قصة من تأليف أعضاء المنتدى

[د.أحمد سمير]

وفجأة .. وهي تحاول التفكير في متابعة سيرها خلف السيارة الملعونة التي ترى فيها زوجها معصوب العينين بلا حول ولا قوة له .. وقد سيطر الخوف عليها تماماً تنشق الأرض عن ضابط يقول لها رخصك يا مدام .. ارتبكت ارتباكاً شديداً وهي تقول رخص إيه ؟؟ بدأ الضابط يشعر بارتباكها ، وهي تشخص ببصرها إلى السيارة التي يقتادون فيها شريف لجهة غير معلومة ، وهنا لاحظ الضابط ارتباكها وقال لها بلهجة حازمة : الرخص يا مدام .. انتي واقفة قدام التجنيد وعلى طريق سريع ودي منطقة ممنوع فيها الانتظار .. زاد ارتباكها وهي تبحث عن الرخص ليباغتها الضابط فجأة ويقول لها :

[sh_masry]

ليه كدا ياشريف تبوظ مجرى الأحداث . أنا كدا مدايق لأنك بكده عديتني أنا وأستاذ جنيدي وهب عاملت بدايه تانيه

ماينفعشي أن يكون فيه بدايتين لحوار جديد في قصة متقسمه ولا أنت هاتعمل ذي الدكتور أحمد خالد توفيق

أرجو أن نلتزم بمجرى الأحداث ولا نضطر إلى الوثب فوق الأشخاص

و الله يا م محمد انا مافوتش حد و انا كنت الظاهر كنت بكتب فى نفس الوقت متاعك انت و ا جنيدى و انا اسف بس انا مش عارف الدور هايمشى ازاى ؟؟؟؟ لأن كده ممكن تحصل تانى لخبطه زى دى !!!!

a7'ook
Sherif

[M_ElSabaa]

ايه ده .. مش معقول انت هيام ؟؟ مش فاكرانى انا مصطفى .. مصطفى رشدى كنا معا بعض فى المدرسة
هيام: مــصطفى ياااا ازيك يا مصطفى عامل اية ؟ والله ليك وحشة
مصطفى: انا الحمد لله كله تمام . انت اخبارك ايه يا بنتى ؟ اتجوزتى ولا لسه؟
هيام: كله تمام الحمد لله .. اه اتجوزت
مصطفى : انت ايه الى جابك هنا اصلا؟
هيام : يووو نستنى صحيح .. شايف العربية الى هناك دى ؟ شكل فى حد بيخطف جوزى
مصطفى : ايه ده !؟ طب يلا بينا بسرعة .. انا هطلع قدامك بالبوكس
مصطفى فى الاسلكى : ............

[mbluethunder]

ليه كدا ياشريف تبوظ مجرى الأحداث . أنا كدا مدايق لأنك بكده عديتني أنا وأستاذ جنيدي وهب عاملت بدايه تانيه

ماينفعشي أن يكون فيه بدايتين لحوار جديد في قصة متقسمه ولا أنت هاتعمل ذي الدكتور أحمد خالد توفيق

أرجو أن نلتزم بمجرى الأحداث ولا نضطر إلى الوثب فوق الأشخاص

و الله يا م محمد انا مافوتش حد و انا كنت الظاهر كنت بكتب فى نفس الوقت متاعك انت و ا جنيدى و انا اسف بس انا مش عارف الدور هايمشى ازاى ؟؟؟؟ لأن كده ممكن تحصل تانى لخبطه زى دى !!!!

a7'ook
Sherif

يا باشا عيب عليك إحنا هنا كلنا أخوات وأنت معاك حق لأني للأسف وأنا كنت بكتب كنت خايف حد تاني يكون بيكتب في نفس الوقت وكنت مستعجل جدا جدا قبل ما حد يسبقني ويكتب في نفس الموضوع وبعد نفس النهايه اللي أنا بكتب فيها

ممكن الأداره تخلي المشاركه هنا للي هايكتب الرد بس مش للي هايتفرج وده ممكن يبقى في الـ Programming بتاع الموقع أو بتاع الموضوع ده ( والله أعلم )

ولا يهمك ياباشا بس أنا كان ليا رجاء وهو بلاش ندخل في أحاديث ممكن تقلب مجرى الأحداث بتاعت القصه زي موضوع الليله السودا والأس السودا

وشكرا

[Dr Ahmed]

إستيقظ شريف مبكرا فى هذا اليوم على رنات تليفونه المحمول الذى لا يفارقه ، أرسل شريف يده لتبحث عن المحمول وهو مغمض العينين وأخرسه ، لكن المتصل مالبث أن عاود الإتصال فرفع شريف الهاتف أمام عينيه ليرى رقم المتصل وما أن رآه حتى انتفض واقفا قائلا لنفسه :

"يا نهار اسود زعبوله القوله رجع تاني !!؟ ويا تري عايز ايه دلوقتي علي الصبح " وبشكل لاارادي اسرع شريف بكتم الصوت بكلتا يديه لكن دون ان يغلق الخط وبينما شريف واقف محتاس مش عارف يعمل ايه اذا بالتليفون بطل رن مما جعله يتنفس الصعداء لهروبه ولو مؤقتا من المواجه ومن ثم ارسل شريف ناظريه لزوجتة المستلقيه بجانبة ليطمئن من انها لم تستيقظ علي صوت التليفون..

كان الامر كالكابوس ولم يكن يظن ابدا ان يعود هذا الكابوس لحياتة مره اخري الا ان صوت التليفون ايقظه مره اخري من سرحانة ليجد نفس الرقم مره اخري نعم نفس الرقم الذي لم يكن يظن ابدا انه سيراه مره اخري الا ان صوت رنه التليفون بدا له كانه يزداد اصراراً وعلوا كمان ان طبق الرز اللي غرقانة فيه مراتة يكاد ينتهي وتصحي من النوم اذن لابد من الموجهة وليكن اذن ضغط علي زر الاتصال وببطء شديد رفع شريف الهاتف لاذنيه قائلاً :

...ايوة يا زعبولة فيه حاجة .. فأجابه زعبولة : المعلم بيقولك انت مطلوب!. فبدأ على الشريف الضيق من سؤال زعبولة ومش عارف يرد على زعبولة وبعد فترة من الصمت رد شريف : طيب قول للمعلم أنى انا هاقبله بكرة بس أخلص كام مشوار وهعدى عليه بكرة .. فرد عليه زعبولة وكل صوته يملآه حزم وقوة :المعلم بيقولك الساعه 11 تكون عنده و الا مش هايحصل طيب و انت عارف المعلم لما يقول كلمه تمشى عالكل .
رد عليه شريف قائلا : طيب طيب خلاص هاكون عنده الساعه حداشر زى ما امر ... سلام بقى دلوقتى يا زعبوله .
و من غير مايرد زعبله كان قفل السكه.

اطمأن شريف ان مراته لسه نايمه و راح قايم من جنبها مولع سيجاره و ذهب الى البلكونه لكى يفكر فيما فعل فى ماضيه و كيف لهذا الماضى ان ينغص عليه حاضره و مستقبله ........ و فجأه و هو فى وسط تفكيره اذ بمراته تدخل عليه البلكونة وتقوله انت لسة صاحى يا شريف؟؟؟ ومين الى كان بيتصل بيك دلوقتى دة
زاغت عيناه من الخوف فربما تكون زوجته قد سمعت المكالمة الملعونة بينه وبين زعبولة ودارت عيناه فى محجريهما وعقله يكاد يحترق من التفكير الى ان اهتدى الى كذبة جديدة ورد عليها قائلا...
شريف : مفيش حاجة يا حبيبتى, بعيد عنك واحد صاحبى ابوه مات وكانوا بيبلغونى.
الزوجة : ان لله وانا اليه راجعون, طيب وهوا مين صاحبك دة؟؟؟؟
شريف : لا دة واحد صاحبى من ايام الجامعة , متهيالى مشفيهوش قبل كدة...
الزوجة : طيب يا حبيبى انا هدخل الحمام وارجع تحب اعملك كباية نعناع تهديك ؟؟؟؟
شريف : لا مرسى يا حبيبتى انا هخلص السيجارة وانام.

وخرجت الزوجة تتهادى الى الحمام وانتهز شريف فرصة خلو الحجرة ورفع سماعة الهاتف ليتصل بـ بالسائق الخاص بة ليخبرة ان يحضر لة نصف ساعة قبل الميعاد المعتاد علية لانة يريد ان يذهب الى العمل مبكرا--ولن يمكنة النوم بعد المكالمة الغامضة مع زعبولا القلا--وبالفعل حضر السائق فى الميعاد وذهب شريف الى عملة شارد الفكر زائغ العينان-حتى انة لم يرد التحية الى زملائة فى الشركة الذى يعمل بها--وهى شركة تعمل فى مجال الشحن ووسط سقوط شريف فى تفكير عميق قاطعه صوت جرس تليفون المكتب ترررن تررن

شريف فى ترقب: الو
الزوجة: ايوه يا شريف اخبارك ايه دلوقتى ؟ شكلك مكانش يطمن امبارح. هتعمل ايه فى موضوع صاحبك؟
شريف : مفيش هنعدى عليه كلنا بعد الشغل
الزوجة: طيب ربنا معاك يا حبيبى
الزوجة: شريف .... ما تنساش تيجيبلى معاك زيتون كالاماتا
شريف: حاضررر
يفتح شريف درج المكتب ويخرج منه المسدس الذى كان يستخدمه فى رحلات الصيد ويقوم بحشو المسدس وهو يبتسم قائلا فى هدوء : كده بقى الواحد يبقى جاهزلك يا زعبولا
وبنظرة سريعة على المكتب يلمح شريف ظرف مغلق ويقوم بفتحه ليجد .ليجد فيه رساله مكتوبه بخط ركيك، وبعيون زائغة قرأ شريف الرسالة بسرعة "اذهب إلى الكيلو 28 طريق مصر الأسماعيليه الصحراوى" الامضاء زعبوله. سرح شريف بخياله فى مضمون الرساله هل يضمر له زعبولا الشر ولماذا اختار هذا المكان بالذات للمقابله،ومن الذى احضر هذه الرساله إلى مكتبه. نظر شريف الى الظرف الذى كانت به الرساله وتمعنه بشده لا توجد عليه اى اختام او طوابع بريدية. ازداد ارتباك شريف وبصوت عالى نادى على سكرتيرته يا نادية كررها مرتين بصوت عالى، وفى لمح البصر كانت هيام تقف امام مكتب شريف
شريف: مين اللى جاب الجواب ده هنا
نادية: تنظر الى الظرف الملقى على المكتب، ده جه مع الجوابات اللى جت النهارده الصبح.
شريف: بس ده ما فيش عليه طوابع ولا اختام يعنى اتسلم باليد ياهيام.
نادية: (وقد تغير صوتها وبدا عليها الاضطراب) مش عارفه والله ياستاذ شريف بس انا لقيته مع باقى الجوابات بتاعه حضرتك.
شريف: طيب طيب انا حعرف مين اللى جابه اتفضلى انتى.
خرجت هيام مسرعة من المكتب وهى تهمس بكلمات فى سرها ....أه لو استاذ شريف عرف ان انا اللى بنقل كل معلوماته الى زعبوللا والمعلم، ماعلينا يعنى هيعرف منين يعنى

سرح شريف بخياله عدة سنوات الى الوراء، عندما كان احد صبيان تلك المجموعة التى يسمى زعيمها نفسه باسم"المعلم" وتذكر ايام الشقاوة قبل ان يستقر به الحال فى وظيفة محترمة ويتزوج، والأن ها هو الماضى يطل عليه علية بوجهه القبيح ويهدد حياتة المستقرة...."صحيح دخول الحمام مش زى خروجه"قالها شريف لنفسه بصوت مسموع ، وأجفل عندما سمع ذلك الصوت الأنثوى يقول له:"حمام إيه يا استاذ شريف" ، ونظر ليجد زوجته واقفة امامه تتفرس فى ملامحة، فنظر لها متسائلا، خيرفيه حاجة، فردت قائلة: أيه حكاية الكيلو 28 إللي في طريق مصر الأسماعيليه الصحراوي دي؟؟؟؟

قال لها :- هوه في أيه يا حبيبتي بس ؟

قالت له:- جالك جواب على البيت مكتوب فيه((( أنا في أنتظارك في الكيلو 28 طريق مصر الأسماعيليه الصحراوي))) !!! مين بقى يا سي "شريف" إللي متستنيك في الكيلو ماعرفش ايه ده ؟؟؟؟؟؟؟؟؟؟؟

قال لها:- يا عبيطه أنتي مش عارفه إن "بايوو" ساكن في مدينة العبور ومدينة العبور موجوده عند الكيلو 28 وأنت عارفه "بايوو" بقى وحركاته .... ههههه (ضحكه صفره)
قالت له:- الكيلو ده في إدارة التجنيد (الهايكستب) وسوق العبور ومدخل مدينة العبور يعني كذا حاجه يا حبيبي و"بايوو" مابيهزرش الهزار الرخم ده
قالها:- يعني تفتكري يعني إدارة التجنيد هيه إللي بعتالي يا شيخه ؟ وللا يعني واحد من معلمين السوق باعتللي أستلم قفص جوافه؟؟؟؟ قالت له :-قالت له: براحتك ، وهى تشم بفطرتها الأنثوية أن شيئا ما يدور..

حدّث شريف نفسه قائلا: ماذا لو لم أذهب؟ ماذا لو تجاهلت هذه الرسالة كأن لم تكن؟؟ وبسرعة تذكر أن "المعلم" لا يرحم وأنه لا ريب لن يتركه وشأنه وسيجبره على استغلال موهبته الفريده فى فتح الخزائن فى الشر مرة أخرى..

وعزم شريف أمره : سأذهب وأتوسل إليه ان يتركنى وأدعى أنى أصبحت خيبة وأعمل إنى بقيت مرعوش ولا أستطيع فتح زراير القميص بسبب الروماتويد.. أيوه هى دى الخطة...
حاول أن يطمئن نفسه الملتاعة بهذه الفكرة التى لم تحبط خوفه، وركب سيارته الاسبرانزا السوداء إلى الكيلو 28.وهناك وجد زعبولا في إنتظاره بسيارته الفارهه والتي هي من نفس طراز سيارته السوداء ولكن حمراء ومعاه إتنين رجاله ما شاء الله عليهم لو حطوا منهم ميه جنب بعض ممكن يبنوا سور مصر العظيم وبدأ زعبولا الحديث

زعبولا : آيه الغيبه الطويله ده ياشريف ما كانشي عشرة عمر وأسفلت خد مننا رقات وإيدينا اللي كانت تتلف في حرير ( وخده أحضان وبوس ) وكأنه كان صاحبه وأنتيمه
شريف : إذيك يا زعبولا يجماعه ليه الحركات ده يعني تليفون وجوابات في الشغل وفي البيت هو فيه إيه لكل ده ممكن كان فيديو كال واحد يخلص الموضوع ده كله في ثانيه
زعبولا : ماعليشي بقى ياشريف ده أوامر المعلم الكبير وطريقته الجديده
شريف : طريقته الجديده ( ما شاء الله ) ده الراجل أتطور عن زمان أوي . طب ودلوقتي عايزين مني آيه ؟؟؟
زعبولا : المعلم هو اللي عايز يشوفك ضروري
شريف : خلاص أمشوا وأنا هامشي وراكوا
زعبولا : لأ ياحلو المعلم أوامره أننا نغضي راسك علشان المكان بتاعه الجديد سري
شريف: نعم
زعبولا أشار للرجاله بتوعه وهب راح كل واحد ماسك شريف ومكتفينه وهو راح مغضي راسه كلها وخدوه ومشيو

من بعيد مراته كانت ركبه عربيتها لأنها قالت لنفسيها أكيد الراجل ده بيلعب بديله من ورايا وأنا لازم أعرف وكانت متابعه كل حاجه

وجائت لحظة التكتيف ولم تدرك زوجتة ما يجب عليها فعلة وهى ترى ان زوجها فى موقف صعب -وفى الحال وجدت نفسها تتصل--بزوج اختها وهو يعمل بجهاز الشرطة بدرجة مقدم --وشرحت لة باللهجة متسرعة وعصبية مدى خطورة الموقف التى تعيشة-- وترى زوجها فية--وفجاة وفجأة .. وهي تحاول التفكير في متابعة سيرها خلف السيارة الملعونة التي ترى فيها زوجها معصوب العينين بلا حول ولا قوة له .. وقد سيطر الخوف عليها تماماً تنشق الأرض عن ضابط يقول لها رخصك يا مدام .. ارتبكت ارتباكاً شديداً وهي تقول رخص إيه ؟؟ بدأ الضابط يشعر بارتباكها ، وهي تشخص ببصرها إلى السيارة التي يقتادون فيها شريف لجهة غير معلومة ، وهنا لاحظ الضابط ارتباكها وقال لها بلهجة حازمة : الرخص يا مدام .. انتي واقفة قدام التجنيد وعلى طريق سريع ودي منطقة ممنوع فيها الانتظار .. زاد ارتباكها وهي تبحث عن الرخص ليباغتها الضابط فجأة ويقول لها :

ايه ده .. مش معقول انت هيام ؟؟ مش فاكرانى انا مصطفى .. مصطفى رشدى كنا معا بعض فى المدرسة
هيام: مــصطفى ياااا ازيك يا مصطفى عامل اية ؟ والله ليك وحشة
مصطفى: انا الحمد لله كله تمام . انت اخبارك ايه يا بنتى ؟ اتجوزتى ولا لسه؟
هيام: كله تمام الحمد لله .. اه اتجوزت
مصطفى : انت ايه الى جابك هنا اصلا؟
هيام : يووو نستنى صحيح .. شايف العربية الى هناك دى ؟ شكل فى حد بيخطف جوزى
مصطفى : ايه ده !؟ طب يلا بينا بسرعة .. انا هطلع قدامك بالبوكس
مصطفى فى الاسلكى : ............



............................................

[Dr Ahmed]

مصطفى فى اللاسلكى : أنا طالع ورا عربية لانسر 2007 زرقاء فيها واحد مخطوف ... رد عليه من الجهة الأخرى: ماتطلع حد حايشك!

وانطلق مصطفى بالبوكس موديل داتسون 1976 بسرعة شديدة متخيلا نفسه بطل أمريكى فى فيلم بوليسى إلا أن القدر أيقظه على انفجار الإطار الأمامى واصطدام عربية هيام به من الخلف ولم يدر ماذا يفعل سوى أن يقول: الشرطة فى خدمة الشعب..

وصلت سيارة العصابة إلى وكر المعلم السرى واقتادوا شريف معصوب العينين إلى طرقات طويلة أنتهت عندما سمع صوت المعلم الأجش قائلا:........

[Karim_Monir]

فينك من زمان يا شريف
انت فاكر اننا مش هانعرف نلاقيك تاني ولا ايه
وعشان اتجوزت وغيرت سكنك وعملت نيو لووك فاكرين اننا مش هانعرف نجيبك
شريف مرتعدا من الخوف : ابدا يا معلم انا تحت امرك في اي حاجة تطلبها مني
المعلم : عملت اي فيه ..........

[Dr Ahmed]

عملت إيه فى آخر فلوس قبضتها من آخر عملية؟ اشتريت بها الأسبرانزا السودا دى؟؟ والله وعرفت الفخفخة يا شيرى؟؟؟
شريف فى نفسه (الراجل دا اتهبل وللا إيه؟)

يسترسل المعلم: عموما العربية دى هتوصلنا للى احنا عايزينه منك...

خزنة حسام أبو الفتوح!!!

[Abonora]

شريف =يامعلم خزنة اية وبتاع اية انا الحمدلله تبت وماليش فى السكة دية خالص -وبعدين انت لو فتحت الخزنة بتاعة ابو الفتوح مش ح تلاقى غير ملابس داخلية حريمة وسى دى هات وشرائط -----ولو على العربية خدها ونبقى خالصين بالفلوس اللى انت عاوزها منى انت كنت عاوز ربع مليون جنية معاك عربية تمنها 200 الف جنية ولما ربنا يسهل ادفعلك الباقى --يرد علية المعلم بصوتة الاجش = انت فاكرنى كرودية العربية دية ماتخشش ذمتى الا ب 150 الف بس يبقى عليك 100 الف يا ناصح --وكمان لينا خدمة عند المحروس عديلك المقد --عاوز تعرف اية هيه --

[Dr Ahmed]

شريف فى نفسه (المعلم طلع كروديا صحيح، فرصة ألّزق له العربية ، دنا مكنتش عارف أبيعها ب 30 ألف جنيه مع انى شاريها بقالى كام شهر)
يا معلم المقدم حازم عديلى دماغه ناشفه جدا ومستحيل يساعدنى فى أى طلب ليك...

المعلم: حازم هو اللى هيوصلك لأبو الفتوح...
شريف متعجباً: بس ايه اللى انت عايزه من الخزنة دى؟؟؟؟

أقترب المعلم بوجهه ذو الخمسين ندبة ورائحته النفاذة من شريف قائلا: مش شغلك دلوقت، المهم تفكر وتخطط وتشوف هتحتاج مين من رجالتى يساعدك.. قدامك بايو وسبعاوى وكاماتشيدو وسوكاسون... قدامك أسبوع ترجع لى باللى فى الخزنة...ونصيبك فى العملية دى أرنب سمين ..
وأرتفع صوته فجأة وهو يقول:
لكن لو فشلت..يبقى قول على روحك يا رحمن يا رحيم..

[eng_elnaggar]

شريف: خير يا معلم !!!
المعلم: احنا عارفين ان عديلك ماسك نائب مدير مرور واحنا عندنا شحنة عربيات بدون ورق وعايزين نضربلها ورق جديد عشان نعرف نبيعها ونطلع منها بسبوبة محترمة وبرضه اهو ينوبه من الحب جانب ويطلعله بمبلغ حلو يشتريله عربية جديدة حلوة بدل ما هو مخلي البوكس بتاع الداخلية يخدم على اهل بيته ويرحم نفسه من كلام الناس.

رد عليه شريف وقاله: بس انا مش عارف اذا كان هيوافق ولا ايه يا معلم وبعدين لو ما وافقش هيبقى شكلي وحش وهيفضحني قدام اهل مراتي اللي واخدين فكرة ان انا راجل محترم وماليش في الحرام.

رد زعبوله اللي كان واقف جنبه وقال:............

[Dr Ahmed]

رد زعبولة وقال: ماهى دى شطارتك.. شوف دواخله منين وبكام.......

شريف: لا دى طلبات كتير قوى.... الخزنة وشحنة العربيات وأرنب واحد!!!!

المعلم: مخمخ معايا وأنا أنغنغك وأخليك تعيش ملك بقية حياتك...
وقبل ما تمشى عايز أعرف الوزة اللى معاك دى آخر كلام عليها بكام عشان قطفت حتة من قلبى... صعق شريف واعتقد انه يتكلم عن زوجته فاعترض قائلا : وانت مالك بيها؟؟؟ والله أسيب لكم الوكر ولا أرجع تانى مهما عملتم....
المعلم: الوزة السودا ياشيرى... أنا هاخدها وتروّح بالمرشيدس بتاعتى ، ونبقى نتفاهم لما العملية تخلص...
.........

إستغرق شريف فى التفكير وهو عائد إلى منزله راكبا المرسيدس الفخمة حتى انه لم يلاحظ أنه تجاوز ال120 ...
ياترى أختار مين يساعدنى فى العملية دى؟؟ وأوصل لأبو الفتوح إزاى؟؟؟ وإزاى أقدر أستغل المقدم حازم من غير ما يحس؟؟؟؟؟

[TAG_Turbo0]

ومازال شريف ماشى على 120 واذا بتاكسى جى من الشمال لليمين علشان فى زبون شاور له
دخل فية شريف من ورا واتبهدلت المرسيدس وملحأش يتهنى ببها (فلوس حرام)
نزل شربف من العربية ولسة هيجيب سواق التاكسى من أفاه لئى فى وشة.......................

[Dr Ahmed]

لئى فى وشه بايو فى الماتريكس بتاعته....

نزل بايو من سيارته مرتديا بدلته السوداء وكرافتته السوداء ونظارته السوداء وتوجه إلى شريف قائلا: اركب معايا بسرعة انت متراقب...

[Abonora]

رد شريف وقالة = انت مين واية اللى انت لابسة دة واية العربية اللى بأ تب دية-انا ما اعرفكش --رد بايو وضحكة سخرية تلازم شفتية -ح تعرف كل حاجة فى الوقت المناسب --فى هذة اللحظة كانت زوجة شريف ما زالت مع الظابط مصطفى يستعيدون ذكريات المدرسة --وزعبولا مع المعلم صاحب الصوت الاجش --اما سوا ق التاكسى اللى خرشم المرسيدس فقد انتهز فرصة انشغال شريف مع اللهو الخفى اقصد مع بايو بالبدلة السوداء والنظارة السوداء -انتهزها فرصة وهرب بالتاكسى--- ولسان حال شريف يقول -----