قصة من تأليف أعضاء المنتدى

[PAYOO]

للأسف السيد "أبو الفتوح" في رحله للخارج حاليا وهايقضي المده ويخرج بالسلامه إن شاء الله (أدعيله ونبي)

قال لها:- طيب مين بيحل محله وهوه مسافر؟

قالت له:- أبنه ممكن نشوف لحضرتك ميعاد وتقابله؟

قال لها خلاص وأنا هاظبط مع الرابطه ونشوف ميعاد نتكلم فيه

طبعا شريف على طول راح مكلم بقيت أفراد العصابه وقال لهم على أول الخيط إللي هايدخلو به على أبن أبو الفتوح

سبعاوي قال له أحنا كده حانحتاج أسبرنزا نروح بيها عشان تبقى العمليه مسبوكه

رد شريف وقال له :- ماشي نتصرف ونشوف عربية حد من الرابطه إللي أنا عضو فيها بس لازم ناخد عربية "بايوو" إللي عامله زي الكـُشك دي عشان واسعه ونقدر نحط فيها باقي العصابه بالسلاح بتاعهم

قال له

[وائل عطية]

والله فكرة دا حتى بايو حاطط شوية عدة إنما إيه لوووز !
دا حتى أنا شايفه امبارح في المقابلة وهو بيفرج وائل عطية على العدد دي كان معاه كومروسور وخوابير لحام وعدة لحام وزجاجة مية بصابون يعني بصراحة الواد ده مظبط لينا المسائل لو حصل أي عطل ولا مشكلة في العربية
بس محتاجين نهجم على عربية بايو الأول وناخدها ونرجعها وهو مش حاسس ..آه ماهو لازم نرجعها لأنه أبو زُمل برده ..إيه رأيكوا يارجاله ناخد عربيتة ازاي من غير مايحس

[Dr Ahmed]

(خارج الموضوع: بايو وسبعاوى اختارهم المعلم لمساعدة شريف فى العملية فمش مضطرين يهجمو على عربية بايو ولا حاجة دا لسه موصل شريف بيها للبيت بعد ماخلى عربية العصابة تخبط فى ملف الكوبرى... ركزوا معانا يا شباب)

[sh_masry]

والله فكرة دا حتى بايو حاطط شوية عدة إنما إيه لوووز !
دا حتى أنا شايفه امبارح في المقابلة وهو بيفرج وائل عطية على العدد دي كان معاه كومروسور وخوابير لحام وعدة لحام وزجاجة مية بصابون يعني بصراحة الواد ده مظبط لينا المسائل لو حصل أي عطل ولا مشكلة في العربية

المهم ... يالا دلوقتى سلام يا شباب علشان انا عندى عديلى المقدم حازم و لازم اقعد معاه شويه .
اغلق شريف التليفون و ذهب بالقرب من المقدم حازم و قال له : ياللا يا حازم نطلع عندى البيت علشان هغديك غدوه معتبره.
طلع معه حازم , و فتح شريف باب الشقه و هو ينادى: هيام انا معايا حازم , تعالى سلمى عليه و بعدين اعمللنا غد حلو من ايديكى الحلوين.
قال حازم و هو يسلم على هيام: مالوش لازمه التعب و لاحظ جهاز ال GPRS الممسكه بيه هيام فى يديها.
و قال لشريف : هو ده الجهاز اللى هايدلنا على مكان عربيتك.
ارتبك شريف للحظات و قال : اه يا حازم بس الجهاز عطلان و حاولت اشغله بس مش شغال , خلينا نتغدى الأول و بعدين نشوف حكايه الجهاز.
رد حازم بأستغراب: غريبه يعنى دا انا عارف ان انت بتموت فى عربيتك و بتخاف عليها جدا وواضح كده انه مش فى دماغك تدور عليها بجد .
سكت شريف و قال لهيام : حبيبتى جهزى انتى الغدا و انا هاقعد مع حازم شويه علشان نتكلم.
دخل شريف و حازم غرفه المعيشه و ادار شريف جهاز التكييف , و نظر لحازم و قال له : اقعد يا حزوم البيت بيتك و بعدين انا عايزك فى موضوع كده يعنى.
حازم : موضوع ايه خير.
شريف : بص ياسيدى .................................................. ...............ز

[eng_elnaggar]

شريف: صلي علي النبي..
حازم: اللهم ما صلي عليه...

شريف: دلوقت يا عم حازم انا واقع في مشكلة وعايزك تساعدني في حلها وانا عارف ان دماغك كبيرة وتوزن بلد.
حازم: خير يا شريف قول انت وغوشتني بكلامك ده.

شريف: دلوقت يا عم حازم انت عارف ان ايام المراهقة واللعب والفترة دي من حياة اى شاب بتبقى فترة صعبة جدا وممكن الواحد يضيع لو اتلم عليه شوية شباب بايظين ممكن يضيعوا مستقبله بسهوله.

حازم منصت تماما ويسمع لكلام شريف باهتمام

اكمل شريف كلامه وقال: انا بقى يا حازم مثال لشاب كنت تلفان بعد ما اتلميت على شلة بايظة علمتني كل حاجه وحشة في الدنيا والحمد لله انا بقيت انسان محترم دلوقت وعايز افضل كده على طول بس الماضي يا حازم مش عايز يسيبني في حالي.

وهنا قام شريف بسرد حكايته كلها لحازم من بداية تعرفه على المعلم وزعبوله وانتهاءا بتعرفه امس على بايو وسبعاوي وكمان حكى له اتصالهم بيه تاني وانهم عازينه يرجع زى زمان يا اما هيحطوا السيخ المحمي في صرصور ودنه.

كل ده وحازم منصت الى ان انتهى شريف من كلامه وهنا هب حازم قائلا:........

[eng_elnaggar]

(اين انتم يا اخوان؟؟؟؟ القصة هتحمض كده !!!!!!!! :):):) )

[Ahmed Hassan]

طيب يا شريف و انته بتعيدلي الكلام ده ليه؟ انته نسيت اني كنت عاملك تحريات كامله من ساعت ما انته اتقدمت تطلب ايد هيام؟!!!

شريف: ايوم يا حازم بس....

حازم: بس ايه؟؟؟ انا لو مكنتش عارف ان ديل الكلب اتعدل.. و انك تبت و بقيت انسان محترم مكنتش وافقت ابدا على جوازك من هيام!

شريف: كلب ايه و ديل ايه بس يا حازم افهم

حازم: افهم!!! يعني انا مابفهمش!!! (بوووم) و لكم حازم شريف في انفه و حوله الى كومه من اللحم المفري

تدخل هيام: اييه دااا!!

[eng_elnaggar]

هيام: ايه دا ايه اللي بيحصل ؟؟؟؟ خير يا جماعه !!!!!!!

حازم: تخيلي جوزك الأهطل مفكر اننا نايمين على وداننا ومش عارفين هو ايه وبقى ايه ؟؟؟؟ هو انت يبني لو انسان محترم كنا جوزناك بنتنا ؟؟؟؟؟ دا احنا جوزنهالك لما عرفنا انك حرامي خزن قديم, احنا بس كنا مستنيين انك تقدم شوية عشان تعرف تشتغل.

هيام: معلش يا حازم هو برضه لسه هاوي انا كنت سيباه براحته الفتره اللي فاتت دي بس فعلا جه الوقت اللي لازم يفهم فيه كل حاجه.

شريف مذهول من الكلام اللي بيسمعه اكتر من الضربة اللي اخدها في وشه , وهنا افاق من الدهشة وقال: ..........

[PAYOO]

شريف مذهول من الكلام اللي بيسمعه اكتر من الضربة اللي اخدها في وشه , وهنا افاق من الدهشة وقال: ..........

في نفس التوقيت كان هناك معركه دائره بالمطاوي بين "بايوو" و"سبعاوي"

بسبب ...

[Dr Ahmed]

وقال: يعنى انت تعرف زعبلة والمعلم..........؟؟؟
حازم : طبعا .. وعايزك تحكيلى اللى جرى بالتفصيل الممل............

حكى شريف لحازم كل ما جرى من لحظة تليفون زعبولا وحتى لقائه مع حازم ، استغرق حازم فى التفكير لعدة دقائق ثم التفت الى شريف وقال بصوت هادئ جدا......
هنعمل كل اللى عايزه المعلم !!!!!

اتسعت عينا شريف من هول المفاجأة ، لم يكن يتصور أن يوافق حازم بهذه السهولة .. لكنه وجد نفسه يسأل:
إزاى هنوصل للخزنة، وايه بخصوص شحنة السيارات؟؟

حازم: بخصوص السيارات دى شغلتى، هاتلى البييانات وسيبها عليا
بخصوص الخزنة.. أنا كمان عايز اللى فيها .. وآه لو تعرف اللى فيها....
شريف: هى فيها ايه ؟؟؟؟؟؟؟؟
حازم : هتعرف بعدين .. المهم دلوقت تجيب التقرير عن الاسبرانزا وتاخد أصحابك بايو و سبعاوى ومعاكم زميلتك فى الشغل .. على فكرة هى مع العصابة، هتكون هى الطعم اللى هيخلى أبو الفتوح ياخدكم لحد باب الخزنة....

[Dr Ahmed]

(ملحوظة: حازم عايز يوقع العصابة ويسلم الحكومة الأسرار اللى فى خزنة ابو الفتوح)

[eng_elnaggar]

(لاء حازم ده ابن حرامية وعايز ياخدله قرشين )

[Dr Ahmed]

(يا ابو أحمد مش هينفع يبقى كل الأبطال حرامية!! لازم حد يطلع شريف!!! واستنى لما نعرف ايه اللى فى الخزنة لازم هيكون مفاجأة كبيرة ، كمل على كده يابو حميد وشوف لنا طريق نروح نقابل بيها ابو الفتوح زى ما فكر حازم والمعركة الدائرة بين بايو وسبعاوى سببها ايه)

[د.أحمد سمير]

هناك في مكتب أبو الفتوح .. يصل فاكس ..
انتظر وصول الخبراء الصينيين لفحص الاسبيرانزا وحل مشاكلها المعقدة .. ولا تنسى أن تطلعهم على كشوف الحسابات والأرباح علشان نعرف نسبتنا كام .. ما تنساش اننا دولة شيوعية يعني كل إكرامية ونسبة لازم تتثبت رسمي علشان كل أعضاء الحزب الشيوعي الصيني مستنيين نسبتهم وعمولاتهم في صفقات الاسبيرانزا في مصر التي فاقت كل توقع . انتهى
تهرع السكرتيرة إلى مكتب أبو الفتوح وتسلمه الفاكس . يهمهم بضيق ويفك الكرافتة ويقول .. هيا كانت ناقصة حزب ونسب وعمولات .. كل ده علشان يصلحوا علبة الدريكسيون وتيل الفرامل .. المهم مفيش قدامي غير كام يوم على ما الوفد ييجي لازم اظبط حساباتي وأقلوظهم .. هما عايزين كل حاجة على الجاهز ولا إيه ..
على الجانب الآخر .. ساعي المكتب يتصل بحازم يقول له الناس شربوا الليلة والفاكس وصل والناس صدقت يا باشا .
حازم لشريف .. دلوقتي لازم نجهز نفسنا .. لازم ننزل نجيب هدوم صيني ، وماكياج صيني ، وبطاريات صيني ، واي حاجة صيني والسلام .. تروح لبايو وسبعاوي ، وتأكد عليهم انهم لازم يلتزموا بالخطة تمام .
يتصل شريف ببايو وسبعاوي يقول لهم لازم نجهز يا جماعة هنطب على أبو الفتوح متنكرين بالزي الصيني وبالشكل ده هندخل مكتبه ، ونطلع على حساباته ، وناخد عمولاتنا .. وهنا فاجأه بايو بسؤال رهيب قال ...

[PAYOO]

مير"] وهنا فاجأه بايو بسؤال رهيب قال ...

يعني تفتكروا إن أبو الفتوح راجل أهبل للدرجه دي ؟

بحلقوا كلهم في "بايوو" وقالولوا أنت ليه بتقول كده ؟

قال لهم:- هوه في صينيين تخان قوي كده زي "شريف" ؟ أحنا لو دخلنا عاملين مكياج الأشكيف نفسه الراجل هايهرشنا ياجدعان

"شريف" قال:- يا "بايوو" الصين فيها ناس تخان برضه وعندهم مصارعة (السومو) أنت ناسي ؟؟ هوه يعني كلهم مسلوعين يعني زي "زعبولا" ؟

رد سبعاوي:- لا يا"شريف" (السومو) دي يباني مش صيني على العموم احنا مش هانعمل مكياج لـ"شريف" لاننا فعلا مهما عملنا هايبان انه مصري أبن مصري أحنا هانقول عليه أنه المترجم بتاعنا

بايوو قال:- خلاص وإذا كان على المكياج أنا أعرف الواد اللبيس بتاع "أحمد أدم" وكان معاه في فيلم (ولا كان في النيه أبقى فلبينيه) وكمان كان طالع في دور كومبارس صامت ... أنا هاقوله يسرق لنا العده والأدوات بتاعت المكياج بتاعت الدور ده

وفعلا قام "بايوو" بالأتصال بصديقه اللبيس بتاع "أحمد أدم" وقال له .....