منظر يحرق الدم .. للأسف بقى عادى عند ناس كتير .

[M_HaFeZ]

اكيد كلنا شوفنا المنظر ده مره واتنين وتلاته وكل يوم
تركب اى وسيله مواصلات تلاقى شاب وشابه وحاطط ايده على كتفها وايده تنزل لحد تحت الكتف وعادى جدا
الواحد فعلا بيتخنق جدا من المناظر دى وحصل معايا قاعد فى ميكروباص
والاقى واحد وواحده وطبعا محجبه لان الحجاب مبقاش للاسف دليل على التدين يمكن بس علشان الشكل او بدل ماتعمل شعرها او شعرها وحش تلبس حجاب "انا مع الحجاب قلباً وقالباً بس الاستخدام للاسف"
المهم الولد والبنت قعدوا جنبى شباب فى حدود 20-22 سنه
شويه والولد ايده على كتفها
ابص له ولها وادور وشى ناحيتهم وعادى خالص
لحد مالولد يقولى : هو فى حاجه ؟
قولتله اه شيل ايدك من على كتفها
قالى هو فيها ايه .. قلتله لا فيها المنظر ده مينفعش لا مع اختك ولا مراتك
ولاقيته لسه هايتكلم قولتله ماهو احنا مش ***** تيت تيت فى العربيه وزعقت
طبعا لم ايده وقالى كويس كده
انا كنت والله منتظر كلمه كمان ومش بعيد اكسر له دراعه
كام واحد شاف مناظر زى دى ؟ ولما تتكلم هتلاقى اللى بيصدك فى الاساس البنت وانت مالك وده خطيبى وبتاع
ولا الناس تقولى عادى يابشمهندس .. اقوله عادى عندك انت انما انا لا
لحد امتى هنفضل سلبيين كده فى مناظر قذره زى دى

[Hossam.Hamdy]

عندك حق طبعا احنا اصبحنا عايشين فى قذاره....
بس هو مش حجاب اللى بنات اليومين دول لابسينه ده طرحه تحميها من الشمس او عشان شعرها من حديد عز مكسله تكويه...
مفسش حجاب يسمح انك تغطى راسك وتعرى الباقى...بادى وجينز ماسك على الجسم ...مش عارف بيلبسوه ازاى...
مره من حوالى 6 شهور كنت واقف مع واحد صاحبى عند بيته قريب من شارع ابو داود الظاهرى و حسن مأمون مدينة نصر...لقيت واد وبيت عمالين يبوسو بعض و احضان فى وسط الشارع مش فعربيه و صحابه الرجاله بيصوروهم بالموبيلات....بصراحه مقدرتش اقف ساكت سخنت جدا وروحت اتكلم كعاهم بس البنت كانت مشيت قولته ده مش منظر فى الشارع انت ممكن تموت و انت بتعمل كده وتحب حد يعمل كده مع اختك و الحورارت ده.. جبتهاله من ناحية انى خايف عليه انه يموت و هو بيعمل حاجه كده و يبقى سوء خاتمه...بس للاسف صحابى واحد راح قالوهم حسام بيتخانق فسخنه و الحوار قلب بخناقه بس العيال اتروقو بصراحه اتعمل معاهم الصح

[M_HaFeZ]

أعوذ بالله
بجد منظر يحرق الدم اوى ياحسام وكويس والله اللى انتوا عملتوه فيهم ده
والجميل فى الموضوع اوى انك هتتكلم
مفيش حياء ولا حد هيحس على دمه ولو اتخانقت ورحت القسم عادى والموضوع هيتطبخ
هو يتصل بمامى او بابى وخلاص ومش بعيد انت اللى ممكن تتؤذى فيها
والله واحد صاحبى بيحكيلى عن بنت عرفوا انها موجوده فى حمام الاولاد فى كليه خاصه وقعدوا يخبطوا وبعدها على مالبيه والهانم خرجوا وعادى جدا جدا
وايه اللى حصل راحوا للعميد اللى عرف هما ولاد مين او خاف من اهاليهم وكان فصل اسبوع باين حاجه تافهه كده ورجعوا تانى
صاحبى اللى حكالى مش من النوع اللى بيألف والصراحه اظن انها تحصل بسهوله اوى

[Nile_Storm]

امال بأه اللي بيحصل في الاتوبيس المكيف ييتقال فيه ايه
مره ركبت اتوبيس 357 المكيف من الهرم كان الساعه 6 و نص تقريبا و الاتوبيس فااااااضي خالص و لقيت اتنين من العينه دي و قاعدين في الاااااااااااااااااااااااااخر بصراحه مبعرفش اناقش الناس و اتخانئ و كده رحت قاعد جنبهم غلاسه :) فلمو نفسهم و سكتو

[Islam_galal]

عادي للأسف
و في بعض المواقف بيكونوا هما الأقوي سواء بالعدد أو بسلبية الناس

[أبو عبدالله]

للأسف دول اصلا بيتقال عليه ********* تيت تيت تيت تربتت تيت كمان

[Karim_Monir]

بلاشش انت يا حسام بدل مالموضوع يتفهم غلط
الا صحيح خلصت امبارح ولا لاء
--------
محدش يفكرني بالاتوبيس المكيف واللي بيحصل فيه وده من ايام ما انا كنت في جامعة يعني حوالي 10 سنين كدة
وكان لسه بدعة جديدة والضغط علية قليل
ومرة قاعد في نص الاتوبي بتاع الهرم ده والاقي السواق ركن على جنب وجاي جري على الكنبة
طبعا انا فضولي جدا وقمت اشوف فيه ايه خاصة ان نص الاتوبيس الخلفي فاضي
لقيتة شد ولد وبنت من قفاهم والبنت نص زراير قميصها مفكوكة وهو هاتك يا تلطيش وشتيمة فيهم ومصمم انه يوديهم شرطة هيئة النقل العام وطبعا هما ما شافوهش لما وقف ولغاية ما رحلوهم من الاندماج اللي كانو فيه
بس واحدة ست كبيرة استسمحت السواق انه ينزلهم عايز اقولكم انه ما رضيش يهدي ونزلهم وهو ماشي الولد نط والبنت اتكفت على وشها
ايه اللي يخلي واحدة تعمل كدة في الشارع وتبهدل نفسها بالمنظر ده

[CryptonX]

بلاشش انت يا حسام بدل مالموضوع يتفهم غلط
الا صحيح خلصت امبارح ولا لاء
--------
محدش يفكرني بالاتوبيس المكيف واللي بيحصل فيه وده من ايام ما انا كنت في جامعة يعني حوالي 10 سنين كدة
وكان لسه بدعة جديدة والضغط علية قليل
ومرة قاعد في نص الاتوبي بتاع الهرم ده والاقي السواق ركن على جنب وجاي جري على الكنبة
طبعا انا فضولي جدا وقمت اشوف فيه ايه خاصة ان نص الاتوبيس الخلفي فاضي
لقيتة شد ولد وبنت من قفاهم والبنت نص زراير قميصها مفكوكة وهو هاتك يا تلطيش وشتيمة فيهم ومصمم انه يوديهم شرطة هيئة النقل العام وطبعا هما ما شافوهش لما وقف ولغاية ما رحلوهم من الاندماج اللي كانو فيه
بس واحدة ست كبيرة استسمحت السواق انه ينزلهم عايز اقولكم انه ما رضيش يهدي ونزلهم وهو ماشي الولد نط والبنت اتكفت على وشها
ايه اللي يخلي واحدة تعمل كدة في الشارع وتبهدل نفسها بالمنظر ده

اولا :
اسباب رئيسية :
- انعدام ديني ( في اي دين مسلم - مسيحي - يهودي حتى )
- انعدام تربية
- انعدام تعليم
- كبت
-حرمان

كباقي حال مصر .

[Islam_galal]

بس تصدق سواق راجل بجد

[mohamed_rhem]

يا جماعه الموضوع ده بقاله اكتر من 10 سنين بشوفه عادي
في مكيف اكتوبر القديم 990 و995 والميكروباص العادي بتاع اكتوبر وكمان المكروباص بتاع الجامعات طنطا الزقازيق العمليه والله بقت اكتر من انه يحط ايده علي كتفها
العمليه وسعت عالاخر والله العظيم في ناس في الشتا تحط جاكت بينهم وانتم عارفين الباقي
شفت بعيني في ميكروباص اكتوبر واحد رايح في النوم علي حجر زميلته
الغريب واللي محدش متوقعه
ان في بنات واولاد بتركب الحجات ده مخصوص علشان كده ويدورله علي فريسه سهله
والله العظيم بقت حاجه عاديه انك تشوف واحده لسه راكبه وواحد ميعرفهاش وبيتدوا يلموا الاجره او افتح الشباك او ممكن بعد اذنك وحوار لطيف يبدأ بتعارف وتبادل مبايلات وخلافه والحياه حلوه يا معلم
في في ناس بتجيب من الاخر لا بتتعرف ولا حاجه بتدوس وخلاص
انا مره شفت في ميكروباص واحد راكب في الكرسي الاخير وبنت علي القلاب اللي قدامه استلمها طول السكه البنت مقدرتش تقوم وشبه مغم عليها
انا شخصيا مبقتش عارف هما بيعملوا كده ليه
ده احباط ولا يأس انهم يتجوزا
بجد في حجات كتير السبب في اللي هما فيه
انا اشجب الرزيله سواء في مكان عام او خاص
ونفسي الكل يرجع الي تعاليم دينه مفيش ديانه سماويه اباحت الرزيله
وياريت الكل يعرف ان ده ملوش علاقه بفئه معينه لحجاب ولا حتي نقاب
ربنا يهدي الناي كلها

[Nile_Storm]

بلاشش انت يا حسام بدل مالموضوع يتفهم غلط
الا صحيح خلصت امبارح ولا لاء
--------
محدش يفكرني بالاتوبيس المكيف واللي بيحصل فيه وده من ايام ما انا كنت في جامعة يعني حوالي 10 سنين كدة
وكان لسه بدعة جديدة والضغط علية قليل
ومرة قاعد في نص الاتوبي بتاع الهرم ده والاقي السواق ركن على جنب وجاي جري على الكنبة
طبعا انا فضولي جدا وقمت اشوف فيه ايه خاصة ان نص الاتوبيس الخلفي فاضي
لقيتة شد ولد وبنت من قفاهم والبنت نص زراير قميصها مفكوكة وهو هاتك يا تلطيش وشتيمة فيهم ومصمم انه يوديهم شرطة هيئة النقل العام وطبعا هما ما شافوهش لما وقف ولغاية ما رحلوهم من الاندماج اللي كانو فيه
بس واحدة ست كبيرة استسمحت السواق انه ينزلهم عايز اقولكم انه ما رضيش يهدي ونزلهم وهو ماشي الولد نط والبنت اتكفت على وشها
ايه اللي يخلي واحدة تعمل كدة في الشارع وتبهدل نفسها بالمنظر ده

هوا اتوبيس الهرم المكيف مشهوووووووووووووور اوي كده
دا انا كنت فاكر اني الوحيد اللي شفت فيه حاجات من دي مع انها بتحصل يوميا فيه :(

[M_HaFeZ]

ربنا يرحمنا برحمته ويرحمنا من شرور انفسنا

[Goodle]

وحياتكم الموضوع تخطى الأتوبيسات وبقى بيحصل في الكافيهات

البنت قاعدة بين رجلين صاحبها وبيتفرجوا على التلفزيون.. والشيش للإتنين.

وييجي صاحب الكافيه يسلم على الباشا ويديله البرستيج التمام.. دي حاجة بقت تييت وبنت تيت تيت

[M_HaFeZ]

قال رسول الله صلى الله عليه وسلم
"لا يدخل الجنة ديوس, قيل وما الديوس يارسول الله قال - من لا يغار علي عرضه"
وطبعا ليها اسامى تانيه زى قواد و **** تيت
اللى قلتها للعيال اللى اتخانقت معاهم

[OlaOsman]

اللي بيحصل ده بيحصل من زمان.. بس اللي يفرق هو رد فعل الناس.. ساكتة يعني موافقة؟ و لا بيتكلموا يعني رافضين؟.. الله يبارك لكل اللي ماهموش و قام عشان يغير المنكر بلسانه و ما فكرش ممكن يجرى له ايه او يتعرض لإيذاء شكله ايه.