اما باقى المشاكل يا دكتور عادى كلنا فيها وانت عارف ميه ونور وضرايب وسرقه فى الشوارع وكل حاجه هو انت غريب مش من هنا ولا ايه
امال لو انت متجوز بقا والمشاكل دى والهم بقا الدوبل كنت حتعمل ايييييييييييييييه

صللى وقول حسبى الله ونعم الوكيل وربنا حيفرجها ويجبلك حقك ويمكن ربنا عمل كده عشان تسيب خطيبها التافهه ده وتلاقى واحد افضل منه يحافظ عليها

بسم الله الرحمن الرحيم
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

[zakiali]

كبر دماغك .. مدام انت معملتش حاجه غلط نحسبك علي خير انشاء الله ... هقولك رأيي بصراحة .. انت غلطان من الأول انك جبت واحده بنت تشتغل معاك .. ليش مش شاب زيك ؟ مانت عارف ان الأرياف ملهمش كلام غير في أعراض الناس ليل ونهار .. يبقي ليه نفتح باب للشيطان من الأول . عموما فوض أمرك لله وهو هيحلها انشاء الله .

[Abo_Lina]

فيه أصناف من الشعب المصري ماوراهاش حاجة غير إنها تتكلم ..
خليهم يتكلموا .. فاضيين

[ahmed88hassan]

حسبي الله ونعم الوكيل
ربنا يصبرك

[misoalex]

كبر دماغك .. مدام انت معملتش حاجه غلط نحسبك علي خير ان شاء الله ... هقولك رأيي بصراحة .. انت غلطان من الأول انك جبت واحده بنت تشتغل معاك .. ليش مش شاب زيك ؟ مانت عارف ان الأرياف ملهمش كلام غير في أعراض الناس ليل ونهار .. يبقي ليه نفتح باب للشيطان من الأول . عموما فوض أمرك لله وهو هيحلها ان شاء الله .

حضرتك اختلف معاك فى مهن كتيييييييييير بتتطلب بنات فى العمل

يعنى لو واحده بنت او ست داخله تاخد حقنه او تشترى حاجه من الى بيشتروها مش حتنفع تتكلم مع ولد او دكتور حتتكسف

وبنات كتير بتعمل كده لو الصيدليه مفيهاش بنت او دكتوره مبتدخلهاش اصلا

وغير حاجه تانيه ان البنات بيمسكو فى الشغل ومعروف انهم مش بيتنططو من مكان للتانى ولو ارتاحو فى مكان خلاص مبيسيبهوش لانهم مرتاحين فيه عكس اغلب الشباب وخصوصا ان اغلب الشباب بيبقى قطه مغمضه وبعد كام شهر خبره بيتنطط وعاوز مرتب اعلى او يسيب المكان ويروح مكان تانى لان هدفه الرئيسى هو تحيق اكبر مرتب ومكانه

والحاجه التالته ان مرتبات البنات اقل 50% من مرتبات الشباب ودى حاجه معروفه جدا حتى لو كانت خبره


عشان كده يفطه مطلوب انسه للعمل بقت هيا اليفطه الى اى حد بيعملها لو عاوز حد يشتغل معاه

[amr100]

ولا حول ولا قوة إلا بالله