منظر يحرق الدم .. للأسف بقى عادى عند ناس كتير .

[meza]

بص يا أستاذ محمد سلوم
إحنا مش بنحاول هنا نثبت إن الغرب زى الفل و يعديه العيب

كلنا عارفين البلاوى اللى بتحصل بره

لكن الفرق هو النظام
بره لو عاوز تبقى كويس و تتجنب الحاجات دى .... هتقدر لأنك عارف هى فين و إمتى ....... و فى نفس الوقت لو عاوز تبقى وحش برضه مفيش أسهل من كده
الموضوع كله راجع ليك.

هنا ممكن تتعرض لأى حاجة بدون تحذير حتى ..... أغنية , مقطع من فيلم و كده..... ده حتى معندناش ratings للأفلام .....

[Chicco]

ده بالظبط قصدي يا Meza باشا يعني بره برغم إباحيتهم انما عندهم خشا و دم و بيحطوا rating نقوم احنا نبقى سداح مداح كده و كله سبهللة

[OlaOsman]

الأخ احمد عطية.. دي وجهة نظرك.. ان لما حد يشوف منظر زي كده في أتوبيس او كافيه يخليه في حاله و ما يبلطجش على الناس.. رأيك و له مننا الاحترام :)

انا بس عايزة الف نظر حضرتك لحاجة و هي ان اعتراضنا على ان ده بيحصل في مكان عام.. و زي ما انت عارف طول ما الواحد في مكان عام فالمكان ده مش ملكه هو بس.. و لما يعمل حاجة بتأذي غيره يبقى هنا نقول له لأ اقف عند حدك عشان منظر زي كده بيأذيني و اكيد كمان بيأذيك انت كمان.. و لا ايه؟

و بعدين ما تقولليش يعني ان اي حد مهما كان مش قادر يتجوز كمان مش قادر يلاقيله مكان مؤقت يتدارى فيه هو و اللي معاه.. متهيألي الشباب بيعرف يتصرف في الموضوع ده كويس اوي و مش بيغلب.. طيب ليه بأه يعرضنا احنا للأذى؟ لو عليه هو و اللي معاه ربنا اللي يحاسبهم مش احنا.. بس ما يبقاش الموضوع عيني عينك كده.. بجاحة و قلة أدب و أذى لكل اللي بيشوف المناظر دي.

و تذكر كمان يا احمد ان رسول الله صلى الله عليه و سلم قال في حديثه من "رأي" منكم منكرا فليغيره.. و خد بالك من كلمة "رأي".. يعني اللي نشوفه هو ده اللي احنا مسؤولين عن تغييره.. اما ما وراء الجدران فماحدش فينا مسئول عنه.. انما ما تقولليش ان حد واخد البت بتاعته في آخر أتوبيس "عـــــــام" و تقول لي نفضحه.. هو أصلا ما استترش هو و اللي معاه عشان نفضحهم.

[tutankhamoun]

يا جماعة سبب هذا الإنحلال الأخلاقي التالي
- الحالة الإقتصادية السيئة للبلد بسبب سوء الإدارة الحكومية و الزيادة السكانية و بالتالي البطالة و الفراغ الفكري و الوقتي
- و طبعا غياب الوعظ الديني الصحيح و هذا تأثر بالحالة الإقتصادية للبلد
- عدم وجود خطة قومية

و الناس اللي بتقول نقلل سن الزواج
الزواج في مراحل سنية صغيرة في هذا الزمان أغلبه بيكون فاشل و متعثر و الأفضل الزواج في منتصف العشرينيات إلى أخر العشرينيات
لأنه و كما نعلم الحياة المادية طغت على حياة معظم الناس و الغالب أن الجميع ينتظر حياة رغدة و هذا من حق كل واحد
و أيضا غياب المسئولية داخل نفس الشباب الصغير
حيث أن العصور الماضية كان الشباب الصغير يتحمل مسئولية بدري و يصبح رجلا ناضجا و هو عنده 18 سنة
أما اﻵن .......... نرى بأعيننا شباب في العشرينيات و مازال أبواه يتكفلان به نظرا لضيق الحالة الإقتصادية و أنتشار البطالة الناتج عن سوء الإدارة الحكومية و الزيادة السكانية

و صدقوني
إذا أوجدنا نظام حكومي سليم .......... و تم ظبط معدل النمو السكاني
كل شئ سينعدل معه و كله هايبقى في التمام

بالنسبة للأخ أحمد عطية

يا أخي
يعني أيه كل واحد في حاله ؟؟؟؟؟؟؟؟؟؟؟؟؟؟
إزاي يعني ؟؟؟؟؟؟؟؟؟؟؟؟
الناس تشوف القباحة و الرزيلة بعينهم و يقعدوا يتفرجوا !!!!!!!!!
و هذا هو ما يشجع إنتشارها ........... صح و لا أحنا غلطانين

إنما إتباع تغيير المنكر باللسان و اليد ( و أقصد منكر مثل ذلك ) هو من أوامر رسولنا و على فكرة لو الناس أتبعت نفس موقفك يبقى أنسى .............
و على فكرة أنا عايز أعلق على شئ مهم
موضوع التليفزيون و الأفلام و الأغاني
الأغاني و الأفلام في مصر يتم استخدام الجنس و الإباحية فيها أكثر من أفلام الغرب
حيث أن افلام الغرب تنقسم للتالي
فيلم عادي ......... و ده متلقيش فيه مناظر
و فيلم منيل بنيلة سودة ......... و ده بيتعرض بالليل و على القنوات الفضائية أو الكابل فقط و لا يتم عرضه على تليفزيون الحكومة
يعني الأفلام العربي لازم تلاقي فيها منظر مقزز
و ده بيشجع الشباب على التقليد
و على فكرة أحنا بنقلد الغرب في المصايب بس
و لكن النظام و الضمير و حب العمل ........... فأنسى يا عمرو

[Islam_galal]

قال صلى الله عليه وسلم: (مَا ظَهَرَ فِي قَوْمٍ الرِّبَا وَالزِّنَا إِلَّا أَحَلُّوا بِأَنْفُسِهِمْ عذَابَ اللَّهِ ) أخرجه الحاكم وحسنه الألباني

و قال صلى الله عليه وسلم: ( كل أمتي معافى إلا المجاهرين، )

[Karim_Monir]

انا على العكس شايف ان اللي انتوا و الناس بيعملوه ده بلطجة على الخلق...
ايه اللي هتستفيده لما تفضح او تؤذي واحد بيعمل حاجة زي دي؟
انتوا عارفين الحياه بقت عاملة ازاي؟
انتوا عارفين الكبت وصل لفين؟
الناس دي لو كانت لاقية مكان تاخد فيه حريتها ولا لاقين يتجوزوا كانوا عملوا كده من الاول؟
هل همة مثلا عندهم حلول تانية و بيعملوا الموضوع ده روشنة؟
ده في حديث ما معناه انك متفضحش اخوك المؤمن ليبعتلك الي يفضحك!
و بعدين هما حرين حتى لو فاضحين نفسهم...

معلش يا جماعة تعالوا نتكلم بصراحة....

اغلب الناس هنا ميسورين ماديا...يعني كونك عندك عربية ايا كان نوعها فده بيصنفك من علية القوم في مصر و ارجوا ان محدش يضحك لأن دي حقيقة لو قارنا عدد السكان بمجموع العربيات

يعني فينا اللي متجوز و اللي خاطب و اللي بيدور على ابن او بنت الحلال...بالعربي كده فيه امل

طب و الناس اللي مشلاقية دول يعملوا ايه؟ نعدمهم في ميدان عام؟
و ممكن كمان يكونوا ولاد ناس بس الظروف مش مساعداهم برضه..

اه الانحلال موجود و بكثرة نتيجة لسيادة مفاهيم خاطئة كثيرة و ده في العالم كله و مالوش دعوة ببلد الازهر ولا بلد لاس فيجاس

لو دققت في الافلام على الhot baird هتلاقي ان المصنف 12+ ده هتلاقي فيه مناظر لا تناسب السن ده مطلقا (و اسف في التعبير) SOFT-CORE و السبب ن معاير ما يمكن مشاهدته اتغيرت عالميا و المقصود ال RATE +16..+18 كده

و معلش قول للمعرفة الكندية تستحمل شوية لغاية لما ترجع كندا بلد العفة و الطهارة

و من الافضل ان كل واحد يهتم ببيته و اسرته و يحاول يحميهم من و يعلمهم الصح من الغلط بدل ما يمشي يلطش في الخلق و يعمل نفسه عنتر جبنة ؟ :)

أفضح مين اذا كان هو فاضح نفسه وفضح اللي معاه
يعني هو اللي بيعمل حاجة زي كدة مش عارف ان الناس كلها شايفاه
عارف انا لو شفت منظر زي ده وسكت ابقي اسمي ايه
ديووووووووووووووووووث
عارف معنى الكلمة دي ولا لاء
وعارف ان رسولنا الكريم علية افضل الصلاة والسلام قال لن يدخل الجنة ديوث
وعارف كمان اني ببقي بشجعة على اللي بيعملة ده
ووقتها ينطبقع عليا قول الله عز وجل
{ إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة } [النور:19]

يا ريت تراجع كل اللي بتكتبه قبل ما تبعتة

[Islam_galal]

رايحة علـى فيـن يـا بلــد

[M_HaFeZ]

الحمد لله انى شفت اراء الناس اللى ردت على الاستاذ احمد عطيه
بلطجه انى لما اشوف اتنين بيستهبلوا وينتهكوا الاعراف الدينيه والمحرمات والاخلاق يبقى بلطجه
ياريت حضرتك تراجع تعريف كلمه بلطجى
"من رأى منكم منكراً فليغيره بيده فان لم يستطع فبلسانه فإن لم يستطع فبقلبه وهذا اضعف الايمان"
واللى حضرتك بتنادى به هو حتى انى اشوف من غير مابقى حتى متضايق اللى هى اضعف الايمان

صحيح انا عرفت ليه دلوقتى الناس اللى بتتفرج تسكت ومتتكلمش وازاى الناس اساسا بتعمل كده وازاى بيسرقوا او يشربوا الخمر طالما عادى وكل حاجه لها مبرر
اللى بيسرق علشان الحاجه
واللى بيزنى علشان الكبت
والرشوه علشان يعيش ولاده او يعيشهم احسن وطبعا الحرام زى الشرب من الماء المالح هتشرب ومش هتتروى

ياريت الناس اللى بتعمل كده او بتسكت لما تعمل كده وهما مش عارفين ايه حكم الدين فى انه يتفرج على كده او يعمله عادى
ياريت الناس تفكر فى الآيه دى
قال الله تعالى
(أفحسب الذين كفروا أن يتخذوا عبادي من دوني أولياء إناّ اعتدنا جهنم للكافرين نزلاً، قل هل ننبئكم بالأخسرين أعمالاً ، الذين ضلّ سعيهم في الحياة الدنيا وهم يحسبون انهم يحسنون صنعاً أولئك الذين كفروا بآيات ربهم ولقائه فحبطت أعمالهم فلا نقيم لهم يوم القيامة وزنا ذلك جزاؤهم جهنم بما كفروا واتخذوا آياتي ورسلي هزوا ) الكهف (103 ـ 106 )

يعنى واحد بيعمل الغلط والحرام وهو مش عارف وبيتمادى
وهما دول الاخسرين اعمالا , والحكم صريح فى الآيه "كفروا بآيات ربهم ولقائه" وشوف الجزاء "فلا نقيم لهم يوم القيامه وزنا" ... وطبعا الحرام درجات وطالما محدش عارف ايه هو الحرام هيتمادى الان الحرام زى ماقلت بيغرى ومبيرويش بالاضافه للمبرارت الجاهزه . انا مش لوحدى اللى باعمل كده , انا محروم انا مكبوت انا فقير اشمعنى هما وبيدأ يعترض على قضاء الله
مين فينا مبيعملش غلط بس نحمد الله اننا عارفين الغلط ونجتهد للقضاء عليه بدل التمادى والله الواحد بيشوف ناس تحس انها لاتعرف يعنى ايه دين ولا يعنى ايه ربنا
عادى الزنا وعادى السرقه وعادى الخمور
لا والالعن اللى شفتها بعينى والله حصلت كتير
اللى بيصلى الفرض فى وقته ويحرص على صلاة الجماعه ودايما يتكلم عن مغامراته النسائيه وارتكابه للزنى بكل تفاخر ونشوف اللى يأكد الكلام ده وهو مش مجرد بس كلام او تفاخر
تخيلوا الاتنين الصلاه فى الجماعه والحرص الشديد والكبائر !!!

[E_Farid]

أخوانا الكرام،

أعتقد أن أغلبنا متفق ان الأمر بالمعروف والنهى عن المنكر صفة أساسية للمسلم لا تتجزأ عنه..

وبخصوص مشاركة الأخ أحمد عطية،

فممكن قصده ان النصح يكون بالحسنى مش بالفضيحه،

يعنى تقولهم كلمتين يوجعوا وتحسسهم بالمصيبة اللى بيعملوها، لكن فى نفس الوقت نحاول لا نفضحهم علشان الموضوع ميتقلبش معاهم بعند ولو كان فيهم خير ممكن حياتهم تتغير تماما ويكون ليك الأجر الكبير عند ربنا،

وموقف الرسول صلى الله عليه وسلم من الشاب الذى جاءه يطلب منه أن يصرح له بالزنى قدوة لينا كلنا،

فالرسول صلى الله عليه وسلم رد عليه بحكمة ولكن بدون تساهل فى الخطأ،

الحاجه المهمه برضه اللى جت فى مشاركة الأخ أحمد عطية هى ان الحل مينفعش يكون جزئى،

بمعنى انه ماينفعش أصلا نقول اللى عايز يعمل حاجه يروح يستخبى،

لأنكم لو لاحظتم مؤخرا هتلاقوا ولاد ناس ممكن يتورطوا فى حاجه زى دى، خصوصا بعد ازدياد تشجيع الإعلام على قصص الحب قبل الزواج ودى مصيبة كبيرة فى حد ذاتها لأنهم غالبا مش هيقدروا يتحكموا فى عاطفتهم وممكن يوصولوا فى الآخر للمناظر اللى احنا بنشوفها دى.

المشكلة تهم المجتمع كله ومينفعش نقول المحترم مش هيعمل كده لأن المنظر ده مؤذى للجميع، وانتشاره بيأثر على الجميع.

علشان كده لازم فعلا نمرر ثقافة التبكير بالزواج وتخفيف المتطلبات اللى مالهاش لازمة وبتعمل تكاليف زياده على الفاضى،

ماهو برضه حرام ان اللى عايز يتزوج لازم يكون معاه خمسين ألف على الأقل،

على الرغم اننا لو رجعنا 100 سنة بس كنا هنلاقى الوضع فى مصر مختلف جدا وكان الزواج سهل وميسور جدا جدا،

لكن فى المقابل لازم الشباب يبقى عنده مسؤلية، واللى عايز يتزوج بدرى لازم يكون راجل فى تصرفاته ويكون عنده شغل او مصدر دخل ولو بسيط،

وتذكروا أن أقلهن مهورا أكثرهن بركة.

[M_HaFeZ]

يأخ فريد
انت شايف السلبيه وازاى الناس بقى عادى عندها المواضيع دى
ولا كمان اللى كل يوم يطلعلنا واحد عامل نفسه داعيه ويقولك ده حلال وده حلال
من اللى بيحلل القبلات والاحضان واى حاجه غير الزنى
بالله عليك ده تقوله ايه
ماهو لو كل الناس فضلت كده مستسلمه ومبتتكلمش عادى بقى
هتلاقى الشاب يتجوز واحده بتمشى مع واحد قبل كده او حتى مش بنت

[bimmeraddict]

أخوانا الكرام،

أعتقد أن أغلبنا متفق ان الأمر بالمعروف والنهى عن المنكر صفة أساسية للمسلم لا تتجزأ عنه..

وبخصوص مشاركة الأخ أحمد عطية،

فممكن قصده ان النصح يكون بالحسنى مش بالفضيحه،

يعنى تقولهم كلمتين يوجعوا وتحسسهم بالمصيبة اللى بيعملوها، لكن فى نفس الوقت نحاول لا نفضحهم علشان الموضوع ميتقلبش معاهم بعند ولو كان فيهم خير ممكن حياتهم تتغير تماما ويكون ليك الأجر الكبير عند ربنا،

وموقف الرسول صلى الله عليه وسلم من الشاب الذى جاءه يطلب منه أن يصرح له بالزنى قدوة لينا كلنا،

فالرسول صلى الله عليه وسلم رد عليه بحكمة ولكن بدون تساهل فى الخطأ،

الحاجه المهمه برضه اللى جت فى مشاركة الأخ أحمد عطية هى ان الحل مينفعش يكون جزئى،

بمعنى انه ماينفعش أصلا نقول اللى عايز يعمل حاجه يروح يستخبى،

لأنكم لو لاحظتم مؤخرا هتلاقوا ولاد ناس ممكن يتورطوا فى حاجه زى دى، خصوصا بعد ازدياد تشجيع الإعلام على قصص الحب قبل الزواج ودى مصيبة كبيرة فى حد ذاتها لأنهم غالبا مش هيقدروا يتحكموا فى عاطفتهم وممكن يوصولوا فى الآخر للمناظر اللى احنا بنشوفها دى.

المشكلة تهم المجتمع كله ومينفعش نقول المحترم مش هيعمل كده لأن المنظر ده مؤذى للجميع، وانتشاره بيأثر على الجميع.

علشان كده لازم فعلا نمرر ثقافة التبكير بالزواج وتخفيف المتطلبات اللى مالهاش لازمة وبتعمل تكاليف زياده على الفاضى،

ماهو برضه حرام ان اللى عايز يتزوج لازم يكون معاه خمسين ألف على الأقل،

على الرغم اننا لو رجعنا 100 سنة بس كنا هنلاقى الوضع فى مصر مختلف جدا وكان الزواج سهل وميسور جدا جدا،

لكن فى المقابل لازم الشباب يبقى عنده مسؤلية، واللى عايز يتزوج بدرى لازم يكون راجل فى تصرفاته ويكون عنده شغل او مصدر دخل ولو بسيط،

وتذكروا أن أقلهن مهورا أكثرهن بركة.

+9999999999999999999999999999999999999999999999999 99999999999999999

[E_Farid]

يأخ فريد
انت شايف السلبيه وازاى الناس بقى عادى عندها المواضيع دى
ولا كمان اللى كل يوم يطلعلنا واحد عامل نفسه داعيه ويقولك ده حلال وده حلال
من اللى بيحلل القبلات والاحضان واى حاجه غير الزنى
بالله عليك ده تقوله ايه
ماهو لو كل الناس فضلت كده مستسلمه ومبتتكلمش عادى بقى
هتلاقى الشاب يتجوز واحده بتمشى مع واحد قبل كده او حتى مش بنت

الأول بس اوعى تكون قصدك عليا انى بقول حرام وحلال،

أنا ضد السلبية وضد اننا نتجاهل المناظر دى،

لكن فى نفس الوقت ليه تكسرهم وتخلى طريق ربنا صعب عليهم ؟

الرسول صلى الله عليه وسلم هو من نأخذ عنه القدوة، وقدوته فى التعامل مع أخطاء المسلمين كانت دائما العلاج بالحسنى واستخراج كل ذرات الخير فى النفس البشرية مهما كانت طبائعها،

وأظن مفيش أكتر من موقف يوم فتح مكه من الناس اللى حاربته وحاربت دين ربنا بل وكانت عايزة تقتله أكتر من مرة،
وعلى فكرة هما لم يستسلموا من البداية، وانما كانت فيه مقاومة بقيادة صفوان بن أمية وعكرمة ابن أبى جهل رضى الله عنهما ، ولم يكونا قد أسلما بعد،

ورغم كل ده عفى عنهم لأن الهدف فى النهاية هو الدعوة، والدين،

واسمحلى مالك بن دينار كان يشرب الخمر حتى أنعم الله عليه بتوبه تحول بعدها الى العابد الزاهد،

يبقى ليه ننفر الناس من أسلوب نصيحتنا، خصوصا اننا فى مجتمع القيم بتاعته اتلخبطت كلها وبقى بيبعد جدا عن الإسلام،
مش يمكن نصيحة بإسلوب حسن تغير من حياتهم تماما ؟

طبعا انا مش بألتمس لحد العذر، هما غلطانين وبيعملوا ذنب كبير جدا،

لكن فى نفس الوقت لازم تكون النية لله بس أثناء النصيحة،

لأن للأسف فيه بعض الناس ممكن تاخد الموضوع من باب الإفتخار وان هوه الإيجابى اللى دمه حامى،

ساعتها تفتكروا ده صح؟

لازم الواحد قبل ما يعمل أى حاجه يفكر هوا عايز ايه ؟

هل فعلا عايز تنصحهم لربنا لأنك غيور على دينك وحرمات ربنا ؟

يبقى تاخد الطريق اللى يوصل لكده، وهو انك تحسسهم بالمصيبة اللى بيعملوها وان مفيش فيها أى تساهل لكن بإسلوب كويس يرهبهم لكن لا يكسرهم،

والأخوة المدخنين يحاولوا يفكروا كده لو قاعد فى ميكروباص وبيدخن وحد طلب منه بإحترام انه يطفى السيجارة مش هيطفيها بسهولة ؟

ولو واحد قام داخل فيك شمال ومزعقلك وقالك ان السجائر حرام ياترى هيكون رد فعلك ايه ؟

أكيد فهمتم قصدى.

على فكرة انا اسمى اسلام فريد.

[Goodle]

و ازاي يجيلك قلب تنتهك حريتهم و تبلطج علي الشاب التعبان و المكبوت دا ؟؟
ايه اللي هتستفيده لما تفضح او تؤذي واحد بيعمل حاجة زي دي؟

انت عارف الحياه بقت عاملة ازاي؟
انت عارفين الكبت وصل لفين؟
الناس دي لو كانت لاقية مكان تاخد فيه حريتها ولا لاقين يتجوزوا كانوا عملوا كده من الاول؟

هل همة مثلا عندهم حلول تانية و بيعملوا الموضوع ده روشنة؟

ده في حديث ما معناه انك متفضحش اخوك المؤمن ليبعتلك الي يفضحك!

و بعدين هما حرين حتى لو فاضحين نفسهم...


طيب يجوزهم صغيرين تقول كلامك دا يجوزوهم كبار تقول كبت !!!

والله انت معلم يا برو.. :) :)

[M_HaFeZ]

يافريد اللى اقصده ووضحته ان اشوف المنظر ده واكون ساكت
لو فى حد عنده عادى يبقى خلاص مشكلتهم هما مش انا
الحمد لله ان الواحد عنده نخوه د
معلومه ان الغرب بره معندوش النخوه دى اكتشف العلماء ماده فى لحم الخنزير من اكلها تؤثر على نخوته
وطبعا دى اول الطريق
عادى - ميضرش مفيش مشاكل لدرجه الناس اللى توصل لل swingers وللاسف اسمع انهم موجودين فى بلادنا العربيه

توضيح اكتر لموضوع النخوه ولحم الخنزير وحرمانيه اكل لحمه

http://www.dgatglby.com/vb//showthread.php?t=7004

[M_HaFeZ]

اعذرنى يا إسلام ...
وبرضه النداء باسم الاب فيه احترام ولا ايه :)